sharm el shekh اية افضل مكان؟

[mastr_n]

ان شاء اللة ناوى اخد الاولاد واقضى اسبوع فى شرم الشيخ ودية اول مرة ليا بصراحة اروح شرم الشيخ


عايز مكان يكون كويس اقعد فية سواء resort او hotel وانهى احسن؟

يفضل يكون all inclusive طبعا واية الاسعار ؟

[mody3on]

متابع
ولو في اسعار وتفاصيل عن حتت تانية زي الساحل والعين السخنة والغردقة ومارينا يبقى كويس برضه

[haythamkmal]

اجازة سعيده ان شاء الله

رينج الاسعار بالنسبة للغردقة او شرم
4* 600 جنيه الدبل a/i
5* 800 جنيه الدبل a/i
الاطفال اول طفل لغاية 12 سنة فرى والتانى لغاية 6 سنين فرة وبعد 6 سنين لغا 12 سنه بيدفع 50%

الاسعار دى لغاية اول رمضان فقط بعد كده بتنزل كتير حوالى 25% ، وبتختلف طبعا من فندق لفند حسب الاختيار .

[ghostmido]

على راءى احمد حلمى
انا مش من شرم.
ههههههههههههه
تروح وتيجى بالسلامة يا برنس.

[mastr_n]

الف شكر للرجالة

كان ليا واحد صاحبى نزل فى فندق اسمة تروبيكانا بيشكر فية اوى وبيقولى الغرفة دبل ب حوالى 500 جنية

انا عايز اقتراحات فنادق تكونوا فعلا مجربينها وطرق الحجز والاسعار والسلطات والكلام دة

[bmya]

متاااااااابع معاك عشان ناوي ان شاء الله اروح اسبوع عسل برده وعاوز اعرف ايه الظروف

[أحمد كمال]

بلاش ال all inclusive

الاكل دايما بيبقى زفت

[Land_Cruiser]

اعتقد All inclusive ده مش هيبقى ليه داعى و بيزود الوزن جداً :) . Half board هيبقى كفايه قوى إفطار و عشاء و لو حد من الاولاد جاع و لا حاجه عندك مطاعم وجبات سريعه فى خليج نعمه و بالمره لو اكل الفندق طلع وحش تبقى ما اتدبستش قوى.

[bmya]

تمام يبقى كده احنا عرفنا ان الهاف بورد احسن
طيب ايه اماكن الاقامه الكويسه وطرق الحجز

[أحمد كمال]

تمام يبقى كده احنا عرفنا ان الهاف بورد احسن
طيب ايه اماكن الاقامه الكويسه وطرق الحجز

لو ميزانيتك تسمح بمكالمة دولي ممكن ابعت لك نمرتي و تكلمني و اعمل معاك السليمة :)

[ahmedfathi]

انا قعدت فى شرم الشيخ 5 ايام الشهر اللى فات كنت بقضى شهر العسل بتاعى فعلا كانوا اجمل 5 ايام
كنت نازل فى فندق فى قلب خليج نعمه ودى افضل مكان فى شرم الشيخ

الفندق اسمه تروبتيل نعمه باى ده فندق 5 نجوم وسعره الحجره دبل كان 600 جنيه سى فيو هاف بورد ( على فكره مش هتحتاج 3 وجبات لان العشاء هناك بيبدأ الساعه 6 او 7 بالكتير )

[bmya]

طيب سؤال عبيط يا جماعه انا نفسي اعمل diving :)
بس انا بعوم عوم كلابي مبعرفش اعوم يعني هل في امل اني اعمله ولا هغرق ولا ايه هههههههههه

[MohssenRashed]

بعد اذن صاحب الموضوع. مفيش مكان في شرم او الغردقة فية حمام سباحة خاص Private pool؟

[yalahwy2010]

