إعـــــــلان

Collapse

.

,
See more
See less

شكوى وتحذير ضد البنك العربى الافريقى

Collapse
X
 
  • Filter
  • الوقت
  • Show
Clear All
new posts

  • شكوى وتحذير ضد البنك العربى الافريقى

    السلام عليكم

    أولا : الموضوع ده مش هيكون مفيد غير للناس اللى تهتم أنها تأخد حقتها ومتفرطش فيه لأنه نوعا ما موضوع طويل لأنى كاتب كل التفاصيل .


    انا فى يوم الخميس الموافق 14-6-2012 قررت انى هعمل انترنت فيزا كارد لانى بشترى حاجات من مصر وكانت لازمانى الوقت ده جدا
    قبلها كنت عامل سيرش على كذا بنك وفى الاخر استقريت على بنكين هما
    البنك العربى الافريقى
    Arab African International Bank-the best bank in Egypt-Home Page
    كريدي أجريكول


    الاولانى مصاريفه لفتح الكارد 20 جنيه فى السنه والرصيد اقل حاجه 100 جنيه . قلت تمام

    والتانى كريدي أجريكول مصاريفه 60 جنيه اعتقد ال 3 سنين .. والرصيد اعتقد برضه100 اقل حاجه

    الفرق الوحيد ان فى كريدي أجريكول ممكن تعمل ايداع من بعض الماكينات عكس البنك العربى لازم تروح البنك ودى مكانتش مشكله ليا لانى هعمل ايداع مبلغ واسحب منه براحتى ف اتوكلت على الله وعملت البنك العربى الافريقى
    وقبل ما اروح البنك فرع مصر الجديده امام الميرلاند كانت مكالمتى كالتالى :
    انا : لو سمحتوا الكارت بيطلع فى قد ايه وقت ؟
    البنك : فى يومها
    انا : المصاريف والمطلوب وكمان بيشتغل بعدها ب قد ايه ؟
    البنك : 20 ج وصوره بطاقه ومبلغ 100 على ف الرصيد .. وبيتعمله اكتيفشن فى نفس اليوم بليل ويبقى جاهز للشراء
    اتوكلت على الله بعد المكالمه بالظبط كانت الساعه 12 ظهرا ورحت البنك وفعلا مليت الابليكشن وعملت كل حاجه وحطيت مبلغ من المال مش قليل لانى كنت عاوز اشترى حاجات كتير والموظفه هناك كانت برضه بتقولى الشروط ان اقل حاجه 100 جنيه ومينفعش أسحب

    الفلوس لأى سبب غير قبل 35 يوم من عمل الحساب قلتلها مش هحتاج أسحبهم لانى هشترى كذا حاجه من النت
    تمام واستلمت الفيزا وروحت البيت بعد ما قالولى اتصل 8 بليل اكلمهم عشان اعمل الاكتيفيشن للكارت

    وفعلا اتصلت بيهم وعملت اكتيفشن الساعه 8 وكله تم تمام جدا

    دخلت اشترى من المواقع اللى انا بشترى منها كانت مواقع بتعمل خصومات على حاجات فى مصر
    ده اول واحد
    استمتع بأحلى العروض والتخفيضات مع الموقع رقم واحد للتخفيضات في القاهرة | دير'ان'ديل
    المهم اجرب اشترى ميرضاش .. كلمت الموقع بتاعهم وقتلتهم هو انتوا مش بتدعموا كارت فيزا فو يو ؟ قالولى لا عادى .. قلتلهم اصلى عملت كارت ومش شغال قالولى ارجع للبنك لانهم مش عارف السبب ..

    كلمت البنك قلتلهم الكارت مش شغال مع الموقع اللى بشترى منه مع انى قبل كده اشتريت من نفس الموقع بكارت ابن خالتى اللى هوه نفس النوع وهوه فيزا فور يو .. قالولى من الواضح ان الموقع اللى انا بشترى منه فيه مشكله .. قلتلهم فيه مشكله ازاى انا اشتريت منه

    بنفس نوع الكارت بتاع ابن خالتى .. قالولى بس احنا منعرفش المشكله بالظبط بس واضح انه مش بيدعم نوع الكروت ده ..قلتلهم هو انتوا حافظين مش فاهم .. انا شارى بنفس النوع قبل كده .. قالولى طب هنقول للتيكنيكال سببورت ونرد عليك و بعدها محدش رد عليا

