طريق شرم الشيخ

[yalahwy2010]

ازيكم يا رجالة
انا عايز أروح شرم بالعربية
ايه رأيكم؟؟؟
الطريق هيبقى كويس ومافيش أى قلق.....
ولا ايه؟؟؟؟
انا قلقان اليومين دول من حوادث قطع الطرق والبلطجية والكلام ده
هل بالنهار الدنيا تمام؟؟؟
ولا ايه الأخبار؟؟؟

[tekoooooo]

بص يا باشا بالنهار الدنيا تمام لان زى مابيقولوا النهار له عينين
باليل برده كويس بس الطريق نفسه مخييف ولو قابلت واحد بيغير فردة كاوتش هتفتكر انه بيحاول يثبتك
والاوهام هتلعب فى دماغك والخوف هيسطر عليك وممكن تتصرف بطريقة غبية نتيجة الخوف فخليك بالنهار احسن
انا بسافر شرم على طول بس بسافر بالباص عشان اريح نفسى وعلى فكرة بسافر على طول فى ميعاد الساعة 1 بعد منتصف الليل بس انا مش سايق

[yalahwy2010]

الف شكر على مرورك على الموضوع
يعنى الطريق تمام ومافيش اى مشاكل الحمد لله
أتوكل على الله وأروح بالعربية.....وان شاء الله بالنهار
لكن مافيش الاشاعات بتاعة العرب والكلام ده......

[Mahmoud Mosaad]

السلام عليكم ورحمة الله وبركاته

أنا لسة كنت هناك في اجازة شم النسيم اللي فات وكان يوم السفر الجمعة اللي قبل شم النسيم مباشرة فكان الطريق ونس بس بزيادة عن اللزوم يعني كنت في أوقات كتير بحس اني على طريق السويس مثلا من الكثافة الزيادة عن الطبيعي بالنسبة للطريق ده بس مكانتش عاملة مشكلة بالنسبالي عشان أنا واخد عالطريق دة عشان سافرت عليه بتاع 5 مرات من قبل
عموما متقلقش ولو من النوع اللي بيقلك ممكن تمسك في ديل باص سياحة وهو هيبقى حافظ الطريق ولو مكنتش مشيت عالطريق دة من قبل يا ريت تخلي بالك من منطقة جبال ما قبل أبو زنيمة هتقابلها بعد رأس سدر بحوالي 40 50 كيلو وهتمشي فيها لمسافة 25 كيلو تقريبا هي في وسط الجبال وفيها ملفات حادة كتير يمين في شمال ورا بعد وبلاش تتخطى حد في الملفات دي وعموما بدايتها ملف حاد شمال وقبلها هتكون ماشي على ساحل خليج السويس
وتوصل بالسلامة ان شاء الله ورحلة سعيدة

[yalahwy2010]

السلام عليكم ورحمة الله وبركاته

أنا لسة كنت هناك في اجازة شم النسيم اللي فات وكان يوم السفر الجمعة اللي قبل شم النسيم مباشرة فكان الطريق ونس بس بزيادة عن اللزوم يعني كنت في أوقات كتير بحس اني على طريق السويس مثلا من الكثافة الزيادة عن الطبيعي بالنسبة للطريق ده بس مكانتش عاملة مشكلة بالنسبالي عشان أنا واخد عالطريق دة عشان سافرت عليه بتاع 5 مرات من قبل
عموما متقلقش ولو من النوع اللي بيقلك ممكن تمسك في ديل باص سياحة وهو هيبقى حافظ الطريق ولو مكنتش مشيت عالطريق دة من قبل يا ريت تخلي بالك من منطقة جبال ما قبل أبو زنيمة هتقابلها بعد رأس سدر بحوالي 40 50 كيلو وهتمشي فيها لمسافة 25 كيلو تقريبا هي في وسط الجبال وفيها ملفات حادة كتير يمين في شمال ورا بعد وبلاش تتخطى حد في الملفات دي وعموما بدايتها ملف حاد شمال وقبلها هتكون ماشي على ساحل خليج السويس
وتوصل بالسلامة ان شاء الله ورحلة سعيدة

تسلم يا باشا على نصايحك الغالية
انا مشيت على طريق شرم 3 مرات وانا سايق.........الطريق بصراحة ممتع وبحب أسوق عليه
وانا من طبيعة سواقتى انى ما بعديش ال 100
ومتهيألى طالما هسافر فى النور يبقى كدة مافيش قلق من قطاع الطرق او الحرامية والكلام ده
صح؟؟؟...........وأبعد خالص عن السفر بالليل

[Mahmoud Mosaad]

تسلم يا باشا على نصايحك الغالية
انا مشيت على طريق شرم 3 مرات وانا سايق.........الطريق بصراحة ممتع وبحب أسوق عليه
وانا من طبيعة سواقتى انى ما بعديش ال 100
ومتهيألى طالما هسافر فى النور يبقى كدة مافيش قلق من قطاع الطرق او الحرامية والكلام ده
صح؟؟؟...........وأبعد خالص عن السفر بالليل

