تاجيل الجيش بالنسبة للولد الوحيد ازاى

[SASA3]

السلام عليكم و رحمة الله و بركاته

لو سمحت يا رجالة كنت عاوز لو حد يقدر يفيدنى ........انا دلوقتى عاوز اخد العفاء من الجيش او التاجيل ايه المطلوب منى علشان اروح اقدم التاجيل ده و هل بروح عند منطقة التجنيد ولا فى القسم الى انا تابع له و فى ناس بتقول فى السجل المدنى ؟؟

و ايه الخطوات يعنى و هل ليها اى علاقة بالجامعه او كده لو انا لسه فى الجامعه بس خلصت و النتيجه لسه مطلعتش يعنى لسه الى الان مسجل على قيود الجامعه

و شكراا مقدماا يا رجالة

[naser_56]

طالما انك وحيد تروح السجل المدني تعمل قيد عائلي وتروح بيه الوحده بتاعتك وهتاخد تأجيل ٥ سنوات اما في حاله ان الوالد تجاوز سن ال ٦٠ او متوفي بعد الشر طبعا في الحاله دي بيكون اعفاء نهائي

[Ahmedhussein007]

اهم حاجه فالورق القيد العائلى وده بتطلعه من السجل المدنى اللى انت تابع ليه وبطاقة 6 جند ومش فاكر بالظبط الحاجات الباقيه وتجهز الورق وتروح فى اى وقت تقدمه مفيش وقت معين و ممكن تسال فى قسم الشرطه

[Medo.Malek]

امسسسسسسسك
فينك يا ريس مختفى ليه ؟!!
بص اصديقى
زى ما الاخوة قالوا قبلى اهم مستندين القيد العائلى و بطاقة ال6 جند
خد الورقتين دول و اطلع على مكتب التجنيد اللى انت تابع ليه كمل ورقك و ظبط حاجتك معاهم و تقريبا (مش متأكد اوى) بيدولك جواب تطلع بيه منطقة التجنيد (سندوب) و هناك بقى بيدولك الاعفاء او التأجيل
مبروك يا صاصا بقيت متخرج اد الدنيا
عايزين نتقابل يا ناس

[MOK3336]

مبروك الإعفاء يا معلم

[Screenplays]

الحاج هو اللي خلصلي الورق اياميها عشان كنت مشغول في الدراسه و طلعت علي الزقازيق (كان يوم اسود) و اخدت الشهاده الخضرا و روحت

[kameluo]

القيد العائلي و ال6 جند و لما تروح الوحدة تاخد البطاقة بتاعت الوالد عشان الراجل لما بيراجع الورق بيشفها

[swimmer25]

وتعمل حسابك في صور شخصية كمان

[SASA3]

الله ينور يا رجالة بصراحه و منكم نستفيد


يعنى كده المطلوب

-صور شخصية
-بطاقة 6 جند (انا عندى بطاقة 6 جند بس قديمه من سنتين تنفع لسه؟ )
-بطاقة الوالد
-القيد العائلى من السجل المدنى و انا الى بملأه صح كده ولا ايه
فى حاجه تانيه كده ؟؟؟

[SASA3]

امسسسسسسسك
فينك يا ريس مختفى ليه ؟!!
بص اصديقى
زى ما الاخوة قالوا قبلى اهم مستندين القيد العائلى و بطاقة ال6 جند
خد الورقتين دول و اطلع على مكتب التجنيد اللى انت تابع ليه كمل ورقك و ظبط حاجتك معاهم و تقريبا (مش متأكد اوى) بيدولك جواب تطلع بيه منطقة التجنيد (سندوب) و هناك بقى بيدولك الاعفاء او التأجيل
مبروك يا صاصا بقيت متخرج اد الدنيا
عايزين نتقابل يا ناس

حبيب قلبى ازيك يا كبير عامل ايه و الله واحشينى

بس مش انت عارف حوار التجنيد ده خلاااااص انت تيجى معايا نقضى الحكاية دى مع بعض :):)

و الله يبارك فيك عقبال ما تتخرج انت كمان كده

و المقابلة الجاية يبقى عليك علشان هنقعد سنه نلم فى الناس تانى

[SASA3]

مبروك الإعفاء يا معلم

الله يبارك فيك يا زعيم

الحاج هو اللي خلصلي الورق اياميها عشان كنت مشغول في الدراسه و طلعت علي الزقازيق (كان يوم اسود) و اخدت الشهاده الخضرا و روحت

ههههه ربنا يخليلك الحاج
انا برضه كان ممكن اعملها فى الدراسه بس قلت مش فارقة بدام كده كده مش داخل الجيش

