افضل فرص الاستثمار

[midoabdeen]

ازيكم يا جماعة عاملين اية
انا عايز حاجة اشغل فيها فلوس بس تكون مضنونة
المبلغ حوالى 15000
هل البنوك ولا البورصة ولا المضاربة فى العملة
انا ماعنديش خبرة اوى فى الحاجات دى ياريت اللى يعرف يدلنى
وشكرا

[Screenplays]

المبلغ ده مينفعش الا للمضاربه للبورصه و انت شايف الحال

فالافضل ارميهم في البنك و خلاص

[AhMeD MeTwAlY]

الافضل ليك البنك لان البلد كل يوم بحال
او شوف حاجه تبع الفوريكس هتظبط معاك

[alrabeh]

أخى الفاضل
إياك والفوركس (مضاربة العملات) فلوسك حتصفر ويقفل عليك الحساب فضلا عن انها حرام لأنها تستخدم نظام الرافعة المالية بالإضافة الى انك لما بتشترى الأول ما بتملكشى حاجة ولما تبيع الأول بيبقى حرام لأنك تبيع ما لا تملك
والبورصة أيضا أنا دارسها كويس جدا وهى معظم معاملاتها بها غبن وغش وتدليس
حتى لو فكرت تستثمر فى شركة كويسة وكسبانة تجد المضارب الكبير ينزل سعر السهم وانت لا حول لك ولا قوة
الموضوع كبير ويطول شرحه

[Medo.Malek]

يا جدعان محدش يقول حال البلد نايم و الاقتصاد واقع ! .. انتو الاقتصاد ..!
انتو اللى بتحركوا البلد بشغلكم و و بجهدكم !
لصاحب الموضوع انصحك تعمل مشروع خدمى صغير و تجيب واحد او اتنين عاطلين تشغلهم فيه
و خلى نيتك انك بتعمل كده لربنا و للبلد و ان شاء الله ربنا هايكرمك
و ربنا يوفقك و يوفقنا للصح

[joesph2010]

متابع بشدة

[aboomar22]

انت عايز تشتغل ولا تشغل الفلوس لو انت عايز تشتغل اقولك فكرة واحد اعرفة كان عاملها انا معرفش تفاصيلها هقولك وانت كما بقة كان بيشترى كروت التليفون المنزلى والمحمول جملة وبيبعها للمحلات وهو مكنش متفرغ دول كانوا معاه فى شنطة وهو ماشى رايخ اى مشوار يعدى على اى محل عاوز كروت تليفون ومعظم المحلات كانت بتاخد وكان بيكسب منها وراس مالها مش كبير هى بس عايزة حركة او حتى لو انت تاخد محل صغير وتبيع فيه حتى لو كروت شحن بس هتمشى ان شاء الله اما البورصة موالها كبير وانت المبلغ اللى معاك صغير لو حابب تخاطر ممكن تشترى اسهم قليلة المخاطرة زى سيدى كرير - المصرية للاتصالات

[Bonanza]

سلام عليكم

اسمحلي اساعد حضرتك علي حد معرفتي و علمي

في الاول لازم تحسب نسبة مخاطرتك كام و مقدار لا قدر الله الخسارة اللي تستطيع تحملها من المبلغ ده

لو مش هاتقدر تتحمل اي نسبة خسائر يبقي اياك اياك اياك تدخل فلوسك البورصة او الفوريكس

البنوك في الحالة دي افضل وسيلة استثمار امنه ليك

من ناحية تانية بقي

حضرتك لسة قايل انك مالكش اي خبرة في البورصة او الفوريكس

طيب ده معناه .. انك هاتسوق عربية و انت مش بتعرف تسوق و كمان مغمض عنيك

البورصة لازم لها معرفة و قراءة و تحليل عشان تقدر تحط فلوسك فيها

و كذلك الفوريكس محتاج تحليل سليم ( اتكلم هنا عن علم التحليل الفني و ده دراسة و كورسات )

فما بالك بقي و انت مش عاوز تخسر و كمان معندكش اي معلومات عن البورصة و فوق ده كلة بقي البورصة اصلا حالها مايعلم بيه الا ربنا في الايام دي .. يبقي النتيجة محسوبة من الاول

و دي نصيحة لوجه الله

وعلي فكرة انا شغال في شركة اوراق مالية و المفروض اني بدي نصايح للناس يشتروا ايه و يبيعوا ايه