    انا قلت يمكن يكون فيه مشكله قائمه فعلا .. وجربت اشترى من موقع تانى برضه بتاع خصومات والموقع مكتوب فيه انه بيتعامل مع البنك العربى الافريقى وموضح كده تحت على الشمال
    Offerna.com


    وبعدها اشتريت اللى عاوزه ودفعت بالفيزا عادى و دست شراء طلعلى برضه ان فيه مشكله وكتبلى
    Authentication failed

    رحت كلمت خدمه العملاء بتوع موقع أوفرنا .. قالولى احنا مش عارفين المشكله فين بالظبط حضرتك كلم البنك عشان واضح ان الفيزا فيها حاجه

    كلمت البنك تانى وكان نفس الرد الأولانى واضح ان الموقع ده مش بيدعم نوع الكروت بتاعنا !! قلتلهم ازاى يعنى يا جدعان ده تانى موقع اجرب اشترى منه وانا المفروض عامل فيزا اون لاين تشترى من أى حاجه ..
    قالولى السبب مش واضح بس فى مشكله فى الموقع اللى بتشترى منه .
    قلت فى نفسى طيب .. انا بقى هجرب كذا موقع وبعدها لينا كلام تانى وقفلت معاه

    جربت بقى

    Les Meilleurs Deals à Strasbourg - LivingSocial

    ونفس الحوار اللى فات

    قلت بقى المره دى انا هجرب مواقع مينفعش يبقى فيها نسبه خطأ غير نادرا

    رحت داخل على فودافون مصر وببساطه شديده جدا دخلت قلت بعت لنفسى رصيد اون لاين ودخلت رقم الفيزا

    وبعد ما دخلت كل البيانات دست شراء

    طلعلى sorry the transaction failed from the bank

    ومن اللحظه دى بدأت اتجنن بجد .. جربت كذا مره منفعش

    رحت داخل على Te Data
    التجديد بالفيزا
    ADSL للبيت - خدمة تجديد الإشتراك

    مرضيش برضه

    وبدأت اتجنن على خدمه العملاء بتوع البنك العربى الافريقى

    كلمتهم المره دى كان يوم 19-6-2012 قالولى نفس الكلام بتاع كل مره قلت لخدمه العملاء الكلام ده مش هياكل معايه وادونى ال مدير بتاعك .

    كلمت المدير .. وبدأت بقى اتعصب قالتلى انا هقولك الصراحه .. قلتلها قولى .. قالتلى فيه مشكله فى نظام الفيزا دوليا !!
    قلتلها نعم !!!!
    قالتلى فيه مشكله ف Visa international system

    قلتلها يعنى ايه ؟ وانا ازاى اجى اعمل كارت وفيه مشكله أساسا
    قالتلى الموظفين فى البنك مكانوش يعرفوا !!
    قلتلها انا مالى .. ازاى يعنى الكلام ده .. ده استهتار .. ازاى تخلونى اعمل الكارت وفيه مشكله عندكوا أساسا من غير ماتقولولى من الأول قبل ما اعمل الكارت ..
    قالتلى متأسفين بس فعلا موظفين البنك مكانوش عارفين !
    قلتلها دى مش مشكلتى وده استهتار منكوا جدا وانا مش هسكت وانا عاوز حقى وعاوز أرجع فلوسى وانا مش هعدى الموضوع بالساهل وهكتب عليكوا فى كل حته على النت وهشتكيكوا
    قالتلى : هوه سياسه البنك ان مينفعش تسحب فلوسك قبل 35 يوم ومش هينفع نغير سياسه البنك
    قلتلها : الكلام ده لو النظام شغال عندكوا صح من ا لأول
    قالتلى معلش احنا اسفين اوى ومش عارف ايه وهنحاول نحل المشكله ..
    قلتلها وانا مش هسكت على حقى .


