عايز حل البنات وأمهم زعلنين علشان المطبخ صهد

[محمد بدر]

المطبخ 12 متر تقريبا فيه مروحة سقف وشباك على منور مثبت فيه شفاط
و تناول جميع الوجبات تقريبا داخل المطبخ
الحل ايه من غير تريقة ينفع تكييف انا سألت موزع وقلى صعب - ياريت نلاقى حل قبل رمضان

[Egyzizo]

طالما على منور ، قالك التكييف صعب ليه؟

[FunnyMickey]

بصراحه عمري ما شفت مطبخ مش مطلع صهد
ماهم بيطبخوا وفيه نار
والتكييف لو ركبته حيتفحت دهون وحيبوظ في 3 ايام

اعتقد والله اعلم مفيش حل غير انهم يركبوا شفاط كبير اوي زي ده


فوق البوتاجاز علي طول
حيخفض شويه من الحراره بس مش اوي بردو

هوا انتا عندك المطبخ قبلي ولا بحري
؟؟

الحل التاني بس ده مش في مصلحتك
يبطلوا طبيخ
وده المخطط اللي بيتعمل عليك ياباشا :)

[محمد بدر]

طالما على منور ، قالك التكييف صعب ليه؟

المنور كبير جدا وتركيب التكييف فيه مش مشكلة على الإطلاق ولاكن التكييف صعب يستوعب كمية الدهون والأبخرة المتصاعدة عايز كل يوم فلتر جديد

[Egyzizo]

يا باشا ما هو بديهى تكييف المطبخ يكون شباك
اوع تركب سبليت.

وقضا أخف من قضا

[A.Saad]

هل حل المبرد الداخلى يكون مقبول
او انك تجيب شفاطات حجمها كبير
فيه نوع بيكون عند الحاتى كله معدن
ويكون مقابل ليه فتحة او شباك لدخول الهواء بحيث تعمل تيار هوا

وبالمناسبة
اى مطبخ فيه حرارة عن باقى الشقة

او تعمل حل تانى
صواتى ستانلس متقسمة مربعات
كل واحد ياخد اكله فى صينية والجلوس فى مكان تانى
بس كاب حاول تحافظ ان المكان التانى يكون فيه تجمع
كنوع من التقارب الاسرى

[محمد بدر]

والله يا أستاذ ميكى انا بشكرك جدا" على مرورك - وخفة ظل معاليك - واشكرك ايضا على صورة المطبخ انا مش عارف حضرتك صورته أمتى مع انى مانع التصوير ومحبش حد يشوف مطبخنا !!!!!!!
المطبخ ممكن يكون الحاجة الوحيده فى الشقة عندى بحرى دى أول حاجة
والحاجة الثانية مكدبش عليك هى فعلا قادمة فى الطريق ربنا يستر حكم القوى

[محمد بدر]

يا باشا ما هو بديهى تكييف المطبخ يكون شباك
اوع تركب سبليت.

وقضا أخف من قضا

يعنى فيه حد جرب موضوع التكييف ده قبل كده

[محمد بدر]

هل حل المبرد الداخلى يكون مقبول
او انك تجيب شفاطات حجمها كبير
فيه نوع بيكون عند الحاتى كله معدن
ويكون مقابل ليه فتحة او شباك لدخول الهواء بحيث تعمل تيار هوا

وبالمناسبة
اى مطبخ فيه حرارة عن باقى الشقة

او تعمل حل تانى
صواتى ستانلس متقسمة مربعات
كل واحد ياخد اكله فى صينية والجلوس فى مكان تانى
بس كاب حاول تحافظ ان المكان التانى يكون فيه تجمع
كنوع من التقارب الاسرى

المطبخ مفوش حرارة عادية فعلا" بالأمس لقيت الموضوع تحول لسونة حقيقية
والمشكلة مش موضوع الصوانى المربعات هى فكرة جميلة المشكلة أجيب مين يطبخ مش مين ياكل فى المطبخ
وحلوه برضو منك موضوع ( التقارب الاسرى)

[Egyzizo]

أنا أحيانا دماغى بتودينى على فتكات والمنتديات اللى زيها ..
وأتذكر انهم اتكلموا فى الموضوع ده كتير، وكان فيه ناس كتير مركبين تكييف فى المطبخ ، وبس الموضوع فعلاً كان محيرهم علشان حتة النضافة دى.

