كيف استمتع بالحياة؟

[tkamal]

الحمد الله 35 سنه عايش وبقوم بكل الوظائف البشريه من اكل وشرب

لكن اعلن بصراحة انى غير مستمتع بالحياة ولا احس لها بلذة


اصلى واصوم واقراء القران مثل كل مواطن مسلم مصرى واحمد الله فى السراء والضراء ولكنى غير مستمتع بالحياة
هل من مساعد او ناصح كى استمتع بالحياة

[nimaster]

السؤال التقليدى..حضرتك متجوز ولا لا؟

[Ghosts]

الحمد الله 35 سنه عايش وبقوم بكل الوظائف البشريه من اكل وشرب

لكن اعلن بصراحة انى غير مستمتع بالحياة ولا احس لها بلذة

أنا زيك بالظبط ....

السؤال التقليدى..حضرتك متجوز ولا لا؟

الأجابة التقليدية فى صورة سؤال بردوة ..
وهو كل المتجوزين مستمتعين بالحياة وحاسين بلذتها؟؟!!
لو كان الجواز مصدر للسعادة مكانش يبقى فى فمصر بس 100000 حالة طلاق سنويآ ....

[Screenplays]

هاااااااااااااجر

[Ghosts]

هاااااااااااااجر

الهجرة شىء صعب يا Screen ....
الواحد بيحس بالغربة سواء كان عايش فى بلد عربى أو أوروبى ....

يعنى أنت مثلآ وأنت بتقلب فى قنوات الدش ....
بتحس بأية لما تتفرج على مسلسل خليجى مثلآ؟؟!!

مع كامل أحترامى للأخوة العرب بس هما مختلفين عن المصريين تمااااااااااامآ ....
نفس الشىء لما تتفرج على القنوات الأوروبية ....

بالرغم من أنى شايف ناس شكلها حلو و مزز لكن بردوة دول ناس مختلفين عننا خااااااااااالص ....
يعنى ثقافتهم غير ثقافتنا هزارهم غير هزارنا اللى بيضحكهم مش ممكن يضحكنا ....
من الأخر الأنسجام مع الناس الأوروبيين أو العرب صعب جدآ ....

[minicooper20]

يا عم اسكرين يا عم جوست
الراجل اصلن محبط
روحتو محبطينو زياده
حولو تسعدو يا جدعان
بدل متقولو هاجر و الجواز وحش

[A7MED_PHARMA]

يااااه
هو أنا بقيت معدي كده ؟

بص ياسيدي
هو الحل المؤقت .. إنك تغير
غير كل حاجة حواليك تقدر تغيرها
غير شكلك..روح جيم إنفخ عضلاتك
غير عربيتك لو تقدر
جدد في أي حاجة .....

شوف حاجة كان نفسك تعملها .. وحاول تعملها

أنا كل مابزهق من كل حاجة .. بنزل بوهية العربية وأديها لون جديد
ههههههههه
بركب العربية وأخرج ألف في أي حتة ....
بروح الجيم تاني
بحلق شعري زيروو .. أو بحدد دقني .. أو أعمل سكسوكة
بغير في لبسي



الحل
في
التغيير

[Ghosts]

يااااه
هو أنا بقيت معدي كده ؟

بص ياسيدي
هو الحل المؤقت .. إنك تغير
غير كل حاجة حواليك تقدر تغيرها
غير شكلك..روح جيم إنفخ عضلاتك
غير عربيتك لو تقدر
جدد في أي حاجة .....

شوف حاجة كان نفسك تعملها .. وحاول تعملها

أنا كل مابزهق من كل حاجة .. بنزل بوهية العربية وأديها لون جديد
ههههههههه
بركب العربية وأخرج ألف في أي حتة ....
بروح الجيم تاني
بحلق شعري زيروو .. أو بحدد دقني .. أو أعمل سكسوكة
بغير في لبسي



الحل
في
التغيير

حل لطيف ....
بس أوعى تقول لخطيبتك (دة لما تخطب يعنى) أنك غاوى تغيير ....

