إعـــــــلان

Collapse

.

,
See more
See less

مواقف غريبة ومواقف محرجة ههههه

Collapse
X
 
  • Filter
  • الوقت
  • Show
Clear All
new posts

  • مواقف غريبة ومواقف محرجة ههههه

    فى ظل الايام العصيبة والكئيبة اللى بنعيشها بسبب الساحة السياسية فى مصر
    قولت نضحك شوية ونحكى عن بعض المواقف السودة اللى كانت بتحصل للواحد ولما بنفتكرها
    بتكون مجرد ذكرى حلوة بنضحك عليها طبعا ما اكثر المواقف المحرجة والمواقف الغريبة اللى بنتعرض ليها
    ودى بعض المواقف اللى تعرضت لها فى حياتى
    1-
    فى يوم من ذات الايام كانت الدنيا ساقعة جدا فى اسكندرية و مطر والدنيا بايظة
    وكنت قاعد مع صحابى فى القهوة وجاه معاد اننا نروح سلام سلام وجه معايا جارى وصديقى
    وبدون وصف لصديقى كتير بس هو عامل كدة تقريبا على طول
    المهم ماشين والدنيا هوس هوس و المعلم اللى معايا عمال يتكلم فى امور الحياه ويك ويك ويك
    وانا بسمعله ورجلى ماشية يمين شمال يمين شمال يمين وهوووووووب مافيش شمال
    رجلى الشمال وقعت فى بلاعة مفتوحة ونزلت فيها بكل جسمى ورجلى اليمين كلها متشعلقة برة البلاعة ولا جاكى شان فى زمانه
    والمعلم التانى كان قالع النضارة علشان المطر بالاضافة انه عامل كدة
    فطبعا بذكاءه الخارق فضل مكمل مشى وهو لسة بيتكلم فى امور الحياه وانا عمال انادى عليه
    يا عاااام يااااا زفت مافيش هو اصلا مش سامع من الهواء المهم اخد باله انى مش ماشى جنبه
    وفضل يبص حواليه وانا بقوله يااااااا عم انا هنا وهو مش شايفنى انا بنادى منين .. ركز شوية وراح عامل كدة اخيرا شوفتنى ياطبش واللى نزل عليه الضحك
    المهم جالى وهو بيضحك وهو مادد صوبعه زى اخينا دة والمفروض ان هو حيساعدنى علشان انا لو اتنكت شوية رجلى حتتكسر
    فضل يضحك لحد ما خلانى عمال اضحك وهو ماسك ايدى عمال يشد ويضحك زى الهبل
    راحت ايدى متظفلطة من ايده و راح منطور هو كمان وواقع فى الارض فى ماية الشتا وانا خلاص حعيط من كتر الوجع وفى نفس الوقت حعيط من كتر الضحك
    طبعا ساعتها انا كنت بفكر ادخل جوة البلاعة احسن حد يعرفنا يشوفنا بالمنظر دة حتبقى فضيحة بجلاجل
    واحد قاعد جوة البلاعة والتانى قاعد فى ماية الشتا فى حالة ضحك هستيرى (ههههه اكيد دول مجانين)
    المهم المعلم قام ينفض فى هدومة وشدنى وطلعت وروحت مديله واحده علشان البلاهة بتاعته
    وكملنا حالة الضحك لحد البيت ... كان يوم ماطلعلهوش ولا شمس ولا قمر كل ما افتكر اليوم اموت من الضحك هههههههه

    .................................................. .................................................. ..
    2-
    مقدمة :
    فى يوم من ذات الايام كنت بشتغل فى شركة ما المهم الشركة دى كان فيها اجانب وبيترددوا على الشركة كتير ودة شيئ عادى جدا
    المهم فى يوم جات عندنا خبيرة وواضح الاهتمام الشديد بيها والناس رايحة جاية معاها وشكلها حاجة مهمة جدا المهم انا ماليش علاقة بيها .. حلو
    المهم
    الساعة بقت 12 واذان الظهر بياذن روحت خلصت اللى فى ايدى بسرعة روحت ناطط من على كرسى المكتب
    وجرى على حمام الادارة بتاعتى علشان اتوضا والحق اصلى الضهر فى جامع الشركة والحمام دة كان بمفتاح
    يعنى انت تدخل جوة وتقفل على نفسك بالمفتاح ولو فتحت الباب من برة مش حيفتح
    انا بقى داخل على باب الحمام متسربع علشان سامع الاقامة بتاعت الصلاة وعايز الحق الصلاة قبل ما يخلصوا
    افتح الباب فتح و افتح الباب على مصراعيه .. وهوووووب لاقيت الخبييييرة ذات الاهتمام الكبيير جوة الحمام يا خبر اسوووود
    طبعا انا اتمسمرت فى مكانى واللى طالع عليا i am so sorry .. i am sorry وبقفل باب الحمام بالراحة
    وهى بابتسامه هبلة زيها it's ok .. don't worry .. دونت ورى ايه يا ولية دة انا قولت دى حتقلع الجزمة تضربنى بيها
    و طبعا بعد ما خرجت رجعت تانى علشان اتوضأ وسامع نائب رئيس مجلس الادارة بيضحك وبيعتزرلها عن الخطأ الغير مقصود
    طبعا صليت فى مكان مكتبى وفضلت قاعد على المكتب زي الكرسى والسيد النائب كل شوية يعدى من قدامى هههههه
    وانا باصص فى شاشة الكمبيوتر وعامل نفسى منهمك فى الشغل لحد ما جاه ميعاد الخلعوون
    ونطيت فى عربيتى وخلعت احسن السيد النائب يشوفنى ... والله دى من اكتر المواقف احراجا ليا كنت بقول يا ارض انشقى وابلعينى
    [RIGHT]سبحان الله وبحمده سبحان الله العظيم
    [/RIGHT]