طيب تعمل ايه انت دلوقتي

اقولك 3 حاجات

اولا شهادات استثمار

و ثانيا حط فلوسك في البنك

و ثالثا مشروع تجاري بعد دراسة جدوي و تفكير سليم

انا جديا بفكر اعمل اي مشروع عشان حال البورصة التعبان ده

ربنا معاك

[MaZaGAngeE]

أخى الفاضل
إياك والفوركس (مضاربة العملات) فلوسك حتصفر ويقفل عليك الحساب فضلا عن انها حرام لأنها تستخدم نظام الرافعة المالية بالإضافة الى انك لما بتشترى الأول ما بتملكشى حاجة ولما تبيع الأول بيبقى حرام لأنك تبيع ما لا تملك
والبورصة أيضا أنا دارسها كويس جدا وهى معظم معاملاتها بها غبن وغش وتدليس
حتى لو فكرت تستثمر فى شركة كويسة وكسبانة تجد المضارب الكبير ينزل سعر السهم وانت لا حول لك ولا قوة
الموضوع كبير ويطول شرحه

باشا
الفوركس مش حرام ...... و البورصة فيها لعب دي حقيقة لكن المفروض انك تقدر تحلل فني و تاخد قرار بشراء او بيع بناء على فهم و دراسة مش بسياسة القطيع اللي تودي في داهية...

[AhMeD MeTwAlY]

أخى الفاضل
إياك والفوركس (مضاربة العملات) فلوسك حتصفر ويقفل عليك الحساب فضلا عن انها حرام لأنها تستخدم نظام الرافعة المالية بالإضافة الى انك لما بتشترى الأول ما بتملكشى حاجة ولما تبيع الأول بيبقى حرام لأنك تبيع ما لا تملك
والبورصة أيضا أنا دارسها كويس جدا وهى معظم معاملاتها بها غبن وغش وتدليس
حتى لو فكرت تستثمر فى شركة كويسة وكسبانة تجد المضارب الكبير ينزل سعر السهم وانت لا حول لك ولا قوة
الموضوع كبير ويطول شرحه

باشا
الفوركس مش حرام ...... و البورصة فيها لعب دي حقيقة لكن المفروض انك تقدر تحلل فني و تاخد قرار بشراء او بيع بناء على فهم و دراسة مش بسياسة القطيع اللي تودي في داهية...

+1
بالاضافه ان في البدايه حضرتك بيفتح معاك حساب تجريبي عشان تقدر تشوف ان اتعلمت ولي لا عشان مش تدخل للحياه العمليه مره واحده تدخل الاول في مضاربات مجانيه مش بتدفع عليها حاجه وبعد فتره بتبدي تدخل بفلوسك وصلت يا باشا

[fiat128man]

احنا محتاجين واحد زي الريان واشرف السعد كده

[alrabeh]

باشا
الفوركس مش حرام ...... و البورصة فيها لعب دي حقيقة لكن المفروض انك تقدر تحلل فني و تاخد قرار بشراء او بيع بناء على فهم و دراسة مش بسياسة القطيع اللي تودي في داهية...

شكرا على تعليقك
ولكنى مختلف معك وحتفهم وجهة نظرى من الآتى :
1- لما بتشترى فى الفوركس دولار/يورو هل أنت حقيقة تملك دولار أو يورو أو تستطيع أن تراه بعينك ، طبعا لأ فالحقيقة أنك تضارب على فروق الأسعار فقط
بمعنى لو استبدلنا كلمة دولار/يورو ب "طارة دريكسيون" مثلا نضارب عليها ونكسب ونخسر من فروق الأسعار على طارة الدريكسيون لما اختلف فى الأمر شئ
والمضاربة على فروق الأسعار مثل الميسر تماما وعندى من الدراسات ما هو كفيل لإثبات ذلك.