أنا لسة جاى من شرم من أسبوع تقريبا
بص يا سيدى الفاضل...........انت عندك طريقتين للحجز فى الفنادق........يا إما مع نفسك (individual) بلغة الفنادق.......وطبعا بيبقى أغلى...........أو تبع شركة سياحة وطبعا بتبقى أرخص.........والطريقة التالتة ....واسطة
انا نزلت فى فندق اسمه LTI Tropicana Grand Azure
خمس نجوم all inclusive .....ويعتبر صفقة رابحة موضوع ال all inclusive.........ما تروحش هاف بورد.........ليه؟.........لأن طول ما انت فى الفندق ....يا إما فى البسين يا إما فى اليتش........والحاجتين دول بيجوعوا أوى........دا غير المشاريب.........عصاير وبيبسى وكابتشينو ........ويا سلام بقى وانت جوة فى البيسين وحبيت تشرب حاجة ساقعة وانت جوة المية........مية مية......
ملحوظتى بقى فى جودة الأكل.......يعتبر كويس......مش وحش......بس مش جامد.......
بس كان فى مثلا مطعم السناكس.....شاورما وهمبورجر وبطاطس.......كان تحفة جدا.......على البيتش.......
والسى فود كان فى جمبرى وسبيط...........دى مطاعم بالحجز وببلاش برضه..........كانوا 4 مطاعم (ايطالى وشرقى وصينى وسى فود)........والمطعم الرئيسى عادى من غير حجز.......لكن اللحوم ماكانتش حلوة اوى......بس شغالة.....يعنى تقدر تقول عايزة تتبل شوية كمان.
لكن الفطار كان كويس جدا......والحلويات كانت كويس برضه
بالنسبة للأسعار.........الغرفة دبل ب 700 جنيه لو مع نفسك
ولو تبع شركة سياحة ب 500 جنيه
بس للعلم.......وانا هناك كنت عرفت ان الأسعار هتزيد بعد 15/6.....من 50 الى 100 جنيه فى الليلة

وانا هناك كان عجبنى فندق تانى اسمه The cleopatra luxury .....وكانت الليلة فيه لو مع نفسك ب 600 جنيه all inclusive
وخمس نجوم وفندق شيك جدا ولسة جديد.......بس هادى شوية

معلومة عالماشى: لو هتحجز تبع شركة سياحة يبقى لازم تدفع المبلغ للشركة قبل ما تسافر ......وممكن تدفع جزء....والباقى تدفعه لما توصل فى الفندق.......
وعشان تطمن أكتر.....لما تتفق مع شركة السياحة .......اتصل بنفسك فى الفندق اللى هتختاروا واتأكد من الحجز.......وبالتوفيق

[bluemagic11]

بعد اذن صاحب الموضوع. مفيش مكان في شرم او الغردقة فية حمام سباحة خاص Private pool؟

احب دماغك العاليه :)

بص يا كبير علشان انا كنت فاكر انى الوحيد اللى بطلب الطلبات العجيبه دى :)

فى عندك فندقين فى مصر فيهم private Pool

1) سهل حشيشي فى فندق اسمه oberoi لازم تاخد جناح مش غرفه فى نوعين من الجناحات هناك Grand Suit w Royal Suit الاتنين فيهم Private pool بس طبعا ال رويال اكبر وفيه حمام ضيوف وغرفه تغير مبلابس وكلام ملوش لزمه بصراحه فانت خليك فى ال Grand . بكام بقى فى الليه هما عاملين offer لاغايه اخر ديسمبر سعر الجناح فى الليله الواحده فطار بس 2400 جنيه

2) عندك فندق البارون فى شرم الشيخ وده حاجه خزعبليه بشكل مش طبيعى .. عندهم فكره ال Private Pool فى الجناحات برضو بس ده مبالغ فيه بصراحه لان سعر الليله فيه 5000 جنييييييه

لو بتفكر تقضى شهل العسل زى حالاتى كده وعايز مكان متقلقش منه وتبقى على رحتك انت ومراتك خليك فى سهل حشيش

أخوك أحمد