    المهم يوم 20-6-2012
    فتحت النت وأول حاجه عملت بحث عن الشكاوى وكده وجه اللينك ده قدامى ف نايل موتورز


    لقيت فيه ارقام الشكاوى وحمايه المستهلك

    كلمت شكاوى البنوك على 16777
    ده البنك المركزى


    كلمنى اول واحد وقلتله كذا كذا حولنى على واحده تانيه شرحتلها حولتنى على المدير
    مدير عام قطاع الرقابات والاشراف

    شرحلته المشكله بالتفصيل الممل وبصراحه ده كان أول شخص اتكلم معاه واحس انى استريحت من كلامه معايه وقالى ده حقك و انى مش غلطان فى انى اشتكى
    وقالى اكتب شكوى فعلا وبعدين قالى انه هيكلم البنك بنفسه وفعلا انا مشوفتش معامله محترمه اكتر من كده والراجل بجد عداه العيب وادانى رقمه الشخصى كمان واخد رقمى

    بعد 3 دقايق بالظبط اتصل بيا وقالى انه فعلا اشتكالهم


    ودقيقتين بالظبط لقيت مديره الفروع فى الفرع الرئيسى بتتصل بيا وقالتى احنا اولا اسفين وكده وياريت تشرحلى بالظبط مشكله حضرتك
    شرحتلها كل حاجه وقلتلها برضه على خدمه العملاء اللى كل ما أقولهم حاجه يقولولى نفس الكلام اللى حافظينه وقالتلى طبعا اكيد معاك حق تضايق بس جرب تشترى تانى كده
    جربت اشتريت .. وبرضه نفس الحوار !
    قلتلها أهو !
    قالتلى طيب انا هقفل واكلمك تانى
    وفعلا قفلت و5 دقايق كلمتنى
    قالتلى : احنا فعلا اسفين بس فعلا مشكله الفيزا انها مش شغاله دوليا دى حاجه حصلت طارئه
    قلتلها الكلام ده مش صحيح لأن فى كروت شغاله
    قالت اه حصلت فى بعض الكروت .
    قلتلها طيب انا المفروض كان يتقالى كده فى البنك من الأول ..
    قالتلى : الموظفين فى البنك معرفوش كده غير بعدها ب شويه
    قلتلها ده استهتار من البنك يا فندم ودى مش حاجه كويسه !
    قالتلى معلش اسفين برضه .. وهيه هتتابع معايه وتكلمنى النهارده الموافق 21-6
    وانا هستنى تليفونها عموما



    اه وبالمناسبه انا النهارده الموافق 21-6-2012 قلت اكلم خدمه العملاء عادى بعدين قلتلهم انا كنت عامل شكوى
    قالتلى هوه الرد لسه مجاش بس هتتحل على الأحد ان شاء الله يا فندم
    قلتلها شكرا انا هرجع بقى للناس اللى هشتيكيلها

    وده كان الموضوع كله

    وعشان أكون صريح دلوقتى أكتر انا الموضوع بقى بالنسبالى مش فارق أوى ماليا لكنه فارق معنويا وطز فى الفلوس انا مكلم خدمه العملاء بتاعتهم من موبايلى الشخصى اكتر من نصف ساعه فى مره واحده وفى غيرها كذا مره برضه كل مكالمه حوالى 10 دقايق



    اسف للاطاله


    [CENTER][B]all- all this, it- it's not me, inside, I am, I am more[/B].
    [mtohg=null]http://www6.0zz0.com/2014/11/23/07/616065184.jpg[/mtohg][B]
    اللهم لك الحمد حتى ترضى ولك الحمد اذا رضيت ولك الحمد بعد الرضا[/B]
    [/CENTER]

  • #2
    شكرا على تعبك فى المشاركة
    أشكرك على التحذير وفعلا خدمة العملاء فى معظم الأماكن سيئة لغاية

    Comment


    • #3
      شكرا على التحذير وربنا معاك
      أول مرة اعرف ان حوار الشراء من النت رائج فى مصر وعليه اقبال !!!
      المواقع اللى حضرتك حاطتها فيها حاجات اسعارها حلوة فعلاً ومميزة فعلاً
      بس بتضمن منين جودة المنتج ؟؟
      ومفيش خوف من سرقة رقم الفيزا من النت ؟
      فيه اعلان شوفته فيه قدر عالى من النصب
      Offerna.com
      نفس هذا الجهاز أعضاء كتير اشتروه بـ 450 جنيه
      والنصابين بيبعوه بـ899 جنيه بدلاً من 1550 !!!
      [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

      [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

      Comment


      • #4
        تابع مع البنك المركزى
        شوف موقع منظمة الفيزا وارفع شكوى ليهم كمان
        وبلغ البنك اتك هترفع دعوى بالنصب ضدهم كمان
        A.Saad

