قانون " الجهد المعكوس

[mohammedabdallh]

قانون " الجهد المعكوس " :
------------------------------

" عندما تكون رغباتك وخيالك متعارضين ..فإن خيالك يكسب دون خلاف " .
ما معنى هذا الكلام ؟ نضرب مثال بسيط :

إذا طُلِبَ منك أن تمشى على لوح خشب .. موضوع على الأرض ،
فإنّك بلا شك .. ستمر عليه دون أدنى مشاكل .
فرغبتك فى المرور لا تتعارض مع خيالك ..

لأن احتمال السقوط غير مهدِد لك ، و إن حدث فسيكون على الأرض ..

الآن :
افترض أن هذا اللوح موضوع على ارتفاع 20 قدما فى الهواء بين عمارتين عاليتين ..
هل تستطيع أن تمشى عليه ؟ مع أنه نفس اللوح بنفس الطول والعرض
لا أعتقد لماذا ؟

التفسير :
-----------

إن رغبتك فى المشى عليه ستواجه من جانب خيالك أو الخوف من السقوط ،
و مع أنك تملك الرغبة فى المشى لكن ..
صورة الوقوع فى خيالك ستتغلب على رغبتك و إرادتك فى المشى على اللوح !

والعجيب أنّك لو حاولت المشى عليه ..
قد يحقق خيالك السقوط بنفس الشكل الذى تخيلته ..
لأنه تدرب عليه مسبقاً فى اللاوعى الذى يدير 90% من سلوكياتك .

ماذا نستفيد من تلك القاعده ؟
----------------------------------

أظن ان الصورة بدأت تتضح ، كلنا يملك الرغبة للنجاح ،،
ولكن لا ننجح ! لماذا ؟ خوفا من الفشل ، أو السقوط .

من كتاب: قوة العقل الباطن
للكاتب : جوزيف ميرفى

[mohammedabdallh]

ايه
الموضوع ميستحقش الرد

[FunnyMickey]

واما الواحد يكسر الخوف اللي جواه ويخوض مثلا التجربه اللي خايف منها
ده بيبقي ايه

[m7mda7md]

الكام ده لو طلع حقيقي فعلا تبقي كارثه.....انا مقتنع بالفكره بس مش متخيل انها تعمل نتيجه فظيعه كده!!!!!!

[grand hand]

بس فى الواقع لو حاولت تنجح وفشلت مش هتموت
انما لو حاولت تعدى لوح الخشب وفشلت رقبتك هتتكسر!!

[islamlight]

الموضوع ده يعنى انت عامله علشان مانخدش بالنا من النتيجة بتاعت المنوفية.
ايه يا ابو عبدالله اللى المنوفية عملته ده؟
ههههههههه

[mohammedabdallh]

الموضوع ده يعنى انت عامله علشان مانخدش بالنا من النتيجة بتاعت المنوفية.
ايه يا ابو عبدالله اللى المنوفية عملته ده؟
ههههههههه

النظريه دى المنوفيه كانت بتطبقها امس يا جوست

[mohammedabdallh]

واما الواحد يكسر الخوف اللي جواه ويخوض مثلا التجربه اللي خايف منها
ده بيبقي ايه

هتطبقا فى حاجات كتير
بس خايف تطبقها فى حاجه تندم على عقوبها

[mohammedabdallh]

الكام ده لو طلع حقيقي فعلا تبقي كارثه.....انا مقتنع بالفكره بس مش متخيل انها تعمل نتيجه فظيعه كده!!!!!!

هقولك على حاجه
جرب مثلا انك تغير سير الكتينه بنفسك
الموضوع بسيط
بس انت تخاف تعملها لحسن تبوظ المتور
وتروح عند الميكانيكى يخلى الواد بليه هو الى يغيره وانت تقف تتفرج عليه
لو كسرت الحاجز الىى جواك هتفك المتور وتعمل عمره كمان
ههههههههههههه

[mohammedabdallh]

بس فى الواقع لو حاولت تنجح وفشلت مش هتموت
انما لو حاولت تعدى لوح الخشب وفشلت رقبتك هتتكسر!!

