مغامرات فى رحلة التجنيد

[SASA3]

الى حصل بقا يا رجالة النهارده انى نزلت علشان اخلص موضوع التجنيد

كنت عامل هنا موضوع عن كيفية التاجيل بالنسبة للولد الوحيد

ومن هنا بدات الرحلة
بعد ما كنت استفدت من خبرات الشباب معانا هنا الاول فى المنتدى

و روحت الاول القسم الى انا تابع لييه (اول المنصورة) و قالى الحجات المطلوبة منى

-شهادة ميلاد كمبيوتر لك
,و للوالد , و الوالدة , و الاخوة كلهم
-شهادة الجواز او قسيمة الجواز للوالد و للوالده
-قيد عائلى
-بطاقة 6 جند
- صور بطاقة
- صور شخصية

و توجهت بعد كده على السجل المدنى

المهم روحت علشان اطلع شهادات الكمبيوتر دى طلعتها كلها
و شهادة الميلاد الكمبيوتر بـ7 جنيه
و قسيمة الجواز الوالد كمبيوتر بـ16 جنيه



المهم بقا نيجى لقيد العائلة ........... اعطيت الورق للموضف الى هناك و يا ريتنى ما اديتهولة

تخيل بقا ايه الى حصل

طلع اسمى غير مطابق لاسم الوالد

ههههههههههههههههههههههههههههههههه


شوف ازاى بعد العمر ده كله طلع اسمى مش زى اسمه اقول ايه بس
و اروح لهنا و هنا و اطلع للضباط الكبار و الضغيريين ابداا انت مش انت
هههههههههههه

كنت عاوز اشغلهم عبد الباسط حموده و انا مش عارفنى انا مش انا

طب ايه العمل يا عم الحاج تطلع على سجل مدنى تانى(غير الى انا كنت فيه) و تعمل طلب تصحيح اسم

قالى السجل المدنى الناحية التانية
نزلت لفيت و طلعت و اروح هنا و اسال ده يوقلى اول الشارع اروح اول الشارع يقولى لا ارجع تانى

لحد الحمد لله ما واحد شاورلى عليه و قالى هناك اهوه

نروح نعمل طلب تصحيح يقولى طب عاوزين شوية حاجات كده و كتبهالى فى ورقة و الله راجل محترم

كان عاوز بقا ايه
-اصل شهادة ميلاد ليا كمبيوتر
-اصل شهادة ميلاد كمبيوتر للوالد
-صورة قسيمة جواز الوالد كمبيوتر
-صورة لشهادات ميلاد الاخوه كلهم
-صور شخصية
-صور بطاقة
-فيش و تشبيه


و عاوزين فيش و تشبيه اول ما عرفت انه هعاوز الفيش قولت بس يبقا هتعك حبر و قرف بقا و التخلف ده و هنقعد نمسح ايدينا بالجاز

المهم روحت القسم الى تابع ليه الاقيه بيقولى لا هنا مش هنا بنعمل فيش الجيش فقط ازاى يا عم الحاج هو كده :|

اقوله طب اعمل الفيش فين الاقيه بيقول فى شرطة المرافق ههههههههههه انا سمعت الكلمة دى و فتحت بوقى ييجى دقيقه كده اقوله فين يقولى شرطة المرافق اقوله ازاى يعنى برضه هو كده :@:@:@

روحت لفيت تانى و قعدت اسال الناس على المرافق ده فين يا عم يقولى جمب المطافى

اقوله مطافى ايه (على اساس انه فيه كذا حته فيها مطافى ) يقولى المطافى بتاعة الحريق

بالمنظر ده و الحر بتاع النهارده كان ممكن يحصلى حاجه

المهم مشيت بلاد تشيلنى و بلاد تحطنى
انى الاقى المرافق ده لحد ما لقيت المرافق الى جمب المطافى روحت ركنت العربيه هناك لقيتهم بيرشوا مية

بس اوعى تكون فاكر بيرشوا مياه كده عادى لا ابسلوتلى

بيرشوا الشارع بعربيات المطافى مقولكش كفااااااااااائة و الله

و كان فيه صف عربيات راكنه قام هوب غاسلهم كلهم مرة واحده برشة واحده بس

ولا تقولى مغسلة ولا دراى كلين و الكلام الفاضى ده هى رشة واحده العربيه بتبرق بعدها :):):)

المهم نرجع تانى لموضوعنا روحت للمرافق دول بقولكهم و انا حاسس انهم هيضحكوا عليا اكيد
و بتكلم بصوت واطى هو هنا بيتعمل فيش و تشبيه

لقيته بيقولى اه فى عند اخر بوابة

قولت سبحانك يا رب هو فيه كده القسم مفيهوش فيش و المرافق هى الى فيها فيش طب ازاااااى ؟؟

