ولا شفيق ولا مرسى

[mohammedabdallh]

كان جحا ماشى هو ابنه والحمار ، فى قريه جنب القريه بتاعتهم . وهما راكبين على الحمار الناس فضلوا يتريقوا ويقولوا شوفوا الراجل وابنه راكبين عالحمار الصغير . نزل جحا من الحمار وساب ابنه الناس فضلت تتكلم وتقول . شوفوا الواد سايب ابوه يمشى وهو اللى راكب . نزل الولد وركب جحا الناس اتكلمت وقالت . شوفوا الراجل راكب الحمار وسايب ابنه يمشى على رجليه . نزل جحا وابنه يمشوا على رجليهم . الناس اتكلمت وقالوا ماشين على رجليهم وسايبين الحمار . زهقوا من الناس شالوا الحمار ومشيوا بيه . الناس اتكلمت وقالت شوف جحا الغبى هو وابنه شايلين الحمار .
... الحكمه ان اللى حواليك مبيعجبهمش العجب ولا الصيام فى رجب
علشان كدا لو انتخبت شفيق الناس هتقولك لا
ولو انتخبت مرسى الناس برده هتقولك لا
فريح نفسك وخش اللجنه الانتخابيه العب حادى بادى بتاعة زمان وزى ما ترسى علم

[M.Radwan]

مما يحدث الآن في ميدان التحرير يتضح أن:
- التيار الإسلامي هو أقوى التيارات على الإطلاق.
- المنافس الوحيد للتيار الإسلامي هم الفلول وأصحاب المصالح.
- كل الفلاسفة اللى بيطلعوا ع التلفزيون وبيصدعونا ليل نهار منفصلين تماما عن واقع الناس ومكانهم قاعات المحاضرات فقط: بما في ذلك 90 % من الكتاب اللى بيقرفونا بمقالاتهم كل يوم.
- 90% من اللي بيطلعوا ع التلفزيون معندهمش مبدأ.. وكلهم ينطلق اولا وأخيرا من معتقده الديني (وإن أظهروا غير ذلك)..فاللى فيهم هينتخب أحمد فشيخ هينتخبه فقط عشان خايف من سيادة التيار الديني. (أي كلام بقى عن المبادئ والجماعة ومش عارف عملوا ايه كله كدب، هى القصة دينية بحتة)
- 99% منهم جاهل جهل مركب بالإسلام..في ناس منهم أساسا متعرفش تعرف ربنا لو سألتهم (من هو الله؟) الجواب (نظرة خاوية في وجه متبلد)..وبالتالي طبيعي انه يتكلموا عن الدولة الدينية (على أساس مصر دولة كافرة؟) وطبعا بيجي في ذهنهم الدولة المسيحية بتاع العصور الوسطي اللى عمرها ما حصلت في التاريخ الإسلامي.
- الإخوان المسلمين عبارة عن جماعة عندها غباء سياسي من نوع فريد..وبالتالي هيخسروا الانتخابات..لأنهم هيمشو ورا الناس اللى أنا قلت عليهم فوق دول ويسيبوا القوة الحقيقة المؤثرة في الشارع.

[hossam_elwani3]

معا ضد التزوير لشفيق ابن مبارك

وقف نهائى لتعدد العضويات
9:16pm 1/6/2012
م.ع.4

[Screenplays]

انت مش حضرتك موقوف ؟ و عامل عضويه تانيه كمان ؟ ده غير العضويات الاولانيه ؟