هي ليه الرجاله بتخاف من زوجاتها ؟ سؤال صريح و عايز اجابه صريحه

[amr5500]

بصفه عامه عشرة اي حد لفترة طويله نهار وليل بتكون مش سهله
يعني الواحد لو طلع مع اصحابه رحله لمدة اسبوع حيرجعوا مش طايقين بعض
مهما كانوا اصحاب حتلاقي فيه اختلاف في الطباع
فالجواز بيكون مصيبه سودا لو الطباع مختلفه بدرجه كبيرة
حتقضي كل حياتك في جدل عقيم مالهوش اي لازمه
وفي الاخر تلاقيها تقول لك حسبي الله ونعم الوكيل باعتبار هي اللي مظلومه
بصراحه الجواز ممل جدا وياريت علي الملل بس ده ممكن يجيب لك كل الامراض المستعصيه
لو ما كانش في انسجام وتفاهم يبقي عدم الجواز احسن بمليون مرة

[Screenplays]

انت لازم تخيشلك فى جوازة ايا كانت عشان تجرب بنفسك ههههههههههههههه......

ههههههههههههه اعوذ بالله ليه كده بس ؟ خليني في حالي احسن

اكتر شئ بيخلي الزوج بيسايس حياته هوه المنظر ده عارف المنظر ده ايه

ده يا عزيزي بوز الست لما تبوز ... لما تكون عاوزه حاجه ومتحصلش

لما تكون نفسهه في حاجه ومتجيش ... هههههههههه

وعشان كده الراجل بيحاول بقدر المستطاع يبعد عن البوز ويغنيله وتخيل نفسك كده نايم على السرير وبتتقلب تلاقي المنظر ده قدامك

طبعا مقدماكش ساعتهه غير انك تنتحر لا تقتلهه لا تنتحر وتقتلهه

ياباي علي موضوع البوز ده ... حاجه تقرف و المشكله بحس انهم بيستمتعوا بيه

ياجماعة هية مش اكتر من مراعاة للمشاعر بالنسبة للطرف الاخر
يعنى انا مثلا ماينفعش اخرج وارجع بالليل متأخر وكل يوم رايح جاى وهية ماتشوفش وشى غير اخر الليل
دة كدة مش اسمة جواز دة كدة اسمة خنقة للطرف الاخر
فلازم تراعى مشاعر الزوجة , انك تقعد معاها وتخرجها كل يومين او ثلاثة بالكتير خصوصا لو هية مش بتشتغل , ومش بقولك يعنى خرجها اكلها عشان ماتقولوش الميزانية , لا انت ممكن تخرجها تمشيها شوية تنزلوا مول حاجة قريبة منكوا هتلاقى نفسك تمام وهية مزاجها تمام , ولا فية نكد ولا اى حاجة
وفى نفس الوقت بردة تشوف اصحابك بس مش كل يوم تعملهم مثلا يوم معين او يومين بالكتير
دية واحدة انت اتجوزتها , مش واخدها تحبسها
بس كل دة يدور فى اطار الاحترام يعنى ماينفعش الزوج يخاف من مراتة دية صعبة اوى دية الصراحة ماشوفتهاش الا قليل جدا

بص يا استاذ سمسم

الواحد مش متجوز عشان يقضي كل ساعات يومه مع مراته او في الشغل ... في حاجه اسمها صحاب ... في حاجه اسمها خروج ... هي اه ليها حق عليك بس المشكله ان عندهم حب تملك عجيب ... ربنا يهدي

أنا شايفة إن الرجالة متحاملين على الستات شوية ..طيب دا الست النكدية أحيانا بيكون ليها فوائد كتير جدا خد عندك :ـ
1ـ تجعل لسانك رطبا دائما بذكر الله (ما انت قاعد طول النهار تقول حسبي الله ونعم الوكيل)
2_ تجعل الزوج يغض البصر ( لأنها هتخليه يكره صنف الحريم كله )
3ـ تساعد الزوج على صلة الرحم ( ماهي هتخليه على طول عند مامته )
4_ هتساعده في المحافظة على وزنه ( دايما سادة نفسه عن الأكل)
5_ تجعل منك رجل مثالي فى عملك ( لأنك قرفان منها فعلى طول فهتقضي أكبر وقت فى شغلك)
ويبقى كدة وراء كل رجل عظيم امرأة نكدية

هههههههههههههههههههه صح ... انت معاكي حق و في الاخر نموت بالذبحه الصدريه بسبب النكد و البوز ... حسبي الله و نعم الوكيل

دلوقتي نتكلم جد شوية بقى

مفيش واحدة ممكن تحترم زوجها لو بيخاف منها ..ده الأساس

طيب نقدر نقول خوف على مشاعرها..على زعلها..على إنه يعكنن على الانسانة اللى بتحاول بكل طريقة إنه تسعده وتحافظ على بيته ومتحملة الحياة معاه لأنها شريكة له..