الغرفة بتاعت الفيش ده تقريباا 3 متر فى 3 متر يا دوب جهاز كمبيوتر و كرسىين انت و الراجل تقعدوا عليه

استنيت دورى فى الحر برا حد ما جه دورى

و دخلت للراجل قولت اكيد هيفعصلى ايدى حبر بقا و جهزت علبة مناديل معايا
ببص لقيت سبحان الله جهاز رفع بصمات كمبيوتر

قولت ياااااااااااه احمد لله احمدك يا رب مصر اتقدمت تحيا الثورة يا جدع

بقول لراجل خلاص معتدش فيه النظام القديش و الحبر و الجاز و العك ده
-قالى اه خلاص معدش حد بيعترف بيه لا هنا ولا بره فى السفر
قولتله ما كان من الاول
المهم عملت البصمات و كان مطلوب منك البطاقة و صورة للبطاقة و 15 جنيه
و قالى تعالى بكره بقا علشان تستلم الفيش

بكرة ده الى هو الجمعه قالى يبقا خلاص السبت بقا و عليك خير




يتبع يوم السبت ان شاء الله

ادعولى الموضوع يمشى عدل

[Casio2000]

شأن أي مصلحة في مصر - مهما كنت مستعد و فاكر نفسك فركوك لازم يدوخوك و تلف شرق و غرب - بس أيلوبك ظريف في الحكاية :)
ربنا يعينك و يعينا جميعا على ما بلانا.

[shaddadfalcon1]

الجيش ده لو مدخلتوش لازم تدوخ ويطلع عين اهلك عشان تتعلم الأدب
انا فضلت سنه كل يومين تلاته في العامريه وبدب مشوار بتاع 50 كيلو لحد مااخدتها

[Nistelrooy]

الاكيد تتعتب علشان تجبها يوميين ولا تلاتة ولا يطلع عينك سنة ولا 3 سنين !!

امضاء جندي مجند :)

[Screenplays]

المطافي بتاعت الحريق هههههههههههههههههههههههههههههههه

ربنا يتولانا

[hanyelsayedali]

هو في لخبطه عندي ماهو هو المطلوب لاخراج القيد العائلي ارجو التوضيح وايه المطلوب عشان اخذ الاعفاء مع العلم اني ولد وحيد وعندي اختي فقط

[mohammedabdallh]

الامهم طلعت انت ولا مش انت

[Abo.Omar]

اقوله مطافى ايه (على اساس انه فيه كذا حته فيها مطافى ) يقولى المطافى بتاعة الحريق

جامده جداااااااااا

[SASA3]

شأن أي مصلحة في مصر - مهما كنت مستعد و فاكر نفسك فركوك لازم يدوخوك و تلف شرق و غرب - بس أيلوبك ظريف في الحكاية :)
ربنا يعينك و يعينا جميعا على ما بلانا.

ههههههه

فعلا كنت رايح و عامل فيها بقا فركوك و عارف الحاجه الى المفروض اجيبها و كده بس على مييييييييين

منه له منه له

[SASA3]

الجيش ده لو مدخلتوش لازم تدوخ ويطلع عين اهلك عشان تتعلم الأدب
انا فضلت سنه كل يومين تلاته في العامريه وبدب مشوار بتاع 50 كيلو لحد مااخدتها

ليييييييييييييييه


سنه ليه بحالها رايح جاى دا انت كنت تدخل و تكبر دماغك

[SASA3]

الاكيد تتعتب علشان تجبها يوميين ولا تلاتة ولا يطلع عينك سنة ولا 3 سنين !!

امضاء جندي مجند :)

مخالى شيل

و ايه الى جايبك هنا يا جندى مجند مش المفروض تكون فى وحدتك دلوقتى :):):)

هههههههه

لا و الله بالشكل ده مش اقل من اسبوعين كمان

[SASA3]

المطافي بتاعت الحريق هههههههههههههههههههههههههههههههه

ربنا يتولانا

ياااااا رب

انا ساعتها كان هيحصلى حاجه منه

قولت امشى و انا ساكت احسن احنا برضه فى قسم و انت فاهمنى

[SASA3]

هو في لخبطه عندي ماهو هو المطلوب لاخراج القيد العائلي ارجو التوضيح وايه المطلوب عشان اخذ الاعفاء مع العلم اني ولد وحيد وعندي اختي فقط

بص هو انا لو اعرف مخبيش عنك الصراحه

بس بما انى لسه موصلتش لمرحلة الوحش لسه قصدى لمرحلة القيد العائلى

بس الى سمعته الى الان انت هتحتا شهادة ميلاد كمبيوتر للعائلة كلها انت و والدك و اخواتك كلهم

و اتاكد مليووووووووووووووووووووووووووووون مرة

ان اسمك مطابق لاسم والدك و اخواتك فى شهادة الميلاد بالمللى