إعـــــــلان

Collapse

.

,
See more
See less

وانا عيل صغير كنت بالعب ......

Collapse
X
 
  • Filter
  • الوقت
  • Show
Clear All
new posts

  • وانا عيل صغير كنت بالعب ......

    أكيد وانت صغير كان ليك لعب معينة بتحب تلعبها
    لعب مشهورة في الشارع بتاعكوا
    لعب بين أهلك وقرايبك
    كنت بتلعب ايه بقي ؟ :)
    انا كنت بالعب
    كهربا
    بلي
    عالقمة
    ثبت صنم
    أولي
    جميع انواع الكورة ... ماتش بفورة وبوقت و ( قفا وشلوت ) وكوبري وسكرانة وكل حاجة أتعملت في الكورة :)
    لعب حرب وده بيبقي في خساير كبيرة .... مرة كسرنا أزاز معرض :)
    وطبعا كمبيوتر وبلاي ستيشن وأتاري وكل واحد من دول كان في لعب كتيييييييييييييييييييييييييييييييييييييييييييير :)
    ها ؟ .... لعبت ايه ؟ :)
    [CENTER][mtohg=#000000]http://img696.imageshack.us/img696/2999/warninggf.jpg[/mtohg]

    [/CENTER]

  • #2
    بلي (بس اللي اكسبه كنت برجعه علشان القمار حرام)
    ال7 طوبات
    عنكب شد واركب
    طير (كان اسمها مساكه امريكاني تقريبا)
    ثبت صنم
    وكلهم من انواع المساكه
    مش فاكر ايه تاني
    [CENTER]

    [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
    [/CENTER]

    [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------
    [/SIZE][/B][CENTER]
    [/CENTER]

    Comment


    • #3
      ايام جميلة دة كفاية لعبة الملك تلاقى كل عيال الحى وفرق وندخل نستخبى فى البيوت وليلة كبيرهههه
      وفيه لعبة كنت بموت فيها وافضل اللعب بدون كلل ولا ملل .. اللعبة دى كانت عبارة عن انك بتحرر العبيد
      زى اللى فى الصورة دى


      دة غير بقى ايام العجل احنا كنا بنلعب الحرب دى بالعجل يعنى اللى يوقع التانى من على العجلة هههههه
      و طبعا الكورة دى مافيهاش كلام ... وفيه كمان البنادق الرش كنت انا وصحابى اتفقنا ان هدية النجاح تكون بندقية رش
      وقد كان بعد النتيجة كنا كل واحد فينا ابوه مسلحه تسليح عالى المستوى كنا عاملين زى كتيبة حربية
      ومرة عملنا مشكلة مع ناس علشان كنا بنضرب الفراخ اللى بيربوها بالرش هههههههه
      يا اخى ايام حلوة الواحد ماكنش شايل هم اى حاجة .. والواحد يعمل المصيبة من هنا ويصدر ابوه ههه
      [RIGHT]سبحان الله وبحمده سبحان الله العظيم
      [/RIGHT]

      Comment


      • #4
        كهرباء
        ثبت صنم
        واستغمايه (سبت محمد تحت العربيه):dاو على الامه :d
        واحد فى النص (كوره)
        ولعبه حلوه اوى برضو بس مش فاكر اسمها
        [FONT=Comic Sans MS]elsha3er[/FONT]

        Comment


        • #5
          هى نفس اللعب فى كل ااماكن بفرق تغيير الاسامى
          وبالذات نفس السن يعنى مواليد التمنينات
          اقوى واغلى 10 اسلحه بالعالم
          http://technology-mmm.blogspot.com/
          http://imageshack.com/a/img850/6764/4fdl.jpg

          Comment


          • #6
            كنت بلعب صنم و كنت باكل كميات اقفيه لووووووووووووز و عمري ما عرفت مين اللي بيرزعني علي قفايا هههههههههههههههههه

            Comment


            • #7
              ياااااااااااااااااااه
              رجعتونى لأيام زمان كانت ايام حلوة
              محمد مصطفى

              Comment


              • #8
                لازم يوميا ثبت صنم واساسى بردو مع شباب العيله كل جمعه بنلعب اتارى وبعد المغرب نلعب كورة لحد بليل متأخر وبرود اولى واستغماية ولحد دلوقتى لما بنتجمع شباب كتير بنلعب ثبت صنم بتبقى تحفه وخصوصا مثلا لو 15 شخص بتبقى حكاية ودحك للصبح بس انا مع نفسى ومازلت احب العب شطرنج لان دى هواية عندى من وانا صغير ولحد دلوقتى بروح بقعد على قهوة فى امبابة اسمها نادى الشطرنج فيها العمالقة كلهم
                koshary

                Comment


                • #9
                  من اجمد الالعاب ال الواحد لعبها وبما انى لسه بلعب
                  ماريو
                  اليابانيه ههههههه
                  دول على الاتارى والبلاستيشن
                  وكهربا
                  وثبت صنم
                  وكوره فى الشارع
                  واهم حاجه اليابانيه

                  Comment


                  • #10
                    بلي واخر ما زهقنا من الخط الي بيختفي قمنا جايبين اجنه وشاكوش وحارفين بالعرض والحفره اتحفرت بنفس الطريقه

                    بالدبور

                    كوره بجميع انواعها

                    جميع انواع الاستغمايه

                    ثبت صنم

                    ده الي فاكره

                    غير العاب الاتاري والبلاي ستيشن 1 و2
                    ممتنع عن المشاركه

                    Comment


                    • #11
                      صنم وكهرباء واستغمايه ودي بقي ليا فيها زكريات لاني كنت بلعبها في البلد وياسلام لما يبقي في فرح بيبقي لينا حرية االحركه لحد وقت متاخر وطبعا مفيش نور خالص في الشارع والدنيا ضالمه كحل واراضي زراعيه وحاجات كتيير زي حطب مثلا وتلال عاليه فكانت استغمايه زي ماالكتاب بيقول يعني كانت العيال بتعملها علي نفسهها من الخضه
                      تلاقي العيل يقعد علي جنب في الطريق وطبعا محدش شايف حاجه والتاني يجري يقوم اللي قاعد يمسك رجل اللي بيجري

                      Comment

                      Working...
                      X