انا كرهت اسكندريه فعليا

[tutankhamoun]

تعالو شوفوا السرسجيه اللي بيعدوا يعملوا دريفتات بمتوسيكلاتهم الصيني علي البلاج ههههههههههههههههه

أنا كرهت الصين و كرهت الموتوسيكلات الصيني

[mohammedabdallh]

بقولك ايه يا شنورى
بدال زهقت من الاسكندريه ما تيجى تصيف هنا فى المنوفيه
يا اساحبى

[MohssenRashed]

شنوري باشا, انا مبعتبش الحتة اللي بعد المحروسة دي في الصيف.

الاسبوع اللي فات كان فرح واحد صاحبي في المعمورة اتعذبت بمعنى الكلمة مع العلم اني ساكن في سابا باشا على البحر.

من كام يوم ماشي على البحر و ثلاث عيال سرسجية عايزين يعدو جري من قدامي و طبعا ملحقوش راح واحد منهم ضارب المراية بأيدوا و كسرها نزلتلهم و مراتي ماسكة فيا (طبعا غلط اني نزلت بس متنرفز بقى) بقولوا تعاى لية كدا بيقولي ما انت مرضتش تعديني شافني وشي احمر و عنيا بتطلع شرار راح قايلي انا اسف تعالى اصلاحهالك قولتلو غور و مشيت ( بص الصراحة كان نفسي اجرب فية الالكتريك اللي كنت واخدة منك ههههههههههههه) و رحت صلحتها ب 50 جنية

نصيحة عشان موضوع الزحمة: انا جبت سكوتر 150 سي سي و منجز في الزحمة و بروح بية الشغل

[Elawany13]

انا فعلا رحت من اسبوع يوم صد رد طلع عين اهلي في الزحمه لا وايه كلت بيتزا هت يعني يوم اسود ومنيل
الله يجازيها بقي

مش انا حذرتك من الزحمة
ولسه
لما امتحانات الثانوية العامة تخلص

[Elawany13]

فعلاً إسكندرية لا تطاق فى الوقت ده
بس مننكرش ان فيه شباب كتير وناس كتير بيوتهم مفتوحة
من الموسم ده

العصافرة قبلى بجوار شريط السكة الحديد
فيه موقف ميكروباصات عند شارع المعهد الدينى
أقذر سواقين ميكروباصات شوفتهم على مستوى الجمهورية
حاطين ديفندرات رهيبه ورا وقدام
وبيفتروا بغباء
ومعطلين الدنيا
والله نفسى اجيب قذيفة مضادة للدبابات
وابيدهم من على سطح الأرض

[Elawany13]

شنوري باشا, انا مبعتبش الحتة اللي بعد المحروسة دي في الصيف.

الاسبوع اللي فات كان فرح واحد صاحبي في المعمورة اتعذبت بمعنى الكلمة مع العلم اني ساكن في سابا باشا على البحر.

من كام يوم ماشي على البحر و ثلاث عيال سرسجية عايزين يعدو جري من قدامي و طبعا ملحقوش راح واحد منهم ضارب المراية بأيدوا و كسرها نزلتلهم و مراتي ماسكة فيا (طبعا غلط اني نزلت بس متنرفز بقى) بقولوا تعاى لية كدا بيقولي ما انت مرضتش تعديني شافني وشي احمر و عنيا بتطلع شرار راح قايلي انا اسف تعالى اصلاحهالك قولتلو غور و مشيت ( بص الصراحة كان نفسي اجرب فية الالكتريك اللي كنت واخدة منك ههههههههههههه) و رحت صلحتها ب 50 جنية

نصيحة عشان موضوع الزحمة: انا جبت سكوتر 150 سي سي و منجز في الزحمة و بروح بية الشغل

فكرتنى بالمشاركة ديه
فى موضوع

http://www.nilemotors.net/Nile/248610-o-oo-oo-o-57.html#post3874352545

إنتقام قائد الدراجة النارية من صاحب السيارة

Biker gets his revenge - YouTube

[me_medoo]

ايه كل دة عشان الطريق كان زحمه شويه ما فى كل حته زحمه وبنصبر وبنستحمل ولا خلاص البيه مش قادر يستحمل الناس اللى انت عمال تعيب عليهم دول مصريين زيك عيب انتقض بأسلوب احسن من كدة اشكى بطريقه مهذبه احكيها بطريقه كوميديه لكن مش ابو وابو وابو هدى نفسك شويه بالاضافه ان المصييفين دول هما اللى بييعيشوا البلد باقى السنه