        Comment


        • #5
          انا معايا الفيزا دي وبستخدمها بدون أي مشاكل مع مواقع عالمية!!
          [CENTER]“في الوقت اللى نص شوارع البلد زبالة..سبحان الله محدش بيسيب عربيته تتخربش وكل المستعمل بيبقى راشش نظافة :E_braces[1]:”
          [img2]http://s28.postimg.org/myt8ifkrh/Untitled_1_copy.png[/img2]
          [/CENTER]

          Comment


          • #6
            المشاركة الأصلية كتبت بواسطة alrabeh مشاهدة المشاركة
            شكرا على تعبك فى المشاركة
            أشكرك على التحذير وفعلا خدمة العملاء فى معظم الأماكن سيئة لغاية
            لا تعب على واجب ودى اقل حاجه ممكن أعملها

            المشاركة الأصلية كتبت بواسطة Elawany13 مشاهدة المشاركة
            شكرا على التحذير وربنا معاك
            أول مرة اعرف ان حوار الشراء من النت رائج فى مصر وعليه اقبال !!!
            المواقع اللى حضرتك حاطتها فيها حاجات اسعارها حلوة فعلاً ومميزة فعلاً
            بس بتضمن منين جودة المنتج ؟؟
            ومفيش خوف من سرقة رقم الفيزا من النت ؟
            فيه اعلان شوفته فيه قدر عالى من النصب
            Offerna.com
            نفس هذا الجهاز أعضاء كتير اشتروه بـ 450 جنيه
            والنصابين بيبعوه بـ899 جنيه بدلاً من 1550 !!!
            المواقع دى بتاعت الخصم شغاله بقالها فتره وهيه تحفه بصراحه .. انا عموما مشترتش اى منتجات معظمها بتبقى سفر ( اشتريت سفر وعروض مطاعم وكافيهات ) لكن عمرى ما اشتريت سلعه ملموسه .
            والمواقع دى المفروض انها محميه جدا ومش نصابين يعنى
            و المواقع دى وسيطه بين التاجر او صاحب المحل والمستخدم ف كل شغل الموقع ان يكلمه التاجر ويقوله هات عروضك وانا احاول اجيبلك ناس بس كده لكن فعلا لو على الاعلان اللى حاطه يبقى تاجر نصاب ولكن مش عيب الموقع :)

            المشاركة الأصلية كتبت بواسطة A.Saad مشاهدة المشاركة
            تابع مع البنك المركزى
            شوف موقع منظمة الفيزا وارفع شكوى ليهم كمان
            وبلغ البنك اتك هترفع دعوى بالنصب ضدهم كمان
            هتابع مع البنك تمام
            وهكلم فيزا على رقمهم +18008472911
            Page Not Found - Visa Corporate
            وهشوف موضوع القضيه لان برضه واحد صاحبى قالى اعملها

            المشاركة الأصلية كتبت بواسطة M.Radwan مشاهدة المشاركة
            انا معايا الفيزا دي وبستخدمها بدون أي مشاكل مع مواقع عالمية!!
            انت فكرتنى بنقطه والله نسيتها وسط التفاصيل دى وانا بكلم مديره الفروع فى الاخر كانت بتقولى واضح ان فى مشكله فى نظام الفيزا انترناشيونال لبعض الكروت .. قلتلها لبعض الكروت ولا كل الكروت .. قالت لى لأ ل بعض الكروت .. ف دى كمان بقت مصيبه اكتر انهم يعملولى كارت ويا تصيب يا تخيب !!!

            وانا فعلا كنت موضح انى اشتريت ب بتاعت ابن خالتى نفس النوع وشغاله عادى :

            كلمت البنك قلتلهم الكارت مش شغال مع الموقع اللى بشترى منه مع انى قبل كده اشتريت من نفس الموقع بكارت ابن خالتى اللى هوه نفس النوع وهوه فيزا فور يو .. قالولى من الواضح ان الموقع اللى انا بشترى منه فيه مشكله .. قلتلهم فيه مشكله ازاى انا اشتريت منه

