العروسة طلع عندها تلاتين سنة

[Ghosts]

جرب كدة تروح لوالدتك و قولها أنك عايز تتجوز واحد عندها تلاتين سنة علطول هتلاقى الوش دة
و هيدور بينك و بين الوالدة الحوار اللطيف دة:

الوالدة: أية!!!! 30 سنة؟؟!! دة أنت نهارك مش معدى ...
أنت : أية المشكلة بس يا ماما؟؟!! هو أنا بقولك أنها أطلقت 7 مرات؟؟!!

الوالدة: يابنى يبقى أنت عندك 34 سنة وتروح تتجوز واحدة عندها 30؟؟!!
أنت: بحبها يا ماما ....

الوالدة: حب أية جتك 60 نيلة ... اللى فى سنك يشوف لة واحدة عندها 24, 25 مش تلاتين يا أهبل ....
عارف أن البنت لما تعدى التلاتين فرص الحمل عندها بتقل ولو خلفت هتلاقيه كبرت 10 سنين؟؟!!
أنت : يا ماما الحاجات دى بتاعت ربنا مش بالسن ....

الوالدة: أنا مش عايزة كتر كلام ولو ركبت دماغك مش هحضر لك فرح ولا هدخلك بيت ....
أنت :

أية رأيكم يا جماعة فى الكلام دة؟؟!!
أية هى سلبيات الأرتباط بزوجة تكون عدت التلاتين؟؟!!

هل بيبقى صعب التعامل مع البنت فى السن دة؟؟!!
ولا التعامل مع أى بنت صعب بردوة حتى لو كانت فى أوائل العشرينات؟؟!!

[Raul_7]

ده متزعلش مني فكر تقليدي, أنا مش فاهم ارتبط بواحدة أقل مني ب 10 سنين ازاي!

و بصراحة أنا شايف الجواز ده موضوع شخصي طالما البنت كويسة.

[lad]

السن مجرد رقم

[Ghosts]

ده متزعلش مني فكر تقليدي, أنا مش فاهم ارتبط بواحدة أقل مني ب 10 سنين ازاي!

و بصراحة أنا شايف الجواز ده موضوع شخصي طالما البنت كويسة.

دة فكر كل الأمهات المصريات ....
ومش هينفع تتجوز ضد رغبة والدتك و تقولها دة موضوع شخصى ....

[Ghosts]

السن مجرد رقم

مفيش أم مصرية بتقتنع بالكلام دة ....

[friendship7897]

بصوا يا شباب - ,والدة ghosts عندها حق - يعني أيه واحد عنده 34 يتجوز واحدة عندها 30 - هو المناسب له 24 أو 25 - هو فرق السن بينهم مش كبير من 30 لـ 34 - لكن المشكلة مش فرق السن - المشكلة إني عايزة أفرح بابني - فزوجته في الوقت دا هتكبر قبله - ومعنى كدة أنه مش هيتهنى مع واحدة كبيرة - أنا بتكلم كدة لأن الزوجة وهي عندها 22 سنة غير الزوجة اللي عندها 30 أو 35 - أنا بتكلم عن تجربة - كان الواحد في الأول يتحرك ويضحك ويخرج ويشتغل ويفرح ويحمل ويخلف بتعب أقل بكتيييير من لما يكبر سنة في سنة في سنة - لما الواحد بيكبر شوية بيأثر في كل دا شوية بشوية - وغصب عن الواحد - لأن السن ليه حكمه - أنا مش بعيب على اللي عندها 30 ا - لأ أنا عايزة بس أفرح بأبني ويكون متهني شوية على ما تكبر سنة بسنة لاغية ما توصل للـ 30 اللي هو عايز يبدأ بيها .

علماً بأن أختي أتجوزت وهي صغيرة وسافرت لتركيا ولكن لصغر سنها وغربتها أطلقت ورجعت أتجوزت مرة أخرى وهي في سن ال30 ومطلقة كمان ، وزوجها 32 والحمد لله حياتهم سعيدة وبدون مشاكل والآن حامل - ربنا يرزقها الذرية الصالحة - وكان أهل جوزها رافضين ولكن جوزها تمسك بها ، فلكل قاعدة إستثناءات والأصل في الإستثاء دا - الراجل المحب

[amr.elsayed]

