حد هنا مقيم في الدمام - السعودية

[أبو صلاح]

السلام عليكم

حد هنا مقيم في الدمام في السعودية لامر هام خاص بي

شكرا

[me_medoo]

انتا عايش في الدمام يا أبو صلاح .... انا كنت زمان هناك .خير يا أبو صلاح أيه الموضوع

[أبو صلاح]

لا ياباشا مش عايش هناك

كنت عايز حد عايش هناك عايز اعرف منه شوية تفاصيل عن مدينة هناك

[M.ABDOU]

انا عيشت فى الدمام فتره مش صغيره وحاليا عايش فى الجبيل مدينه قريبه منها تبعد 80 كم عن الدمام

[me_medoo]

تحت امرك يابو صلاح ، لا انا بقولك كنت انا عايش هناك
عاوز تسئل عن ايه قول والاستاذ ميكانيكي برضو معانا مدينة الجبيل مدينة جميلة واروع مدينة صناعية على مستوى العالم ونسبة التوث فيها صفرررررر ومن المدن الرائعة

[أبو صلاح]

في مدينة اسمها ام الحمام
حد يعرف عنها حاجة؟

[me_medoo]

انا مرحتهاش بس سمعت عنها مره زمان
أنها في القطيف (منطقة تعبانة )
خالبية سكانها من الطائفة الشيعية

بس الاغلب هو حي من أحياء الرياض أسمو أم الحمام



@@@@@@@@@@




@@@@@@@@@




@@@@@@@@2



@@@@@@@22



@@@@@@@

وتحياتي

[أبو صلاح]

يا استاذ me_medoo

كتر الف خيرك ليك رسالة على الخاص

[me_medoo]

@@@@@@

أولاً : مدينة الدمام تقع في المنطقة الشرقية من المملكة وتضم المحافظة الشرقية عدة مدن الخبر الدمام الظهران العقربية الثقبة ) ...

@@@@@@@@

ثانياً : أماكن الفسح هنا
يوجد العديد من المولات العالمية ... أمثال مجمع الراشد أكبر مول في الشرق الاوسـط ... وأكبر نافورة راقصه فيه في الشرق الاوسط ترقص على أنوار الليزر وأنغام الموسيقى ... وفي وسط الرقصة يتم أخراج نار من وسط الماء .







بس ممنوع دخول العزاب فيه لازم عائلة او أسرة
علشان المعاكسات

في هناك هيئة اسمها الامر بالمعروف والنهي عن المنكر
زي بوليس الاداب هنا في مصر ولكن الفرق أن بوليس الاداب مقضيها عندنا هههههههههه بس دول مفيش هزار عندهم
ومفيش حاجة أسمها خطبتي ولا بنت خالتي ههههههه

@@@@@@@

وبما أنها مدن ساحلية ... طبعاً انا بتكلم عن الخبر الدمام القطيف ... وليس أم الحمام على حسب سؤالك
فهي قريبه من الخليج العربي ... ويوجد شاطء على أعلى مستوى يوازي شواطء مارينا وبارتو وشرم ...
والدخول مجاني ولا حد يقولك شمسية ولا تذكرة يابيه والكلام الفاضي ده ... تصور المكان ده كان مكان صرف صحي (مجاري) في عهد الملك فهد ... بص بقه عامل أزاي في عهد الملك عبدالله .



@@@@@@

مجمع فؤاد سنتر






@@@@@@@@@@

كل المطاعم العالمية هتلاقيها هناك
مع فرق أنو مثلاً في المطاعم الاريكية ... لو خلصت علبة البيبسي بتاعتك بتروح تملاها
وفي مطاعم عاملة حنفية كاتشب ... أملها كاتشب ومايونيز زي ما أنتا عاوز مش زي مصر تشحت من ظرف كتشب شحاته وهما وخدين منك قد كده وأسعار ثابته بتاعت المطاعم الامريكية ومفيش حاجة أسمها ضريبة مبيعات ولا خدمة خالص ... لأن ده أكل مش بنشتري لعبه



@@@@@@@@@@

تصور مكان زي ده تروحوا ببلاش
وتقعد فيه زي مانتا عاوز في وقت انشالله حتى الساعه 3 الفجر
ومحدش يقلي بترول ولكن قول ضمير
والموطن رقم واحد


طبعاً في حاجة هناك أسمها العزيزية
أو شاطئ الهاف مون

ده لو حبيت تاخود المدام والأولاد وتروحو تطلعو تبلبطو بالمية شوية ... وعادي جداً تدخل عربيتك قرب الشط ... مش يقولك اركن بره وتعاله ماشي لأ زي كده




@@@@@@@@@@@@

لكن تحذير هام : درجة الحرارة 50 درجة مؤوية
نســــبة الرطوبة 95%
يعني لو جدع أقعد في الاماكن دي ههههههههههههه
يعني لو مسكت سيجارة نضيفة وجي تشربها تبص تلاقيها اتقطمت بين صوبعك من شدة الرطوبة الي هتخليك تقلع هدومك ملط .... بس الجميل السجاير هناك صناعه ألماني وتبغ ممتاز ونضيف وتمن العلبة الان بقيت ب 6 ريال .