            بنفس نوع الكارت بتاع ابن خالتى .. قالولى بس احنا منعرفش المشكله بالظبط بس واضح انه مش بيدعم نوع الكروت ده ..قلتلهم هو انتوا حافظين مش فاهم .. انا شارى بنفس النوع قبل كده .. قالولى طب هنقول للتيكنيكال سببورت ونرد عليك و بعدها محدش رد عليا
            [CENTER][B]all- all this, it- it's not me, inside, I am, I am more[/B].
            [mtohg=null]http://www6.0zz0.com/2014/11/23/07/616065184.jpg[/mtohg][B]
            اللهم لك الحمد حتى ترضى ولك الحمد اذا رضيت ولك الحمد بعد الرضا[/B]
            [/CENTER]

            Comment


            • #7
              كان معايا فيزا مدينه من بنك كريدي اجريكول وحصلت معايا مشكله مشابهه وهي اني كنت مخصصها اني ادفع بيها اشتراك شهري لاستضافة موقع فاللى حصل ان فى شهرين ورا بعض حصل خطأ من البنك او الفيزا و شركة الاستضافة مش نفع انها تسحب الفلوس فده كلفني بعدها ضعفي الاشتراك علشان ارجع الخدمه
              وكلمت البنك يقول لي الشركة واكلم الشركة يقول لي البنك لحد ما زهقت وحسيت اني تايهه بينهم وخلصت الموضوع و دفعت اشتراك كذا سنه و رحت لاغى الفيزا

              Comment


              • #8
                حصلت معايا نفس المشكله برضه بس في بنك كريدي اجريكول رحت البنك علشان اشتري كارت ينفع للانترنت قالولي في كرت اسمه كرت الهدايا هو اللي ينفع قلتلهم تمام اعمل واحد وبعد ماعملته جربته في كذا موقع وبرضه مرضيش يشتغل واتصلت بالبنك ٢٠ مرة ويقولولي الموقعمابيدعمش البنك قلتلهم ده اقل حاجه موقع فودافون مثلا
                وفي النهايه رحت سحبت الرصيد من المكنه ورحت اتركت تبع البنك الاهلي شغال كويس بس رخم في موضوع انها فلوسك ولو سحبت جنيه منهم لازم تسدده خلال شهرين ياما الكارت مايشتغلش رغم ان انا اللي حاطط الفلوس ديه في الكارت وكمان حاجزين ٦٢٥ من الرصيد بتاع الحساب الجاري بتاعي

                Comment


                • #9


                  انا لسه قافل مع Visa امريكا كلمتهم وقلتلهم البنك بيقول ان فيه مشكله بين البنك وبين نظام الفيزا العالمى هل ده صحيح ؟ راحت اللى ردت عليا قالتلى قلى رقم الفيزا قلتلها كذا .. قالتلى Arab African International Bank قلتلها ايوه مظبوط .. راحت شافت وعملت check ل شويه حاجات وبعدها جت قالتلى There is no problem in our system with Arab African International Bank
                  قلتلها طيب what to do ? they don't want to refund me my money , at the same time they are saying this issue is from VISA side
                  قالتلتى : You have to go to Court !

                  يعنى من الاخر قالولى فى فيزا انى ارفع قضيه على البنك !!

                  وللاسف معرفش ليه مرضيتش تعملى file a complaint بس قالتلى ابعت على ايميل فيزا وقولهم المشكله بالظبط وهما لو كده ممكن يردوا عليك askvisausa@visa.com

                  المهم بعد ما خصلت مع فيزا امريكا كلمت مدير عام قطاع الرقابات و الاشراف فى البنك المركزى ( قمه الاحترام ) وحكيتله على اللى حصل معايه مع مديره الفروع امبارح وبعدها قلتله على مكالمتى مع فيزا دلوقتى .. قالى يبقى حالا تكلم مديره الفروع وتقولها التالى :

                  انا لسه مكلم فيزا امريكا وقالوا المشكله مش من عندهم ..
                  وانا مصمم اخد حقى وهبعت شكوى للبنك المركزى اوضح فيها اللى حصل واشوف هيحصل ايه

                  وفعلا كلمتها .. وقلتلها اللى حصل .. قالتلى انا مستنيه والله يردوا عليا .. قلتلها انا كلمتهم على طول ولو عاوزه رقمهم هديهولك حالا .. قالتلى احنا عندنا ناس متخصصين مش انا االلى بكلمهم قلتلها طيب .. قالتلى انها هترد عليا كمان شويه وادينى قاعد مستنى !!