القيد العائلي و ال6 جند و لما تروح الوحدة تاخد البطاقة بتاعت الوالد عشان الراجل لما بيراجع الورق بيشفها

تمااام علم و ينفذ

بس القيد ده من السجل المدنى و انا الى بملأه ولا ايه؟؟

وتعمل حسابك في صور شخصية كمان

حاضر بسيطة ان شاء الله

طالما انك وحيد تروح السجل المدني تعمل قيد عائلي وتروح بيه الوحده بتاعتك وهتاخد تأجيل ٥ سنوات اما في حاله ان الوالد تجاوز سن ال ٦٠ او متوفي بعد الشر طبعا في الحاله دي بيكون اعفاء نهائي

الف شكر على معلوماتك يا كبير

اهم حاجه فالورق القيد العائلى وده بتطلعه من السجل المدنى اللى انت تابع ليه وبطاقة 6 جند ومش فاكر بالظبط الحاجات الباقيه وتجهز الورق وتروح فى اى وقت تقدمه مفيش وقت معين و ممكن تسال فى قسم الشرطه

ربنا يسهل يا رب



انا خايف احسن يكون فيه حاجه بتتطلب من الكلية

[Nistelrooy]

الناس الي ملهاش جيش :)

[A7MED_PHARMA]

لو إنت خلصت الكلية بالفعل والحج لسه ماطلعش معاش
تروح تاخد تأجيل 5 سنين
لو الوالد عدى الــ 60
تروح تاخد إعفاء نهائي

بتروح وإنت معاك الأتي
-صور شخصية خلفيتها سادة (أبيض مثلا)
- بطاقتك + صورة
- بطاقة الحج + صورة
- قيد عائلي
-مستخرج شهادة ميلاد رسمي..للوالد وليك(وخد بتاع الوالدة كمان مش فاكر بس خدو إحتياطي برضو)
- تروح منطقة التجنيد إلي إنت تابعها..تشتري إستمارة 6 جند
وتشوف الموظف الي هياخد منك الورق وهيقولك إيه
مش هتحتاج ورق تاني غير ده

جهزو ..وحطو في حافظة . . وخد معاك مبلغ في حدود الــ 50 ج يمكن تشتري حافظة أو ورق أو خلافه

وتسيب موبايلك في البيت .. علشان ممنوع دخول منطقة التجنيد بيه
أو تسلمه على باب مركز التجنيد


اه
وهات مايثبت إخلاء طرف من الكلية... شهادة مؤقتة او غيره

[SASA3]

الناس الي ملهاش جيش :)

هههههههههه

لا اله الا الله بالمنظر ده انا شكلى هدخل الجيش ضابط 3 سنين :):)

[SASA3]

لو إنت خلصت الكلية بالفعل والحج لسه ماطلعش معاش
تروح تاخد تأجيل 5 سنين
لو الوالد عدى الــ 60
تروح تاخد إعفاء نهائي

بتروح وإنت معاك الأتي
-صور شخصية خلفيتها سادة (أبيض مثلا)
- بطاقتك + صورة
- بطاقة الحج + صورة
- قيد عائلي
-مستخرج شهادة ميلاد رسمي..للوالد وليك(وخد بتاع الوالدة كمان مش فاكر بس خدو إحتياطي برضو)
- تروح منطقة التجنيد إلي إنت تابعها..تشتري إستمارة 6 جند
وتشوف الموظف الي هياخد منك الورق وهيقولك إيه
مش هتحتاج ورق تاني غير ده

جهزو ..وحطو في حافظة . . وخد معاك مبلغ في حدود الــ 50 ج يمكن تشتري حافظة أو ورق أو خلافه

وتسيب موبايلك في البيت .. علشان ممنوع دخول منطقة التجنيد بيه
أو تسلمه على باب مركز التجنيد


اه
وهات مايثبت إخلاء طرف من الكلية... شهادة مؤقتة او غيره

حبيب قلبى شكلك كده مجرب و عارف الى فيها تعاللى بقا

الصور الشخصية دى لازم خلفية بيضاء ؟؟
القيد العائلى من السجل المدنى صح ولا منين و انا الى بملأه ولا هما فى السجل المدنى


و شهادة الميلاد دى الى هى شهادة كمبيوتر ولا شهادة العادية اخد ليها صورة بس و ليا و لوالدى كمان ؟؟ مش كفاية البطاقة ؟؟

و الموبايل فعلا روحت هناك قبل كده قلبوه منى من على البوابة