وانت رايك فين فى كل دة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
................
انا ممكن اتجوز واحدة اكبر منى كمان
دة لازم يكون قرارك انت علشان مافيش حد حيتحمل مسؤولية هذا القرار غيرك
ممكن والدتك تساعدك فى حالة واحدة .. لو حتتجوز صالونات .. ساعتها كدة ماشى لانك عجزت فى انك تلاقى شريكة
حياتك بنفسك فا ممكن تستعين بخبرة والدتك فى البحث والاختيار وطبعا لازم يكون قرارك مش واحدة عجبت الوالدة يبقى خلاص
لازم تكون مقتنع 100 * 100 بالانسانة دى .... غير كدة يبقى فاكس

[Screenplays]

فكر الاهالي المصريه فكر عقيم

فكرتني برضه كنت عايز ارتبط بواحده جارتي اكبر مني ب 5 سنين

امي جرت ورايا بالشبشب ههههههههههههههههههههههههههه

و دلوقتي عايز اتجوز واحده امريكيه و اكبر مني ب 7 سنين

الحاجه ممكن تقتلني المره دي

فكر الاهالي هنا فكر قديم و عقيم

[hugan]

والدتك معاها حق ياجوست
لو كان الحوار بينك وبينها
في رائي احسن فرق بين الراجل وزوجته 10 سنين
تبقي فل قوي
ليه بقي ولنفترض انك عندك 30 سنه وهي 20 سنه
اولا عقلك فارق عنها مراحل
تقدر تشكلها وتطبعها بطبعك
فسيولوجي
الست بتكبر بسرعه وتعجز قبل الراجل
احساس الست بان زوجهاا يكبرها في السن ومش من دوره
تلغي موضوع النديه
انا من دورك ومن سنك او اكبر منك في السن بيكون في احساس بالنديه او مفيش فرق

انا مش مقتنع ان السن بين الزوجين يكون متقارب

[amr.elsayed]

5 سنين و 7 سنين ومش عايزها تجرى وراك بالشبشب انا بتكلم فى اكبر منك ب سنة مثلا ودى حالة استثنائية مش بتتكرر كتير
انا حدعيلك يا سكرين اشوفك متجوز اربعة مصريات ههههه

[Ghosts]

بصوا يا شباب - ,والدة ghosts عندها حق - يعني أيه واحد عنده 34 يتجوز واحدة عندها 30 - هو المناسب له 24 أو 25 - هو فرق السن بينهم مش كبير من 30 لـ 34 - لكن المشكلة مش فرق السن - المشكلة إني عايزة أفرح بابني - فزوجته في الوقت دا هتكبر قبله - ومعنى كدة أنه مش هيتهنى مع واحدة كبيرة - أنا بتكلم كدة لأن الزوجة وهي عندها 22 سنة غير الزوجة اللي عندها 30 أو 35 - أنا بتكلم عن تجربة - كان الواحد في الأول يتحرك ويضحك ويخرج ويشتغل ويفرح ويحمل ويخلف بتعب أقل بكتيييير من لما يكبر سنة في سنة في سنة - لما الواحد بيكبر شوية بيأثر في كل دا شوية بشوية - وغصب عن الواحد - لأن السن ليه حكمه -

والدتك معاها حق ياجوست
لو كان الحوار بينك وبينها
في رائي احسن فرق بين الراجل وزوجته 10 سنين
تبقي فل قوي
ليه بقي ولنفترض انك عندك 30 سنه وهي 20 سنه
اولا عقلك فارق عنها مراحل
تقدر تشكلها وتطبعها بطبعك
فسيولوجي
الست بتكبر بسرعه وتعجز قبل الراجل
احساس الست بان زوجهاا يكبرها في السن ومش من دوره
تلغي موضوع النديه
انا من دورك ومن سنك او اكبر منك في السن بيكون في احساس بالنديه او مفيش فرق

انا مش مقتنع ان السن بين الزوجين يكون متقارب

ماما بتبلغكوا تحياتها ....