2-بالنسبة للبورصة فإنها لا تخضع ولا للتحليل المالى ولا للفنى بل تخضع لأهواء الهوامير
فبالنسبة للتحليل المالى نفترض أن شركة رابحة وأصولها قيمة فمن الممكن أن تجد سهمها عمال ينزل ينزل بدون سبب وذلك حتى يستطيع المضارب الكبير أن يشترى وبالطبع سيادتك مجبر على الخسارة ليس لأن الشركة خسرت ولكن لأن المضارب احتكر السهم وأداره كما يشاء

أما التحليل الفنى ، فللعلم أنا دارس التحليل الفنى بإجتهاد شخصى منى والميتاستوك والمؤشرات وكل ذلك ولكن ألا ترى أن المضارب يقوم بالنزول عن نقطة وقف الخسارة حتى يقوم الناس بالبيع ثم يقوم برفع السعر مرة أخرى (عملية تمويه) وكذلك فى حالة اختراق مقاومة حتى يدخل الناس للشراء ثم تفاجئ بنزول السعر بعد ذلك

أرجو ان أكون اختصرت كثير الكلام اللى عاوز أقوله دون إخلال وأى سؤال أنا تحت أمركم

[Bonanza]

2-بالنسبة للبورصة فإنها لا تخضع ولا للتحليل المالى ولا للفنى بل تخضع لأهواء الهوامير
فبالنسبة للتحليل المالى نفترض أن شركة رابحة وأصولها قيمة فمن الممكن أن تجد سهمها عمال ينزل ينزل بدون سبب وذلك حتى يستطيع المضارب الكبير أن يشترى وبالطبع سيادتك مجبر على الخسارة ليس لأن الشركة خسرت ولكن لأن المضارب احتكر السهم وأداره كما يشاء

أما التحليل الفنى ، فللعلم أنا دارس التحليل الفنى بإجتهاد شخصى منى والميتاستوك والمؤشرات وكل ذلك ولكن ألا ترى أن المضارب يقوم بالنزول عن نقطة وقف الخسارة حتى يقوم الناس بالبيع ثم يقوم برفع السعر مرة أخرى (عملية تمويه) وكذلك فى حالة اختراق مقاومة حتى يدخل الناس للشراء ثم تفاجئ بنزول السعر بعد ذلك

أرجو ان أكون اختصرت كثير الكلام اللى عاوز أقوله دون إخلال وأى سؤال أنا تحت أمركم

احترم و اقدر جدا كلامك

نقطة التحليل المالي :- التحليل المالي اساسا للمدي طويل الاجل جدا( بتتكلم في سنين ) .. لذلك نزول السهم برغم تحليلاتة و ميزانياتة و قوائمة المالية و اصولة القوية ده في الاجل القصير ( بتتكلم في شهور ) و كلامك عن التحليل المالي لا يتماشي مع كلمة مضاربه .. لان المضاربة و المضارب دول في الاجل القصير جدا ( اسابيع )


نيجي لنقطة التحليل الفني : اعذرني الاجتهاد الشخصي شيئ و التعليم و الدراسة علي ايد مختصين شيئ اخر.

ثانيا : الميكر او المضارب زي ما حضرتك تفضلت و قلت بيقوم بالنزول تحت نقطة ايقاف الخسائر .. نقطة ايقاف الخسائر دي كل مستثمر بيحددها بنفسة بناء علي مقدار تحملة للخسارة

بمعني انا ممكن اتحمل اخسر 2 جنيه من 10 جنيه بنسبة 20% و حضرتك ممكت تتحمل تخسر 5 جنيه بنسبة 50 % .. المضارب يعرف منين نقطة ايقاف خسائر كل واحد.

و لو قولنا ان نقطة ايقاف الخسائر دي هي منطقة دعم قوية علي التشارت .. منين جه الدعم ده الا اذا كان بيتوافر عنده مشتري قوي حول الهبوط الي ارتفاع فكون منطقة الدعم دي

كسر المضارب لنقطة دعم قوية معناه انه اقوي من المشتري في تلك النقطة و بالتالي يتحول كل المستثمرين في السهم ده لبائعين و تتحول الي بيع هيستيري و المضارب مش هايعرف يعمل التريدة

طبعا الكلام يطول في التحليل الفني .. تقبل تحياتي و احترامي

[alrabeh]

شكرا على إهتمامك بالتعليق ولكن الموضوع محتاج دردشة أكثر لتشعب الموضوع
وفقنا الله لما فيه الخير

[MASERATI]

السلام عليكم و رحمة الله و بركاته

ياريت فعلا, شركات توظيف الأموال ترجع تانى, ان شاء الله, أنا شفيق يسقط, شركات توظيف الأموال هترجع تانى, بس مش هيبقى فيه كلاب سعرانة زى مبارك و اللى حواليه عشان يلهفها زى ماعمل أول مرة.