الناس الي اتجوزن .. احكلنا بدات تكون نفسك و حياتك ازاي ؟!

[rompo10]

انا كل اللي عملته اني اخدت الماجستير ودلوقتي مسجل الدكتوراه وعندي مكتب محاماه وتقدمت لوظيفه وانا معايا الماجستير ومسجل الدكتوراه كمان واترفضت واللي دخل مكاني ليسانس بالنسبه للشقه ابويا اشترهالي ربنا يخليه وخاطب ومش عارف اخلع

[Screenplays]

وهوب والحاجة قالتلى لازم تخطب واديني عندى 25 سنة وقريت فاتحة والشقة موجودة الحمدلله بس ناقص برده التوضيب

الحاجه قلتلك لازم تخطب فقومت قريت فاتحه ؟ طيب

وخاطب ومش عارف اخلع

هههههههههههههههههههههههه انت لسه مش عارف تخلع ؟ ما انا قولتلك قولها ان عندك الايدز و انت هتخلع مستريح هههههههههههههههههههههه

[rompo10]

والله ياسكرين نفسي المشكله انها قربتي وكده الناس كلها هاتقع في بعضها

[Screenplays]

بص انا رأيي تقطع عرق و تسيح دم و وجع دماغ ساعه و لا وجع دماغ كل ساعه

يعني مينفعش تكمل في الخطوبه دي و انت مش مبسوط و تفضل عايش تعيس طول عمرك لمجرد خوفك من ان الناس تقع في بعض عشان قرايب

[ahmadmidop]

بصراحة الموضوع ده بفكر فيه بقالي شهر كده وعندى حالة توتر وقلق بجد .. انا دفعة 2011 ولسه في اول الطريق بس خااايف اخد خطوة

[m07amed.]

انا بعد ما اتخرجت الوالد كان عايز يخليني اعمل دبلومه عشان يعرف يجيبلي عقد عمل في الخليج بس انا مش طموحي اني اشتغل في الخليج لاني كنت عايز اسافر اي دوله اوروبيه او امريكا او كندا بس طبعا مكنش حد هيوافق في البيت ... الكلام ده كان في 2008 و لو كنت اعرف ان هيحصل اللي حصل في مصر كنت سمعت كلامه ... المهم طبعا زعل و قالي تعامل في الشغل مع نفسك فاتفتحت سنتين لحد ما عملت قرشين و اتعرفت علي اتنين شباب و فتحنا مع بعض شركه ويب هوستنج ... العمليه مشيت و زي اللوز و البليه لعبت و كلنا اشترينا عربيات و قولت هبتدي احوش بقه عشان اهاجر من هنا و لكن الثوره حصلت و قضت علي كل حاجه و الحمد لله ... الشركه اتقفلت و خسرت شغلانه ب 80 الف دولار و عربيتي اتسرقت و فلوسي في البورصه خسرتها ... حاليا بقالي سنه قاعد في بيتنا مش عارف ابتدي ازاي

ربنا يكون في عونك ويصبرك و يعوضك خير ان شاء الله

[zangry]

بص انا رأيي تقطع عرق و تسيح دم و وجع دماغ ساعه و لا وجع دماغ كل ساعه

يعني مينفعش تكمل في الخطوبه دي و انت مش مبسوط و تفضل عايش تعيس طول عمرك لمجرد خوفك من ان الناس تقع في بعض عشان قرايب

+1111

[Screenplays]

بصراحة الموضوع ده بفكر فيه بقالي شهر كده وعندى حالة توتر وقلق بجد .. انا دفعة 2011 ولسه في اول الطريق بس خااايف اخد خطوة

مش انت اللي كنت عامل موضوع عن زميلتك في الشغل اللي معجب بيها ؟ ايه اخر التطورات ؟

[Screenplays]

ربنا يكون في عونك ويصبرك و يعوضك خير ان شاء الله

الله يخليك يا فندم

[dede_dodo88]

يعني هو للأسف لو معندكش أهل يظبطوك فيستحسن تأجل فكرة الجواز دي لأجل غير مسمى.

[AhMeD EzZ]

يعني هو للأسف لو معندكش أهل يظبطوك فيستحسن تأجل فكرة الجواز دي لأجل غير مسمى.

مهو الاهل هيظبطوك لامتي ؟!

والدي جابلي الشقة هقولة افرشهالي كمان ؟!! :d

[dede_dodo88]

مهو الاهل هيظبطوك لامتي ؟!

