العائدون vs الراحلون

[A7MED_PHARMA]

السلام عليكم

طبعا ناس فاكره موضوع الراحلون
إلي أنا عملته من فترة
وكنت ناوي أفك من المنتدى
.
بس أنا شايل جمي للمنتدى
إنه عرفني على ناس كتير
ماكنتش أحلم إني أعرفها والله من خلال اليوم العادي
ليا أصحاب في كل حتة في مصر
ساعات بخبط فيهم وأنا قاعد على قهوة

يعني إمبارح كنت قاعد باكل (كريب) .. قابلت دكتور.محمد megamody
وقعدنا على القهوة شوية
.
وقابلت magyver في ميت غمر بالصدفة عند الكهربائي
.
وقابلت شريف bmya
وظبطنا صيدليته سوا
.
وقابلت وقابلت
والناس إلي شرفتني في مقابلة الشرقية

ده كله مش هيضيع كده
.
انا مش ماشي
ولو حد ضايقني أو حرق دمي

مش همشي
أنا غتت ورخم
وهلزق في المنتدى


مش ماشي



عاوز ألفت نظر الناس
إن فيه عجز في طاقم الإشراف
مفيش مشرفين كفاية لتغطية كل أقسام المنتدى

المنتدى كبيرررررررررررررر أوي

يعني ماحدش يزعل
ولو على الإشراف


إحنا نعمل لجان شعبية ههههههههههههههههههههههههه

مش بهزر

يعني لو حد شاف مشاركة قليلة الأدب .. نقدم تقرير مشاركة سيئة
وحتى لو مفيش مشرف يرد عليها
مش مشكلة

العضو إلي يقل أدبه
نعمله بلاك ليست

ونعمل موضوع شهري..نحط فيه المشاركات الأسوأ في الشهر ده
علشان العضو إلي يستهبل..إسمه يتحط في الموضوع+المشاركة بتاعته
والناس كلها تعرفه

وتنفضله




.






.
المقاطعة مش حل


المنتدى بتاعنا
مش بتاع الأعضاء التافهة الي هتزهقنا فيه
المنتدى بتاعنا

إحنا معاه من الاول
ومش هنسيبه دلوقتي



.
ومش فكرة حاجة
لا
فكرة إنه مجمعنا

[Screenplays]

بس في ناس لسانها طويل و مبتتحاسبش مش عارف ليه ... انا عارف ان الاداره مبحابيش لحد بس الوضع الحالي مينفعش

[A7MED_PHARMA]

بس في ناس لسانها طويل و مبتتحاسبش مش عارف ليه ... انا عارف ان الاداره مبحابيش لحد بس الوضع الحالي مينفعش

بص
هقولك حاجة

دقيقة وهفتح موضوع في الإجتماعي (( black list))

وكل عضو شاف مشاركة مش عاجباه
ياخدها كوبي باست في الموضوع

وبلاش إسمه علشان مانسيحش له ومايحصلش مشاكل

وتكون بالخط العادي.. علشان فيه أعضاء ليهم ألوان مميزة في كتابتهم

. ثواني

[me_medoo]

ياحمد باشا. ويا اسكرين بيك ههههههه
حبايب قلبي. انا بحييك يابوحميد اولاً
بس حاب اقول حاجة صغيرة حتى في الحياة العادية لمن تشوف واحد للله في لله بتحبوا وواحد تاني من غير ما تكلموا اول ماشتوفوا تبقى عاوز تموتوا ويحصل بينك وبينوا تاتش وده بنشوفوا اغلب الاحيان على شبابيك المصالح الحكومية تلاقي المواطن هادي وفجئة اول ما يوصل الشباك يبقى عاوز ينط في الشباك يولع في الموظق الي قاعد علشان كده الحكومة كتر خيرها عملت شباك حديد علشان تحمي الموظف هههههههههههه فالقصد ان ممكن اي انسان يكتب كلمتين. بهزار او فني او حتى كلمتين عاديات تيجي انتا تقراهم تشطاط غضباً وتولع وتقوم رادد عليه رد مش تمام ومن هنا تتولد المشكلة بيناتكم من لاشيء .... انا مؤمن ان في حتى هناك كيميا. في الكتابة كل الي عاوز اقولوا متقفش من اي انسان. الان هذا الانسان قد لا تراه ويمكن مش عارف يعبر لكن بمجرد ماتشوفوا تحبوا جداً وشبه اعز اعز اصدقائك واعز اعز حبايبك انا اعجبت بشخصية شاب كان قاعد جمبي في المقابلة قمة في الاحترام. والادب والاخلاق ولمن رجعت المنتدى وبعاتب حبيبي محمد عبدالله انو مجاش طلع هو هذا الشاب الي كان قاعد معايا طول المقابلة وناس كتير مكسوف منهم قمة قمة في الادب والاخلاق وتحبهم من اول نظره بس مش فاكر اساميهم في المنتدى كانت ايه ومكسوف بجد منهم بسبب كترت العدد لم اتمكن من التعرف على الاسم المستعار بتاعهم بس بصراحة شباب زي الورد

فلذلك اتمنى من جميع الاعضاء محدش ياخود مشاركة على صدروا او على اعصابوا وماهي غير مجرد كلمات ومشاركات واراء واختلاف الرئي لايفسد من الود قضية وتقبلوا تحياتي ... ومروري

[koshary]

بجد يا احمد انت خلصت كل الكلام اللى انا عاوز اقولو وكنت هعمل موضوع بيه

[aly_hosny]

ال يزعلك رد عليه و زعله زي ما زعلك
انما الموضوع بتاع البلاك ليست دا هتقلب شللية و تكتلات و انت تحطلي رد اقوم انا احطلك رد و كدا

[SHNORY]

المشكله ان الروح العدوانيه بتتقابل بعدوانيه
ومع مرور الوقت العدوانيه بقت حاجه عاديه جوانا
وحتي لما بندخل نهزر في موضوع بقينا بنتقابل بعدوانيه
والناس بقت تلومنا علشان ردينا ههههههههههههههههههه
زمان كان الواحد بيدخل الاجتماعي يروح بيه عن نفسه ويفطس من الضحك ويبقي مبسوط انه وسط اصحابه
دلوقتي بيدخل علشان دمه يتحرق
بس عموما حنرجع ايام زمان
وحنهزر ونضحك ونتتريق وننكت براحتنا ونفتح احلي واحسن الموضوعات زي الاول
ولو الناس القديمه مشيت
فربنا يبارك في الجداد ماهم اخواتنا برضه