اتصالات اتصلت بيا فى عرض نت adsl _ راوتر وايرليس 4 مخارج هدية؟؟

[abdalah_hashem]

السلام عليكم ورحمة الله وبركاته

اتصالات اتصلت بيا العرض كالتالى

راوتر 4 مخارج وايرلس من اتصالات بضمان سنة

خصم 50 % على الاشتراك لمدة 3 شهور

الاسعار للغير محدود

512 ---- 49 جنية فى الشهر
1 ميجا ---- 70 جنية فى الشهر
2ميجا ----- مش فاكر ب 110 تقريبا وللا كام ؟

والدفع اخر الشهر مش اولة

وسالتهم على الاستخدام العادل قالولى لا مفيش حدود عشان دة غير محدود اية رايكوا يا رجالة ؟؟؟

والمندوب هيوصلة لحد البيت ويركبة بدون مصاريف تشغيل او تركيب ؟ ولو طلبتة النهاردة هييجى بكرة !!!


افكس للوصلة واجيبة انا واخويا وللا اية ؟؟؟؟
.
.
.
. السلام عليكم ورحمة الله وبركاته

[abdalah_hashem]

اة فى حاجة كمان لما دخلت على موقع اتصالات وشوفتة لقين ان دة سعر الاشتراك لمدة ال3 شهور اللى فى الاول اللى عيهم خصم 50 % بعد كدة الثمن هينضرب فى 2 !!!!! هههههههههههههههههه لعبة قذرة :d

[nicegypt]

يا باشا .. مش لعبة زي منت بتقول ..
السعر العادي مع الشركات كلها 140 ج للواحد ميجا .. انا بدفع كدة لتي اي داتا
هما عملين لك خصم 50 % لمدة 3 شهور
بعدها هتدفع بالسعر العادي زى باقى الناس
فودافون عاملين نفس العرض
توكل ع الله وركب فرق شاسع طبعا ولا مقارنة بين الواصلة والخط بتاعك

[الغزالى]

اوعى تغلط الغلطه .. انا عملت العرض ده اول لما نزل .. وطلعوا عين اهلى على ماركبوه ولما ركبوه السرعه نيله فى سياسه استخدام عادى ومتصدقش الكلام ال بيتقال .. اوعى تشترك فيه .. اتصالات دى ازبل شركه فى مصر كلها ومش هاتعرف تاخد حق ولا باطل منهم .. حصلى مشكله بسبب العرض ده ومخلصتش لحد اما قدمت شكوى فى 155
بس قعدت بتاع 3 شهور على ماتتحل

[bekatcho]

انا العرض دة عملتة اول ما نزل لما كان اول 6 شهور بس الى عليهم خصم
وبعد كدة بقت سنة
الصراحة النت شغال حلو اوى والراوتر بتاعهم حلو
بس اخر مرة لما نزلت بنى سويف كان النت وحش شوية عن قبل كدة

[kimocyc]

فودافون 6 شهور الخصم مش 3

[MaZaGAngeE]

مش فاهم الاسعار تبقى ازاي ؟

و اشترك في اي شركة افضل ؟
انا ساكن في عباس العقاد

[ehab]

دا اتصالات اول شركة دخلت مصر موضوع سياسة الاستخدام العادل ازاي مش عندهم

[nicegypt]

يا جماعة الخير
النت ف مصر كلة واحد
كلها سياسة واحدة وتتبع منظمة واحدة .. والخط اللى جايين لنا اصلا ايجار والشركات كلها واخدة منة
وبتالى زيد زي عبيد .. كلة اونطة .. وكلة ارباح ولا اهتمام بالعميل .. ودايماَ يرمي لك العيب ع السنترال
كأن السنترال دة مش جزء منة وكأنة مش مسؤل عنة !

[mrghost]

كنت مشترك ف العرض ده وكان زي الفل لكن للاسف خط التليفون عطلان اكتر من شهرين حاجة زفت

[MaZaGAngeE]

دي من فودا
ڤودافون ADSL في البيت

و دي من اتصالات
Etisalat


الاتنين فيهم الاستخدام العادل و دي حاجة سخيفة جدا جدا
عموما مين فيهم افضل و اقوى في عباس العقاد ؟

[Elawany13]

اسوأ خاجه فى اتصالات وفودافون سياسة الاستخدام العادل
واوعى تصدق انهم مش بيطبقوها علشان يجروا رجلك
وإتأكد من الناس اللى عندها اتصالات

[Land_Cruiser]

العروض دى اللى بيحصل فيها من الاخر ان اللى بيديهولك باليمين بياخدوا منك بالشمال. هيقولك نصف التمن. بس هيعد وحش قوى و هتلاقى نفسك خلصت رصيدك على نصف الشهى و هتضطر تدفع تانى و تلاقى نفسك فى الاخر ما وفرتش حاجه

[besokate]

انا قريت الردود بس مع احترامي للاعضاء كلهم انا ليا راي مختلف انا اشتركت في العرض ده بس المشكله فيه مش موضوع بيخلص السرعه عند استخدام عادل وبعد كدة بتضطر تدفع تاني لا هو فعلا بيبقي بلا حدود والنت بيبقي كويس مابيقطعش احسن من الوصله بكتير لكن انا شايف ان النظام ده عيوبه تانيه خالص
اولا الراوتر كاتبين او بيقولوا انه وايرلس لكن بصراحه حرام يتقال عليه الاسم ده لانه مداه اقل من عشرة متر صدقوني لما بدخل اوضه تاني ما بلاقيش نت
ثانيا بيجيروك انك تشترك سنه بحالها غصب عنك ياما تدفع ٢٢٠ جنيه قال ايه تمن الراوتر اللي هو اصلا مش وايرلس

[M.Osama]

عرض فودافون 6 شهور مش 3