تحذير امني وصلني من مصدر رفيع المستوي

[ahmedeg1]

لا وحياتك مؤيدين شفيق ناس محترمه و عيب اسلوبك ده

يا فندم أكيد مش قصده حضرتك حضرتك على العين و الراس الكلام هنا عن بلطجية الحزب الوطنى

[hazemhassan]

تم الاعلان عن تاجيل نتيجة الانتخابات الى ما بعد النظر فى الطعون معنى ذلك فى احتمالية كبيرة لعدم اعلان النتجة غدا معنى ذلك كل التوصيات الامنية والكلام اللى وصل للناس ميحصلش
الواحد مش قادر يفهم البلد دية رايحة على فين ربنا يستر على البلد المرحلة خطيرة جدا والبلد حالتها صعبة جدا فساد 30 سنة والنتيجة ظهرت بوضوح الان (الفوضى الخلاقة )

فعلا انا قرات ان تم تاجيل للسبت او ل2020

[hany63]

اشـــــــــــــــــــــــــــــــــــــــــــــــك

فعلا الاحترام ليه ناسه

[elrasy]

اساسا مفيش نتيجة النهاردة

ودى كلها اشاعات لتخويف الناس من النزول على الاعتراض على الاعلان الدستورى المكمل

[Eng.Geo]

انا قريت الموضوع ده أمبارح وأكتفيت بزرار شكرا
النهاردة وصلني الكلام اللي بتقوله ده بالظبط ... وزياده عليه كلمتين

الفترة الجاية فترة فيها دم كتير
شفيق الرئيس

المصدر للأسف ثقة والكلام ده حقيقي
ربنا يستر

[Karim_Monir]

احنا البونك جوة الشركة نزلت ابوابها من بدري
وكان في تعامل معاهم قالو في احتمال كبير مايفتحوش الاحد
رغم انهم فروع لبنوك داخلية جوة الشركة لكنهم جالهم تعليمات انهم احتمال كبير مايفتحوش الاحد
والشركة نزلت مرتباتنا النهاردة قبل القبض الطبيعي ب 5 ايام
وكدة وبيقولو بنروج اشاعات
اكيد مش بدعي حاجة تحصل عشان كلامي يبقي مؤكدة
لكن انا احد اقاربي من الدرجة الاولي ظابط في جهاز امني رفيع المستوي وبلغ العيلة كلها
لدرجة ان والدي ووالدتي وكان معاهم عيالي نزلو من اسكندرية النهاردة وقطعو الاجازة

ربنا يعدي الايام دي على خير

[mohammedabdallh]

ان شاء الله خير ومفيش حاجه هتحصل

[hossam_elwani]

فعلا الاحترام ليه ناسه

فعلا الاحترام ليه ناس بعيد عن انصار شفيق ...............

[heshamzaky]

جايز يكون دة السبب
==========
لكن المفاجاه ان اللجنه مجبره بقوه القانون، علي اعلان النتائج خلال يوم الجمعه بحد اقصي، اذا لم تتمكن من اعلانها اليوم الخميس، والسر يكمن في الماده 39 من القانون رقم 174 لسنه 2005، الخاص بتنظيم الانتخابات الرئاسية، والتي لم يطلها التعديل الذي ادخله المجلس العسكري الحاكم، بمرسوم قانون رقم 12 لسنه 2012، والخاص بتعديل احكام هذا القانون.

وتنص الماده 39 من القانون رقم 174 لسنه 2005، علي انه: «تعلن لجنه الانتخابات الرئاسيه النتيجه العامه للانتخابات خلال الايام الثلاثه التاليه لوصول محاضر اللجان العامه الي اللجنه، وتنشر النتيجه في الجريده الرسميه»، وهو ما تنص عليه ايضا الماده 52 من قرار لجنه الانتخابات الرئاسيه رقم 1 لسنه 2005، بقواعد مباشره اللجنه لاختصاصاتها، والمعدل بالقرار رقم 1 لسنه 2012.

[heshamzaky]

موضوع البنوك دة كان حيصحل اكثر من مرة و كان بيتم تدارك الوضع نسبيا
اليوم نزل خبر اخر
=====================

المالية تحظر صرف أية أموال بعد اليوم

أصدر ممتاز السعيد وزير المالية تعليمات مشددة تحظر على جميع الجهات العامة صرف أية مبالغ مالية بعد اليوم الخميس، لمنع استنفاد الأرصدة المتبقية من الاعتمادات المالية لهذه الجهات بموازنة العام المالي الحالي.

