اللى بيفكر يشترى ال samsung s advance دية التجربة بتاعتى للتليفون

[SAMEH_FOUAD]

اذيكوا يارجالة طبعا فية منكوا كتير اليومين دول بيفكر يتحول الى نظام الاندرويد ومع تعدد الاجهزة والانظمة والهواتف الحمد لله بعد بحث وعناء قررت ان اشترى هذا الهاتف ال samsung galaxy s advance وبجد تليفون رائع وممتاز فى كل حاجة فاق كل توقعاتى بالنسبة لسعرة ودية التجربة بتاعتى ومقارنتة بال S2 اللى كنت هشترية لو ماكنش ال S advance عجبنى

انا الحمد لله اشتريت التليفون دة من خمس ايام وكنت ماسك ال s2 فى ايد وهو فى الايد التانية وبعمل مقارنة مابينهم عملية لان الاتنين قريبين فى السعر مابين الجديد بضمان s advance , وال s2
وبعد ساعة كاملة من المقارنة , لقيت انى حرام ادفع 700 جنية زيادة عشان لو هجيب الموبايل بضمان ( s2 ) وانا عندى موبايل نفس الامكانيات بالظبط وبسعر اقل

على فكرة شاشة ال s advance تحفة مابعدها تحفة يمكن الوانها اتقل من ال s2 لانها 233 مقابل 217 وكمان شاشة ال s2 اكبر وحجمة الصراحة رخم اوى كنت ماسكة بالعافية بعكس ال S advance
بالنسبة للصوت الاتنين واحد بس طبعا الصوت اداءة متوسط يعنى ولا عالى ولا واطى بس بالنسبالى انا واطى عشان كان معايا n73 وانتوا عارفين صوتة عامل ازاى

سرعة الجهاز صاروخية الحمد لله ماتفرقش حاجة نهائى عن ال 2 s

الكاميرا بتاعتة مافيهاش زووووم وانا مش شايف اى مشكلة فيها لانها بتقرب اكتر وكمان فيها خاصية ال geo tagging ودية يتعمل تحديد لاى جزء انت عايزة , دة غير ان الصورة الصراحة وهمية سواء فى الليل او فى النهار والفلاش قوى جدااااااااااااااااا وممكن يشتغل كشاف وفية اوبشن كتييييييير جدا فى الكاميرا بتاعتة , ولما بتصور ممكن تكبر وتصغر الصورة وهتتطلع بوضوح عالى جدا من غير اى تشويش واعمل save على الوضعية دية خلاص بقى عندك زووووم واحسن

بالنسبة لسخونية الجهاز بقى ودية نقطة الفيصل الحمد لله شغلت الجهاز اكتر من 5 ساعات متواصلة مافيش اى سخونية تذكر اصلا الحمد لله بعكس ال s2 اللى سخن معايا بدون العاب

شبكتة بسم الله ماشاء الله full دايما و stable بعكس ال s2 اللى مابتبقاش stable فى بعض الاحيان

بالنسبة لصوت سماعة التحدث عالية جدااااااااااا ونقية جدااااااااااااااااااااااا كأن اللى بكلمة قاعد قدامى وهتضطر توطى السماعة من كتر علو الصوت

البطارية فى اول يوم استخدام فحتها وقعدت معايا يوم وربع منهم ساعتين مكالمات وطبعا كلنا عارفين ان البطارية ادائها هيوصل لدرجة التشغيل القصوى بعد اول اسبوع وفعلا الحمد لله شحنت البطارية الساعة 3 عصرا امبارح واتكلمت 4 ساعات وانهاردة لسة فيها 85% حتى الان

خامات التليفون بلاستيك طبعا وانا مش شايف مشكلة لان جراب خلص الليلة

ال headphone فى تشغيل الاغانى مش هقدر اقول انت معاك سماعتين ( kenwood 450 w ) بجد اول مرة اشوف سماعات بتخرج base قوى كدة ماشاء الله

ميزتة عن ال S2 امكانية عمل رنات لكل الانواع ( هاتف - رسائل - منبة - تخصيص ) بعكس ال s2 اللى تقريبا لية نغمة واحدة للرسائل الخاصة بالهاتف

