عايز اجيب لاب توب سونى فيو

[freeman207]

انا معايا سونى فايو جهاز جامد اخر حاجه فكك من اى لاب غيرو انا كان عندي ديل قبله واتعاملت مع معظم اللابات مع صحابى م الاخر الكينج بتاعهم بلا منازع هو السونى فايو الجهاز بتاعى لونه ابيض تحفه فنيه اتعملت في صوره لابتوب ولا بيسخن ولا الدموع وشغال بقاله سنتين معايا فله شمعه منوره ومش ناوى اجدده علشان لحد الوقتى ملقيتش جهاز اشيك ولا امتن ولا احلى منه بس خد بالك فيه انواع كتير من السونى فايو ومقاسات مختلفه اختار اللى يناسبك وتوكل على الله هو اغلى من اى لاب بنفس مواصفاته ف اى موديل تانى بس تمنه فيه

شاكر ليك بجد ربنا يخليك

[freeman207]

مينفعش الكلام ده وفيه فعلا موديلين كان فيهم مشكلة السخونية دي وإتسحبوا من السوق

وساحب الموضوع حدد الموديل عشان نقدر نفيدك
وانا معايا فايو من سنتين وزي الفل ماعادا جاب بورده وبسببي مش بسببهم ومع كده البوردة بالبروسيسيور بكرت الشاشة إتغيروا ضمان (ضمانة في السعوديه مش هنا)

انا والله جديد ومش عارف احدد اى موديل ياريت تتفضل وتتكرم وترشحلى واحد يكون عملى وشكرا ليك

[freeman207]

انا عندي فايو بقاله سنتين جايلي من امريكا وهريه شغل وزي الفل ...عيبه الوحيد البطاريه بتاعته بتخلص بسرعه

شاكر بجد لردك ياريت الناس كلها ترد عشان نفيد بعض

[freeman207]

عندي سوني فايو ازرق بس بجد خطير جالي هديه من صديق بس بجد تحفه وجامد جدا
ومحمد بيكسر فيه وبسم الله ماشاء الله زي الفل

ربنا يخليللك محمد ويباركلك فيه

فعلا انا عاجبنى الوانه كلها ماعدا الاسود

[freeman207]

يا باشا خلاصة الموضوع من الاخر السوني فايو جهاز ممتاز جدا جدا جدا وانا صراحة كان نفسي فية من زمان لكن السعر العالى هو الى منعني من اني اشترية عموما الغالى تمنه فية واعرف ان مفيش كتير اجهزة سوني فايو بتدخل الضمان لان انا ليا صديق فى شركة كمبيوتر قالى على موضوع الضمان ان اكتر اجهزة بتدخل الضمان هي التوشيبا وبالذات الى اولها حرف السي وان اقل جهاز بيدخل الضمان هو الفايو لانه كفاءه عالية جدا

بس خلى بالك الجهاز رقيق وعاوز معاملة من نوع خاص جدا يعني من الاخر حاسس علية وربنا يبارك لك فية اهم حاجة تنزل لنا تقرير عنه

شكرا ليك ياغالى طيب تنصحنى اجيبه منين من مكان مضمون

[yoko]

انا والله جديد ومش عارف احدد اى موديل ياريت تتفضل وتتكرم وترشحلى واحد يكون عملى وشكرا ليك

شوف مزانيتك وشوف في السوق إيه وقولي المتوافر في ميزانيتك وانا اقولك إيه أحسنهم
وانا معايا الأزرق

[freeman207]

شوف مزانيتك وشوف في السوق إيه وقولي المتوافر في ميزانيتك وانا اقولك إيه أحسنهم
وانا معايا الأزرق

بجد تسلم ايدك ومتشكر لذوقك اوى انا حدودى 5000 جنيه

[freeman207]

للرفع اليومى همتكوا معايا ياشباب

[أحمد كمال]

لو ليك حد برة هاته من برة احسن

[damasry]

معلش صاحب الموضوع يسمحلى اشارك معاه

انا ناوى اغير اللاب وانا كان معايا ماك بوك الأبيض وعندى فى البيت ماك بوك برو لكن ها اغير واجيب سونى فايو الفئة S ان شاء الله

لقيتها افضل فئة مناسبة ليا ونزلت شفت الجهاز فى كومبيومى لقيته بيسخن شوية من تحت وده على ما اعتقد عادى لأن الجهاز سمكه قليل قوى وبالتالى اكيد ها تحس بالحرارة ولكن ليست حرارة كبيرة يعنى.

