أمتى بتقول مش ممكن؟!

[Ghosts]

كل واحد فينا بيبقى لية طباع و طريقة تفكير صعب علية أنة يغيرها ....
بنتعرض يوميآ لمواقف كتير من الناس اللى حوالينا ....
ساعات حاجات بتحصل بتضايقنا و بنفوت ....
و ساعات بنقول كدة مينفعش ....
أية هى الحاجات و المواقف المختلفة اللى بتخليك تقول مش ممكن؟؟!!

[Ghosts]

مش ممكن أتعشم فى حد غير ربنا ....
مش ممكن أثق فى أى حد بسهولة ....

مش ممكن أسامح حد جرحنى بسهولة بردوة وممكن ماسمحوش خالص ....
مش ممكن أسمح لبنت أنها تتحكم فيا وفى تصرفاتى ....

[BESO516]

مش ممكن لما بلاقى ناس بارده واخده السواقه بالدراع مش بألأدب والأصول والقواعد السليمه مع انهم ميعرفوش ان اللى سايق جنبهم ده وعامل محترم وملتزم ممكن يطلع عنيهم لأنه من صغره وهو سايق نقل بجميع انواعه واحجامه وملاكى بعمرهم كلوا لكن رغم كده بيعملوا ناصحين :( فساعتها بقول مش ممكن على اللى وصلنا له

[A7MED_PHARMA]

مش ممكن أحط إيدي في النار ..برغبتي
بمعنى
مش ممكن أشيل مسؤلية ... وأنا مش مضطر أشيلها
بمعنى
مش ممكن أستغنى عن كوني صاحب كل قراراتي بشكل ديكتاتوري... وأخليه حد يشاركني .. وتبقا دولة دماغي ديموقراطية يخش فيها المجلس العسكري ويعملي إعلان دستوري مكمل هههههههههههه


.
مش ممكن أكون قادر أساعد حد .. وماساعدوش .. ودي للأسف مودياني في داهية والله

.
مش ممكن أسيب المنتدى
حاولت من باب الغلاسة
لكن ماعرفتش ههههههههه
.

مش ممكن الزمن يرجع تاني

.

[Screenplays]

مش ممكن اتجوز بنت مصريه
مش ممكن اخون واحد صاحبي
مش ممكن اسامح اللي غلط في حقي اكتر من مره
مش ممكن حد يهز ثقتي في نفسي
مش ممكن اسيب مواضيعك و مردش فيها
مش ممكن اسيب المنتدي طالما حقي وصلني
مش ممكن اربط الحزام و انا سايق
مش ممكن اسوق علي اليمين لان ده جنب العيال التوتو
مش ممكن امد ايدي علي واحده ست

[friendship7897]

مش ممكن أغضب ربنا
مش ممكن أرد على جوزي لو حتى غلطان في حقي
مش ممكن أسيب حد زعلان منى وأحاول أصلحه لو أنا غلطانه ولو ما صلحنيش يبقى هو حر بس أعمل اللي عليا .
مش ممكن أعرف أنام وانا متنكدة علشان أي حاجة حتى لو تافهه .
مش ممكن أزور حد من غير موعد سابق - علشان دي بتحصل لي كتير وبكون مش مبسوطة
مش ممكن أحط ملح في الأكل رغم غضب جوزي من الموضوع دا - بس بحط ملح على جنب
مش ممكن أزعل ماما وبابا ، وغالباً هما اللي بيزعلوني من عتابهم ليا كتير علشان مشغولة عنهم .
مش ممكن شريط ذكرياتي يفصل شوية - على طول بفتكر اللي فات
مش ممكن أسيب حد محتاج حاجة ومش أديها له لو بإمكاني
مش ممكن أسيب مفتاح عربتي لحد غريب تاني إبداً
مش ممكن أنام من غير عشا
مش ممكن موضوعاتك الجميله الجذابة دي

[Khaled Seif]

بسم الله والحمد لله والصلاة والسلام على رسول الله

السلام عليكم ورحمة الله وبركاته

مش ممكن - بإذن الله - أترك تكبيرة الإحرام في صلاة الجماعة في المسجد - إلا أن يشاء الله -

أسأل الله الثبات

مش ممكن - بإذن الله - أترك الدعاء لوالدي ومشايخي بالرحمة والمؤمنين والمؤمنات

ولأمي أن يبارك لي في عمرها وأن يجعلني بارا بها ثم لزوجتي وأولادي ين أذان الفجر

والإقامة - أسأل الله الثبات

مش ممكن - بإذن الله - أن أعق أمي وأبر زوجتي - أسأل الله الإخلاص

مش ممكن - بإذن الله - ألا أعدل بين أولادي حتى في القبلة - عامدا متعمدا - وكذلك بين من

يعملون معي وسيسألني الله عنهم يوم القيامة

وصل اللهم وسلم على سيدنا محمد

[MOK3336]

