مطاعم تحب تروحها و مطاعم لأ

[yasserelsayad]

اه طبعاً تفرق يابوحميد
انو مكان عائلي ولا شبابي .... ولو كانت مراتك والاكل غالي
لا تقولها كلي في البيت افضل اما الحبيبة. فلازم تعمل نفسك واد فييس قدامها
@@@@@@@@@@
طيب ماقلتليش ياريس هيا الخدمة كام ١٢٪
وضريبة مبيعات ١٠٪
في حاجة غيرهم ولا بس كده
@@@@@@@@@@
وهل السلطات والطحينة. والبابا غنوج بكام
اصل عيب المطاعم يفرشلك الطربيزة سلطات وتيجي الفاتورة تزبهل قدامها
وتقولهم ايه ددددددددده كلووو سلطات باربعين جنيه وانا كل الي وكلو نص فرخة ورز
يقلك لا اصل السلطات ياباشا السلطاية الوحدة باربعه جنية ساعتك ههههه

دا يا باشا المنيو بتاع سبيكترا
هو قديم شوية مش متحدث بس هيديلك فكرة عن المكان

Spectra, Cairo, Egypt | Restaurant Menu | elmenus.com

فى منيو مكتوب تحت

وفيه المنيو الاصلى معمله scan ممكن تشوف شكل كل طبق فيه كمان
دوس على "View Scanned Menu" تحت اسم Spectra على طول هتلاقيه

وعلى فكرة الاطباق كبيرة يعنى ممكن متقدرش تكمل الطبق لو مش جعان قوى

فى كمان حاجة مش فى المنيو اللى فوق دا اسمها combo
ممكن تختار كومبو لفردين او لـ 3 افراد هيكون موفر اكتر لو طلبت كل حاجة لوحدها
والكومبو بينزل فيه شوربة وفواتح شهية وحلويات ومشروب وطبعا طبق من اختيارك
والمكان هادى والاضاءة فيه هادية باردوا وفيه Music خفيفة شغالة

[minicooper20]

سبكتؤا فيه منيمم 50 جنيه على فكره

[AhMeD EzZ]

سبكتؤا فيه منيمم 50 جنيه على فكره

ممكن اكون انا مخدش بالي ساعتها بقي عشان بنبقي عدد فمش هيبات بقي تقسيمة الفلوس ايه و ليه

[bondok20002002]

بسم الله الرحمن الرحيم
أولاً الأسماك
بحرى - فيش ماركت - البرج
ثانياً اللحوم
فرحات - ابو باسم - ابو رامى - الدهان - ابو طاهر - عنتر الكبابجى
ثالثاُ الفاست فود
مؤمن - كووك دور - هارديز - تشيلليز - ستوديو مصر - تكا - ماكدونالدز ( ميلك شيك ) - سينابون
مبرحش غيرهم

[bondok20002002]

والمنوفى كمان
بس سبكترا معجبنيش خالص مع إن كنت هناك فى الفلانتين

[amrelsha3er]

بصراحة انا معرفش تقسيم المنطقة كويس فبقول ع المربع دة كل السواح بس انا متاكد انه كان جنب القهوة :d

صابر يارجاله ده فى ميدان الاميريه وانت جاى من السواح جنب قهوه الكابتن بتاعه مدحت فعلا
القهوه ده مكانها من زمان القهوه اللى بتقول عليها عند شباب الاميريه دى قهوه تانيه كانت اسمها الحب الحقيقى وقفلت وبقى مكانها الزعيم فعلا انما الكابتن دى زى ماهى جمبها صابر بتاع الكباب والكفته
انا بقولكو طبعا كده بالتفصيل لانى من الاميريه اى خدعه يارجاله :d

[amrelsha3er]