التليفون فية كل المميزات والله ماهتحتاج حاجة تانى نهائى

على فكرة فى تصوير الفيديو طبعا كلنا عارفين انة 720 بس مقابل 1080 لل s2 طيب عايز بقى حد يصور ويقولى الفرق اللى لاقاة لانى مش لاقى اى فرق غير ان ال s advance الوانة اقوى

او يمكن حد ملاحظ حاجة وانا مش شايفها

بالنسبالى عيوب التليفون تنحصر فى الاتى :

1- الصوت الواطى ولو اى حد عايز يشترى سامسونج هيواجهة المشكلة دية

2- الكاميرا مافيهاش زووم ( بالنسبالى مش فارقة انا كل فين وفين لما بصور )

شكرا على كدة خلاص الحمد لله مافيش اى مشاكل تانى

انا عملت الموضوع دة عشان اللى عايز يشترى وبيفكر ومايعرفش عنة حاجة لان الجهاز لسة جديد فى السوق ماكملش شهرين هو نزل مصر تقريبا فى 15-5-2012

واى سؤال انا فى الخدمة

ما يتوافر مع الجهاز : من ملحقات

1- سماعة hand free لونها ابيض

2- الكاوتشة اللى بتتركب فى الاذن اضافية غير اللى متركبة فى السماعة

3- كتيب صغير للاستخدام السريع باللغة العربية والانجليزية والكورية

4- شاحن usb

5- وصلة usb

6- بطارية 1500mah

التليفون مش بينزل معاة كارت ميمورى انت بتشترية لوحدة وكل الاجهزة كدة دلوقتى

[koshary]

تجربة ممتازة وانا شايف الصوت مش مشكله والزوم يعنى الواحد يحلها بس انت شايف خاماتو عامله ازاى يعنى قوة التحمل لو وقع ولا حصلو حاجه هيتكسر بسرعه لانى بفكر اجيب موبايل جديد وشكلى هجيب زى موبايلك بس انا استخدامى صعب شوية ممكن ارمى الموبايل الى اى حته وساعات كتير بحطو على تابلوه العربيه وبيقع يعنى هيستحمل ولا لا وسعرو كام ؟؟

[CryptonX]

جه اليوم الي سمسم يعمل Review لحاجة كوري و يشكر فيها .. لأ و كمان بلاستيك :)
الف مبروك يا باشا وشكرا على التقرير :)
عقبال مانشوفك بتمدح في عربية كوري :)

[engahmedsamy]

موضوع جميل بس انا معايا ايفون 4s , نيو ايباد و الاتنين بيسخنوا مش عارف ليه؟

[SAMEH_FOUAD]

تجربة ممتازة وانا شايف الصوت مش مشكله والزوم يعنى الواحد يحلها بس انت شايف خاماتو عامله ازاى يعنى قوة التحمل لو وقع ولا حصلو حاجه هيتكسر بسرعه لانى بفكر اجيب موبايل جديد وشكلى هجيب زى موبايلك بس انا استخدامى صعب شوية ممكن ارمى الموبايل الى اى حته وساعات كتير بحطو على تابلوه العربيه وبيقع يعنى هيستحمل ولا لا وسعرو كام ؟؟

خاماتة بلاستيك بالنسبة للظهر فقط لكن التليفون كلة معمول من مواد كويسة

والله ياكشرى ماجربتش الصدمات ومش ناوى اجرب ان شاء الله

هاتلة جراب وشكرا على كدة

جه اليوم الي سمسم يعمل Review لحاجة كوري و يشكر فيها .. لأ و كمان بلاستيك :)
الف مبروك يا باشا وشكرا على التقرير :)
عقبال مانشوفك بتمدح في عربية كوري :)

هههههههههههههههههه

ياباشا انا والله مافيش بينى وبين الكورى اى حاجة واى حاجة حلوة من انتاج الكورى هاقول بس كلنا عارفين ان السامسونج ممتاز من زماااااااان ومش محتاج حاجة وطبعا فرق مابينة وبين العربيات دة حاجة ودية حاجة تانية خالص

