رسالة من زوجة مستريحة متهنية

[Ghosts]

بس كدة لا تستطيع اللوم على الزوجة العاملة ... لكن اللوم وكل اللوم على المجتمع الزبالة اللى مش موفر للرجل الامكانيات علشان يعيش اهل بيته فى حياه كريمة علشان يتشرط بوجه حق
ازاى حتمنعها انها تشغل وباى وش عتمنعها اذا كان انت مرتبك يدوب مكفى مصاريف البيت بالعافية
ما هى بنى ادم ليها مصاريفها واهتمامتها ولعلمك مصاريفهم عالية جدا

المشكلة مش فى المجتمع ....
المشكلة فى الحكومة و مرتباتها الزبااااااااااااااالة ....
يعنى أية راجل عندة زوجة وأولاد و بيقبض 800 جنية فى الشهر؟؟!!

[minicooper20]

طيب بالنسبه للدوبلكس و فايزه الخدامه
و كل ويك اند فى حته دى مش الاحلام المطلوب تخقيقها
و الله الواحد قرف

[nonia]

الجواز مشروع للقادرين والناضجين فقط ....

بالظبط كده
مع مليون خط تحت كلمة الناضجين فقط

انا شايفة ان اساس المشكلة
ان الطرفين عليهم ضغوط من كل ناحية
والحل بالنسبة لكل واحد انه يطلع همه في التاني

[Ghosts]

بالظبط كده
مع مليون خط تحت كلمة الناضجين فقط

انا شايفة ان اساس المشكلة
ان الطرفين عليهم ضغوط من كل ناحية
والحل بالنسبة لكل واحد انه يطلع همه في التاني

الجواز كلة مشااااااااااكل ....
الضغوط المادية طبعآ مشكلة كبيرة أوى ....
طب والناس الأغنياء اللى معندهومش أى مشاكل مادية ... ياترى هما سعداء؟؟!!

[friendship7897]

هههههههههههههههههههه لا احنا رجاله الحمد لله و ميتعملش فينا كده و حبايبنا في امريكا كتير و الحمد لله ... انا فعلا منشن علي واحده امريكيه اتجوزها بس ربنا يكرم عشان الواحد يعرف يسافر قريب

ربنا يقدم لك اللي فيه الخير إن شاء الله - أنت وأولادي

اى راجل فى الدنيا بيجى عليه وقت بيحتاج انه ينغلق على نفسه وياخد جزء من الخصوصية
الستات بقى اختلاف تااااااااام ...
على شرط ان مافيش طرف يحقر او يقلل من اهمية الطرف الاخر
...........
ايه الرغى دة كله ؟؟؟

النقطة الأولى : عنك حق دا من حقكوا إنكوا ترتاحو شوية وتنفردوا بخصوصيتكم ودا ممكن يكون بل أكيد بيحصل والدليل على أنك مع الكمبيوتر لوحدك - مثال لا الحصر
النقطة التانية : ومين قال إن الستات مختلفين في إحساسهم بأنهم يعملوا فورمات لدماغهم وخصوصاً اللي بتشتغل
النقطة الثالثة : ما شاء الله على ههذه النقطة لأن فعلاً أهم شئ عدم تحقير دور الآخر
النقطة الرابعة : يا عم amr.elsayed إرغي براحتك

بس كدة لا تستطيع اللوم على الزوجة العاملة ... لكن اللوم وكل اللوم على المجتمع الزبالة اللى مش موفر للرجل الامكانيات علشان يعيش اهل بيته فى حياه كريمة علشان يتشرط بوجه حق
ازاى حتمنعها انها تشغل وباى وش عتمنعها اذا كان انت مرتبك يدوب مكفى مصاريف البيت بالعافية
ما هى بنى ادم ليها مصاريفها واهتمامتها ولعلمك مصاريفهم عالية جدا

برافوا عليك جيت على الجرح - هي اللي بتشتغل بتشتغل ليه ؟ غاوية شقا ؟ ! لأ طبعاً ، بتكون مضطرة

هي لو متستته صحيح يبقي مش هتشتغل هتقعد في البيت تخلي بالها من بيتها وجوزها

عندك حق - ربنا يسامحك يا قاسم أمين - بس فعلاً زي ما amr.elsayed قال : لو دخل الراجل لوحده يغطى الإلتزمات والمصروفات كانت كل الستات إستتتت - كل دي حروف ت - فجأة أفتكرت كلمة تييييت

[friendship7897]

بالظبط كده
مع مليون خط تحت كلمة الناضجين فقط

انا شايفة ان اساس المشكلة
ان الطرفين عليهم ضغوط من كل ناحية
والحل بالنسبة لكل واحد انه يطلع همه في التاني

أخيراً ظهرت واحدة من الجنس اللطيف - منورة ياnonia - أنتي فين من زمان - انا واقفة لوحدي من بدري - وبدور على حد فيكو يستلم التتابع - nonia استلمي الرايا ودفعي معايا عن النساء العاملات بلييييز .
بس للأمانة - أغلبية المشاركين في الموضوع متفهمين الوضع - والحمد لله - لأن لو الراجل مش حاسس بمراته - مش ممكن يكون مش حاسس بأخته أو أمه أو بنته

[nonia]

الجواز كلة مشااااااااااكل ....
الضغوط المادية طبعآ مشكلة كبيرة أوى ....
طب والناس الأغنياء اللى معندهومش أى مشاكل مادية ... ياترى هما سعداء؟؟!!