  • #2
    ايه الصحراء الجرداء دى انتوا نمتوا بدرى النهاردة ولا ايه
    [RIGHT]سبحان الله وبحمده سبحان الله العظيم
    [/RIGHT]

    Comment


    • #3
      هههههههههههههه الايموشنات بتعتك راكبه بالملى ع الموضوع
      الموقف الاولانى ده مدينى احساس الحشيش مش عارف ليه
      والتانى بقى بيفكرنى بمحمد هنيدى ف فلم سور الصين لما الواد كل شويه يعدى من جنبه ويضحك
      انت مبدع والله يا باشا ف عرضك للموضوع
      matador سابقا

      Comment


      • #4
        المشاركة الأصلية كتبت بواسطة m.belal مشاهدة المشاركة
        هههههههههههههه الايموشنات بتعتك راكبه بالملى ع الموضوع
        الموقف الاولانى ده مدينى احساس الحشيش مش عارف ليه
        والتانى بقى بيفكرنى بمحمد هنيدى ف فلم سور الصين لما الواد كل شويه يعدى من جنبه ويضحك
        انت مبدع والله يا باشا ف عرضك للموضوع
        لا الراجل اللى كان معايا مش محتاج حشيش هو مسطول لوحده اصلا
        [RIGHT]سبحان الله وبحمده سبحان الله العظيم
        [/RIGHT]

        Comment


        • #5
          هههههههههههههههههههههههههههههههههههههههههه انا قاعد اتخيل الموقف الاولاني و ميت من الضحك

          Comment


          • #6
            موضوع الدخول علي الحريم في الحمامات اتكرر كتير معايا هههههههههههههه

            Comment


            • #7
              هههههههههههه الموقف الاولانى ده كوميدى جداا :d بتخيل شكلك وانت فى البلاعة :d

              Comment


              • #8
                المشاركة الأصلية كتبت بواسطة screenplays مشاهدة المشاركة
                هههههههههههههههههههههههههههههههههههههههههه انا قاعد اتخيل الموقف الاولاني و ميت من الضحك
                هههههههههه

                المشاركة الأصلية كتبت بواسطة screenplays مشاهدة المشاركة
                موضوع الدخول علي الحريم في الحمامات اتكرر كتير معايا هههههههههههههه
                دة موقف مهبب بستين نيلة ... هى مش حريم ولا حاجة دى ست كبيرة بس الموقف ذات نفسه احرجنى جدا
                دة غير انها ما سكتتش ودخلت حكت لنائب رئيس الادارة بس هى زوق طبعا ووضحت انه بالخطأ طبعا

                المشاركة الأصلية كتبت بواسطة zangry مشاهدة المشاركة
                هههههههههههه الموقف الاولانى ده كوميدى جداا :d بتخيل شكلك وانت فى البلاعة :d
                يا سلام ياخويا فرحان اوى ههههه .. انا بقالى سنين انا والمعتوه اللى كان معايا بنضحك على الموقف دة
                [RIGHT]سبحان الله وبحمده سبحان الله العظيم
                [/RIGHT]

                Comment


                • #9
                  المشاركة الأصلية كتبت بواسطة amr.elsayed مشاهدة المشاركة
                  هههههههههه



                  دة موقف مهبب بستين نيلة ... هى مش حريم ولا حاجة دى ست كبيرة بس الموقف ذات نفسه احرجنى جدا
                  دة غير انها ما سكتتش ودخلت حكت لنائب رئيس الادارة بس هى زوق طبعا ووضحت انه بالخطأ طبعا



