عاوز اجيب موبايل مش اكتر من 2500

[m7mda7md]

السلام عليكم و رحمه الله و بركاته

موبايلي صديقي ال N70 سلم نمر بعد عشره قربت علي 6 سنين و شاف معايا ايام اسود من السواد لحد ما زهق مني و باظ....عاوز اجيب موبايل جديد ميزدش عن 2500 جنيه و عاجبني الـ NOKIA N8 و محتار بينه و بين الـ X7 و الـ C7.....مش بحب السامسونج ولا بثق فيه ولا بحب السوني ولا الحاجات دي مع اني نفسي اجرب الاندرويد بس بردو مش بثق فيهم.....ايه رأيكم

[m7mda7md]

لا تشرب الدواء......الدواء فيه سم قابل

[ahmedfathi]

هات نوكيا ان 8 عن تجربه ... كفايه ان فيه افضل كاميرا هاتفيه فى العالم ..يعنى مش هتحتاج كاميرا ديجتال

[MOUSTAFA_SAAD]

هات اى حاجه شغاله بالاندرويد
وابعد عن النوكيا
زمنه راح

[m7mda7md]

هو الصراحه انا مرتاح مع النوكيا و عشان كده اخترت الإن 8 و محتار بينه و بين سي 7.....شكرا للردود و شكلها كده هترسي علي إن 8 بإذن الله

[yyy]

جرب الاندرويد و مش هتبص للنوكيا تاني

[m7mda7md]

منا جربته يا باشا مع اصحابي بس تجربه مش عميقه و اقدر استغني عن جماله في مقابل قوه النوكيا كتحمل و قطع غيار و انتشار واسع

[yyy]

انا كنت زيك بردو نوكيا من زمان اوي بس غيرت لسامسونج و مش شايفو ضعيف خالص
و الاندرويد ميزتو ان اي برنامج تتخيلو دور عليه علي الماركت هتلاقيه

مشكلتو الوحيده البطاريه ال بتعد يوم بس

[aly_hosny]

جالاكسي اس 2
افضل موبيل في العالم سنة 2011
شوف ال drop test بتاعه على اليوتيوب لو شايف انه ضعيف

[m7mda7md]

شكرا جزيلا يا رجاله.....بالنسبه للقوه و الضعف مش قصدي اخبطه شاكوش و اشوف النتيجه.....بصوا اقولكم بتاع الصيانه قالي ايه.....السامسونج بتيجي عنده كتير،عده باظت منها لنفسها انما السوني مش بتيجي غير و هيه واقعه من صاحبها او واخده خبطه جامده....بس السامسونج تصليحه في اي مكان انما السوني في التوكيل بس تقريبا......نسيت اقولكم اني رسيت علي sony xperia arc s

[SAMEH_FOUAD]

يابنى ارسى على حل عايز n8 ولا عايز sony experia عموما لو بتدور على جودة + اوبشن + اعتمادية يبقى عندك ال samsung galaxy s advance , samsung galaxy wonder

htc one v ودة ب2300 جنية واقل كمان يعنى تقريبا وصل دلوقتى 2200 جنية بس طبعا ذاكرة قليلة 4 جيجا بس , شاشة 3.7 مش superamoled

عموما يامان شوف اوبشن ال سونى arc كويس عشان هو اوبشنة ضعيف على سعرة

على فكرة جرب كدة تسأل واحد تانى بتاع صيانة حتى لو دة موثوق فية بس عشان تتأكد