وبعدين فى الليلة اللى مش حتعدى دى

[sha2e]

اديها شيييييييييييح
انزل اشتري شوية شيح ورشهم فى الاوضه عندك هيطفشه
ومش بعيد كمان تلاقيه راح استقر فى اوضة والدك

[mohamed_selim]

ما هو انا معرفش ان البتاع دة بيموت بالبيرسول ... انا معلوماتى انه بيضرب بالشبشب على نفوخه
ولو رشيت بيرسول مش حعرف انام من الريحة ... بس اهو سلانا شوية وضحكنا مع انى قاعد حاسس ان عنيا حتقع من مكانها من قلة النوم
الله يخرب بيته ههههههه زمانه بيحتفل مع صحابه علشان انتصر عليا :10d5c8w1107:

لا البيروسول مش بيموته (الا لو فاتح بقه و الرش دخل فيه) بس بيدوخه و ميخليهوش يجرى بسرعه و يستخبى فيديك فرصه بالشبشب :)))

[shaddadfalcon1]

عادي ياعم ده انا عندي منهم في البلد كتيير وببقي طالع شقتي وفي بتاع 5 ولا اكتر فوقي علي السلم

امال تعمل ايهه بقي لو كان في تعبان في البيت وفي اوضة نومك لمدة 3 ايام وفي الأخر تلاقيه فوق المخده

[M.ABDOU]

عااادى يعنى يا راجل الضيف ليه عليك 3 ايام متسئلوش جاى منين وعاوز ايه

كبر دماغك وهوا مبيحبش الزحمه والهيصه وحتلاقيه قرف لوحده ومشى

[mohammadrashee]

عادي ياعم ده انا عندي منهم في البلد كتيير وببقي طالع شقتي وفي بتاع 5 ولا اكتر فوقي علي السلم

امال تعمل ايهه بقي لو كان في تعبان في البيت وفي اوضة نومك لمدة 3 ايام وفي الأخر تلاقيه فوق المخده

بسيطه هولع في المخده

[mesaharaty]

((كيفية تطفيش البرص - دراسة ميدانية للتعامل مع الزواحف ثقيلة الدم))
أولا : البيروسول بيدوخ البرص ويخليك تعرف تتمكن منه إلى حد كبير
ثانيا : ممكن لو مافيش بيروسول ترزعه شفشق ميه سخنة دوبل حتلاقيه ريح على الآخر وعمل دماغ جامدة .
الكلام ده عن تجربة وخصوصا مع الصراصير .
أنا عندى عقدة من النوعين دول بالذات وقسما بالله عندى استعداد أعمل أى حاجة لو لقيت برص أو صرصار فى البيت حيكون أجله حتما على إيدى ولا يجينيش نوم ولو رايح مشوار ألغيه أو أتأخر عليه لحد ما أنهى حياته .