وقال السعيد، في تصريح له اليوم، إن الإنفاق سيقتصر على راتب الشهر الحالي فقط والحوافز والمكافآت المعتادة مع حظر كتابة تواريخ صرف بأثر رجعي وإلا تعرض من يقوم بذلك للمساءلة القانونية.
وأضاف أن المراقب المالي والمديرين الماليين بهذه الجهات سيتولون متابعة تنفيذ هذه التعليمات والتي صدرت بالمنشور رقم 60 لسنة 2012 والتأكد من التزام جميع الجهات بهذه التعليمات بكل دقة.
وأكد أهمية الالتزام بتعليمات إعداد الحسابات الختامية وأيضا تعليمات ترشيد الإنفاق العام، خاصة حظر صرف أي مكافآت من الاعتمادات الاستثمارية للعاملين الدائمين المنتدبين لتنفيذ مشروعات الخطة مع الاكتفاء بما يصرف لهم من مكافآت أساسية تمول من الباب الأول بالموازنة العامة، وبحيث يقتصر الصرف من اعتمادات الخطة الاستثمارية ببند أبحاث ودراسات ونفقات إيرادية على مكافآت العاملين الموسميين المتعاقد معهم على مشروعات محددة بالخطة، وذلك حتى لاتعتبر الاعتمادات الاستثمارية بابا خلفيا للاثابة.
وأشار السعيد إلى ضرورة تقديم كل جهة عامة بيانا بالصناديق والحسابات الخاصة والوحدات ذات الطابع الخاص التابعة لها يوضح به موارد تلك الصناديق والحسابات الخاصة وأوجه مصروفاتها موزعة على الأبواب المختصة على أن ترفق كل جهة القوانين والقرارات المنشئة لتلك الصناديق والحسابات الخاصة بالإضافة إلى مراكزها المالية.



اقرأ المقال الأصلي علي بوابة الوفد الاليكترونية الوفد - المالية تحظر صرف أية أموال بعد اليوم

[w-m-a]

كلنا قبضنا بدرى علشان بدء عمل الميزانيه للسنه الماليه الماضيه (2011/2012)
وكذلك منع الصرف والايداع حتى الاسبوع الاول من يوليو

[snakeye]

انا قريت الموضوع ده أمبارح وأكتفيت بزرار شكرا
النهاردة وصلني الكلام اللي بتقوله ده بالظبط ... وزياده عليه كلمتين

الفترة الجاية فترة فيها دم كتير
شفيق الرئيس

المصدر للأسف ثقة والكلام ده حقيقي
ربنا يستر

السلام عليكم ورحمه الله وبركاته
بالفعل الفتره القادمه والله سبحانه وتعالى اعلى واعلم ستكون مليئه بالدماء ولن يأمن الناس على ارواحهم واموالهم وممتلكاتهم وتواترت المعلومات على ان مجلس كهنه فرعون سوف يقوم بتوليه شفيق منصب الرئاسه بالتزوير وهو اجراء سوف يتبعه ثوره عارمه تكون ثوره يناير الماضيه بالنسبه لها لعب اطفال .. لان القادم والله سبحانه وتعالى اعلى واعلم سيكون رهيب ولا اقول ذلك من باب التخويف ولكن من باب اخذ الحيطه والحذر واذكركم ونفسى بحديث سيدنا محمد عليه افضل الصلاه والسلام (اخشوشنوا فان النعمه لا تدوم ) بمعنى ان من لديه فائض نقدى فلا يتصرف فيه حاليا والافضل عدم صرف المال الا فى الاساسيات فقط والرفاهيات يجب تأجيلها تماما الفتره القادمه

[mido]

يا جماعه كل الحاجات دى جزء من الترهيب
مش المشكله فى مين مصدر المعلومه المشكله فى المعلومه نفسها هدفها الناس تخاف
مفيش حاجه هتحصل سواء مرسى كسب او شفيق يعنى مش اكتر من شوية مظاهرات كده

[medododo]

[url=http://www.christian-dogma.com/vb/showthread.php?t=252400]

أه هي جريدة أحيانا اخبارها مش سليمة
بس الحذر مطلوب
ربنا يستر
اللهم أجعل أخر كلامنا ذكرك والشهادتين

[aly_hosny]

حذر من الاخوان ؟؟؟

هما الاخوان ال اجلو اعلان النتيجة ؟
هما الاخوان ال نزلو الاعلان الدستوري بعد نهاية الانتخابات بساعتين
هما الاخوان ال خرجو مبارك من طرة و مطلعين اشاعات انه مات
هما الاخوان ال قالو ان فيه 800 الف صوت اتزورو في الاميرية وبعد كدا طلعو قالو دول من 800 ل1000 و مستخدمش منهم غير 2

اه نسيت
دا الاخوان و حماس و ايران و الصهيونية العالمية و حزب الله و الماسونية اليهودية هما ال ورا الثورة اساسا

انا وصلني ال وصلكو وشايف ان كل واحد حط التاتش بتاعه "من ال وصلو الخبر مش حضراتكو" ان هيتم اعلان شفيق رئيس
انا رايي ان ممكن تكون الاحداث دي متدبرها في الحالتين