أفضل ثلاجه / بوتجاز / غساله 2012

[bluemagic11]

السلام عليكم ورحمه الله وبركاته

عايز اعرف ايه افضل الماركات فى الاجهزه دى لانى على وشك الجواز باذن الله :)

مستنى ردكم والف شكر

[a_samy]

ألف ألف مبروك وربنا يتمملك على خير ويسعدك مع زوجتك
من رأى الشخصى المتواضع كما يلى:-
1-البوتاجاز (يونيفرسال)
2-الثلاجه (أل جى-شارب-توشيبا)مع العلم ده مش ترتيب الأفضليه
3-الغساله فيه حاجات كتير مش هقدر أفيدك بس عسالات توسيبا اللى بتفتح من فوق دى أسعاارها حلوه أوى وموفره جدا فى المسحوق.

[bluemagic11]

الف شكر على ردك يا باشا و دعواتك بقى :)

فى انتظار باقى المشاركات

[bluemagic11]

اى مساعده يا رجاله :)

[assaf]

البوتجاز انا عندي يونفرسال والغساله lg ممتازين
التلاجه توشيبا 3 باب كويسه بس هي انها صغيره من جوه و رفوفها بلاستك وبتتكسر شوف lg او وايت ويل صحابي في الشغل بيشكروا فيهم

[bluemagic11]

الف شكر لردك

[koshary]

السلام عليكم ورحمه الله وبركاته

عايز اعرف ايه افضل الماركات فى الاجهزه دى لانى على وشك الجواز باذن الله :)

مستنى ردكم والف شكر

ثلاجات ( ال جى او توشيبا او الكتروستار دول احسن حاجه واوفر سعر )

بوتجازات ودى عن تجربة افضل سعر واحسن خامة ( يونيون تك ) بجد خاماتو وتقفيلو محترمة احسن من اليونيفرسال بكتييير واليونيفرسال بيعمل اصوات لما تفتح الفرن وبيعمل اصوات غريبه كدا انما يونيون تك تقفيلو محترم جدا جدا

غسالات فى ( ايديال و ال جى و توشيبا ) ولاكنى افضل ال جى لان تقفيلها احسن من ايديال وتوشيبا ومبتعملش صوت عادى

[hanyemad123]

اى مساعده يا رجاله :)

شوف يا شقيق

انا برضه زيك بجهز علشان الجواز

شوف فى البوتجاز عندك كريازى القديم ده اللى جبته
التلاجات توشيبا و شارب و ال جى
توشيبا و شارب حاجه واحده بس بتختلف الموديلات و الاحجام
انا جبت شارب علشان ضمان العربى 10 سنين مش زى ال جى 5 سنين بس
حاول على قد ما تقدر تعلى بالحجم علشان ما تجبيش واحده بعد كام سنه و لاخط ان التلاجات مش زى زمان ال 14 قدم بقت صغيره اوى و ضيقه

عموما التلاثه كويسين

الغساله ال جى بس مش عارف ان كانت احسن حاجه ولا ايه . زانوسى ما بقتش زى زمان

فى حاجه كمان لقيت موضوع هنا عن ناس بتشتكى من صيانه ال جى

اتأكد الاول من كفاءه خدمه ما بعد البيع قبل ما تشترى