وعموما انسى انى انا امدح فى عربية كورى دلوقتى خالص يعنى ممكن ان شاء الله على 2050 لو ربنا ادانا عمر

وعشان تبقى عارف انا طول عمرى بشترى نوكيا بس للاسف نوكيا خابت جدا وماينفعش اشتريها دلوقتى خالص يعنى انا بردة كان اختيارى الاول نوكيا وبعد مانوكيا وقعت اصبح السامسونج اختيارى

حبيبى يا crypton

[ahmedeihab]

الف مبروك يا مووووحه و تعيش و تدوب يا برنس

و بلنسبه ان صناعته كورى دى حاجه كويسه جدااااا ياريت بقا يركزوا على التليفونات و يسيبهم من الباقى

^_^

[rosebox]

شكرا على الموضوع الهايل ده و المشجع ليا شخصيا انى اجيبه لإنى بفكر فيه من فتره
بس انا مهم عندى قوى موضوع الصوت ده

[SAMEH_FOUAD]

الف مبروك يا مووووحه و تعيش و تدوب يا برنس

و بلنسبه ان صناعته كورى دى حاجه كويسه جدااااا ياريت بقا يركزوا على التليفونات و يسيبهم من الباقى

^_^

هههههههههههههههههههههه

[hazemhassan]

شكراا على التقرير المميز
و انا كان معايا s1 و والديزير hd بصراحة s1 كان ادائة مميز عن الديزاير فى النت وقوة الواى فاى

وعايز اجيب دلوقتى النوت بس حجمة كبير دة اللى مخلينى مش عارف اختار اية s2 ولا ايفون 4 ولا s advance لانى بصراحة مش عايز نوكيا ولا htc
لان عندى htc -evo 3d وقعت فى المية ودتها التوكيل قالى هتكلف اكتر من تمنها وهروح اجبها انهاردة ارميها فى البيت ولا اشوف هعمل فيها اية
حد يدلنى ؟

[SAMEH_FOUAD]

شكرا على الموضوع الهايل ده و المشجع ليا شخصيا انى اجيبه لإنى بفكر فيه من فتره
بس انا مهم عندى قوى موضوع الصوت ده

شوفى هو صوتة مش واطى ومش عالى هو وسط

والاندوريد مخلاش حاجة فية برنامج اسمة ( +volume ) ودة بيعلى صوت الهاتف بدون مايعمل destortion للصوت

ودة ميزة الاندرويد بتلاقى فية كل حاجة زى بالظبط نسخة الويندز الخاصة بال pc بتنزل فاضية وانتى بتمليها بالبرامج كلها

[SAMEH_FOUAD]

شكراا على التقرير المميز
و انا كان معايا s1 و والديزير hd بصراحة s1 كان ادائة مميز عن الديزاير فى النت وقوة الواى فاى

وعايز اجيب دلوقتى النوت بس حجمة كبير دة اللى مخلينى مش عارف اختار اية s2 ولا ايفون 4 ولا s advance لانى بصراحة مش عايز نوكيا ولا htc
لان عندى htc -evo 3d وقعت فى المية ودتها التوكيل قالى هتكلف اكتر من تمنها وهروح اجبها انهاردة ارميها فى البيت ولا اشوف هعمل فيها اية
حد يدلنى ؟

حدد اختيارك مابين ال s2 , sadvance لكن ابعد عن ال iphone خالص

والموبايل ال htc حاول اى حد يبعتلك بوردة كاملة من برة هيبقى سعرها غير هنا خالص

[omaroof]

بصراحه هوا التليفون ممتاز بس انا سعيد مع الاس 2 بصراحه مالوش حل
موضوع السخونيه ده فى كل الموبيلات الذكيه وعلى العموم هى ازواق
ربنا يديك خيره زيبعد عنك شره ان شاء الله

[SonaSteel]

تسلم الايادي ياسمسم ......... تقرير ممتاز ماشاء الله
لغاية وقتنا هذا الS2 اصلا مش عاجبني لا شكل ولا الوان
والحمد لله كنت جايب الs1 قبليه ومعايا لغاية دلوقتي و ملاقيتش فرق خالص بيه وبين الS2 في استخدامي بل الحمد لله الدعم بتاعه لسه شغال ونزلته الايس كريم وزي الفل ماشاء الله
وحاليا في انتظار الS3 ........... دعواتك :))