[Land_Cruiser]

الانسان بيحب التغيير بالفطرة و علشان كده ربنا خلق لنا فى الدنيا بدائل و اختيارات كتيره زى الليل و النهار ، فصول السنه الاربعه ، اصناف و اشكال من الخضر و الفاكهه و اللحوم و الخبز و المشروبات رغم ان كان ممكن نوع واحد يكفى لكن ربنا عارف طبيعه النفس البشريه و لذلك عمل لنا التنوع ده . اللى فات ده مقدمه بسيطه الغرض منها انى اقولك انك محتاج لبعض التغيير فى حياتك و لو بصوره مؤقته. يعنى انت حياتك ممكن تبقى مثاليه و كل حاجه لكنها اصبحت روتينيه تشعرك بالملل و ان كل الايام شبه بعضها ده طبعا بالاضافه للأحداث السياسيه اللى تتعب الاعصاب و الحل انك تغير الحياه و تكسر الملل و ده ببساطه انك ممكن تاخد اجازه و لو حتى يومين و تسافر فى اى مكان هادى تغير جو و تنسى وجع دماغ الشغل و اللى حواليك و ما تكلمش اى حد من اللى بتتكلم معاه كل يوم و تحاول تتمشى فى الجو الهادى ده و لو نصف ساعه مع نفسك و ممكن تشترك فى جيم مثلا ده برضه هيخللى عندك اهتمامات جديده و اصدقاء غير الناس اللى بتشوفهم كل يوم و ده هيخللى عندك حياه اجتماعيه تانيه و فى نفس الوقت هيفيد صحتك برضه او تدور على اصدقاء الطفوله مثلا او حتى اقاربك ممكن تزورهم برضه (صله الرحم يعنى) و ممكن تمارس اى هوايه بعيده عن مجال عملك كنت بتحبها زمان مثلا بس ما بقالهاش وقت فى جدولك اليومى على فكره الكلام ده ما يفرقش قوى سواء كنت عازب او متزوج و التغيير ده هيكسر حاله الملل باذن الله و هتحس ان الحياه بقت احسن و رجعت ملونه تانى. حاجه اخيره عايز اقولها لابد ان تبتعد تماماً عن اى حد عنده اكتئاب لان ده معدى بطريقه مرعبه على فكره

[A7MED_PHARMA]

حل لطيف ....
بس أوعى تقول لخطيبتك (دة لما تخطب يعنى) أنك غاوى تغيير ....

ماهو ده ياصديقي
السبب رقم 2 في إمتناعي عن الزواج .. وبشكل نهائي بعد قعدة مع النفس فترة
وأخدت القرار ده من فترة قصيرة بشكل نهائي

إني بزهق بسرعة
ومش بستحمل حد يخنقني
يعني أتجوز .. وألاقيها بعد الجواز تزهقني .. هطلقها
وإني أستحمل علشان خاطر أعيش ..او علشان العيال.أو علشان ماهدش الأسرة والهررري الفاضي ده
مايكلش معايا
طزز في أي حاجة طالما إني زهقان...هطلقها

والستات لازم هتزهقك في يوم ... فليه بقا من الأول أخش حياة وأنا عارف انها مش هتدوم لأسابيع على الاكتر


.
ورجعت تاني
سلطان زماني


على رأي رجال التوكوك المصري

[shaddadfalcon1]

اقرا كتاب كيف تستمتع بحياتك للشيخ محمد العريفي وان شاء الله ربنا يكرمك وتعرف تستمتع بحياتك

[tkamal]

يااااه
هو أنا بقيت معدي كده ؟

بص ياسيدي
هو الحل المؤقت .. إنك تغير
غير كل حاجة حواليك تقدر تغيرها
غير شكلك..روح جيم إنفخ عضلاتك
غير عربيتك لو تقدر
جدد في أي حاجة .....