يا باشا لا شكر على واجب
ومادام حضرتك مشيت علطريق يتبقى مشكلة الامان، وفعلا أنصحك تمشي عليه بالنهار وتحاول تمسك الطريق مع كذا عربية وتمشوا مع بعض
قول دعاء السفر وتوكل على الله وتوصل بالسلامة

[yalahwy2010]

يا باشا لا شكر على واجب
ومادام حضرتك مشيت علطريق يتبقى مشكلة الامان، وفعلا أنصحك تمشي عليه بالنهار وتحاول تمسك الطريق مع كذا عربية وتمشوا مع بعض
قول دعاء السفر وتوكل على الله وتوصل بالسلامة

انت عايز تقول ان قطاع الطرق بيطلعوا على اى عربية تكون ماشية لوحدها........ولو شافوا عدد كبير ما بيهجموش؟؟؟.......انا والله عمال أجمع قرايبى عشان يروحوا معايا.......
لكن الطريق نفسه بيبقى فاضى بالنهار......ولا ممكن ألاقى ونس؟؟؟

[Mahmoud Mosaad]

والله يا باشا الموضوع في الاول والأخر قدر ونصيب بس احنا ناخد بالاسباب ونتوكل على الله
بالنسبة لنقطة إن الطريق فاضي ولا ونس ، هو غالبا في غير الاجازات مكن تمشي حتة كبيرة من غير ما تقابل حد بس الكلام ده بعد حقول بلاعيم بعد أبو رديس لكن لحد أبو رديس هتلاقي الكثافة أكتر لأن في عربيات كتير بتمشي على الطريق دة لحد أبو رديس عشان بتبقى تبع عمليات الحفر والانتاج اللي هناك
يعني أنا مرة سافرت في أخر نوفمبر 2008 لشرم من بعد أبو رديس قعدت ماشي مع نفسي تماما لمسافة 50 كيلو تقريبا
بس أنا مسمعتش إن في حد اتثبت على الطريق ده وموضوع العرب دة كان قطع طريق فقط لمطالب تابعة لقبائل
توكل على الله

[Karim_Monir]

لسه راجع امبارح
سافرت مع اول ضوء فجر من 5 ايام وعملت تشيك اوت من الاوتيل 11 الصبح امبارح والطريق كله فل وامان ولجان شرطو وجيش وتفتيش

[hobiko]

خلينى أجيب من الأخر :))))

أنا عادة بسافر بالطيارة ...... بس المرة دى أنا ناوى أروح ان شاء الله بس معايا ابنى و مراتى و الطيران حيتكلف من برج العرب فى اسكندرية لشرم الشيخ حوالى 2750 جنيه رايح جاى

عشان كده بفكر اسافر بالعربية و استغل الفلوس الفرق و اقعد بيها فترة أطول هناك

ايه رأيكو و لا الفرق مش مستاهل مقابل الأمان و الراحة وكده ؟؟؟؟

[Mahmoud Mosaad]

خلينى أجيب من الأخر :))))

أنا عادة بسافر بالطيارة ...... بس المرة دى أنا ناوى أروح ان شاء الله بس معايا ابنى و مراتى و الطيران حيتكلف من برج العرب فى اسكندرية لشرم الشيخ حوالى 2750 جنيه رايح جاى

عشان كده بفكر اسافر بالعربية و استغل الفلوس الفرق و اقعد بيها فترة أطول هناك

ايه رأيكو و لا الفرق مش مستاهل مقابل الأمان و الراحة وكده ؟؟؟؟

هو من القاهرة مش هيبقى فيها تعب جامد لو حضرتك مش بتتعب من السواقة، لكن أعتقد من إسكندرية هتبقى متعبة عشان هتضطر تطلع من الساعة 3 أو 4 الفجر بالكتير من عندك عشان توصل على ميعاد ال-check in وكمان عشان تخترق القاهرة وتمسك طريق السويس قبل 7 عشان زحمة القاهرة

[DR.M]

الطياره افضل لو بتتعب من السواقه
نوفر وقت السفر
توصل مستريح

[تامر.محمد]

انا سقت على الطريق ده من سنتين
بعيدا عن الحالة الامنية
نصيحة اللي يسافر عليه يبقى بالنهار لأن من منظر الطريق واضح انه بالليل بيبقى مظلم تماما و مخيف

[bakkoor]

الطريق امااااااااااااااااان انا لسه راجع وكنت رايح جاى لوحدى اهم حاجه تخلى بالك من المنحنيات الخطره

[hobiko]

هو من القاهرة مش هيبقى فيها تعب جامد لو حضرتك مش بتتعب من السواقة، لكن أعتقد من إسكندرية هتبقى متعبة عشان هتضطر تطلع من الساعة 3 أو 4 الفجر بالكتير من عندك عشان توصل على ميعاد ال-check in وكمان عشان تخترق القاهرة وتمسك طريق السويس قبل 7 عشان زحمة القاهرة

الطياره افضل لو بتتعب من السواقه
نوفر وقت السفر
توصل مستريح

كده يبقى الطيارة الأفضل ...... عشان أكيد حقضى يوم الوصول فى النوم من تعب السواقة

شكرا ليكو