عاجل جدا عاوز اسيب الشركة وقرفني وماضي ايصال امانة

[mohamed2002]

شغال مندوب مبيعات في شركة وربنا كرمني وجت لي فرصة افضل في شركة تانية فطلبت اني اقدم استقالتي فقعدو يماطلوني لغاية ما قدمتها و مضيت استمارة 6 بتاريخ 25/4/2012

ومن ساعتها ما استلمتش لا راتبي ولا ملفي (اصل شهادات ميلاد وتخرج وجيش)
فضلا عن ايصال امانة مكتوب باسم صاحب الشركة ب 10000
وكل يوم مماطلة طيب انزل مع المندوب الحتة الفلانية طيب تعالي الجمعة اصل فلان مش موجود
ما الحل؟؟؟

[grand hand]

طالما لم يرفضوا صراحة تسليم الايصال يبقى خليك وراهم وشوف اخرهم ايه

[mohamed2002]

زهقت اية الحل؟؟؟؟

[michohat]

اعتقد انهم بيماطلوا وبينزلوك للعملاء مع واحد تاني علي اساس انه يستلم منك الشغل وكمان يراجعوا مديونيات العملاء اللى انت ماسكهم
و حاول تروح تتكلم معاهم لانهم بالمنظر ده ممكن يكونوا عاندين معاك و يقعدوك جنبهم لحد ما الفرصه اللى جت ليك تروح

[mohamed2002]

اعتقد انهم بيماطلوا وبينزلوك للعملاء مع واحد تاني علي اساس انه يستلم منك الشغل وكمان يراجعوا مديونيات العملاء اللى انت ماسكهم
و حاول تروح تتكلم معاهم لانهم بالمنظر ده ممكن يكونوا عاندين معاك و يقعدوك جنبهم لحد ما الفرصه اللى جت ليك تروح

والله ما عارف انا زهقت

[beshomilan]

انت قلتلهم انك ماشى عشان لقيت فرصة افضل؟؟
لو قلت كمل الموضوع بشكل ودى افضلك وحاول تستغل علاقة ليك بأى مدير فى الشركة عشان يساعدك
لو مقلتش قلهم انا مسافر لحد قريبى بره مصر وبخلص ورقى فعند يوم كذا مش هكون موجود فى البلد فعايز اخلص حاجتى فنش فاضى عشان كل يوم فى كذا جهة بخلص ورق

[mohamed2002]

انت قلتلهم انك ماشى عشان لقيت فرصة افضل؟؟
لو قلت كمل الموضوع بشكل ودى افضلك وحاول تستغل علاقة ليك بأى مدير فى الشركة عشان يساعدك
لو مقلتش قلهم انا مسافر لحد قريبى بره مصر وبخلص ورقى فعند يوم كذا مش هكون موجود فى البلد فعايز اخلص حاجتى فنش فاضى عشان كل يوم فى كذا جهة بخلص ورق

انا مقلتش لهم ان جاي لي شغل بالعكس بس هما بيمطوحوني لبعض

[beshomilan]

اعمل زى ماقلتلك

[AHMED1718]

Hr mgr فين ؟
متروحله تشتكيله

واسأل ف مكتب العمل بردو هما ممكن يفيدوك

[Inteltech]

بص من الاخر شكوى لمكتب العمل وتخلص منهم نهائي

[Dr_Mido]

لو على ايصال الامانه و عاوز تنجز جبت اخرك فى كل الحلول الوديه تروح القسم تعمل محضر انهم اجبروك على انك تمضى ايصال امانه و استمارة 6 والتنازل عن مستحقاتك ومنعك من ددخول مقر الشركه وتاخد المحضر دة توديه مكتب العمل تعمل شكوى

[alex_life1989]

بلاش موضوع القسم ده خالص ... لان تقريبا مش حيعرفوا يعملولوا حاجة ... بينى و بينك مفيش غير الطرق الودية باى طريقة بالمحايلة او تشوف واسطة لكن اقسام و الكلام ده هو معاه وصل امانة ممكن ساعتها يقول انك اختلست بضاعة ... لكن لو شكوة جماعية ممكن يكون فى كلام تانى

[mohamed2002]

hr mgr فين ؟
متروحله تشتكيله

واسأل ف مكتب العمل بردو هما ممكن يفيدوك

والله الموارد البشرية بيقولو الموضوع واقف عند قسم المبيعات وبتوع المبيعات بيماطلو معايا

[mohamed2002]

بص من الاخر شكوى لمكتب العمل وتخلص منهم نهائي

تفتكر الشكوي تعمل حاجة ؟ واعملها في المكتب اللي انا تابع ليه ولا المكتب اللي تابعه لية الشركة

[mohamed2002]

لو على ايصال الامانه و عاوز تنجز جبت اخرك فى كل الحلول الوديه تروح القسم تعمل محضر انهم اجبروك على انك تمضى ايصال امانه و استمارة 6 والتنازل عن مستحقاتك ومنعك من ددخول مقر الشركه وتاخد المحضر دة توديه مكتب العمل تعمل شكوى

تفتكر الكلام دة ياباشا يلغي وصل الامانة؟؟؟ ارجو الرد