والدي جابلي الشقة هقولة افرشهالي كمان ؟!! :d

أيوة أنا مش قصدي أنهم يعملولك كل حاجة,
كفاية أوي يجيبولك الشقة أو حتى يساهموا فيها بأي حاجة..
لكن لو أنت بطولك كده و عصامي فأنت معاك ربنا بقى..

[هيثم المنياوى]

انا بعد ما اتخرجت الوالد كان عايز يخليني اعمل دبلومه عشان يعرف يجيبلي عقد عمل في الخليج بس انا مش طموحي اني اشتغل في الخليج لاني كنت عايز اسافر اي دوله اوروبيه او امريكا او كندا بس طبعا مكنش حد هيوافق في البيت ... الكلام ده كان في 2008 و لو كنت اعرف ان هيحصل اللي حصل في مصر كنت سمعت كلامه ... المهم طبعا زعل و قالي تعامل في الشغل مع نفسك فاتفتحت سنتين لحد ما عملت قرشين و اتعرفت علي اتنين شباب و فتحنا مع بعض شركه ويب هوستنج ... العمليه مشيت و زي اللوز و البليه لعبت و كلنا اشترينا عربيات و قولت هبتدي احوش بقه عشان اهاجر من هنا و لكن الثوره حصلت و قضت علي كل حاجه و الحمد لله ... الشركه اتقفلت و خسرت شغلانه ب 80 الف دولار و عربيتي اتسرقت و فلوسي في البورصه خسرتها ... حاليا بقالي سنه قاعد في بيتنا مش عارف ابتدي ازاي

قال الله عز وجل :
" وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون "

وقال سبحانه :
" لا تحسبوه شرا لكم بل هو خير لكم "
...
يقول الإمام ابن القيم - رحمه الله - :
في هذه الآية عدة حكم وأسرار ومصالح للعبد ، فإن العبد إذا علم أن المكروه قد يأتي بالمحبوب ، والمحبوب قد يأتي بالمكروه ، لم يأمن أن توافيه المضرة من جانب المسرة ، ولم ييأس أن تأتيه المسرة من جانب المضرة لعدم علمه بالعواقب ، فإن الله يعلم منها ما لا يعلمه العبد .

[amr.elsayed]

مهو الاهل هيظبطوك لامتي ؟!

والدي جابلي الشقة هقولة افرشهالي كمان ؟!! :d

فى حلول كتير على حسب ظروف كل واحد
فى ناس بتستخدم القسط وبيتجوز وانا واحد من الناس الصراحة بكره حاجة اسمها قسط لكن فى غيرى بيبقى عنده القدرة على كدة وبيتجوز
اه بيتعب شوية فى الاول وبعد كدة بيستريح وبتبدأ حالته المادية تستقر وفى ناس كتير بتستخدم الطريقة دى
.........
وفى بنات ولاد حلال تقولك .. نشترى الضروريات فى الشقة ونفرش باقى الشقة واحدة واحدة
يعنى مش لازم يبقى الفرش هاى ستايل من اولها ومش لازم تفرش البيت كله مرة واحدة لا ابدأ على قدك
وطور البيت واحدة واحدة
..........
ممكن تبيع الشقة الكبيرة وتشترى شقة اصغر شوية حيتوفرلك مبلغ محترم تفرش بيه الشقة او تشطب بيه
او تشترى اجهزة ... الخ مش لازم تبدأ فى ملعب .. ابدأ على قدك وكبر بعد كدة لما ربنا يفرجها
........
لكن حتفضلوا تضربوا اخماس فى اسداس وتفكر فى المستقبل عمرها ما حتمشى ولا حتطول حاضر ولا مستقبل
و اهم حاجة انك تشوف الامكانيات اللى فى متناول ايدك وتستغلها افضل استغلال

[Screenplays]

قال الله عز وجل :
" وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون "

وقال سبحانه :
" لا تحسبوه شرا لكم بل هو خير لكم "
...
يقول الإمام ابن القيم - رحمه الله - :
في هذه الآية عدة حكم وأسرار ومصالح للعبد ، فإن العبد إذا علم أن المكروه قد يأتي بالمحبوب ، والمحبوب قد يأتي بالمكروه ، لم يأمن أن توافيه المضرة من جانب المسرة ، ولم ييأس أن تأتيه المسرة من جانب المضرة لعدم علمه بالعواقب ، فإن الله يعلم منها ما لا يعلمه العبد .

و الله انا مش شايف اي خير في اللي حصلي