عن تجارب شوفتها من قريب ناس عاديين جداا في منهم سعداء وفي منهم لأ
وبيفكروا برده في هايعملوا ايه الشهر ده وهايشتروا ايه وبكام عااادي جدا يمكن اسلوب
مختلف وحدود مختلفة شويةبس مش عايشين في الجنة يعني

السعادة في راحة البال وان اتنين يتشاركوا في حياة
يكونوا عايزين يستمتعوا بكل حاجة فيها .. مهما كانت بسيطة ..
يعني من الاخر كده ان كل واحد يكون سكن للتاني

وعموما ده راي شخصي وشايفة انه مايتحققش
الا بتوافق وقبول في حاجات كتير
ممكن يكون حاجة منها مستوي مادي متقارب بس
مش معنى مستوى مادي
المغالاة في كل حاجة على اساس ان ديه اللي هاتحقق
للاتنين السعاااادة

واحيانا موضوع المغالاة في كل حاجة ديه بتبقى لا رغبته هو ولا هي
بيبقى عشان بنت خالتها عملت فرح مش عارف فين
وقريبه فلان عمل كذا وكذا ولا اهلها عملوله ايه واهل البنت يقولوا بنتي لازم يجيلها
وانا ابني لازم تعملوله قصة كده اساسها العيلة والجيران والاصحاب مش هما خاالص

لو دورنا هما كان نفسهم في ايه هاتلاقيهم مش عارفين اصلا
من كمية الضغوط اللي عليهم

[nonia]

أخيراً ظهرت واحدة من الجنس اللطيف - منورة ياnonia - أنتي فين من زمان - انا واقفة لوحدي من بدري - وبدور على حد فيكو يستلم التتابع - nonia استلمي الرايا ودفعي معايا عن النساء العاملات بلييييز .
بس للأمانة - أغلبية المشاركين في الموضوع متفهمين الوضع - والحمد لله - لأن لو الراجل مش حاسس بمراته - مش ممكن يكون مش حاسس بأخته أو أمه أو بنته

ده نورك والله كنتي فين من زمااان بالموضوع ده
ده المنتدى بقاله شهور
فيه هجووووووم مكثف والحمد لله واحتى للفيس
لما خلاص حاسة انهم هاينزلوا مظاهرات ضد البنت المصرية ..

اكيد لو انسان متفهم تعب والدته هايبقى متفهم تعب مراته ..

بس احنا للاسف مفتقدين ثقافة اننا نسمع
لو بس سمعنا شوية مع شوية تفاهم
الحياة خاتختلف كتيييييييييير

بس للاسف ظروف وضغوط الحياة على الطرفين هيا السبب الاساسي

[Bonanza]

هو الكلام ده عن الزوجة المصرية ولا عن الروبوت ( الانسان الالي ) او الزوجة الصينية

اصل الحاجات دي مابتحصلش و مابنشفهاش غير في الكتب و الاساطير او في المنتديات

يا فندم الست المصرية لو وقفت عملت الاكل يبقي كتر خير الدنيا

و تاخد مكافأة لو الاكل طلع بيتاكل مش من النوع اللي بينزل للبواب من كتر حلاوته

و علي رأي صبحي

بيدوروا علي الخدامة مع العفش و تتكتب في القايمة كمان

[Bonanza]

الزوج عشان يبقى سعيد مع مراتة أحسن لة هو و أولادة أنة ميشغلهاش ....
عشان كدة الجواز مشروع للقادرين والناضجين فقط ....

انا شايف الموضوع اظرف لو كان العكس

مش مهم ان الست تكون بتشتغل

حتي لو الراجل مش راضي عن شغلها و حتي لو كانت ظروف الحياه هي السبب

شغل المرأة المصرية بيخليها تخلع من علي دماغ الراجل

هاتلاقيها تعبانة و مش فاضية لا للرغي ولا الخناق و لا النكد و عارفه الفلوس بتيجي ازاي

و ده في حد ذاتة اهم كتيييييييييييييييييييييييييييييييييييييييييييييير جدا عند الراجل من انه يرجع يلاقي البيت ممسوح و العيال مستحميه و الاكل حلو و الست متمكيجاله

النكد و الخناق يا سااااااااااااااااااده هو الاصل و باقي الحاجات هي الفروع

[Bonanza]