                  يا سلام ياخويا فرحان اوى ههههه .. انا بقالى سنين انا والمعتوه اللى كان معايا بنضحك على الموقف دة
                  ههههههههههه بصراحة اه :d انت يابنى موعود بالقرف كده يوم بلاعة ويوم برص :d

                  Comment


                  • #10
                    موضوع جميل
                    اضحك الله سنك

                    موقف بقي بس حصل مع ابويا وابويا بيحب يعمل شوية مقالب

                    اولهم: كان نايم وانا الحمد لله وارث عنه الحركه اثناء النوم يعني لو في حاجه بتضربي في الحلم بتحرك بس مش زي ابويا بقي
                    المعلم كان نايم وبيحلم ان في حد بيسرقه وانا كنت صغير ونايم جنبه وتقريبا كان بيضربه وابويا فضل يضرب فيا لما اتكسرت جنبه وكملت نومي عادي وجه الصبح بيقولي ياواد ياهيثم انا كنت بحلم ان في حرامي بيسرقني ومسكته اديته علقه تكيف قلتله مانا عارف ياخويا

                    الموقف التاني:
                    كان عندنا ارض وكان بيرويها بالليل هو وابن عمه وواحد تاني من البلد
                    فابن عمه ده بيخاف شويه وكانو جايبين اكل وحاحات قام ابويا واخد طبق وحاطط فيه شوية تراب وحطب ومولع فيه وحطه في قناة المياه اللي بتروي الأرض وكان ساعتها ابن عمه بيشوف اد ايه خلص والمياه وصلت فين وكده وكانت ارض دره وكان الدره عالي قوي وفجاه طبق النار وصل ابن عم ابويا وكل اللي عليه عمال يصرخ ويجري في الارض ويقول مااااااااارد ماااااااااااااارد

                    Comment


                    • #11
                      المشاركة الأصلية كتبت بواسطة zangry مشاهدة المشاركة
                      ههههههههههه بصراحة اه :d انت يابنى موعود بالقرف كده يوم بلاعة ويوم برص :d
                      ههههههههههههههه اعمل ايه بس حياتى كلها مزاولات

                      المشاركة الأصلية كتبت بواسطة shaddadfalcon1 مشاهدة المشاركة
                      موضوع جميل
                      اضحك الله سنك

                      موقف بقي بس حصل مع ابويا وابويا بيحب يعمل شوية مقالب

                      اولهم: كان نايم وانا الحمد لله وارث عنه الحركه اثناء النوم يعني لو في حاجه بتضربي في الحلم بتحرك بس مش زي ابويا بقي
                      المعلم كان نايم وبيحلم ان في حد بيسرقه وانا كنت صغير ونايم جنبه وتقريبا كان بيضربه وابويا فضل يضرب فيا لما اتكسرت جنبه وكملت نومي عادي وجه الصبح بيقولي ياواد ياهيثم انا كنت بحلم ان في حرامي بيسرقني ومسكته اديته علقه تكيف قلتله مانا عارف ياخويا

                      الموقف التاني:
                      كان عندنا ارض وكان بيرويها بالليل هو وابن عمه وواحد تاني من البلد
                      فابن عمه ده بيخاف شويه وكانو جايبين اكل وحاحات قام ابويا واخد طبق وحاطط فيه شوية تراب وحطب ومولع فيه وحطه في قناة المياه اللي بتروي الأرض وكان ساعتها ابن عمه بيشوف اد ايه خلص والمياه وصلت فين وكده وكانت ارض دره وكان الدره عالي قوي وفجاه طبق النار وصل ابن عم ابويا وكل اللي عليه عمال يصرخ ويجري في الارض ويقول مااااااااارد ماااااااااااااارد
                      ههههههههههههههههههههههههههههههههههههههههههه عفريييييييييييييت ههههه
                      استنوا ححكيلكوا على يوم تاني يوم عذاب وكوميديا
                      [RIGHT]سبحان الله وبحمده سبحان الله العظيم
                      [/RIGHT]