                  المشاركة الأصلية كتبت بواسطة michohat مشاهدة المشاركة
                  كان معايا فيزا مدينه من بنك كريدي اجريكول وحصلت معايا مشكله مشابهه وهي اني كنت مخصصها اني ادفع بيها اشتراك شهري لاستضافة موقع فاللى حصل ان فى شهرين ورا بعض حصل خطأ من البنك او الفيزا و شركة الاستضافة مش نفع انها تسحب الفلوس فده كلفني بعدها ضعفي الاشتراك علشان ارجع الخدمه
                  وكلمت البنك يقول لي الشركة واكلم الشركة يقول لي البنك لحد ما زهقت وحسيت اني تايهه بينهم وخلصت الموضوع و دفعت اشتراك كذا سنه و رحت لاغى الفيزا

                  الواضح ان البنوك مشتركه فى الموضوع ده ...ومعلش قدر الله ما شاء الله فعل ربنا يعوض عليك
                  وانا ان شاء الله مش هسيب حقى .. اقل واجب هفضل مستمر باللى بعمله ده وهشتكى كل يوم وهكتب على النت ومش سايب حقى



                  المشاركة الأصلية كتبت بواسطة besokate مشاهدة المشاركة
                  حصلت معايا نفس المشكله برضه بس في بنك كريدي اجريكول رحت البنك علشان اشتري كارت ينفع للانترنت قالولي في كرت اسمه كرت الهدايا هو اللي ينفع قلتلهم تمام اعمل واحد وبعد ماعملته جربته في كذا موقع وبرضه مرضيش يشتغل واتصلت بالبنك ٢٠ مرة ويقولولي الموقعمابيدعمش البنك قلتلهم ده اقل حاجه موقع فودافون مثلا
                  وفي النهايه رحت سحبت الرصيد من المكنه ورحت اتركت تبع البنك الاهلي شغال كويس بس رخم في موضوع انها فلوسك ولو سحبت جنيه منهم لازم تسدده خلال شهرين ياما الكارت مايشتغلش رغم ان انا اللي حاطط الفلوس ديه في الكارت وكمان حاجزين ٦٢٥ من الرصيد بتاع الحساب الجاري بتاعي
                  فعلا انا اما قالى فودافون مبيدعمش اتجننت عليهم .. يعنى ايه فودافون اللى هوه من انظف المواقع فى مصر مش بيدعم .. ده حاجه شغال فيها Teams من اقوى المبرمجين فى العالم ! وانا كنت ناوى اعمل كريدي اجريكول بعد ما ا لموضوع يتحل بس كده شكلى مش هعمل خالص او اشوف HSBC
                  [CENTER][B]all- all this, it- it's not me, inside, I am, I am more[/B].
                  [mtohg=null]http://www6.0zz0.com/2014/11/23/07/616065184.jpg[/mtohg][B]
                  اللهم لك الحمد حتى ترضى ولك الحمد اذا رضيت ولك الحمد بعد الرضا[/B]
                  [/CENTER]

                  Comment


                  • #10
                    أخى فى الله

                    تصدق إن المشكلة دى حصلت معايا من يومين والكارت فعلاً مش راضى يشترى حاجة والمواقع بتعطينى نفس الرسالة اللى بتيجى لحضرتك ولسة مكلم خدمة العملاء النهاردة وقالولى إن الفلوس هتسمع فى الكارت فى أقل من 48 ساعة ( أصل أنا عامل الكارت من فترة كبيرة ولسة شاحنه من يومين )
                    لم أكن أتخيل إن فيه مشكلة كبيرة قوى بالشكل ده ؟
                    إنت نورتنى والله
                    يا خوفى إن البنك يسك على الفلوس ههههههههه
                    متضايقش نفسك ،،
                    أبسط حل نلغى الكارت ونسحب الفلوس بس هنستنى 35 يوم
                    سبحانك اللهم وبحمدك ، أشهد أن لا إله إلا أنت أستغفرك وأتوب إليك

                    Comment


                    • #11
                      ربنا يكون فعونك
                      يعنى لا بنك خاص نافع ولا بنك حكومه نافع
                      انا بتعامل مع بنك القاهره واستلمت الفيزا الجديده بتاعتى مستعمله ومهلوكة من الماكينه لانها تقريبا كانت مع حد تانى وخدوها وبرمجوها جديد وادوهانى
                      وكمان كتبولى الرقم السرى للكارت على ورقه بيضا بأيد الموظف