بص يا اخ ولييم ..... الراجل مغلطش وبعدين هو الزحمة في الاسكندرية بقت زحمة طبيعية ده تعتبر الاسكندرية مقفولة بجد واحنا كقاهريين عارفين كويس الناس بتعمل ايه في الاسكندرية بالذات زي ماقلواا حبايبنا عن رحلات اليوم الواحد. واشكال اجارك الله. ، والي بيزبلوها مش الناس المحترمة الي زينا وزيك لأ ده في اشكال زبالة. رايحين مئجرين ميكروباص وحيبين اكلهم وشربهم معاهم وتف ونف براحتك يامعلم ومناظر مايعلم بيها غير رب العالمين لدرجت كرهوا بقيت المصريين انهم يروحوا الاسكندرية بسبب القرف الي الواحد بيشوفوا هناك ، وهل انا علشان مصري زيهم اقبل ان اشوف أ شاكل زبالة بالمنظر ده وبقيت لان عندي اسرة الاسكندرية دي مبروحهاش غير اقل من يوم اتمشى فيها شوية واقرف واطلع منها. واروح الساحل او اي حته تانية فما بالك سكان البلد زات نفسها هيعملوا ايه ومتقليش علشان الفلوس والسياحة والكلام ده .... ابو الفلوس الي تزل وتقرف صاحبها .... صدقني ياعزيز لو انت زات نفسك عايش في الاسكندرية هتقول اكتر من كده .... في نوعية مش بشر ومتقولش عليهم مصريين في ناس تعتبر بهايم لبسه بنطلوم وتيشيرت ومحسوبين على المصريين بالغلط ولو جيت كلمت حد فيهم حتى لو عيل صغير. غلط يبجح فيك ويقولك اااااايه وانتا مال اهلك انا حررررر تقولوا ياعم وهو علشان انتا حر وعلشان دي بلدك هتمشي وتبجح فيها وتف وتوسخ فيها ولا تكنش هيا البلد دي بلدك لوحدك .... مش عاوز اقولك يا عزيزي اني مثلاً بعيد عن جو المصايف انا واحد من الناس كرهت ٦ اكتوبر والشيخ زايد وحدايق الاهرام وبضرب نفسي بالجزم اني سكنت فيها

هتقولي طيب مالها الاماكن دي ماهي اماكن راقية هقولك لا دي بقت زبالة والفضل والباركة في النازحين الي جيين من الفيوم طبعاً مش قصدي على الناس المحترمة الدكاترة والمهندسين والمدرسيين الفيومية انا قصدي على السواقين والعيال الي جين من ارياف ارياف الفيوم واستوطنوا واحتلو. كل خرم ابرة في اكتوبر ولحد دلوقتي شوفهم بيزبلو المدينة ازاي ومعتبريين ان اكتوبر دي تل ابيب في فرصة عمل بس لو طالوا يدمروها هيدمروها. انزل شوف ميدان الحصري. انزل شوف ميدان فودافون. التكاتك كلها من الفيوم النص نقل والبولدزرات. الي ممكن تكون ماشي في طريق سريع وتلاقي بورلدوزر ماشي عكس في وشك ويخش عليك ويدوسك كمان من الفيوم. تلات تربع الحوادث العربيات وحوادث السطو من الفيوم ممكن تلاقي اشارة في ميدان عام واحد واقف في نص الاشارة ونازل مشمر جليبيتو ولباسو الابيض باين وقاعد يغسل عربيتو. في نص الاشارة بص على نمر عربيتو نقل الفيوم ممكن تبقى نايم في احلاها نومه ووراك شغل الصبح وتلاقي واحد مشغلك اغاني وديجيه الساعه تلاه الفجر ومسمع الحي كلووو وعلى اغاني زبالة ---- الشبشب ضاع----- ده كان بصباع بص من الشباك ان مكنش من الفيوم يبقى بحق .... ياراجل ياطيب تعاله اكتوبر واركن عربيتك فوق اي رصيف عالي وغطيها كمان. وفجئة باللليل تقوم على حتت صوت دين رزعه وحادثة وتنزل تلاقي واحد طالعلك فوق الرصيف وناطط عليه وخبطلك عربيتك ومشلفطها خالص تعاله اسئلوا انته منين يا ابني يقولك انا من الفيوم من الفيوووووووووووم. ده انتا حبيبي طب تعالي لي باه ياحلو ههههههههههههههه ، طيب بلاش انا اسئل اي واحد ايه مشكلت اكتوبر هيقولك مشكلتها الفيوم ومسكت واد سواق فيومي بسئلوا وبقلوا ياخي ده انا رحت الفيوم كزا مره وبت ونمت عند جماعه اعرفهم في مركز طمية ملقيتش حتى قهوة بترفع صوت. التلفزيون بعد الساعه ١١ وان حصل بيروحوا يبهدلوه. اومال انتو ليه بتعملو القرف الي بتعملوه عندنا ده قالي بكل صراحة الواد قالي ياباشا البلد الي انتا مش فيها امشي و ش------- فيها .
كل ده. ومش عاوز اي طفل حتى في اكتوبر ينعل ابو وابو وابو .... ده ابسط مثال مفيش اسرة في اكتوبر بقت تطلع بنتها من البيت خالص حتى لو كانت منقبة او محجبة خوفاً من العيال الشمامة بتاعت الفيوم. .... ده حتى لو شافو وحده محجبه وعلى كتفها عيل تبص تلقيهم ميلوا عليها وانتا رايح فين ياقمر خودي بس اقولك تعالي اوصلك ياجميل حتى لو وحده قد اموووووو .... متفرقش معاه فمش معنا انهم مصريين زينا يبقى لازم نستحمل الناس الي زي كده ونسحمل قرفهم فيها ايه لمن الفيومية يجو يشتغلوا ويعيشوا باحترامهم .... فيها ايه لمن الناس الي رايحه تصيف ما تروح تصيف وتنبسط باحترامهم. مش رايحين يزبلوا البلد وخلاص ، لمجرد انهم عاوزين ينبسطو من نفسهم فيقرفوا غيرهم ، كل بلد وكل مكان ليه قوانينوا وعداتوا وتقاليدو ولو كانت الناس متحترمهاش يبقى متجيهاش وهو ده الي عاوز اقولوا واسف على الاطالة