شوف المنتديات دى ، أكيد هتستفيد.

أمثلة :

http://www.qatarshares.com/vb/showthread.php?t=348270

http://www.66n.com/forums/showthread.php?t=166900

[mohammadrashee]

السلام عليكم
الشفاط كام سم وانا اقولك هيبدل الهوا في المطبخ كام مره في الساعه
ثانيا لازم وانت مشغل الشفاط يكون الشباك اللي على المنور مقفول والا هيجيبمن المنور ويطلع وانت مش هتحس بفرق
ثالثا مروحه السقف بتجيب الهوا من فوق ومعروف ان الهوا السخن بيطلع فوق يبقى الحل مروحه حائط
وعشان متتكلفش اعمل اللي بقولك عليه الأول اقفل الشباك والشفاط يكون متنظف كويس جرب مروحه استاند في الأول وان شاء الله هتحس بفرق
وادعيلي

[محمد بدر]

[quote=egyzizo;3874386491]أنا أحيانا دماغى بتودينى على فتكات والمنتديات اللى زيها ..
وأتذكر انهم اتكلموا فى الموضوع ده كتير، وكان فيه ناس كتير مركبين تكييف فى المطبخ ، وبس الموضوع فعلاً كان محيرهم علشان حتة النضافة دى.

شوف المنتديات دى ، أكيد هتستفيد.

أمثلة :
[url=http://www.qatarshares.com/vb/showthread.php?t=348270]

والله قبل ماشوف أى حاجة لازم أشكرك بشدة على الللينك ده وعلى إهتمامك ربنا يجعله فى ميزان حسناتك أمين يارب

[FunnyMickey]

والله يا أستاذ ميكى انا بشكرك جدا" على مرورك - وخفة ظل معاليك - واشكرك ايضا على صورة المطبخ انا مش عارف حضرتك صورته أمتى مع انى مانع التصوير ومحبش حد يشوف مطبخنا !!!!!!!
المطبخ ممكن يكون الحاجة الوحيده فى الشقة عندى بحرى دى أول حاجة
والحاجة الثانية مكدبش عليك هى فعلا قادمة فى الطريق ربنا يستر حكم القوى

ياباشا ده لو مطبخكو انا اجي اطبخلكو :)

انا اصلي المدام عندي المطبخ ضيق شويه
وبيبقي بردو صهد
وكانت عاوزه تجيب الشفاط اللي فوق البوتاجاز اللي في الصوره
عشان زي بتاع المطاعم
بيشفط من فوق البوتاجاز علي طول
بس بصراحه لقيته غالي اوي
ممكن يعمل 2000 و3000
والتعبان منه 800 جنيه

فبصراحه لقيت الدهون اوفر
واقنعتها ان الصهد ده يخليها تخس وتفضل رشيقه علي طول كأنها بتروح ساونا

بس تقول لمين
غصب عن عين اهلي اول ما الميزانيه تسمح حجيبه

بس بردو اكيد انه مش حيمنع الصهد بتاع الطبيخ
الحل الوحيد تكييف
بس انا مش عارف ازاي
التكييف كده عمره ما حيفصل

[محمد بدر]

السلام عليكم
الشفاط كام سم وانا اقولك هيبدل الهوا في المطبخ كام مره في الساعه
ثانيا لازم وانت مشغل الشفاط يكون الشباك اللي على المنور مقفول والا هيجيبمن المنور ويطلع وانت مش هتحس بفرق
ثالثا مروحه السقف بتجيب الهوا من فوق ومعروف ان الهوا السخن بيطلع فوق يبقى الحل مروحه حائط
وعشان متتكلفش اعمل اللي بقولك عليه الأول اقفل الشباك والشفاط يكون متنظف كويس جرب مروحه استاند في الأول وان شاء الله هتحس بفرق
وادعيلي

والله انا أقتنعت جدا بإن ممكن مروحة السقف هى السبب وان شاء الله سوف انفذ نصيحتك الغالية بالحرف وربنا يكرمك ويقيك نار جهنم ان شاء الله

[Medicalist]

والله يا جماعه انا الحمد لله مش عندى مشكله خالص و مطبخى تقريبا جديد جدى
الحل انه الحمد لله الحاجه والحاجه قاعدين معايا فى نفس البيت فكل الطبيخ بيتم فى مطبخهم و بناكل عندهم كمان