بس طبعا اللى شفته ده كان الجيل اللى قبل الحالى لان سونى بره نزلت الجيل الجديد لكن لسه منزلش هنا والجيل الجديد فيه الجيل الثالث من بروسيسور انتل i5 و i7


احنا عندنا سونى فايو فى البيت بردو بس قديم شوية وكان فيه مشكلة ان المروحة بتشتغل بسرعة ومشكلة الحرارة، بالبحث لقنا انه من الموديلات اللى فيها مشكلة وسونى عملت recall ليها، طبعا الضمان كان خلص من بدرى بس اختى كانت فى تايلند وراحت مركز صيانة للسونى هناك اول ما قالت على المشكلة قالوا ها نشوف بالسريال دخل صيانة لنفس العيب قبل كده ولا اول مرة، ولما عرفوا انه اول مرة صلحوا الجهاز وسلموه من غير ولا مليم رغم انه مركز صيانة مش تابع للتوكيل والجهاز من ساعتها شغال زى الفل.

طبعا هنا فى مصر لو كنا رحنا لسونى مصر كانوا قالوا ولا نعرفك.

[damasry]

لو ليك حد برة هاته من برة احسن

باشا شوفت الماك بوك برو الجديد؟؟؟

[freeman207]

معلش صاحب الموضوع يسمحلى اشارك معاه

انا ناوى اغير اللاب وانا كان معايا ماك بوك الأبيض وعندى فى البيت ماك بوك برو لكن ها اغير واجيب سونى فايو الفئة s ان شاء الله

لقيتها افضل فئة مناسبة ليا ونزلت شفت الجهاز فى كومبيومى لقيته بيسخن شوية من تحت وده على ما اعتقد عادى لأن الجهاز سمكه قليل قوى وبالتالى اكيد ها تحس بالحرارة ولكن ليست حرارة كبيرة يعنى.

بس طبعا اللى شفته ده كان الجيل اللى قبل الحالى لان سونى بره نزلت الجيل الجديد لكن لسه منزلش هنا والجيل الجديد فيه الجيل الثالث من بروسيسور انتل i5 و i7


احنا عندنا سونى فايو فى البيت بردو بس قديم شوية وكان فيه مشكلة ان المروحة بتشتغل بسرعة ومشكلة الحرارة، بالبحث لقنا انه من الموديلات اللى فيها مشكلة وسونى عملت recall ليها، طبعا الضمان كان خلص من بدرى بس اختى كانت فى تايلند وراحت مركز صيانة للسونى هناك اول ما قالت على المشكلة قالوا ها نشوف بالسريال دخل صيانة لنفس العيب قبل كده ولا اول مرة، ولما عرفوا انه اول مرة صلحوا الجهاز وسلموه من غير ولا مليم رغم انه مركز صيانة مش تابع للتوكيل والجهاز من ساعتها شغال زى الفل.

طبعا هنا فى مصر لو كنا رحنا لسونى مصر كانوا قالوا ولا نعرفك.

والله كلامك حيرنى اكتر مش عارف اجيبه ولا لاء

[أحمد كمال]

باشا شوفت الماك بوك برو الجديد؟؟؟

مش عاجبني و الفايو عاجبني اكتر


حاجة تفقع يعني ايه لابتوب من غير ethernet port و اما اروح الشغل اوصله عالفرن مثلا ؟؟؟؟؟؟؟


و فكرة ال thunderbolt to ethernet مش عاجباني خالص بتاتا

[freeman207]

طيب ياجماعة ايه احسن مكان اجيب منه اللاب يعنى عشان يكون كويس ومضمون

[freeman207]

لا اله الا الله