لايك
شبراوى اخد منه السندوتشات الصبح واروح اعد على السوايسه(كوربه) مع شوب التلج والكولا المشبره وحجر شيشه :d::d دى طقوس الشبراوى معايا
دومينوز بيتزا بقى حلو جدا البيتزا بتاعتهم
ستيك اوت مكان حلو جدا وهادى وينفع للمخطوبين والجو ده واكله حلو بس المكان اشيك واحلى من الاكل بس هتدفع كتير
بحب جدا روسترى ارض الجولف اكلهم حلو جدا واسعاره تعتبر مقبوله ب الديش اللى بينزلك
كوك دور فروع وفروع طبعا لان المطعم ده بيبقى فرانشيز عندك فرع روكسى زفت اكله بارد وخدهه وحشه وزحمه على سبيل المثال
عايز تعد على النيل وتفطر فطار حلو جرب تريانون مكان جميل جدا خاصه الصبح وشايف النيل جو رومانسى اوى
فى كمان ساكويا على النيل مكان حلو جدا وقاعده نضيفه بس غالى حبتين وبيبقى فى منيمم وغالبا بالحجز
السمك بقى مفيش فى القاهره وىن مقيم فى الغردقه عايز اقولكو ان احنا غلابه فى القاهره منعرفش حاجه عن السمك الىل عاوز سمك يقولى بقى وينورنى فى الغردقه حاجه كمان السمك ارخص اكل تاكله فى الغردقه عكس القاهره عشان كده بنزل القاهره مبفكرش اكل سمك من هناك غير المطاعم تعبانه رحت وادى النيل اللى فى المهندسين معجبنيش خااااااالص اكله بارد ومش لطيف
كافيهات كوفى شوب كومبانى اللى فى تيفولى وسيلنترو وتريانون برضو
حلويات اى محل حلويات لانى بحب الحلويات جدا بفضل العبد طبعا جامد جدا
مشويات فرحات وكبابجى الحاتى جسر السويس البرنس طبعا امبابه احسن واحد تاكل منه كبده مشويه وفته واكل بيتى بس الاول كان رخيص بعد ماوسع وربنا اداله بقى مفترى شويه فى السعر بس بصراحه اكله مميز
بيسترو فى المعجنات حلو جدا خاصه الباستا اللى غاو ىمكرونات



ديسلايك
مؤمن هارديز كنتاكى بيتزا كينج وبلس ابو شقره غالى على الفاضى بس كده d:d::d

[amrelsha3er]

حاجه كمان فرحات تااكل منه حمام بس
عشان تاكل كباب وكفته منه وتتشبع يبقى كيلو وكيلو انت وواحد صحبك يعنى كل واحد يدفعلو بتاع150ج
الحاتى كويس غالى بس مش زى ففرحات ومشوياته حلوه كباب وكفته

[minicooper20]

فين استيك اوت؟

[blazer]

أسماك بحرى : مدينة نصر
البغل : فول وطع 100
كشرى الخديوى مدينة نصر

مطاعم كابووس
قدورة للاسماك كان زمان حلو اخر تجربة كانت كارثية
بيتزا هت
كنتاكى من زمان وانا بكرهة
كشرى التحرير
ابو رامى

[amrelsha3er]

نواحى المهندسين كده مش فاكر عنوانه بالظبط بس هو فى شارع جانبى كمان بس مكان فخم جدا الصراحه

[Karim_Monir]

like

للناس الي بتصيف في مطروح في مطعم هناك عند منطقة المطاعم بس فاكر اسمة بصراحة بس هو اكل بدوي و المحل دورين و هو في وش حمو بتاع السمك و دة احلي اكل يتاكل برة البيت بدون مبالغة و مش غالي خالص
بيبو شبرا

قصدك على كامونا :-)
بس كامونا مش رخيص يا صديقي لو هو اللي قصدك عليه
بس احلي نيفه صحراوي تاكلها عنده ومفيهاش ريحة الدهن

هو بيبو فين بالظبط عايز ازوره

[mazagngi2010]

فراخ مشويه وسمان (مطعم عبله !!!) رخيص وحنين قوى وقعدته معقوله جدا
اسماك (ابو اشرف) لما بنزل اسكندريه
فول (رزق) بالزقازيق
فول (؟؟؟) المحل اللى بعد نفق فيصل على طول

[mohaismail]

احسن مطعم بالنسبالى وبدون مقاااارنة
1-اورينتال
2-ستوديو مصر
اللى مش هدخله تانى
كنتاكى
كوك دور
هارديز

[Ghosts]

قصدك على كامونا :-)
بس كامونا مش رخيص يا صديقي لو هو اللي قصدك عليه
بس احلي نيفه صحراوي تاكلها عنده ومفيهاش ريحة الدهن

هو بيبو فين بالظبط عايز ازوره

منور الموضوع يا فندم ....