دي نصبايه و لا ايه ؟

[Screenplays]

من شويه اتلاقيت رقم غريب بيتصل فرديت

اتلاقيته عيل صغير عمال يهذي يخصوص تكييف احنا حاجزينه

اقوله احنا مش حاجزين حاجه مفيش فايده

قفلت اتلاقيته قاعد يديني في رنات

اتصل تاني فرديت عليه

اتلاقيته بيقولي انت قفلت ليه انت انسان مش محترم

قمت قافل السكه

بعديها بشويه الرقم بيتصل تاني

الوووووووووووووووووووووو

واحد جنتل مان قاعد يعتذر

و برضه مصمم اننا حجزنا تكييف و انه في الطريق للبيت حالا

الغريبه انه عارف اسم الوالد و عارف انا ساكن في انهي منطقه

المهم هو مصمم اننا حجزنا تكييف و انا اقوله لا

ابويا مش موجود اصلا في البلد هيحجز تكييف من عندهم ازاي ؟

و بعدين احنا عندنا تكييف اصلا بس غرفه الوالد

يعني عبط رسمي فهمي نظمي

قمت شديت معاه في الكلام فاتلاقيته بدأ يشتم

فقفلت السكه في وشه

ايه قله الادب دي ؟

[cameeron]

عادى ما تردش عليهم تانى

[Nistelrooy]

خلية يجي يركب التكييف وقولة بعد ما يركبة اية ده مين طلبوا او خلية يجي ويطلع لحد فوق ومشية :))

[AhMeD MeTwAlY]

انت تشوف لو اندفع حاجه من قيمة التكييف كملها وخد التكييف ويا سلام لو دافع تمنه بالكامل ادي الرجاله 100 جنيه تبس وخليهم يركبوه
بس خلي بالك من حاجه ان ممكن تكون عملت حاجه بالشريحه دي والناس دي عايزه توصلك
حصلت مع واحد صحبي ايام لما كانت النوكيا دا بينزل باريل
بدل تليفونه مع واحد صاحبنا وكنا عرفينه كويس وكان التليفون دا مسروق
اتصلو بيه مبروك الخط دا كسب معانا وحركات ممكن العنوان اداهم العنوان والاسم
لقينا بليل البوكس جي ياخده وكانت هتبقي مشكله كبيره بس جبنا الواد الي كان مبدل معاه التليفون وخلصو هما الموضوع

[Mzeid]

ابعتهم على عنوان تاني :)

[AHMED_DINAMO]

خليهم يجو عادى ويركبوه وبعد ما يركبو
صمم انت ان الحج دافع تمنه كامل بدل هما اصرو على انك حاجزه
وخليك معاهم يا هما هيسيبوه يا هياخدوه ^__^

[Totexxxxx]

اتلاقيته ؟؟؟؟؟؟؟؟؟؟؟؟؟؟

[mohammedabdallh]

والله انت غلبان يا سكرين
ابعتلك عنوانى
تكييف ببلاش ومش عاوزه
تصدق انك مش وش نعمه
ياراجل الجونار
لو كلموك تانى قولهم معلشى هبعته المنوفيه لواحد صاحبى اصلى جايبهوله هديه

[AHMED_DINAMO]

منوفيه وبتقولها عادى كده ده انا من المنوفيه وعمرى ما فكرت اقولها هههههههه

[mohammedabdallh]

منوفيه وبتقولها عادى كده ده انا من المنوفيه وعمرى ما فكرت اقولها هههههههه

دى على اساس انها شتيمه ولا ايه
؟؟؟؟؟؟؟؟؟؟؟؟؟؟

[AHMED_DINAMO]

لا عادى اصل بالذات دلوقتى بعد ما بئا اسمينا بلد المليون شفيق هههههه
مبحبش اجيب سيرتها على فكره انت لو من الباجور انا من سنتريس جنبك يعنى :d

[mohammedabdallh]

هى المنوفيه بس الى انتخبت شفيق
ناس كتير انتخبت شفيق
واكتر كمان من المنوفيه

[AHMED_DINAMO]

احنا اعلى كتله تصويتيه ده غير الكره القديم لان كل من حكم مصر من المنوفيه تقريباً عدا عبدالناصر

[hexll]

خليهم يجوا البيت ومتستلمش التكييف منهم
بس شكل الوالد كدة عايز يغير التكييف وصدرك انت
هههههههههه

[MASERATI]

السلام عليكم و رحمة الله و بركاته

آه طبعا نصباية و استهبال كمان و اوعى تعرف الأشكال دى عنوانك و لا مكان بيتكم.

حصلت معايا قبل كده فى واحد اتصل فى رمضان اللى فات و كنت فى الصيدلية بتاع والدتى بعد الفطار مباشرة و مصمم ان والدتى طلبت طرد و بضاعة من القاهرة و الراجل عاوز يعرف العنوان عشان يجيب الحاجة و ممكن بالمرة يقلبنى و لا يقتلنى بأه و أنتوا عارفين الشوارع فى رمضان ساعة الفطار, ترمى فيها الابرة ترنننننننننننننننن.

عالم كلاب, مصممين يفضلوا كلاب, مش عاوزين ينضفوا أبدا.