السعادة في راحة البال وان اتنين يتشاركوا في حياة
يكونوا عايزين يستمتعوا بكل حاجة فيها .. مهما كانت بسيطة ..
يعني من الاخر كده ان كل واحد يكون سكن للتاني

وعموما ده راي شخصي وشايفة انه مايتحققش
الا بتوافق وقبول في حاجات كتير

الكلام ده عظيم عظيم عظيم بمعني الكلمة اشكرك و احييكي عليه .. اول مرة اسمع الكلام ده من بنت

بس الكلام ده يا فندم نظري تماما .. يعني نسمعة و نتخيلة و نتمناه و نحلم بيه بس .. لكن في الواقع مش موجود خااااااااااااااااالص

[shaddadfalcon1]

شرط الجواز هو القدره الماديه والجسديه وبالتالي مينفعش الزوجه لازم تشتغل عشان تقدر تصرف علي البيت مع جوزها الا اذا كان حصل ظرف قهري لجوزها بعد الجواز مثلا

لكن بصراحه مينفعش واحد يبقي ميقدر يفتح بيت واديله بنتي يبدلها وتبهدل نفسها معاه بدافع الحب وشوية كلام فاضي وبعد كام شهر تلعن اليوم اللي اتجوزته فيه وهو يقولها انا ضربتك علي ايدك؟

[nonia]

الكلام ده عظيم عظيم عظيم بمعني الكلمة اشكرك و احييكي عليه .. اول مرة اسمع الكلام ده من بنت

بس الكلام ده يا فندم نظري تماما .. يعني نسمعة و نتخيلة و نتمناه و نحلم بيه بس .. لكن في الواقع مش موجود خااااااااااااااااالص

شكرا لحضرتك بس
للاسف كل واحد فينا متحمل جزء من مسئولية ان الكلام ده نظري
طبعا مانقدرش ننكر ان ظروف الحياة الصعبة والشغل والماديات
عشان اي حد يقدر يبدأ حياة متوسطة او حتى بسيطة

لكن احنا بنزود الضغط مش بنقلله لما كل الناس عايشة في نفس المجتمع
ومع اختلاف الطبقات تقريبا هيا نفس الظروف والمشاكل بس بتبقى بشكل تاني

ليه مفيش بينا تسامح او تقدير للظروف اللي كلنا عايشين فيها
ليه كل واحد بيمارس ضغوط اكتر على شخص تاني
وبندور في دايرة مقفولة

لو المبدأ ده اتغير ممكن يبقى فيه بداية لحل معقول
بس للاسف احنا بنعاني من مبادئ اترسبت من سنين
في الناس ومحتاجة وقت وناس فكرها متفتح عشان
المبادئ ديه تتغير للاحسن ويقدروا يتقبلوا الاختلافات
لاننا بقينا للاسف مجتمع مفيهوش ابسط المبادئ الانسانية ..

[Bonanza]

ليه مفيش بينا تسامح او تقدير للظروف اللي كلنا عايشين فيها
ليه كل واحد بيمارس ضغوط اكتر على شخص تاني
وبندور في دايرة مقفولة

عشان الستات نسيت ده

قال صلى الله عليه وسلم:" ألا أخبركم بخير ما يكنز المرء: المرأة الصالحة التي إذا نظر إليها سرته وإذا أمرها أطاعته وإذا غاب عنها حفظته " صدق رسول الله صلي الله عليه و سلم

و الطاعة هنا مش معناها حاضر و نبوز و نكشر و نقلب البيت نكد

و الرجالة نسيت ده

" رفقا بالقوارير "

و الستات نسيوا انهم قوارير اصلا

[friendship7897]

للاسف احنا بنعاني من مبادئ اترسبت من سنين
في الناس ومحتاجة وقت وناس فكرها متفتح عشان
المبادئ ديه تتغير للاحسن ويقدروا يتقبلوا الاختلافات
لاننا بقينا للاسف مجتمع مفيهوش ابسط المبادئ الانسانية ..

عندك حق

قال صلى الله عليه وسلم:" ألا أخبركم بخير ما يكنز المرء: المرأة الصالحة التي إذا نظر إليها سرته وإذا أمرها أطاعته وإذا غاب عنها حفظته " صدق رسول الله صلي الله عليه و سلم
و الطاعة هنا مش معناها حاضر و نبوز و نكشر و نقلب البيت نكد
و الرجالة نسيت ده
" رفقا بالقوارير "
و الستات نسيوا انهم قوارير اصلا

عن أبي سعيد الخدري – رضي الله عنه – أن رسول الله صلى الله عليه وسلم قال: (( إن الرجل إذا نظر إلى امرأته, ونظرت إليه, نظر الله تعالى إليهما نظرة رحمة,فإذا أخذ بكفها تساقطت ذنوبهما من خلال أصابعهما )) صحيح الجامع حديث رقم 1977