يوم لله.. أكيد مش كتير

[OlaOsman]

يوم أجازتك؟ آه..

بترتاح فيه؟ أكيد..

مش بتطيق فيه تشوف شارع و لا ناس و يادوب بتصلي الجمعة و ع البيت عدل عشان ترتاح بيقية اليوم؟طبعا.

طيب تصور بأه لو قضيت اليوم ده مع أطفال مرضى بالسرطان و رحت لهم المستشفى و خففت عنهم و اديتهم بنفسك اللعب و الهدايا و كنت سبب في إدخال البهجة على قلوبهم؟ :)

ينظم فريق روح الخيري التنموي يوم الجمعة الموافق 27/6/2008 يوم لأطفال الأورام بمركز القصر العيني لعلاج الأورام و الطب النووي أمام كلية سياحة و فنادق و فندق جراند حياة. اليوم ممتد من الساعة 9 صباحا حتى الساعة 4 مساء، انما مش ضروري اوي الحضور من الساعة 9 بالظبط يعني، بس هو يفضل عشان تتفاعل مع الأطفال اليوم من أوله و ياخدوا عليك في وقت قصير. اللي عايز ينضم لليوم ده يتصل على رقم
0111148282 او يقول لي انه جاي عشان بس نعرف العدد.

هنا هتلاقوا تفاصيل اليوم أول بأول على الفيس بوك و انا هحاول بإذن الله أحدث المعلومات هنا في الموضوع لما تجيني.

حاجة بس أخيرة.. اليوم اللي مع أطفال مركز الأورام ده بيبقى يوم فعلا جميل و ملائكي بشكل.. ما يحسش الكلام ده إلا اللي حضر أنشطة خيرية من النوع ده و الواحد بيحس أد ايه بنعمة ربنا عليه و فضله.

[OlaOsman]

اللي ظروفه مش سامحة انه ييجي اليوم ده يا ريت يقول لحد يعرفه ممكن يبقى عايز يروح و يشارك في الثواب

[hussein]

برنامج اليوم

9 التجمع و تحضير المكان

9 و نص الى 10 و نص الفطار

10 و نص الى 12 الفقره الفنيه

12 الى 1 فقره النظافه الشخصيه و مسابقه

1 الى 2 كارتون و فاكهـه

2 الى 3 و نص المابيت شو

3
هو مفيش صلاة جمعة فى اليوم دا؟؟؟؟؟؟؟؟؟؟؟؟؟؟؟

[OlaOsman]

برنامج اليوم

9 التجمع و تحضير المكان

9 و نص الى 10 و نص الفطار

10 و نص الى 12 الفقره الفنيه

12 الى 1 فقره النظافه الشخصيه و مسابقه

1 الى 2 كارتون و فاكهـه

2 الى 3 و نص المابيت شو

3
هو مفيش صلاة جمعة فى اليوم دا؟؟؟؟؟؟؟؟؟؟؟؟؟؟؟

أخيرا حد رد في الموضوع و ناوي ييجي.. و كمان نقل لنا برنامج اليوم جزاه الله خيرا :)

الصلاة بإذن الله هاتكون في وقت الكارتون و الفاكهة.. الأولاد هايكونوا بيتفرجوا على الكارتون و البنات اللي مش هايصلوا الجمعة في المسجد و هايصلوها ضهر في المركز همه اللي هايقوموا بموضوع الفاكهة ده ان شاء الله :)

حضرتك بأه هاتيجي لوحدك و لا مع العائلة؟

[OlaOsman]

للتنشيط عشان اللي ما شافش الموضوع و محتاج حسنات :)

[محمد المشد]

جزاكى الله كل خير وبارك الله فيكى 0000 واعتذر لعدم تواجدى بمصر ، وإلا كنت احضرت العائلة وجت معكم ولكن اعتقد ان الكثير من الاخوة لن يخذلونك وسوف يذهبون معكى ، واهى فرصة للواحد علشان يعرف قيمة الصحة ، فقد كان لى العام الماضى زيارة الى معهد السرطان القومى بفم الخليج وحمدت الله على نعمة الصحة والعافية
شفا الله المرضى وعفانا وعفاكم من كل مرض

[OlaOsman]

جزاكى الله كل خير وبارك الله فيكى 0000 واعتذر لعدم تواجدى بمصر ، وإلا كنت احضرت العائلة وجت معكم ولكن اعتقد ان الكثير من الاخوة لن يخذلونك وسوف يذهبون معكى ، واهى فرصة للواحد علشان يعرف قيمة الصحة ، فقد كان لى العام الماضى زيارة الى معهد السرطان القومى بفم الخليج وحمدت الله على نعمة الصحة والعافية
شفا الله المرضى وعفانا وعفاكم من كل مرض

و جزاك كل الخير على اهتمامك بالرد :)

فعلا يا أخ محمد اليوم ده بيحسس الواحد انه ولا حاجة و انه عنده نعم كتير مش بيحمد ربنا عليها كفاية.. اللهم ارزقنا شكر نعمتك يا رب.

[OlaOsman]

دي قائمة بالأدوية المطلوبة للأطفال. المستشفى مش بتقدر توفي بيها كلها:


Broncholase syrup
Brufen syrup
Visceralgin syrup
Mucogel syrup
Mycostatin drops
Augmentin Suspension
Zithromax syrup
Hibiotic syrup
Diflucan syrup

Amikain 500 mg ampoules
Calcium folinate (leucovorin)50 mg ampoules

sodium bicarb 25 ml solution
Paramol syrup

اللي مش هايقدر يروح اليوم ده و ممكن يقدر يجيب أي حاجة من الأدوية دي يقول لي و انا أرتب مع حد انه ياخدها منه.

الأخ حسين اللي كان بيسأل على صلاة الجمعة.. هو حضرتك مش ناوي تشرفنا و لا ايه؟

[hussein]

استاذه علا جزاك الله خيرا على جهدك
انا بالفعل عايز اجى بس الظروف اتلخبطت عندى شويه هاحاول اجى لكن مش اكيد

[OlaOsman]

استاذه علا جزاك الله خيرا على جهدك
انا بالفعل عايز اجى بس الظروف اتلخبطت عندى شويه هاحاول اجى لكن مش اكيد

و جزاك كل الخير على نيتك الطيبة :)

[OlaOsman]

طيب اللي مش هايقدر ييجي اليوم كله و حابب انه يجيب دوا ممكن يجيب الدوا اللي يقدر عليه و يوصله المستشفى و يمشي على طول. ممكن يسأل علية او على دكتورة هبة خفاجي.

[OlaOsman]

الحمد لله.. أخيرا حد من المنتدى رد علية.. هو آه مش هايقدر يشارك في اليوم نفسه بحضوره بس هايوصل لنا الدوا المطلوب.. جزاه الله كل خير :)

لسه فينا الخير و الله يا جماعة :)

[OlaOsman]

عدنا و الحمد لله.

كان يوم مؤلم.. بس يستاهل التعب اللي تعبناه فيه.. و بعدين هو في ايه في الحياة مش مؤلم؟ :)

[hussein]

عدنا ازاى ؟؟
انا سألت عليكى قالو مجتش

[OlaOsman]

عدنا ازاى ؟؟
انا سألت عليكى قالو مجتش

سألت علية فين؟؟