                      Comment


                      • #12
                        انا اعيش في لندن وباستخدم الكارت بتاعي بقالي 4 سنوات بدون مشاكل لحد فعلاٌ من يوم السبت اللي فات وانا مش عارف اشتري بالكارت عبر مواقع الانترنت السابق التعامل معها كثيرا في السابق مما يدل على وجود مشكلة عالمية من شركة Visa

                        Comment


                        • #13
                          كلها بكرة بس مش وبعده لا و34 يوم يبقوا 35 يوم وترجع لكم فلوسكم في حضنكم من تاني ويغنو يقولو راجعين بس مش بتاعة عمرو دياب لا عمرو فيزا
                          معلش القافية حكمت وتحياتي وان شاء الله الموضوع يتحل علي خير وتصدقوا بالله قولو لا اله الا الله انا حاطط علي موضوع الفيزا(forbidden -inhibited ) رغم العروض الفظيعة اللي عليها بس الحمد لله ضروري الواحد يتلسع بس مش شرط بفيزا البدائل كتيرة وتحياتي واحترامي للجميع ماعدا اي حد حرامي فلولي
                          [SIZE=6][SIZE=5][B]الحمد لله الذي عافانا مما ابتلي به غيرنا وفضلنا علي كثير ممن خلق وجعلنا مسلمين<!-- google_ad_section_end -->[/B][/SIZE] [/SIZE]
                          [B][SIZE=6]كن عالما أو متعلما أو محبا للعلم ولاتكن الرابع:3_3_102[1]:[/SIZE][/B]

                          Comment


                          • #14

                            سلام عليكم

                            اليكم أخر ما توصلت له بعد مكالمتى مع فيزا امريكا وبعدها كلمت مدير قطاع الرقابه والاشراف ف البنك المركزى .. بعدها كلمت
                            مديره الفروع البنك العربى حصل التالى بعد ما حكيتلها كل حاجه وقلتلها كمان على مكالمتى مع فيزا .. كلمتنى بعدها ب ربع ساعه بالظبط وقالتلى انهم طبعا اسفين على الموضوع اللى حصل معايه وهو حصل فجأه والفكره ان المشكله مش بينهم وبين فيزا على طول ( قالتلى فى شركه وسيطه المشكله فيها ) لأنى قلتلها انا كلمت فيزا امريكا وقالوا ان مفيش مشكله معاكوا .. ف قالتلى على موضوع الشركه الوسيطه .. ودلوقتى مفيش قدامى غير حل من اتنين :

                            اول حل : انى اخد فلوسى بالكامل حتى مصاريف فتح الحساب فورا من غير ما استنى 35 يوم . يعنى كلمتنى 1 ونص كده قالتلى البنك فاتح ل 2ونص ممكن اروح اخدها على طول
                            تانى حل : انى ممكن اصبر لو الموضوع مش مستعجل عليه


                            قلتلها خلاص انا هصبر بس لو متحلتش الاسبوع الجاى هتصرف ان شاء الله ...


                            المشاركة الأصلية كتبت بواسطة hani945 مشاهدة المشاركة
                            أخى فى الله

                            تصدق إن المشكلة دى حصلت معايا من يومين والكارت فعلاً مش راضى يشترى حاجة والمواقع بتعطينى نفس الرسالة اللى بتيجى لحضرتك ولسة مكلم خدمة العملاء النهاردة وقالولى إن الفلوس هتسمع فى الكارت فى أقل من 48 ساعة ( أصل أنا عامل الكارت من فترة كبيرة ولسة شاحنه من يومين )
                            لم أكن أتخيل إن فيه مشكلة كبيرة قوى بالشكل ده ؟
                            إنت نورتنى والله
                            يا خوفى إن البنك يسك على الفلوس ههههههههه
                            متضايقش نفسك ،،
                            أبسط حل نلغى الكارت ونسحب الفلوس بس هنستنى 35 يوم

                            معلش انا اعتقد انهم بيقولوا كده اى كلام علما المشكله ما تتحل .. أصل يعنى ايه فلوس تاخد الوقت ده عشان تسمع ! ده فى كريدى اجريكول بتنزل فى ساعتاها ! كلمهم تانى واضغط عليهم وكلم المدير لو حضرتك حابب واشتكي

