إعـــــــلان

**aif** · 26-06-2012, 04:39 PM

المشاركة الأصلية كتبت بواسطة أشرف فتحى مشاهدة المشاركة

وضح يا حاج أحمد......هنا بتاعتك ولا هنا بتاعتى...؟!
أصل هنا بتاعتى يعنى هنا....لكن هنا بتاعتك يعنى هناك بتاعتى وهنا بتاعتك....!!!

أيه اللى بقوله ده؟

شفت أخره اللى يتفرج على خطب شفشق...!!!!

انا هناك يا حاج احمد وده جارى فى السكن!!!!

واحشنى جدا والله....

على فكره انا انضميت لحزب القرع وفعلا زنه المكنه فى الدماغ إدمان...!!

با اشرف شككتني في نفسي
افتكرت انك لسة في هنا بتاعتي وماروحتش هناك البعيدة عني
لدرجة اني كلمتك في التليفون وقولتلهم قولوله احمد ابراهيم اتصل بيك
...
خلي بالك الجيران عندك هناك .... غير الجيران اللي عندي هنا
الجيران اللي عندك هناك اخطر بكتير
الغربة بتغير يا صاحبي
كفاية كدة ... زمان الزملاء ح يحدفونا بأي حاجة من الكلام اللاخبيطي ده
لخبوط لخبوط
حد فاهم اي شخبوط

**Ahmed A Rahman** · 26-06-2012, 04:53 PM

باشا اللي حضرتك بتحكي فيه ده اكبر من موضوع الحسد ده
لو فرضنا ان ينفع التشخيص عبر الانترنت وده طبعا غلط
ولو فرضنا اني الدكتور اللي محصلش في الدنيا

نقول ان جارك::::
بيتخيل ان بلال فضل سارق منه فيلم = ضلالات +وساوس + خاصية الشك
تصرفاته غريبة
لبسه مش نظيف
نظافة شخصية قليلة جدا
شخصية نرجسية ويرى ان مصر مجابتش زيه

ابشر يا باشا

جارك ممكن يكون Schizophrenic بالعربي عنده انفصام في الشخصية بالبلدي بدايات جنون
او يكون ممن على حاجه معينة ودي اعراض ادمان عقاقير معينة

انا ممكن جدا اكون غلط, ممكن اكون مش قادر انسي اني اشتغلت كذا سنة طب نفسي
بس الاعراض اللي حضرتك بتقولها دي شفتها اكتر من مرة
ممكن ميبانش عليه حاجه
ممكن يبان كمان سنة او سنتين

كل اللي بقولك عليه نصيحة خلي بالك منه لانه ممكن يتهيأ له انه المهدي المنتظر وانك المسيح الدجال
عارف طبعا هو حيعمل ايه

**Ahmed A Rahman** · 26-06-2012, 05:04 PM

عادي قابلت في حياتي المهدي المنتظر وذو القوة الخارقة
قابلت واحدة بتنزل لها الملايكة وتغني لها طول الليل عشان تعرف تنام
بس بييجي عليهم لحظة بينكشفوا فيها

وبرضه بفكرك كلهم كانوا في شركات كبيرة ومش باين عليهم حاجه الا في الاخر

**Screenplays** · 26-06-2012, 05:29 PM

بلدى مش مجبر اعيش فيها

لا مجبر ... روح كده اسأل علي طلبات الهجره مثلا او فيزات عمل و قولي ايه النظام

فى مشاركه سابقه حضرتك قلت ان عمر سليمان معاه حق واننا منستاهلش الديموقراطيه....!!

لان الشعب ده عمره ما هيتغير طول ما في الانفس متغيرش

النظاره السودا مريحه وشكلها حلو...بس مينفعش البسها بليل والدنيا اصلا ضلمه...مش هشوف حاجه خالص....!!!

دي مش نضاره سوده دي اسمها واقعيه يعني رجلي علي ارض الواقع ... مبحبش اعيش في الاوهام

**أشرف فتحى** · 26-06-2012, 05:56 PM

المشاركة الأصلية كتبت بواسطة aif مشاهدة المشاركة

با اشرف شككتني في نفسي
افتكرت انك لسة في هنا بتاعتي وماروحتش هناك البعيدة عني
لدرجة اني كلمتك في التليفون وقولتلهم قولوله احمد ابراهيم اتصل بيك
...
خلي بالك الجيران عندك هناك .... غير الجيران اللي عندي هنا
الجيران اللي عندك هناك اخطر بكتير
الغربة بتغير يا صاحبي
كفاية كدة ... زمان الزملاء ح يحدفونا بأي حاجة من الكلام اللاخبيطي ده
لخبوط لخبوط
حد فاهم اي شخبوط