ده بيتوقف على شخصية الرجل ..ممكن يكون أحن مخلوق وأطيب وأرق انسان عليها وفى الوقت نفسه له شخصية قوية يقنعها بيها ويكون راجل جوة بيته ..لكن مسالة الخوف دي صدقوني ابعد ما يكون
لو فعلا فيه ستات كدة يبقى مش طبيعية وعندها مركب نقص وبتحاول تعوضه فيه..
وكل ده متوقف على شخصية الرجل..ثقته بنفسه.. وإنه مقتنع بإنه غير مقصر فى حق بيته وأولاده

وأهم حاجة لازم تكون صريح وواضح منذ البداية يعنى تفهمها ان ليك وقت تكون فيه مع صحابك ..لكن اللى بيقلب أى ست ويخليها فعلا فى مود زفت هو الكدب عليها

+1

بصفه عامه عشرة اي حد لفترة طويله نهار وليل بتكون مش سهله
يعني الواحد لو طلع مع اصحابه رحله لمدة اسبوع حيرجعوا مش طايقين بعض
مهما كانوا اصحاب حتلاقي فيه اختلاف في الطباع
فالجواز بيكون مصيبه سودا لو الطباع مختلفه بدرجه كبيرة
حتقضي كل حياتك في جدل عقيم مالهوش اي لازمه
وفي الاخر تلاقيها تقول لك حسبي الله ونعم الوكيل باعتبار هي اللي مظلومه
بصراحه الجواز ممل جدا وياريت علي الملل بس ده ممكن يجيب لك كل الامراض المستعصيه
لو ما كانش في انسجام وتفاهم يبقي عدم الجواز احسن بمليون مرة

هي دي الزتونه فعلا ... مشكلتي ان مبعرفش اندمج مع اي حد

[أحمد كمال]

باحضر لكم رد طويل عريض ....... نص ساعة كده ....... ده انا معبي من كيعاني يا رجالة ههههههههههههههه

[Screenplays]

هههههههههههههههه حبيبي يا ابو كمال

مستنين الرد علي نار

[totaa]

المهم أن اللى بتجوزا بيسبوا وبيلعنوا فى الجواز وسنينة وبردوة بتلاقى ناس تانيين هيتجننوا على الجواز ....
ياترى أية السبب؟؟!!

فى ناس بتجوز عشان تهرب من مشاكل مع الأب أو الأم أو الأتنين ودى طبعآ كارثة ....
فى ناس بتجوز عشان ترضى المجتمع فبتجوز بدون أقتناع و دى بردوة كارثة ....
المهم أن الغالبية العظمى بتندم بعد الجواز ....

أنا ضد أن أى حد يهرب من أى مشكلة بالجواز لأنه بكدة بيوقع نفسه فى مشاكل أكبر وبدل ما كانت مشكلة واحدة هتبقى اتنين وتلاتة لأنه بمنتهى البساطة بدل ما يحل المشكلة الأساسية جاب لنفسه وجع القلب ...أي قرار مصيري لازم يكون عن اقتناع من جوانا 150 % وغير كدة هتغنوا ظلموه

[totaa]

أنا أو تجعل لسانه دائم الشتم لنفسه على الغلطه اللي عملهه وعارف انهه غلطه قبل ما يعملهه ومع ذلك عملهه وغيره كتير هيعملهه
يبقى العيب عليه إنه عارف الغلط وبيعمله يبقى هى ذنبها ايه بقى؟ على كدة كل قرارات حياته هتبقى فاشلة كدة؟ ربنا يعينها والله هههههههه