[bHa2]

المره الوحيده اللي روحت فيها اسكندريه كانت من حوالي شهرين
بغض النظر عن الكورنيش اللي متعرفش اتجاهه ازاي من كتر العربيات اللي ماشيه عكس "انا كنت عند القائد ابراهيم" المؤتمر بتاع ابو الفتوح
بس بجد استمتعت بالمكان الكام ساعه اللي قعدتهم هناك قدام البحر
وطول عمري نفسي اروح اسكندريه ف الشتاء " بحب المطره اصلي xD " بس مبعرفش
كده انا مش هفكر اروح اسكندريه ف الصيف نوهائي
بجد ربنا يعنكم ع المناظر "بقت ف مصر كلها مش ف اسكندريه بس"
وربنا يقدرنا و نقدر نغير سلوكيتنا عشان السلوك السئ يختفي مع الوقت
بس طول ما احنا مش ملتزمين هما كمان هيبقوا مش ملتزمين بغض النظر عن قدر الالتزام

[me_medoo]

فعلاً إسكندرية لا تطاق فى الوقت ده

بس مننكرش ان فيه شباب كتير وناس كتير بيوتهم مفتوحة
من الموسم ده

العصافرة قبلى بجوار شريط السكة الحديد
فيه موقف ميكروباصات عند شارع المعهد الدينى
أقذر سواقين ميكروباصات شوفتهم على مستوى الجمهورية
حاطين ديفندرات رهيبه ورا وقدام
وبيفتروا بغباء
ومعطلين الدنيا
والله نفسى اجيب قذيفة مضادة للدبابات
وابيدهم من على سطح الأرض

هههههههههههههه أده أنتا الي وداك هناك يابوحميد .... ده انا ساكن في نفس الشارع بس قدام ناحية البحر ... شارع وهران ... أبقى أقولي وانتا رايح هناك علشان ننزل البحر سوى ههههههه ... عارف البرج الي هناك الي كان في راجل بيهشتك أبنو في البلكونة فقام الواد فالت منوو ونزل على مناشر الغسيل ودب على سقف عربية دايو دهبي سنة 2003 أهو العربية الدايو الي أطربق سقفها دي كانت عربيتي هههههههههههههه (بس الحمدالله الواد محصلهوش حاجة ) انا بس الي أتشليت وبوقي أتعوج شهرين من الزعل على العربية هههههههههههههههه

[mxz911]

اسكندريه بقيت فعلا لا تطاق

لدرجه انى اما اجى اسافر انا وصحابى بنبقى عاملين خطه معينه ل غزو اسكندريه فى وقت معين

يعنى نبقى عاملين حسابنا مثلا نتحرك من القاهره بحيث نوصل اسكندريه فى حدود 2 صباحا وحتى ال 6 صباحا .. الفتره اللى بتكون هاديه ..