دول الجيران بتوع هنا بتاعتى....مينفعش يتقارنوا بأى شكل بجيران الهنا بتاعتك....هنا بتاعتى فيها حاجات مبتشوفهاش الا لو كنت جيشك حرس حدود مع السودان وواقف خدمه 12 ساعه كل يوم......ومش عارف الهجانه بتاعتهم من الهجانه بتاعتنا......وجه واحد من الهنا بتاعتهم هما قلك هات كبريت وانت فى الهنا بتاعتك والتليفون رن عليك وواحد قالك انت فين دنا مستنيك هنا بقالى ساعه....

هقعد شويه لحسن جتللى دوخه....

واحشنى يا حاج احمد والله وابعتللى كاسكته من بتوعك عشان السقف عندى بقى سيرامييك...حزب القرع لسه شغال؟؟؟

**Screenplays** · 26-06-2012, 05:57 PM

على فكره يا صديقى.....مينفعش تقوللى روح وإسأل وقوللى.....يمكن دى طريقتك فى الكلام لكن خللى بالك انى معرفش حضرتك ومعرفش قصدك...واحنا فى مجتمع افتراضى.....يعنى ولا انا شايفك ولا انت شايفنى عشان اعرف من لهجتك وتعبيراتك قصدك......خللى بالك عشان محدش يزعل منك....وترجع تقول انها شخصنه...وانك هتسيب المنتدى...!!...منقدرش نزعللك...!!!

و الله ما اقصد اي حاجه و انا اسف لو كنت فهمت كلامي غلط ... انا قولتلك كده لاني لو قولتلك ان الفيزات للدول النضيفه بتترفض لمجرد انك مصري مش هتصدق فقولت اخليك تشوف بنفسك

ومن مشاركاتك انا حاسس انك قاعد ال 24 ساعه قدام النت...يمكن شغللك مرتبط بالنت؟

ايوة انا كل شغلي علي النت

طب الكلام ده انت يرضيك؟؟!!!!!!!!

لا ميرضينيش بس في حاجه

ربنا قال ان الاحوال العباد مش هتتغير طالما نفوسهم متغيرتش

و نفوس المصريين متغيرتش و واثق انها مش هتتغير

فعمر ما حالنا هيتغير

الموضوع بسيط

**أشرف فتحى** · 26-06-2012, 05:59 PM

المشاركة الأصلية كتبت بواسطة ahmedcar مشاهدة المشاركة

انا برضو اتصلت بيك ياعم انت و قولتلهم قولوله احمد كار يا فندم كده تمشى من غير ماتقولى يامعلم ليا حق عرب عندك

والله حقك..ومقدرش اقول حاجه..بس والله العظيم كلمتك كذا مره وقلتلك عاوز اقعد معاك وكنت مشغول...كمان الموضوع جه فجأه...أنا لاقيت نفسى لازم اسافر بعد 3 ايام...وانت فاهم يا ابو ياسين بقى...!!

حبيبى يا ابو حميد....!!!

**أشرف فتحى** · 26-06-2012, 06:13 PM

المشاركة الأصلية كتبت بواسطة screenplays مشاهدة المشاركة

و الله ما اقصد اي حاجه و انا اسف لو كنت فهمت كلامي غلط ... انا قولتلك كده لاني لو قولتلك ان الفيزات للدول النضيفه بتترفض لمجرد انك مصري مش هتصدق فقولت اخليك تشوف بنفسك

الموضوع بسيط

طب سامحنى يا احمد بيك واسمع كلام اخوك...

انا دلوقت نظرتى غير نظرتك خالص....!!

أنا معنديش فكره خبرتك ايه وشغللك فى ايه..!!ومعرفش قدمت فعلا على هجره او اتقدمت لوظايف بره..!

لكن انا عندى خبره عمليه 16 سنه..مع مصريين واجانب.....وحاليا بشتغل فى مؤسسه فيها كل الجنسيات....

لو انت لأمؤاخذه مش هتفيد البلد اللى عايز تروحها هيقبلوك ليه...؟!

يعنى حط مقارنه بين تأشيره مجدى يعقوب لأى بلد وتأشيره شاب حديث تخرج ليسانس حقوق مثلا او بكالريوس طب...ممارس عام...

مجدى يعقوب البلد هى اللى بتطلبه وتتحايل عليه.....!!

لكن الممارس حديث التخرج هيعملوا بيه ايه؟

عايز تستفيد لازم تفيد.....!!

كن مميزا لتصبح مطلوبا...!!