بالعكس الزوج مبيتعلمش من أخطاؤه وهيكدب نفسه واللي حواليه ويتجوز التانيه والتالته على أمل انه يلاقي واحده من غير بوز ويتصدم في الاخر لما يتأكد انه ممكن يتجوز بوز من غير واحده بس عمره ما هيلاقي واحده من غير بوز
الخوف إنه فى الآخر من كتر الهم يدمن البوز ده .. وبعدين هو فيه راجل مش بيكشر ؟ دا دايما ظابطها على 111 لو راجل متفاءل هههههههه أما لو متمكن بتلاقيها 111111

هههههههههههههه ده على اساس انهه حلوه مع اهله ههههههههههه ده كتر ما بتشتم فيهم وتجيب في سيرتهم بتكرهه في اهله وفي سيرتهم

أكيد مش ده كان قصدي اللى كنت بقصده إنها هتطفشه على طول عند مامته وبالتالى هيشوفها كتير اوي (وبينى وبينك اللى بيبدأ غلط بيفضل على طول غلط) بمعنى هل دي تبقى عيشة لما كل واحد يشتم فى أهل التانى؟ المفروض بدل ما كان له عيلة واحدة يبقى له اتنين ..بس اللى يفهم


ومين قال كده انا لما بتضايق بطلع همي في الأكل

يا خسارة كدة يبقى فاتك نص عمرك بجد (على فكرة ناس كتير اوى كدة بتطلع غيظها فى الاكل ..المشكلة لو الهموم كتير هيروح لفين؟ استرها يارب ههههه)

على أساس انهه عتقاه في شغله هههههههههههه هات وانت جي فينو ولبن ونستو وبيض ولانشون علشان البت وتفاح وبطيخ وجاتووووووه علشن نفسي فيه ومتنساش فطار بكره وغدا بكره علشان مش هقدر انزل علشان مرهقه شويه ..... ترن ترن ترن جبت اللي قلتلك عليه .... ترن ترن ترن اتاخرت ليه وهكذا وهكذا
ويبقى كدة وراء كل رجل عظيم امرأة نكدية
قصدك وراء كل رجل حزين إمرأة

إيه الظلم ده بس؟ طيب وهو الأكل اللى بتقوله يجيبه معاه ده لمين؟ مش له وليها وللبيت كله؟ هل هيرضى إنها تنزل تشترى الأكل وهو طبيعي كدة كدة برة
وهل لما ترن عليه وتقوله إتاخرت ليه تبقى غلطانة؟ ايه المنطق ده ههههه
يعنى تسيبه ولا تسئل فيه وكأنه مش موجود؟ دخل او خرج يبقى عندها واحد؟
هل هتبقوا راضيين ومبسوطين وقتها؟ منطق أغرب بجد


توتااااااااااا

[Hegazio]