                      Comment


                      • #12
                        3-
                        فى يوم من الايام انا واصحابى اتفقنا اننا نحضر ماتش الاهلى والاتحاد فى اسكندرية وانا كانت دى اول مرة احضر فيها ماتش كورة فى الاستاد
                        المهم واحد من صحابنا جابلنا التذاكر قبليها بيوم وتانى يوم الضهر توكلنا على الله وشدينا الرحال على الاستاد وواقفين مستنين الباب يفتح
                        واليوم ماشى جميل جدا والامن مستتب .. وببص كدة الله هيييييه جمهور الاهلى اللى جاى من القاهرة وصل وحاجة جميلة كدة والاعلام الحمرا والدنيا والعة لحد كدة حلو
                        جاه واحد من جمهور الاتحاد مش عاجبه اتوبيس من بتوع الاهلى علشان واحد من الاتوبيس مدلدل علم الاهلى والعلم كبير
                        الاتحداوى راح متشعلق فى العلم وبيشده على اعتبار ان دى قلة ادب والاهلاوى من جوة الاتوبيس بيشد وخلاص حيقع من الاتوبيس
                        ويشاء السميع العليم الاتحداوية يتجمعوا عند الاتوبيس والسبيرتو اشتغل يا معلم ... اللى بيضرب فى الاتوبيس واللى بيحدف طوب واللى بيقول الى الجهاااااااد
                        هوب الدنيا اتقلبت وشريف صاحبى بيقولى اجرى .. ايه .. اجرىىىىىىى ... انا اخدت ديلى فى سنانى وجريت ما كل الناس بتجرى والامن بيجرى ورانا بكلاب وحصنة ... اه والله حصنة .. وانا مش عارف احنا بنجرى ليه اصلا احنا معملناش حاجة
                        فضلنا نجرى لحد بوابة تانية للاستاد ووقفنا وطبعا انا بشحر خلاااص وشوية وقلبى حيقف
                        بس حاسس بهوا وسخونية فى قفايا .. انا قولت دة اكيد شريف واقف ورايا فا بقوله
                        يا شريف اتنفس بعيد هى ناقصة فرهضة ... ماردش وفضل يتنفس بردو المهم بتلفت ورايا علشان افهمه انه بيتنفس فى قفايا وان انا متضايق
                        لاقيت امامى حاجة سودة قولت دة اكيد شعر شريف فا برجع برقبتى كدة شوية علشان اشوفه وافهمه
                        لاقيت راس حصااااان وجها لوجه بينى وبينه 2 سنتى .. طبعا انا شوفت المنظر دة اتفجعت اتنفس فى وشى واخدت بعضى وهات يا جرى لحد مالاقيت ولاد 60 * 70 اصحاب الفكرة السودة
                        ماهو مش بعد الجرى اللى انا جريته دة كله الحصان يسيب الناس كلها ويجيلى انا .. انا اصلا مش بحب الحصنة
                        دخلنا الماتش بعد عذاب واقعدنا طبعا حاجة عذاب التنين من الساعة 2.30 لحد الساعة 7.30 علشان الزفت الماتش يبدأ
                        لما خلااااص عدا علينا جميع فصول السنة وجميع الاشكال الضالة انضف واحد فيهم كان بيعزم عليا كل شوية بسندوتشات مكرونة
                        كنت حموت يوميها علشان شايف على اليمين جمهور الاهلى الالتراس والدنيا عندهم هناك لونها احمر احنا فى المكان بتاعنا الدنيا لونا اسود واللون الاحمر الوحيد لون صلصة الماكرونة اللى فى السندوتش الله يحرقه زى ما قرفنى
                        المهم اتفرجنا على جمال الدولى ودة كبير مشجعى السبرتو وبخر الملعب وطلع قعد على الساعة وفى الاخر الاهلى كسب كالعادة
                        جينا نخرج من الملعب فضلنا محبوسين جوة علشان فى اعمال شغب برة والامن المتخلف خرج جمهور الاتحاد الاول
                        وطلع انهم مستنين جمهور الاهلى وكانوا فى اخر الماتش بيشجعوا ويقولوا .. هوب العلقة بارة .. هوب العلقة بارة ههههه
                        وفعلا الناس دى بصراحة مش بتكدب وكل من هو اهلاوى كان معرض انه ياخد علقة موت .. خرجنا من الاستاد وكل واحد جرى فى حتى شكل
                        انا بصراحة كنت حموت من كتر التعب ومش قادر انضرب ههههه لاقيت علم اخضر واقع فى الارض روحت ماسكو فى ايدى وماشى على مهلى كله كان بيجى عندى اقوم رافع العلم يسيبنى ويشوف غيرى
                        او اى حاجة لونها احمر حتى لو قطة حمرا ماشية فى الشارع حيقول دى اهلاوية وحيتخانق معاها
                        كان يوم عصيب بجد ومليان احداث و طبعا من يومها الاستاد دة مش بشوفوا غير فى التلفزيون
                        [RIGHT]سبحان الله وبحمده سبحان الله العظيم
                        [/RIGHT]

                        Comment


                        • #13
                          هههههههههههههههههههههه عشان كده انا بكره الكوره

                          Comment

                          Working...
                          X