شوف لو انت متخصص فى مجال معين وصاحب افكار وابتكارات هتلاقى الدنيا هيا اللى بتقوللك تعالى.....!!

حاجه تانيه بقى...!!!

اللى بيقوللك المصرى كرامته مفيش بره.....قولله حضرتك اللى بتفتى ومش فاهم حاجه.....حافظ ومش فاهم..!!

انا شفت بعينى واقدر احكم....

فى مصرى حرامى ونصاب بياخد بال........

وفى مصرى محترم الناس بتحطه فوق دماغها.......

على فكره الكلام ده فى كل حته...!!

ودلوقتى كلمه مصرى غير من سنتين......ولو كانت الثوره سبب فى غربتى.......كفايه انى متغرب ورافع راسى..!!!

**corsair** · 26-06-2012, 06:14 PM

استعيذ بالله منه واقراء الموعوزتين في وشه وان شاء الله ربنا هيصده

**maka** · 26-06-2012, 06:18 PM

عليك باذكار الصبح و المساء + و ان تتعوذ بكلمات الله التامات من شر ما خلق (صباحا و مساءا)+ قراءة المعوذتين و الاخلاص بتدبر و بنية ان الله هو الحامى و الحافظ ( صباحا و مساءا و قبل النوم ) + الاكثار من الاستعاذة من شر الحسد و اعين الناس و تطلب ان الله يحفظك + اخيرا تجنب هذا الجار من باب درء الاذاء و ان تضح حاجاتك فى اكياس سوداء او شنطة سميكة حتى لا يستطيع ان ينظر اليها

و ربنا يحميك و يحفظك من شر اعينه باذن الله

خالص تحياتى

**Screenplays** · 26-06-2012, 06:35 PM

خبرتك ايه وشغللك فى ايه

كان عندي شركه ويب هوستنج و كنت ماسك خدمه العملاء + اشتغلت مترجم في شركه دعايه و اعلان

معرفش قدمت فعلا على هجره او اتقدمت لوظايف بره

كان قدامي السعوديه و البحرين اول ما اتخرجت بس اتبطرت علي النعمه عشان كنت عايز اسافر امريكا او كندا ... دلوقتي بضرب نفسي ميت جزمه قديمه و اهه اي بلد احسن من مصر حاليا حتي لو مدغشقر

كن مميزا لتصبح مطلوبا...!!

انا و الله دارس في مجال مميز بس مقدرش اذكره علي العام و داخل فيه مسابقه في امريكا السنه دي و النتيجه قريب ان شاء الله ... ادعيلي

شوف لو انت متخصص فى مجال معين وصاحب افكار وابتكارات هتلاقى الدنيا هيا اللى بتقوللك تعالى.....!!

الحمد لله الواحد كده بس مفيش فرصه في البلد دي

**tarekzein** · 27-06-2012, 01:06 AM

المشاركة الأصلية كتبت بواسطة أشرف فتحى مشاهدة المشاركة

دول الجيران بتوع هنا بتاعتى....مينفعش يتقارنوا بأى شكل بجيران الهنا بتاعتك....هنا بتاعتى فيها حاجات مبتشوفهاش الا لو كنت جيشك حرس حدود مع السودان وواقف خدمه 12 ساعه كل يوم......ومش عارف الهجانه بتاعتهم من الهجانه بتاعتنا......وجه واحد من الهنا بتاعتهم هما قلك هات كبريت وانت فى الهنا بتاعتك والتليفون رن عليك وواحد قالك انت فين دنا مستنيك هنا بقالى ساعه....

هقعد شويه لحسن جتللى دوخه....

واحشنى يا حاج احمد والله وابعتللى كاسكته من بتوعك عشان السقف عندى بقى سيرامييك...حزب القرع لسه شغال؟؟؟

أنا أيه اللى دخلنى الموضوع الملخبط ده

أنا كنت داخل أسلم على أشرف......مين ده

وبعدين أقوله على جارى واللى بيعملــ.....

هوه الـــ هنا بقى بتاعت الحج أحمد قريبه من هنا بتاعة أشرف بك

وألا هنا غير هنا بتاعتنا إحنا التانيين

والراجل اللى كان بيعدى المزلقان هوه اللى لقى السمكه وألا مراته اللى ضيعت الخاتم

حسبى الله ونعم الوكيل

مش داخلكوا مواضيع تانى :))))))))))))))

Comment

Comment

Comment

إعـــــــلان

.

جارى.....أبو العينين..!!!

Comment

Comment

Comment

Comment

Comment

Comment

Comment

Comment

Comment

Comment

Comment

Comment