" قصة عقلين " هو العنوان الذى اختاره الكاتب والمحاضر والموسيقى الأمريكى مارك جونجور ليقدم مجموعة من المحاضرات الجماهيرية التى صاغها فى قالب كوميدى بالغ الروعة والإدهاش وحضرها عدد من المتزوجين
تظن بعض الزوجات أن زوجها قد تغيرت مشاعره تجاهها أو العكس ، والحقيقة هو أن السبب الأساسى هو أن الرجل يحتاج أن يتصرف وفق طبيعته كرجل كما تحتاج المرأة أن تتصرف وفق طبيعتها كإمرأة ، ومن الخطأ أن ينكر أحدهما على الآخر هذا الحق - كما ننكر على أبنائنا أن يتصرفوا كأطفال ، أو ننكر على كبار السن أن يتصرفوا ككبار سن ، أو ننكر على الزعماء أن يتصرفوا كزعماء - يحدث كثيراً أن يعجز الواحد منا أن يستمر فى تمثيل النفاق لفترة طويله ، فيعود للتصرف على طبيعته ، فلا يفهم الطرف الآخر فيظن انه تغير فتحدث المشكلة .
يؤكد المُحاضر أن الخلاف بين الرجل والمرأة خلاف فى أصل الخلقه ، وأنه لا يمكن علاجه ، وإنما يجب التعامل معه بعد أن يفهم كل طرف خصائص الطرف الآخر ، ودوافعه لسلوكه التى تبدو غريبة وغير مبررة . ويرى أن نظرياته صحيحة بشكل عام ، وأنها تنطبق فى معظم الحالات لا علاقه لهذا بالمجتمع ولا بالثقافة ولا بالتربية ولا بالدين ، ولكنه يشير إلا أن الاستثناءات واردة .
عقل الرجل صناديق ، وعقل المرأة شبكة
وهذا هو الفارق الأساسى بينهما ، عقل الرجل مكون من صتاديق مُحكمة الإغلاق ، وغير مختلطه . هناك صندوق السيارة وصندوق البيت وصندوق الأهل وصندوق العمل وصندوق الآولاد وصندوق الأصدقاء وصندوق المقهى ........... الخ
وإذا أراد الرجل شيئاً فإنه يذهب إلى هذا الصندوق ويفتحه ويركز فيه ... وعندما يكون داخل هذا الصندوق فإنه لا يرى شيئاً خارجه . وإذا انتهى أغلقه بإحكام ثم شرع فى فتح صندوق آخر وهكذا .
وهذا هو ما يفسر أن الرجل عندما يكون فى عمله ، فإنه لا ينشغل كثيراً بما تقوله زوجته عما حدث للأولاد ، وإذا كان يُصلح سيارته فهو أقل اهتماماً بما يحدث لأقاربه ، وعندما يشاهد مبارة لكرة القدم فهو لا يهتم كثيراً بأن الأكل على النار يحترق ، أو أن عامل التليفون يقف على الباب من عدة دقائق ينتظر إذناً بالدخول ..
عقل المرأة شئ آخر : إنه مجموعة من النقاط الشبكية المتقاطعه والمتصله جميعاً فى نفس الوقت والنشطة دائماً .. كل نقطه متصله بجميع النقاط الأخرى مثل صفحة مليئة بالروابط على شبكة الإنترنت .
وبالتالى فهى يمكن أن تطبخ وهى تُطعم صغيرها وتتحدث فى التليفون وتشاهد المسلسل فى وقت واحد . ويستحيل على الرجل - فى العادة - أن يفعل ذلك ..
كما أنها يمكن أن نتنقل من حالة إلى حاله بسرعة ودقه ودون خسائر كبيرة ، ويبدو هذا واضحاً فى حديثها فهى تتحدث عما فعلته بها جارتها والمسلسل التركى وما قالته لها حماتها ومستوى الأولاد الدراسى ولون ومواصفات الفستان الذى سترتديه فى حفلة الغد وعدد البيضات فى الكيكة فى مكالمه تليفونية واحدة ، أو ربما فى جملة واحدة بسلاسة متناهية ، وبدون أى إرهاق عقلى ، وهو ما لا يستطيعه أكثر الرجال احترافاً وتدريباً .
الأخطر أن هذه الشبكة المتناهية التعقيد تعمل دائماً ، ولا تتوقف عن العمل حتى أثناء النوم ، ولذلك نجد أحلام المرأة أكثر تفصيلاً من أحلام الرجل ..
المثير فى صناديق الرجل أن لديه صندوق اسمه : " صندوق اللاشئ " ، فهو يستطيع أن يفتح هذا الصندوق ثم يختقى فيه عقلياً ولو بقى موجوداً بشجسده وسلوكه . يمكن للرجل أن يفتح التليفزيون ويبقى أمامه ساعات يقلب بين القنوات فى بلاهه ، وهو فى الحقيقة يصنع لا شئ . يمكنه أن يفعل الشئ نفسه أمام الإنترنت . يمكنه أن يذهب ليصطاد فيضع الصنارة فى الماء عدة ساعات ثم يعود كما ذهب ، تسأله زوجته ماذا اصطدت فيقول : لا شئ لأنه لم يكن يصطاد ، كان يصنع لا شئ ..
جامعة بنسلفانيا فى دراسة حديثة أثبتت هذه الحقيقة بتصوير نشاط المخ ، يمكن للرجل أن يقضى ساعات لا يصنع شيئاً تقريباً ، أما المرأة فصورة المخ لديها تبدى نشاطاً وحركة لا تنقطع .