مش ممكن ارد علي الموضوع :)

[shaddadfalcon1]

بصراحه متعودتش اقول مش ممنكن دي خالص لاني مقتنع ان اي حاجه في الدنيا ممكنه مع الاراده
بس انا دلوقتي ماشي بمدائين:
1- رحم الله امرأ عرف قدر نفسه
2- في الشغل - اربط الحمار مطرح مايحب الحمار من غير ماتزعل الحمار

[Ghosts]

مش ممكن اتجوز بنت مصريه
مش ممكن اخون واحد صاحبي
مش ممكن اسامح اللي غلط في حقي اكتر من مره
مش ممكن حد يهز ثقتي في نفسي
مش ممكن اسيب مواضيعك و مردش فيها
مش ممكن اسيب المنتدي طالما حقي وصلني
مش ممكن اربط الحزام و انا سايق
مش ممكن اسوق علي اليمين لان ده جنب العيال التوتو
مش ممكن امد ايدي علي واحده ست

حبيب قلبى يا Screen أساحبى ....

مش ممكن أغضب ربنا
أهم حاجة فى الدنيا

مش ممكن أرد على جوزي لو حتى غلطان في حقي
هو بقى فى ستات كدة دلوقتى؟؟!!
أصيلة وبنت أصول ....

مش ممكن أسيب حد زعلان منى وأحاول أصلحه لو أنا غلطانه ولو ما صلحنيش يبقى هو حر بس أعمل اللي عليا .
كلك ذوق مع أن الناس دلوقتى متستاهلش المعاملة دى ....

مش ممكن أعرف أنام وانا متنكدة علشان أي حاجة حتى لو تافهه .
دة أنا لو كدة يبقى عمرى ماهنام أبدآ ....

مش ممكن أزور حد من غير موعد سابق - علشان دي بتحصل لي كتير وبكون مش مبسوطة
هما الناس المحترمين كدة ....

مش ممكن شريط ذكرياتي يفصل شوية - على طول بفتكر اللي فات
أيوة ....
أنا عندى نفس المشكلة دى ....

مش ممكن أسيب حد محتاج حاجة ومش أديها له لو بإمكاني
ربنا يجازيكى كل خير ....

مش ممكن أسيب مفتاح عربتي لحد غريب تاني إبداً
وأنا كمان ....

مش ممكن موضوعاتك الجميله الجذابة دي

ربنا يخليكى ....
مانتحرمش أبدآ من ذوق حضرتك ....

[Ghosts]

مش ممكن أحط إيدي في النار ..برغبتي
بمعنى
مش ممكن أشيل مسؤلية ... وأنا مش مضطر أشيلها
بمعنى
مش ممكن أستغنى عن كوني صاحب كل قراراتي بشكل ديكتاتوري... وأخليه حد يشاركني .. وتبقا دولة دماغي ديموقراطية يخش فيها المجلس العسكري ويعملي إعلان دستوري مكمل هههههههههههه

عين العقل ....
.
مش ممكن أكون قادر أساعد حد .. وماساعدوش .. ودي للأسف مودياني في داهية والله

ربنا يجازيك كل خير ....
مش ممكن أسيب المنتدى
حاولت من باب الغلاسة
لكن ماعرفتش ههههههههه

وأنا كمان ....

مش ممكن الزمن يرجع تاني

.

إن شاللة عنة ما رجع يا سيدى و أنت عايزة يرجع لية؟؟!!
كنا مبسوطين أوى يعنى؟؟!!

[AHMED_DINAMO]

مش ممكن ام الامتحانات الصعبه ال هتخلينى اجيب 80% وملحقش اى حاجه ان شاء الله

[Ghosts]

مش ممكن ام الامتحانات الصعبه ال هتخلينى اجيب 80% وملحقش اى حاجه ان شاء الله

ياعم خليها على اللة ....
هى الجامعات الخاصة كفرت؟؟!!

[AHMED_DINAMO]

ياعم خليها على الله ....
هى الجامعات الخاصة كفرت؟؟!!

يا حج مكفرتش بس حرام مجهود سنتين يروح كده
انا كنت جايب 92 السنه ال فاتت
بــــــــــــــح سافرو مبئاش ليهم لازمه السنه دى بس الحمدلله

[Ghosts]

مش ممكن أتفرج على أى حااااااااااااااجة فيها عبلة كامل لا فيلم ولا مسلسل ولا حتى إعلان ....
هى كانت كويسة زمان بس بقدرة قادر أتحولت لست بييييييييئئئئئئئئة جدآ ....

مش ممكن أبدآ أتفرج على المسلسلات الأجنبى الكوميدى وخصوصآ المدبلجة بالعربى لأنها مفيهاش ريحة الكوميديا خاااااااااااااالص و المرارة بصراحة مش ناقصة ....