ما احنا قولنا الموضع محتاج تدريب ذهنى قبل العضلى
وجرب وقولى
هههههههههههههههههههه

[Imhotep]

مثل تانى لتوضيح فكرة قانون الجهد المعكوس هيلقطه على طول كل اللى بيحب يركب عجل.....

لو انت راكب عجلة و بتبص قدامك على الطريق..... لقيت حجر كبير..... الصح انك تبعد عينك عنه و تركز على الطريق و لما تيجى جنبه ابقى اتفاداه..... لكن لو فضلت مركز عينك عليه..... تأكد تماما من انك حينما تأتى اليه..... ستصطدم بيه

انا اخترت مثل العجلة عشان بيشرح القصة دى احسن من مثلا عربية

[friendship7897]

الموضوع دا فكرني بكتاب ل (أنتوني روبنز) حول موضوع إيقاظ قدراتنا والإستفادة من قدراتنا الغير محدودة التي نتركها دون أدنى إهتمام ، وكانت أول نصيحة (إحذروا من الخوف لأن ....الـــخـــــوف يعيق النجاح) ، وكان فيه حاجة غريبة في الكتاب لفتت نظري وهي (السير فوق 12 قدما من الفحم المشتعل) ، وأوضح إن ليس الهدف السير في حد ذاته ولكن الهدف تجربة القدرة الشخصية ولإفساح المجال للناس كي يحرروا عقولهم ويحققوا نتائج كانوا يظنونها من قبل مستحيلة لقد كان السير فوق النار منذ آلاف السنين إختبارا دينيا للإيمان والدرس المستفاد من ذلك المثل يتمثل في أن:
بمقدور الناس فعل أي شيء طالما أنهم يحشدون طاقاتهم الداعية إلى الإعتقاد في قدرتهم على ذلك مع قيامهم بالأعمال دون خوف .

[me_medoo]

موضوع جميل ياحج محمد
يامفجر المواضيع الجميلة واللزيزة تسلم ايديك يا غالي
بس صحيح الا بالحق على ضوء ماسبق ليه الانسان مابيتخيلش الجنة والنار
ويجعل خيالوا يسيطر على افعالوا الشيطانية
وباستغرب ليه ساعتها الرغبات. تسطير على الخيال في هذا اللحظة
ده لو الانسان شغل مخو شوية وتخيل غضب الرب عليه اعتقد انو ممكن يعملها
على نفسوا من شدة الخوف والرهبه من رب العالمين قبل مايفكر يزني ولا يعاكس ولا يسرق ولا ينصب
او يكزب او يئزي اي مخلوق خلقوا رب العالمين

@@@@@@@@@@@

موضوع جميل يا حبيب قلبي محمد باشا
وتسلم ايديك يا غالي

[mohammedabdallh]

موضوع جميل ياحج محمد
يامفجر المواضيع الجميلة واللزيزة تسلم ايديك يا غالي
بس صحيح الا بالحق على ضوء ماسبق ليه الانسان مابيتخيلش الجنة والنار
ويجعل خيالوا يسيطر على افعالوا الشيطانية
وباستغرب ليه ساعتها الرغبات. تسطير على الخيال في هذا اللحظة
ده لو الانسان شغل مخو شوية وتخيل غضب الرب عليه اعتقد انو ممكن يعملها
على نفسوا من شدة الخوف والرهبه من رب العالمين قبل مايفكر يزني ولا يعاكس ولا يسرق ولا ينصب
او يكزب او يئزي اي مخلوق خلقوا رب العالمين

@@@@@@@@@@@

موضوع جميل يا حبيب قلبي محمد باشا
وتسلم ايديك يا غالي

ربك رؤف بالعباد
احنا ممكن نتخيل النار ولكن منعرفشى نوصفها ربك وصفها فى كتابه العذيذ
ومع ذلك نعمة النسيان اكبر
علشان كدا لازم نخطىء ونستفغر الى ان تقوم الساعه
شكرا على مرورك
مبروك على الترقيه الجديده تستحقها

[mohammedabdallh]

قال عمرو بن العاص :" لوّ يعلم أحدُكم حقيقة جهنّم
لصرخ منها حتّى ينقطعَ صوته ،ولصلّى حتّى ينكسر صُلبه