                            المشاركة الأصلية كتبت بواسطة beshomilan مشاهدة المشاركة
                            ربنا يكون فعونك
                            يعنى لا بنك خاص نافع ولا بنك حكومه نافع
                            انا بتعامل مع بنك القاهره واستلمت الفيزا الجديده بتاعتى مستعمله ومهلوكة من الماكينه لانها تقريبا كانت مع حد تانى وخدوها وبرمجوها جديد وادوهانى
                            وكمان كتبولى الرقم السرى للكارت على ورقه بيضا بأيد الموظف

                            ولا اى حاجه نافعه خالص فى البلد دى .. والواحد لازم يشتكى لكل اللى يقدر عشان يجيب حقه وطبعا اللى حصل معاك ده قذاره جدا من البنك

                            المشاركة الأصلية كتبت بواسطة fifo2011 مشاهدة المشاركة
                            انا اعيش في لندن وباستخدم الكارت بتاعي بقالي 4 سنوات بدون مشاكل لحد فعلاٌ من يوم السبت اللي فات وانا مش عارف اشتري بالكارت عبر مواقع الانترنت السابق التعامل معها كثيرا في السابق مما يدل على وجود مشكلة عالمية من شركة visa
                            حضرتك كلم البنك واعرف السبب ضرورى ومتسيبش حقك وانا مشكلتى الاساسيه مش انى كان معايه كارت وعطل . لكن مشكلتى الكبرى انى عملت كارت وهناك عطل فى النظام يعنى من اول يوم مش شغال !!!!!!! ده اللى خلانى اكبر الموضوع بصراحه يعنى لما يكون فيه مشكله يبقى يقولولى من الأول .!!!


                            المشاركة الأصلية كتبت بواسطة waelfarid مشاهدة المشاركة
                            كلها بكرة بس مش وبعده لا و34 يوم يبقوا 35 يوم وترجع لكم فلوسكم في حضنكم من تاني ويغنو يقولو راجعين بس مش بتاعة عمرو دياب لا عمرو فيزا
                            معلش القافية حكمت وتحياتي وان شاء الله الموضوع يتحل علي خير وتصدقوا بالله قولو لا اله الا الله انا حاطط علي موضوع الفيزا(forbidden -inhibited ) رغم العروض الفظيعة اللي عليها بس الحمد لله ضروري الواحد يتلسع بس مش شرط بفيزا البدائل كتيرة وتحياتي واحترامي للجميع ماعدا اي حد حرامي فلولي
                            معلش انا كان مستحيل أرضى انهم يمشونى على سياسه البنك اللى هيه 35 يوم .. انا مكنتش عملت الموضوع ده من الاول .. مكنتش كلمت فيزا امريكا .. مكنتش كلمت البنك المركزى .. مكنتش فكرت ارفع قضيه ...
                            و ولا يهم حضرتك على القافيه بس انا برضه مرضاش انى اتلسع الا لو انا غلطان .. لكن لو مش غلطان اانا لم ولن انترك حقى فى اى حاجه ان شاء الله
                            [CENTER][B]all- all this, it- it's not me, inside, I am, I am more[/B].
                            [mtohg=null]http://www6.0zz0.com/2014/11/23/07/616065184.jpg[/mtohg][B]
                            اللهم لك الحمد حتى ترضى ولك الحمد اذا رضيت ولك الحمد بعد الرضا[/B]
                            [/CENTER]

                            Comment


                            • #15
                              من خلال تجربتي علي التعامل بالفيزا علي الانترنت مع اكثر من بنك ,البنك العربي الافريقي بيديك فيزا فور يو ودي مش فيزا فيزا بالمعني الكامل , حتتقبل فى مواقع مواقع ومش كل المواقع حتقبلها وفي مواقع بترفضها ودي سياستها بتخاف منها ودا عن تجربة كتير ومشاكل كتير فى الشراء , اغلب البنوك الباقية فى التعاملات علي الانترنت وحشه جدا , احسن بنك حتي الان فى التعاملات علي الانترنت وفي اصدار الفيزا ولم اجد مشكلة ابدا مع الفيزا او الماستر من عندهم بنك hsbc , بس طبعا لازم تبقي عميل عندهم ,دا بالاضافة للمعاملة الممتازه لخدمة العملاء وكمان خدمة الانترنت البنكي اللي تقدر تسدد مشترياتك من خلاله بدون ما تروح الفرع ونسبه امان عالية جدا فى الموقع , كل هذا بعد تجربة اكثر من بنك

                              Comment

                              Working...
                              X