وتأتى المشكله عندما تُحدث الزوجة الشبكية زوجها الصندوقى فلا يرد عليها ، هى تتحدث إليه وسط أشياء كثيؤة أخرى تفعلها ، وهو لا يفهم هذا لأنه
- كرجل - يفهم انه إذا أردنا أن نتحدث فعلينا أن ندخل صندوق الكلام وهى لم تفعل . وتقع الكارثة عندما يصادف هذا الحديث الوقت الذى يكون فيه الرجل فى صندوق اللاشئ . فهو حينها لم يسمع كلمة واحدة مما قالت حتى لو كان يرد عليها .
ويحدث كثيراً أن تُسم الزوجة أنها قالت لزوجها خبراً أو معلومة ، ويُقسم هو أيضاً أنه أول مرة يسمع بهذا الموضوع ، وكلاهما صادق . لأنها شبكية وهو صندوقى .
والحقيقة انه لا يمكن للمرأة أن تدخل صندوق اللاشئ مع الرجل ، لأنها بمجرد دخوله ستصبح شيئاً .. هذا أولاً ، وثانياً أنها بمجرد دخوله ستبدأ فى طرح الأسئلة : ماذا تفعل يا حبيبى ، هل تريد مساعدة ، هل هذا أفضل ، ما هذا الشئ ، كيف حدث هذا ... وهنا يثور الرجل ، ويطرد المرأة .. لأنه يعلم أنها إن بقيت فلن تصمت ، وهى تعلم أنها إن وعدت بالصمت ففطرتها تمنعها من الوفاء به .
فى حالات الإجهاد والضغط العصبى ، يفضل الرجل أن يدخل صندوق اللاشئ ، وتفضل المرأة أن تعمل شبكتها فتتحدث فى الموضوع مع أى أحد ولأطول فترة ممكنة . إن المرأة إذا لم تتحدث عما يسبب لها الضغط والتوتر يمكن لعقلها أن ينفجر ، مثل ماكينة السيارة التى تعمل بأقصى طاقتها رغم أن الفرامل مكبوحه ، والمرأة عندما تتحدث مع زوجها فيما يخص أسباب عصبيتها لا تطلب من الرجل النصيحة أو الرأى ، ويخطئ الرجل إذا بادر بتقديمها ، كل ما تطلبه المرأة من الرجل أن يصمت ويستمع ويستمع ويستمع .... فقط .
الرجل الصندوقى بسيط والمرأة الشبكية مُركبة . واحتياجات الرجل الصندوقى محددة وبسيطة وممكنة وفى الأغلب مادية ، وهى تركز فى أن يملأ أشياء ويُفرغ اخرى ...
أما احتياجات المرأة الشبكية فهى صعبة التحديد وهى مُركبة وهى مُتغيرة . قد ترضيها كلمة واحدة ، ولا تقنع بأقل من عقد ثمين فى مرة أخرى .. وفى الحالتين فإن ما أرضاها ليس الكلمة ولا العقد وإنما الحالة التى تم فيها صياغة الكلمة وتقديم العقد ..
والرجل بطبيعته ليس مُهيئاً لعقد الكثير من هذا الصفقات المعقدة التى لا تستند لمنطق ، والمرأة لا تستطيع أن تحدد طلباتها بوضوح ليستجيب لها الرجل مباشرة .. وهذا يرهق الرجل ، ولا ترضى المرأة .
الرجل الصندوقى لا يحتفظ إلا بأقل التفاصيل فى صناديقه ، وإذا حدثته عن شئ سابق فهو يبحث عنه فى الصناديق ، فإذا كان الحديث مثلاً عن رحلة فى الأجازة ، فغالباً ما يكون فى ركن خفى من صندوق العمل ، فإن لم يعثر عليه فأنه لن يعثر عليه أبداً .. اما المرأة الشبكية فأغلب ما يمر على شبكتها فإن ذاكرتها تحتفظ بنسخة منه ويتم استدعائها بسهوله لأنها على السطح وليس فى الصناديق ..
ووفقاً لتحليل السيد مارك ، فإن الرجل الصندوقى مُصمم على الأخذ ، والمرأة الشبكية مُصممه على العطاء . ولذلك فعندما تطلب المرأة من الرجل شيئاً فإنه ينساه ، لأنه لم يتعود أن يُعطى وإنما تعود أن يأخذ ويُنافس ، يأخذ فى العمل ، يأخذ فى الطريق ، يأخذ فى المطعم .... بينما اعتادت المرأة على العطاء ، ولولا هذه الفطرة لما تمكنت من العناية بأبنائها .
إذا سألت المرأة الرجل شيئاً ، فأول رد يخطر على باله : ولماذا لا تفعلى ذلك بنفسك . وتظن الزوجه أن زوجها لم يلب طلبها لأنه يريد أن يحرجها أو يريد أن يُظهر تفوقه عليها أو يريد أن يؤكد احتياجها له أو التشفى فيها أو إهمالها ... هى تظن ذلك لأنها شخصية مركبة ، وهو لم يستجب لطلبها لأنه نسيه ، وهو نسيه لأنه شخصية بسيطه ولأنها حين طلبت هذا الطلب كان داخل صندوق اللاشئ أو انه عجز عن استقباله فى الصندوق المناسب فضاع الطلب ، أو انه دخل فى صندوق لم يفتحه الرجل من فترة طويله .
أعد قراءة هذا الموضوع كل عدة أيام بمفردك أو مع شريك حياتك .. راجياً حياة صندوقية عنكبوتية تُفرح الجميع