شكراا على التقرير المميز
و انا كان معايا s1 و والديزير hd بصراحة s1 كان ادائة مميز عن الديزاير فى النت وقوة الواى فاى

وعايز اجيب دلوقتى النوت بس حجمة كبير دة اللى مخلينى مش عارف اختار اية s2 ولا ايفون 4 ولا s advance لانى بصراحة مش عايز نوكيا ولا htc
لان عندى htc -evo 3d وقعت فى المية ودتها التوكيل قالى هتكلف اكتر من تمنها وهروح اجبها انهاردة ارميها فى البيت ولا اشوف هعمل فيها اية
حد يدلنى ؟

انا معايا الS1 .......وجيبت لاختي النوت
ولسه من دقيقتين بتحايل اعليها اخده ههههههههههههههه
نزلتله روم زي التاب 10.1 ...... بالظبط
تخيل واجهه التاب ال10 علي 5 بوصه ........ تحفة بمعني الكلمة ماشاء الله
انا من رأي لو مستعجل يبقي نوت
مش مستعجل s3.. مفيش كلام

[SAMEH_FOUAD]

بصراحه هوا التليفون ممتاز بس انا سعيد مع الاس 2 بصراحه مالوش حل
موضوع السخونيه ده فى كل الموبيلات الذكيه وعلى العموم هى ازواق
ربنا يديك خيره زيبعد عنك شره ان شاء الله

طبعا ال s2 ممتاز وتليفون جميل جدا بس انا بتكلم على فرق السعر وخصوصا ان دلوقتى كل الاجهزة اللى بالضمان النسخة ال g ودة فى حد ذاتة مشكلة لان التليفون دة بيقابلة مشاكل كتير , والنسخة ال i الكويسة مافيش منها الا بدون ضمان وطبعا محدش يغامر ويجيب التليفون بالسعر دة بدون ضمان , فانا بعد ماقارنت مابين ال s advance , s2 لقيت انى حرام ادفع الفرق بدون اى داعى
لكن اللى عايز يجيب ال S2 مافيش اى مشكلة لو عايز شاشة اكبر

تسلم الايادي ياسمسم ......... تقرير ممتاز ماشاء الله
لغاية وقتنا هذا الS2 اصلا مش عاجبني لا شكل ولا الوان
والحمد لله كنت جايب الs1 قبليه ومعايا لغاية دلوقتي و ملاقيتش فرق خالص بيه وبين الS2 في استخدامي بل الحمد لله الدعم بتاعه لسه شغال ونزلته الايس كريم وزي الفل ماشاء الله
وحاليا في انتظار الS3 ........... دعواتك :))




انا معايا الS1 .......وجيبت لاختي النوت
ولسه من دقيقتين بتحايل اعليها اخده ههههههههههههههه
نزلتله روم زي التاب 10.1 ...... بالظبط
تخيل واجهه التاب ال10 علي 5 بوصه ........ تحفة بمعني الكلمة ماشاء الله
انا من رأي لو مستعجل يبقي نوت
مش مستعجل s3.. مفيش كلام

حبيب قلبى ياسحس

فعلا ال S plus جامد وجميل جدا وعلى فكرة هو الفرق مابينة وبين ال s advance بردة حبة حاجات قليلة كدة يعنى فلاش والسرعة ازيد شوية وححبة اوبشن كدة خفيفة يعنى هتلاقى الدنيا كلها زى بعض

وال S3 طبعا جهاز خرافة بس مشكلتة حجمة كبيير اوى وسعرة غالى جدا

طبعا النوت نفس النظام بس اللى بيجيب اجهزة زى النوت والحاجات دية بيبقى غاوى الاحجام الكبيرة والموبايلات اللى زى ال ipad

وعموما هية اجهزة سامسونج ماشاء الله كلها ممتازة وربنا يباركلك فى الاتنين

وينولك الs3 ياباشا

[alfath8]

الروم الى عليه كام
وازاى مفيهوش زوم ده ال s1 فيه زوم