شوف حاجة كان نفسك تعملها .. وحاول تعملها

أنا كل مابزهق من كل حاجة .. بنزل بوهية العربية وأديها لون جديد
ههههههههه
بركب العربية وأخرج ألف في أي حتة ....
بروح الجيم تاني
بحلق شعري زيروو .. أو بحدد دقني .. أو أعمل سكسوكة
بغير في لبسي



الحل
في
التغيير

الانسان بيحب التغيير بالفطرة و علشان كده ربنا خلق لنا فى الدنيا بدائل و اختيارات كتيره زى الليل و النهار ، فصول السنه الاربعه ، اصناف و اشكال من الخضر و الفاكهه و اللحوم و الخبز و المشروبات رغم ان كان ممكن نوع واحد يكفى لكن ربنا عارف طبيعه النفس البشريه و لذلك عمل لنا التنوع ده . اللى فات ده مقدمه بسيطه الغرض منها انى اقولك انك محتاج لبعض التغيير فى حياتك و لو بصوره مؤقته. يعنى انت حياتك ممكن تبقى مثاليه و كل حاجه لكنها اصبحت روتينيه تشعرك بالملل و ان كل الايام شبه بعضها ده طبعا بالاضافه للأحداث السياسيه اللى تتعب الاعصاب و الحل انك تغير الحياه و تكسر الملل و ده ببساطه انك ممكن تاخد اجازه و لو حتى يومين و تسافر فى اى مكان هادى تغير جو و تنسى وجع دماغ الشغل و اللى حواليك و ما تكلمش اى حد من اللى بتتكلم معاه كل يوم و تحاول تتمشى فى الجو الهادى ده و لو نصف ساعه مع نفسك و ممكن تشترك فى جيم مثلا ده برضه هيخللى عندك اهتمامات جديده و اصدقاء غير الناس اللى بتشوفهم كل يوم و ده هيخللى عندك حياه اجتماعيه تانيه و فى نفس الوقت هيفيد صحتك برضه او تدور على اصدقاء الطفوله مثلا او حتى اقاربك ممكن تزورهم برضه (صله الرحم يعنى) و ممكن تمارس اى هوايه بعيده عن مجال عملك كنت بتحبها زمان مثلا بس ما بقالهاش وقت فى جدولك اليومى على فكره الكلام ده ما يفرقش قوى سواء كنت عازب او متزوج و التغيير ده هيكسر حاله الملل باذن الله و هتحس ان الحياه بقت احسن و رجعت ملونه تانى. حاجه اخيره عايز اقولها لابد ان تبتعد تماماً عن اى حد عنده اكتئاب لان ده معدى بطريقه مرعبه على فكره

انا الحمد الله متزوج واعول
الهجرة كانت قدامى زمانى والسفر كان اسهل منه مفيش
اخنارت اسافر للسعوديه لاسباب قدريه
8 سنوات الحمد الله تعبت فيهم بس اتعلمت فيهم كتير

مشاكل الشعب المصرى اقتصاديه اجتماعيه معقدة جدا
لو عرفت تحل المشكله الاقتصاديه بتتصدم على ارض المشكله الاجتماعيه
النفوس ضعيفه جدا وغير قادرة على حلل العقد الى اتولد معاها وكتير جدا التغير بيكون من الخارج

انا 8 شهور فى البيت من غير شغل والحمد الله اقدر استحمل 8 سنوات بس
شفت نداله وقله ادب فى 8 شهور بعمرى كله

عندى حاله من اللغبطه فى الصح والخطا زى البلد بالظبط توهان بين الصح والخطا
وحدش عارف يعرف هو ايه الصح او الخطا

مش بخاف من حاجة فى الدنيا غير من الزمن عندما يضيع هدر
والمرض فى احد احبابى

يــــــــــــــاربــــــــــــــــ

اقرا كتاب كيف تستمتع بحياتك للشيخ محمد العريفي وان شاء الله ربنا يكرمك وتعرف تستمتع بحياتك

اوعدك ان شاء الله بقراءة الكتاب


شكر خاص لاخ محمد قاسم على الرساله الخاصة