[Screenplays]

والدتك معاها حق ياجوست
لو كان الحوار بينك وبينها
في رائي احسن فرق بين الراجل وزوجته 10 سنين
تبقي فل قوي
ليه بقي ولنفترض انك عندك 30 سنه وهي 20 سنه
اولا عقلك فارق عنها مراحل
تقدر تشكلها وتطبعها بطبعك
فسيولوجي
الست بتكبر بسرعه وتعجز قبل الراجل
احساس الست بان زوجهاا يكبرها في السن ومش من دوره
تلغي موضوع النديه
انا من دورك ومن سنك او اكبر منك في السن بيكون في احساس بالنديه او مفيش فرق

انا مش مقتنع ان السن بين الزوجين يكون متقارب

تفكيرك قديييييييييييييييييييم

5 سنين و 7 سنين ومش عايزها تجرى وراك بالشبشب انا بتكلم فى اكبر منك ب سنة مثلا ودى حالة استثنائية مش بتتكرر كتير
انا حدعيلك يا سكرين اشوفك متجوز اربعة مصريات ههههه

4 و مصريات ؟ طب 4 امريكيات اقولك ماشي ههههههههههه انا نفسي افهم موضوع السن ده عامل استبحس لناس كتير كده ليه ؟ الراجل مش بسنه الراجل بشخصيته و ياريت نتطور بقه

[me_medoo]

بص يا جوست ياغالي
اذا بتحبها توكل على الله رغم ان الحب مبيوكلش عيش بس ممكن يوكلك كريم كراميل في الزمن الاغبر بتعنا
بس هيا الحجة قصدها روح جرب تشتري فرخة هتلك فرخة كيلو كيلو ونص يعني لسه صغيرة ، وجرب هتلك فرجة اتنين كيلو او تلاته كيلو وشوف مين الفرخة الاطعم فيهم والي هتستوي بسرعة. واحلى شوربة لسان عصفور تتعمل عليها. ، معلش اصل نايم النهرده من غير عشى هههههه علشان زعلان انا والمدام ههههههه بس القصد ان الحاجة لمن تكون لسه بدارة. كده وطازة. بتكون احسن من الحاجة المتخزنة رغم انها مش قاعدة في حجات كل ما تتعتق كل ماسعرها بيغلى بس مش كلهم وحياتك ، بس بيني وبينك انا نفسي في حته كده ٢٠ سنة او ٢٢ سنة حته بدارة. كده ترجعلي شبابي وحياتي الي ضاعت هدرررررررر

وعلى راي الشاعر الكبير عمر دياب لمن قال انا مهما كبرت صغيررررر

بس لو بتحبها توكل على الله .... رغم اني بايد راي الحجة حد يطول يلاقي عروسة لسه طازة عيلة كده تلعب بيها زي ما انتا عاوز ، بقلك ايه ما تخلي الحجة تشوفلي كده حته كتاكيتي كده معاك . وتحياتي ليك يا غالي

[Screenplays]

حتي انت يا ميدو طلعت خاين و عايز تتجوز تاني ؟ هههههههههههههههه افرض اللي بالي بالك شاف المشاركه دي هتعمل ايه ؟ ههههههههههههههه

[ashouhdy]

حبيبى يا جوست :)))

هو انت عندك 34 سنة ؟؟

حقولك حاجة الأم اللى بتخلف واد بتبقى حاسة انها مخلفة ملك وانها مهما كبر فهو طوب الارض يتمناة

دى حقيقة اى أم الصراحة

لكن حقيقة ... فرص الراجل برضة بتقل ذية ذى البنت تمام مع تقدم السن

اة والله

واللى عندة 34 مش حياخد واحدة 23 ولا حتى 25 لأ حيلعب فى رانج 26 وطالع لحد ال 30 فعلا

للاسف الام بتكون فاكرة انها لو خدت الولد من ايدة ودخلت اى بيت حيقول ماشى

لكن الواقع لأ ..... وعن تجارب عديدة


نيجى بقى لفارق السن

لو الراجل دة شخصية قوية وعقلة كبير وفاهم ياخد اى سن

والعكس صحيح فى رجالة بتكون 40سنة و ولا حاجة دلدول يعنى واى بنت فى اى سن تركبة

لو حنتكلم فسيولوجيا

اة البنت بتكبر قبل الولد واللى بيهدها الحمل والخلفة واكيد بنت حملت وخلفت فى ال25 غير فى 33 مثلا لكن بصراحة مش كتير

حاجة كمان

الراجل اللى حيقول كبرت ويبص برة حيفضل يقول كدة فى اى سن ودة واقع و حقيقة

اهم حاجة عشان تعدى عقبة السن ... ان تكون اخلاقها نمرة واحد بيتها نمرة واحد وتعليمها حلو

فارق السن 4 سنين حلو وبنت 30 ذى 25 لو متفاهمين وبتحبها