وتكلمه الخطه اننا اما نروح هناك بننزل ف حته من اتنين
1- المعموره .. نأجر هناك ( ونقضى اليوم بتاعنا جوه المعموره لأنها من الطف الاماكن هناك ) ومش بنخرج فى اسكندريه نفسها الا فى الاوقات السابق ايضاحها
2-ميامى .. عشان شقه صاحبنا .. بنركن العربيه هناك ده لو لقينا ركنه اساسا .. ونقضيها برضه تحت بيته وهو تانى صف من البحر

غير كده فى الوقت من 2-6 بنروح حتت كتير زى القلعه . الكورنيش . الداون تاون . كده يعنى

[mohammedabdallh]

هههههههههههههه أده أنتا الي وداك هناك يابوحميد .... ده انا ساكن في نفس الشارع بس قدام ناحية البحر ... شارع وهران ... أبقى أقولي وانتا رايح هناك علشان ننزل البحر سوى ههههههه ... عارف البرج الي هناك الي كان في راجل بيهشتك أبنو في البلكونة فقام الواد فالت منوو ونزل على مناشر الغسيل ودب على سقف عربية دايو دهبي سنة 2003 أهو العربية الدايو الي أطربق سقفها دي كانت عربيتي هههههههههههههه (بس الحمدالله الواد محصلهوش حاجة ) انا بس الي أتشليت وبوقي أتعوج شهرين من الزعل على العربية هههههههههههههههه

نعم الواد محصلوش حاجه

[me_medoo]

نعم الواد محصلوش حاجه

أأأأأأأأأأأأأأأأه واللهِ يا حج محمد الواد محصلهوش حاجة ... رغم أنو نزل من الدور الثالث ... سبحان الله ستـر ربك مناشر الغسيل الي تحتهم وطريقة عوجت البلكونات بحيث ان تبقى البلكونات معوجة اتجاه البحـر ... وطبعاً سقف عربيتي ... الي كنت رايح بيها منها انو نصيف ومنو ألينها علشان صيانة الالف كيلو ... بس سبحان الله لطف ربك الواد محصلهوش حاجة بس انا جالي شلل نصفي ... وبوقي أتعوج وقعدنت أخود علاج طبيعي وجلسات لحد مافك ... هههههههههه والي يدحك العربية الدايو دي كنت شاريها من شركة زمان أسمها فيرست كار ... في جامعة الدول ناحية فرغلي ... المهم بعد ما فليت العربية كويس وانو مفهاش ولا خربوش ... لدرجة الراجل بيقولي يابيه مش كده العربية زي الفل ده انتا ناقص ترفعها ... المهم كان الواد حططلي العربية على منزل كراج قدام باب حديد ... المهم بعد ماخلصت ورقها الواد بيقولي تعرف تطلعها ولا أطلعهالك انا قلتلوا عيب عليك أحترم نفسك قال تطلعهالي قال لي حد قالك أني غشيم وواخد رخصة بالوسطة ... انا هطلعها انا .. بصيتوا لقيتوا بيقلي بس خلي بالك المرشدير لقدام .. قلتلوا لقادام وايه يعني زي المرسيدس يعني ... عااااااااااادي ... المهم رحت مدور وحاطط الفتيس على قدام وببص ورايا علشان ارجعها وجي ارفع رجليه من على الدبرياش وازود سنة بانزين بصيت لقيت العربية زيوووو وطالعه قدام ودب في الباب الحديد بتاع الجراش ... قالي يابيه يابيه حرام عليك بقولك المارشدير لقدام وفيه سوسته في الفتيس ترفعها هههههههههه وانا : يا ابن التييييييييييييييت طب مش تقول ان في سوسته اتاريني اديتها أولاني بدل المارشدير ... الله يخرب بيتك يا أخي قول يا أخي أن في سوسته في الجلدة بتاعت عصاية الفتيس ... فلمن حصل الموقف ده ... ورحت اسكندرية وحصل موقف العيل ده على العربية أعصابي تعبت وبقي أتعوج بعد ما شوفت سقف العربية أتنيل بنيله وبالذات لمن كان في واد اسكندراني من الناس الي اتلمت قالي ولا يهمك يابيه قدر ولطف انا هعدلك السقف وقام مدخل راسو وايدو جوا العربية وقال ايه دب دببببببببب من عند لمبة الصالون علشان ينتر السقف بره هههههههه وكسرلي اللمبة بتاعت الصالون الي في النص وبهدلي فرش السقف من جوة بزيادة ومعرفش يعدلوا ... ومن بعدها غطيت العربية وطلعت نمت زي القتيل فوق ... ولمن صحيت من النوم لقيت جنبي الشمال كلو مبقتش حاسس بيه هههههههههه كانت أيام .

[koshary]

ههههه اومال لو نزلت امبابة مثلا ولا شارع الهرم هتعمل ايه

[ecybrarian]

شرفنا في القاهرة..لحد ما الدنيا تخف عندك

[Screenplays]

المهم رحت مدور وحاطط الفتيس على قدام وببص ورايا علشان ارجعها وجي ارفع رجليه من على الدبرياش وازود سنة بانزين بصيت لقيت العربية زيوووو وطالعه قدام ودب في الباب الحديد بتاع الجراش

كلنا حصلنا كده لما جينا نسوق الدايو لاول مره ههههههههههه