[Hegazio]

حاعملها فموضوع لوحدها....

[SAMEH_FOUAD]

بص يا استاذ سمسم

الواحد مش متجوز عشان يقضي كل ساعات يومه مع مراته او في الشغل ... في حاجه اسمها صحاب ... في حاجه اسمها خروج ... هي اه ليها حق عليك بس المشكله ان عندهم حب تملك عجيب ... ربنا يهدي

ماشى ياباشا مانا قايلك يومين فى الاسبوع ( اعتقد كفاية جدا )

معلش حضرتك لازم تفرق مابين واحد عازب وواحد متجوز لازم يحصل اختلاف

يعنى مثلا لو كنت بتشوف اصحابك كل يوم وانت لوحدك

بعد الجواز لازم طبعا الموضوع يقل بطبيعة الحال لانك معاك واحدة مش معقول كل يوم هتنزل وتسيبها وترجعلها الساعة 1 بليل , لكن لو يومين بس فى الاسبوع اعتقد ساعتها هيبقى الوضوع احسن بكتييييييير

لان هية مش هتخنق عليك , فلازم انت كمان ماتخنقش عليها

[Ghosts]

أنا ضد أن أى حد يهرب من أى مشكلة بالجواز لأنه بكدة بيوقع نفسه فى مشاكل أكبر وبدل ما كانت مشكلة واحدة هتبقى اتنين وتلاتة لأنه بمنتهى البساطة بدل ما يحل المشكلة الأساسية جاب لنفسه وجع القلب ...أي قرار مصيري لازم يكون عن اقتناع من جوانا 150 % وغير كدة هتغنوا ظلموه

+1

عايز أقولك يا توتا أن فى بنات كتييييييييييييييييير أوى فى مصر بيتجوزوا هربا من قمع الأب والأم ....
و خصوصآ لما يكونوا متزمتين زيادة عن اللزوم ....

هما فاكرين أن كدة هما بيربوا بنتهم كويس ...
مش فاهمين أنهم بالطريقة دى بيجبروها أنها تعيش الباقى من عمرها مع أنسان مش مقتنعة بية ومش بتحبة ....

[Screenplays]

معلش حضرتك لازم تفرق مابين واحد عازب وواحد متجوز لازم يحصل اختلاف

ده احد اسباب عزوفي عن الجواز ... انا من عوايدي التأخير بره البيت بحجه الشغل او او او

[Ghosts]

ده احد اسباب عزوفي عن الجواز ... انا من عوايدي التأخير بره البيت بحجه الشغل او او او

مينفعش كدة بعد الجواز يا أخ ....

[Screenplays]

بص يا ابو الامجاد ... انا بقالي 25 سنه مش عارف اسهر بره براحتي بسبب ان الحاج مش موجود و الجماعه في البيت لوحدهم ... يوم ما بسهر ... لازم حجه ... شغل او اي حجه مشابهه ... مش معقوله لما اسيب بيت ابويا ... برضه مربوط من رجلي

[Ghosts]

بص يا ابو الامجاد ... انا بقالي 25 سنه مش عارف اسهر بره براحتي بسبب ان الحاج مش موجود و الجماعه في البيت لوحدهم ... يوم ما بسهر ... لازم حجه ... شغل او اي حجه مشابهه ... مش معقوله لما اسيب بيت ابويا ... برضه مربوط من رجلي

هو الجواز كدة ....
هتتربط يعنى هتتربط ....
ومش من رجلك بس دة رجلك و رقبتك وكل حتة يا معلم ....

[Screenplays]

انا مستعد اتربط في ساقيه زي الجاموسه بس لو في حاجه تستاهل اتربط عشانها ... مفيش خالص ... شكلا و موضوعا و عقليا في الضياع التام