أكل العزاب .. والاكل في الشغل

[A7MED_PHARMA]

السلام عليكم


.
من كام يوم حبيت أفتكس في نوع الأكل إلي بعمله وانا في الشغل
أعمل إيه

.
إفتكست أكلة مش عارف إسمها إيه
بس جامدة تنين


معلقة سمنة في الطاسة التيفال أم 35 ج
ولما تقدح السمنة .. أحط فيها شرايح فلفل وطماطم وشريح بصل قليلة أوي
ولما يتظبطو
أحط عليهم 5 بيضات
ولما البيض يقرب يستوي
أحط عليه كمية جبنة رومي .. تمن كيلو
طبعا البهارات بتتحط قبل البيض

.
وعندي عيش أبيض في التلاجة
رغيفين يتسخنو .. ويتقطعو نصين .. وأعمل 4 سندوتشات

الأكلة دي مخمخة
ومابتاخدش 5 دقايق على بعض


=====
الأكلة المفضلة ليا وأنا عايش لوحدي
كانت البيض والبطاطس
كنت أرجع من الجامعة .. أسلق بطاطس ومعاها بيض
واخد دش لحد مايستوو
وأطلع أقشر البيض على البطاطس وأهرسهم . وأحط عليهم فلفل أخضر وتوابل
وأعملهم سندوتشات
تقريبا فضلت اكل نفس الاكلة دي كام سنة ورا بعض .. من غير زهق
وأحيانا لما كنت أحب أجدد فيها
كنت أهرس البطاطس .. وأحشيها جبنة رومي على لحمة مفرومة أكون عاملها قبل كده
وأحمرها في الزيت

.

الواحد ياما عك في الأكل
هههههههههههه


ساعات بقا بتطلب معايا تبزير
وأجيب لحمة .. وأقطعها شراايح رقيقة اوي اوي
وأشوحها في سمنة وبصل وتوابل
واعمل معاها رز .. او أحطها في سندوتشات

وطبعا الاكلة الشهيرة .. مكرونة وبيض مسلوق ههههههههه

واخدين بالكم إن البيض عامل اساسي
هههههههههههههههه
ياه على الــ

ولما أحب أحلي بقا .. كنت بعمل جيلي
وأحط فيه حتت فاكهة .. موز او تفاح

.
وكنت بعمل مشروب طاقة لما أكون مكسل أكل أو مكسل اعمل أكل


في الخلاط .. أضرب لبن وفاكهة وعسل أبيض
نننننننننننننننننننننننننننننننننننننننننننننن ( صوت الخلاط)
وأدلق يامعلم

لو مفيش فاكهة .. ممكن زبادي فواكه

[أشرف فتحى]

الله عليك يا دكتره..ادينى كمان فى اكل العزاب ده......افكار سهله وممكن الواحد يعملها بسهوله..بس تأثيرها ايه على القولون والمعده يا ابو حميد؟

[shaddadfalcon1]

ده انت مقضيها سكلنس

انا كنت مقضيها فول وطعميه واخر النهار كشري :))) ولما اتمندت شويه بقي رز مسلوق وشربة لسان العصفور وزميلي في الشقه اللي كان بيعمل
انا كنت الشغاله وهو الطباخه كنت اجيب الطلبات وهو يطبخ بس بصراحه اكله كان حلو

[mohammedabdallh]

يابنى ده اساسى حتى وانا متجوز
اضرب كله فى بعضه وعيششششششششششششش
احنا فاضيين

[SYD]

انت جوعتني ليه بس وانا في الشغل

تسلم ايدك يا ابو حميد

ها
جاي بكرة ان شاء الله
عشان نرمرم

ههههههههههههه

[A7MED_PHARMA]

بإذن الله جاي

.
بس أنا بحب فعلا أعمل الاكل بإيدي ..
وتأثير القولون
أي حاجات تقيلة هتأثر
مش مهم يامعلمي .. إحنا بنضرب أي حاجة
وكيس فوار راني .. أو أكيف نفسي ونضرب فيروز أو أسترجل وأشرب بيريل
كله بيتظبط


مفيش أفكار بقا علشان ننوع
ومفيش أفكار من النصف النسائي للمنتدى

[saadelden]

اما تعيش لواحدك فتره بتبدع !
انا قعدت فتره اخترع ف الفول بس :d

اما سافرت السعوديه الصيف الي فات و كنت قاعد مع والدي بس كنت كل يوم بعمل اكله شكل
اهو كله عك و ف الاخر بيطلع حلو :)

بس اكيد انت عملت اكلات اغرب من كدا بكتير
مستنيين باقي الابداعات

[shaddadfalcon1]

احلي فول تاكله بقي

معلقة سمنه بلدي في الطبق او الطاسه اللي هتقلي فيها

سيح السمنه وحط الفول ولما يبتدي يسخن اكسر عليه بيضه

قلب البيض علي الفول وقطع عليه طماطميه قطع صغيره

قلب كله علي بعضه لجد ماالبيض يستوي

كل احلي فول بالبيض يامعلم

[mr_vampire]

...............
....................
........................
واخدين بالكم إن البيض عامل اساسي
هههههههههههههههه
ياه على الــ

ولما أحب أحلي بقا .. كنت بعمل جيل بالبيض
وأحط فيه حتت فاكهة واقطع عليهم بيض مسلوق.. موز او تفاح

.
وكنت بعمل مشروب طاقة بالبيض لما أكون مكسل أكل أو مكسل اعمل أكل


في الخلاط .. أضرب لبن وبيض وفاكهة وعسل أبيض بالبيض
نننننننننننننننننننننننننننننننننننننننننننننن ( صوت الخلاط)
وأدلق يامعلم

لو مفيش فاكهة .. ممكن زبادي فواكه بالبيض

[Ghosts]

أكل العزاب أو الأكل فى الشغل هيبقى أرحم من أكل المتجوزين ....
بعيد عنك المتجوز من دول بيغمز أكلة بنكد ....
دة أحنا فى نعمة ....

بس أنت أزاى بتاكل أكلات دسمة كدة؟؟!!
أنا اللى أعرفة أن اللى بيلعب حديد بيبقى عامل ريجيم عشان ما يبقاش فى دهون تتكون على العضلات ....

[Screenplays]

بعيد عنك المتجوز من دول بيغمز أكلة بنكد ....

قصدك بياكله بالسم الهاري

[mazagngi2010]

متنساش التونه الوجبه الرئيسيه للعزاب

[koshary]

انت جوعتنى يافارما انا بقا لما ببقا قاعد لوحدى احب اعمل الاكل بأيدى مبحبش اشترى من برة الا مع الصحاب بقا بحب انا الرجالة اللى تعرف تصرف نفسها والله عندى ابن خالى مبيعرفش يعمل كباية شاى حياتو كلها الجامعه والماجستير والدكتوراة ولا فاهم اى حاجه فى الحياة