ملاحظة : مفيش كيلوبترة وسوبر والكلام ده ... ولا شاي العروسة هههههههههههههه

@@@@@@

خلي بالك من نقطة حوادث العربيات هناك مش لعبة ... مش زي مصر تلاقي واحد راكب 128 والتاني راكب عربية لادا وده خابط في ده ومكسرلوا مرايا ولا فانوس الاشارة ونازلين يضربوا بعض في الشارع ويقلوا ده الفنوس ب 200 جنيه والتاني يقولوا أخرك معايه 10 جنيه
الحوادث هناك كتيررررررر وحوادث موت ودمار ... وبما ان كل العربيات حديثة فالسبب السرعة العاليه



شوف الجمال لا حد ملموم ولا عربيات واقفه
الشرطة بتيجي بتعمل محضر ورسم كروكي علشان تشوف مين الغلطان ... وبتديك تصريح أنك تصلح عربيتك

@@@@@@@@

أه بالمناسبة أذا معاك رخصة مصرية أو رخصة دوليه طالعه من مصر لمؤخزة يا أبو صلاح بلها وأشرب ميتها هههههه

بس خود معاك الرخصة الدولية بتسهلك أستخراج رخصة سعودية ... بس أوعه تمشي بيها هناك تتسجن على طول

@@@@@@@@
تابع

[engahmedsamy]

انا ف الرياض و في حي اسمه ام الحمام فعلا

[me_medoo]

بالنسبة للأكل وأأأأأأأأأه من الأكل يا أبو صلاح
كابسة وبورستد ومندي وشاورمة وفلافل وحجات كتير يمكن أول مره هتسمع عنها أو تدوقها وبمجرد ما تحطلها في بوقك هتعرف على طول ... أنك أول مره تاكول في حياتك
وأن الاكل الي في مصر ده يعتبر بعليصة وعك في عك ... وهتعرف ليه 90% من سكان مصر عندهم القولون وغازات تبص تلاقي الواحد ماشي فيهم وبطنو تقلش شكمان عربية مخروم ههههههههههه بسبب العك الي بيتاكل في مصر والحجات الي متسبكة وملوثة بأطعم الموبيدات .







سعر الوجبات زي ما أنتا عاوز
من أول 12 ريال لغايت 200 ريال .



الشاورمة هناك بتتعمل على الطريقة التركية أو الطريقة السورية ... وفي شاورمه عيش صاج او عيش عاد
وفي شاورمة سيخ وشاورمة فاحم وفتت شاورمة ولحم ودجاج ونعام ...





بصفة عامة الاكل النضيف مفيش أكتر منو
بالنسبة لسوق الخضار والفاكهة

هناك مفيش انك تشتري بالكيلو كلو بالكرتونة
وهتلاقي فواكهة مصـرية مش موجوده في مصر ... يعني ممكن تلاقي برتقان مصري كل برتقانية محطوط عليها استيكر ومتغلفه بورق زبدة خفيف ومحطوطة في كروتنة .

وعامة مش هتلاقي فواكه مصرية كتير ... لأن أغلبها غير صالح للأستخدام الأدمــــــــــي





شايف أزاي يا أبو صلاح كلو بالكرتونة



@@@@@@@@

طبعاً ... انا مبقولش أنها جنة ... لا هيا ميكس
نار على جنة هههههههه علشان محدش يقول ياه قشطة الحياة هناك جميلة لالالالالا ...

[أبو صلاح]

شكرا ياباشا على المعلومات القيمة دي


انا فعلا كنت في السعودية ولسه جاي من شهرين نهائي
وربنا يكرم وفي احتمال اروح مدينة ام الحمام اللي في الدمام
وهو ده محل سؤال

يعني مثلا اماكن التنزهات دي تبعد عنها بكام كيلو
والحياة في المدينة دي شكلها ازاي

الاهم
التعامل مع الشيعة ازاي ؟ عادي ولا في محاذير معينة ؟

[أبو صلاح]

انا ف الرياض و في حي اسمه ام الحمام فعلا

شكرا ياباشا

انا بسال عن أم الحمام اللي في الدمام

[ياسر شقو]

السلام عليكم
انا عايش في مدينة الدمام من 8 سنوات تقريباً
أي خدمة أنا تحت امرك في أي استفسار
مع تحياتي