ايه المواصفات اللى أدور عليها وانا بشترى ريسيفر جديد؟؟؟

[ahmedfathi]

السلام عليكم يا جماعه
كنت عاوز اشترى ريسيفر حديث وفيه امكانيات كتير فى حدود 1000 جنيه مايزدش عن كده جنيه واحد

ايه بقى المواصفات اللى لما انزل باب اللوق اسال عليها فى الريسيفر ؟؟؟

[gholam4u]

ياعم 1000 جنيه ايه ؟ اوعى تقول كده ليضحكو عليك
اشترى كوماكس او ترومان ومعه سيرفر مجانة لمدة سنه فى حدود 500 - 600 جنيه بس
بيشتغل hd وبيفتح النايل سات والاوربى

[Land_Cruiser]

الريسيفر لازم يكون بيدعم ال hd و فيه USB و بيتوصل على النت و له توكيل يعرف يصلحه و يحدث ال software بتاعه و يستحسن يكون فيه كامه او اتنين لو كنت ناوى تشترك فى باقات زى الاوربيت او الجزيره مثلا و الانواع كتيره عندك الاسترا و الترومان و الكيوماكس و لو عاوز حاجه اعلى عندك الدريم بوكس

[ahmedfathi]

شكرا يا جماعه على ردودكم
انا نزلت الاسبوع الماضى باب اللوق وعاوز اعرف رايكم فى الجهازين دول ::
Truman premier +1 وده عامل حوالى 1000 جنيه
والجهاز التانى وده برضو تقريبا نفس السعر بس مفيهوش شيرنج Astra 10100 بس بيقولوا انه ممكن يتركبلوا حاجه اسمها دنجل ....

ياريت يا جماعه حد يفهمنى يعنى ايه دنجل ؟؟

[ahmedfathi]

ايه يا جماعه محدش سمع عن النوعين دول قبل كده ولا ايه ؟؟؟؟؟؟