عايز عربية كابريوليه للايجار

[Ralliart]

عقبال عندكم كدة ،أخويا هيتجوز يوم الجمعة الجاية ان شاء الله.....
هو عايز عربية كابريوليه للزفة وكلفني بالموضوع ده وانا مش عارف الاقيها فين وبكام؟؟
هو بيفضل مرسيديس او بورش ومش عايز بي ام دبانة ولا بيجو

يا ريت لو حد عنده فكرة يفيدني؟

[WalidAdel]

عليك و علي الوسيط بتاع الجمعه ده في كل حاجه و كل المعارض اللي موجوده و الاسعار و كده
و كده كده في جسر السويس معرض بعد التجنيد وانت رايح علي الف مسكن كده عنده عربيات بس مش عاارف انواع ايه

[A.Saad]

تأجير سيارات زفاف | ايجار سيارات افراح | للايجار :

[A7MED_PHARMA]

كان فيه عربية فوليكس كابورليه بتتاجر في الزقازيق
لكن بالسواق
لونها أحمر تقريبا ... شوفتها مرة بتزف
روح لأيمعرض وقوله عاوز عربية كابورليه .. هما هيتصرفولك لوحتى هيجيب من معرض تاني

[Ralliart]

شكراً على الردود يا رجالة
بالنسبة للأسعار اللي في الموقع ده تأجير سيارات زفاف | ايجار سيارات افراح | للايجار :
كويسة ولا لأ؟ والتعامل بيكون ازاي يعني انا بروح اخد العربية عادي ولا لازم بسوقها سواق وكدة؟

[A.Saad]

شكراً على الردود يا رجالة
بالنسبة للأسعار اللي في الموقع ده تأجير سيارات زفاف | ايجار سيارات افراح | للايجار :
كويسة ولا لأ؟ والتعامل بيكون ازاي يعني انا بروح اخد العربية عادي ولا لازم بسوقها سواق وكدة؟

اللينك كان باعته عضو بالمنتدى برده malibu
جزاه الله خيراًُ
لم اجربهم لكى افيدك
فممكن تتصل بيهم

[Ralliart]

أنا اتصلت بيهم وكلمتهم على دي تأجير سيارات زفاف | ايجار سيارات افراح | للايجار :: سيارة فورد موستنج كابورليه للايجار - سيارات زفاف و سيارات أفراح وان شاء الله هبقى اقول على التعامل كان عامل ازاي بعد الفرح علشان لو حد محتاجهم

[Ralliart]

الفرح اتعمل الحمد لله وجبت bmw z3 من الموقع المذكور أعلاه
دفعت نص الفلوس في المكتب في مساكن الشيراتون ،ورغم ان الفرح بعيد جداً في طريق سقارة ،العربية كانت قدام الفيلا قبل الميعاد المتفق عليه بدقيقة والسواق انسان محترم جداً،مضيت وصل أمانة بـ100 الف علشان العريس هو اللي ساق لحد البيت واخدت السواق معايا في عربية تانية واديته نص الفلوس واخدت الوصل وهو أخد العربية وروح

خلو بالكم بعد كدة لو حد أجر عربية كابريوليه يبقى ياخد معاه قميص تاني للعريس يغيره قبل ما يركب العربية علشان هو كان عرقان في الفرح وبعدين الهواء ظبطه وجابله برد فظيع وقضا الليلة حقن فولترين وادوية

[A.Saad]

الفرح اتعمل الحمد لله وجبت bmw z3 من الموقع المذكور أعلاه
دفعت نص الفلوس في المكتب في مساكن الشيراتون ،ورغم ان الفرح بعيد جداً في طريق سقارة ،العربية كانت قدام الفيلا قبل الميعاد المتفق عليه بدقيقة والسواق انسان محترم جداً،مضيت وصل أمانة بـ100 الف علشان العريس هو اللي ساق لحد البيت واخدت السواق معايا في عربية تانية واديته نص الفلوس واخدت الوصل وهو أخد العربية وروح

خلو بالكم بعد كدة لو حد أجر عربية كابريوليه يبقى ياخد معاه قميص تاني للعريس يغيره قبل ما يركب العربية علشان هو كان عرقان في الفرح وبعدين الهواء ظبطه وجابله برد فظيع وقضا الليلة حقن فولترين وادوية

الف مبروك الفرح
بس انا كنت مستنى عزومة ولا حاجة
دنا اللى باعت اللينك

ولو كان السواق هو اللى ساق
هل كنت هتكتب الايصال برده ؟؟؟؟

[HOSSAM99]

الف مبروك الفرح
بس انا كنت مستنى عزومة ولا حاجة
دنا اللى باعت اللينك

ولو كان السواق هو اللى ساق
هل كنت هتكتب الايصال برده ؟؟؟؟

لو السواق هو اللي ساق في z3 هيبقي عندنا مشكله يا العريس يروح مشي يا العروسه تروح مشي

[Ralliart]

الف مبروك الفرح
بس انا كنت مستنى عزومة ولا حاجة
دنا اللى باعت اللينك

ولو كان السواق هو اللى ساق
هل كنت هتكتب الايصال برده ؟؟؟؟

الله يبارك في حضرتك
معلش بقى نسيت من الارهاق بتاع التشطيب والتنظيم بقالي شهرين مبنامش كأن انا اللي بتجوز
ويا باشا حضرتك كنت جيت من غير عزومة والله وخدت لفة بالبي ام كمان

بالنسبة للسواق لو هو اللي بيسوق وده ممكن في العربيات التانية اللي بتاخد اكتر من 2 ،مش هتمضي على حاجة طبعاً

لو السواق هو اللي ساق في z3 هيبقي عندنا مشكله يا العريس يروح مشي يا العروسه تروح مشي

+1

[HeMa_LanCeR]

طيب ونظام الاسعار اية؟

[bmya]

الف مبروك ياباشا
وطبعا العربيات الصغيره زي ال z3 slk دي كرسيين فقط فلازم العريس هو اللي يسوق و

[A.Saad]

Ralliart

ممكن تليفونك على الخاص

[Ralliart]

طيب ونظام الاسعار اية؟

زي ما هي مكتوبة في الموقع تأجير سيارات زفاف | ايجار سيارات افراح | للايجار :
انا حاسس انها غالية شوية بس ملقيتش غيرها ومكانش في وقت ادور

الف مبروك ياباشا
وطبعا العربيات الصغيره زي ال z3 slk دي كرسيين فقط فلازم العريس هو اللي يسوق و

الله يبارك فيك

Ralliart

ممكن تليفونك على الخاص

معلش أنا محرج جداً ،بس أعذرني في موضوع التليفون ده علشان ليا ذكرايات مش كويسة في اني ابعت رقمي عالنت لحد
لو عند حضرتك استفسار اسأل في المنتدى وانا بفتحه كل يوم
أنا آسف مررة تانية دي حاجة ملهاش أي علاقة بحضرتك ،المشكلة من عندي