كورســــــــــــــأت

[Abo.Omar]

صباح الخير يا جماعه
باختصار شديد انا لسه مخلص تجاره عربى
وعايز اشتغل فى مجال البنوك
فايه الكورسات اللى اهل الخبره يرشحوها انى اخدها ممكن تفيدنى فالمجال دا وتعتبى الحد الادنى انى اتقدم بيه لمكان محترم
شكـــــــــــــــــــــــــــرا

[amrhassan]

اعتقد المكان الوحيد اللى بيدى كورسات بنوك ( المعهد المصرفى ) مدينة نصر خلف طيبة مول ممكن تسأل هناك
EBI Auxiliries

[mrgamal]

البداية لازم تكون لغة واحتراف اوفيس
وبعد كدة تدور على كورسات متخصصة فى المجال الى عايز تشتغل فية

[Amr Axel]

خد لغة انجليزي و كومبيوتر و اعتقد انك اكيد اخدت اي سي دي ال اجباري في الكلية :)
و بعدين شد ع المعهد المصرفي فيه هناك كذا كورس زي اساسيات العمل المصرفي و غيره بس هتبقي غالية شوية الطالب بيكون مدعمة يعني زي اساسيات العمل المصرفي كانت في حدود 450 للطالب و بتنزل تدريب في بنك و 850 للخريج و بيتوفرلك فرصة للشغل

[Abo.Omar]

اولا شكرا جدا على سرعه الاستجابه
ثانيا انا معايا لغه انجليزيه و icdl وكنت نزلت مكتب تدريب فى مكتب ضرايب .. دا كله عملته قبل التخرج
ثالثا هل المعهد المصرفى دا كويس وبيفهم ..لانى مش عايز مجرد شهاده انا عايز افهم .. وهل معتمد برا مصر
رابعا واخيرا ايه بالظبط اللى ممكن اخده فالبنوك ..لان فى مسميات كتير فالكورسات فانا مش عارف ايه الانسب لمبتدىء زيى


شكرااا

[amrhassan]

المعهد المصرفى تابع للبنك المركزى و موظفين البنوك كمان بيخدوا الكورسات هناك

[Amr Axel]

المعهد المصرفى تابع للبنك المركزى و موظفين البنوك كمان بيخدوا الكورسات هناك

+11111
فعلا ع حد علمي انه تابع للبنك المركزي و بيشرحوا
و تقدر تروح المعهد و تاخد فكرة عن كل كورس و المناسب ليك

[Abo.Omar]

طب وفتره الدراسه بتكون قد ايه بقى وبعد ما بيشغلونى المرتبات ايه ظروفها
اصلى هتجنن واشتغل يا جدعان بجد

[MohammedAladel]

المعهد المصرفى ممتاز وتم إنشاؤه أساسا لتدريب موظفين البنوك وحاليا بيدرب أى حد عايز يتدرب بس ليه شروط معينة مش فاكرها أبحث على جوجل وادخل على موقعه وهتعرف حاجات كتير عنه والدورة بتاعته مكثفة وخبرا بيدربوك كلهم شغالين فى البنوك الحكومية وليه اختبار وممكن تصقط في الاختبار لو ما ذاكرتش كويس أنا ناوى أدخل إن شاء الله بعد ما أتخرج فرع المهندسين وفيه فرع تانى الأساسى فى مدينة نصر أنا رايح 4 تجارة إنجليزى إن شاء الله ومتهيقلى لازم تكون حاصل على تقدير جيد أٌقل حاجة وبتختار الدراسة بتاعتك عربى إو إنجليزى وهو معتمد بالنسبة للشغل فى البنوك المصرية لكن معتقدش إنك ممكن تروح تشتغل فى بنك فى أمريكا مثلا ههههههههههههه إلا بقى بعد ما تبقى حاجة كبيرة فى بنوك مصر ويبقى ليك إبداعات وإنجازاات

[mody3on]

متستعجلش عالشغل عشان متلبسش مرتب تعبان , ظبط نفسك الاول بالكورسات وبعدين دور على شغل وانت مرتاح

[AhMeD EzZ]

ينفع لطلبة و لا خريجين بس ؟!

[Abo.Omar]

ومتهيقلى لازم تكون حاصل على تقدير جيد أٌقل حاجة

افيدونا يا جماعه فالموضوع دا
بدل الاحراج اللى بنبقى فيه

[dede_dodo88]

كلمة بنوك دي عامة أوي لأن مجال البنوك ده واسع..
شوف أنت حابب تدخل في أي جزء و على أساسه تختار الكورس..

[beshomilan]

الانجلش والاوفس دول اهم حااااااااااااااااااااجة
وبعد كده ادخل على cma وعيش
وخد ايميلات البنوك اللى فمصر وابعتلهم لانهم بيعينوا علطول سيلز اوت دور تجاره طول السنه

[Abo.Omar]

وبعد كده ادخل على cma وعيش

يعنى اول ما ابدأ حياتى ابدأها ب كورس ب 11 الف تقريبا