يا ترى ينفع

[abokoko]

كنت اشتريت جهاز كهربائيي من سبينس وعندهم الضمان 14يوم مع وجود الفاتوره لو فى عيب ترجع الحاجه او تستبدلها
بس الجهاز سليم ومفيهوش عيب
كل ما فى الامر انى اكتشفت انه غير اللى طالبه
يعنى انا مشتريه على خواص معينه ملقتهاش فيه
ينفع ارجعه ويقبوله على كلامى من غير ما اكذب واقول عيوب فى جهاز مش موجوده فيه

[me_medoo]

ينفع يا ابو كوكو ولا يهمك توكل على الله ورجعو بس اهم حاجة رجعو في الكرتونة زي مكان. وخود معاك الوصل. انتا قدامك ١٤ يوم من تاريخ الشراء

[abokoko]

الحمد لله الكرتونه والوصل موجودين والجهاز بحالته زى ما جبته
والحمد لله انى مش هضطر اكذب
الله يطمنك - شكرا

[abokoko]

الحمد لله
تمت اعادة الجهاز فى سلاسة وباقل الكلام
( قلت لهم سبب الاعادة باننى لم اجد فيه ما ارغب )

[me_medoo]

إلا لمؤخـزة يا أبو كوكو

هو الجهاز ده بتاع أيه ... وأيه الموصفات الي فيه ملقيتهاش
عارف يا أبو كوكو يا أخويا أكتر حاجة بتفقع مرارتي في البلد دي هي الكرتونة تلاقي الجهاز بايظ وعطلان وعليه ضمان والتوكيل ميرضاش ياخدووو ويقلك فين الكرتونة ... لدرجة لو أشترينا أي حاجة دلوقتي لازم نحتفظ بالكرتونة بتاعتها فوق الدولاب او تحت السرير ... وحتى لمن نشتري اي حاجة جديدة بقول للعيال افتحوا الكرتونة شوية شوية ... براحة على الكرتونة يمكن تكون بايظه ونرجعها ... ده المشكلة يا أبو كوكو تلاقي 60%
من الحاجة الي بتشتريها تلاقيها بايظه ولمن تيجي ترجعها يقلك مالناش دعووووة ... حسبي الله ونعم الوكيل يا أبو كوكو في ضماير الناس ... خلاط تشتريه جديد تلاقي الشبشق بتاعو مشروخ تيجي ترجعوا يقلك لا أتكسـر منك ملناش دعوه
هههههههههههههه .اقلهم الله مش هوا ضدد الكسر يقلك أه هو ضدد الكسر بس شووف انتا حطيت فيه ايه ... قلتلهم معاكم حق حطيت فيه شوية مسامير قلت خليني اعمل كوكتيل مسامير
للعيال هههههههههههه عالم تغيظ وتشل .

[abokoko]

الجهاز -- شاحن بطارية --
وهو فعلا كده - الجهاز عباره عن تونجر صغير - ممكن تفك البطارية الخاصة بك وتشحنها بهذا الجهاز وترجع تركبها تانى





لكن انا افتكرت انه بادئ تشغيل للبطاريه الضعيفة - يعنى تخيلت انه هيؤدى عمل وصلة البطاريه من سياره اخرى
وبكده تخيلت انى هستغنى عن البحث عن سيارة تدينى وصلة بطارية الصبحيه لو البطارية نايمة