إعـــــــلان

Collapse

.

,
See more
See less

حدثني عن نفسك...احكي تاريخك المهني وازاي وصلت لمنصبك

Collapse
X
 
  • Filter
  • الوقت
  • Show
Clear All
new posts

  • حدثني عن نفسك...احكي تاريخك المهني وازاي وصلت لمنصبك

    السلام عليكم ورحمة الله وبركاته
    منتدي نايل موتورز مليء بالشباب الطموح صاحب الأحلام الكبيرة والعظيمة وايضا يضم نخبة اخري من الشباب والرجال تجاوز مرحلة الطموح والأحلام واستطاع بتوفيق من الله الى تحقيق اهدافه وطموحاته والوصول الى ارفع المناصب او علي الأقل استطاع تحقيق حلمه وإن كان صغيرا.
    جميع الشباب ينظر الى نجاح من سبقوه ولكن لا يعلم كيفية الطريق الى اتمام النجاح فالغالبية تقف عند منتصف الطريق او عند اقتراب نهايته.
    حدثنا عن نفسك عسي ان تكون ناصحا معينا لكثير من الشباب.
    [sor2]http://profile.ak.fbcdn.net/hprofile-ak-snc4/274834_100000203787161_1334017_n.jpg[/sor2]

  • #2
    اتخرجت في 2008

    الوالد عرض عليا اسافر الخليج معاه

    رفضت لسببين :

    انا عايز اسافر امريكا او كندا

    و عشان انا اكبر مغفل في التاريخ

    الوالد رفض يشوفلي اي شغل هنا

    اشتغلت في كل حاجه لحد 2010

    عملت قرشين حلوين

    فتحت شركه ويب هوستنج

    انا و 2 اصدقائي

    في خلال سنه

    كل واحد اشتري عربيه

    العمليه كانت زي الفل

    قامت الثوره

    الشركه اتقفلت في نص 2011

    الحمد لله

    Comment


    • #3
      طب متفتحها تاني
      هوا انتا فتحت كانز بيبسي
      متستسلمش
      الدنياان شاء الله حتبقي احلي

      Comment


      • #4
        افتحها تاني منين ؟ مفيش فلوس و الكار ده باظ في مصر خلاص

        Comment


        • #5
          بس كانت برضه محطة نجاح لم يقدر لها الإستمرار...بس ياريت تقولنا علي التفاصيل ازاي فكرت في مشروعك وقدرت توصل بيه لمشروع يجيبلك عائد.
          [sor2]http://profile.ak.fbcdn.net/hprofile-ak-snc4/274834_100000203787161_1334017_n.jpg[/sor2]

          Comment


          • #6
            تستحملو رخامتي شوية
            =====
            أنا إشتغلت مع والدي من وأنا في إعدادي
            والدي مهندس كهربا .. كان بيشتغل الصبح في مصنع .. وبعد الظهر كان بيصلح أجهزة تكييف وتبريد
            الحمد لله عندي خبرة شوية في مجال التكييف والتبريد
            ...
            دخلت الجامعة .. حولت من طب لــــ صيدلة لأسباب يطول شرحها
            وإشتغلت في صيدلية إبن عمي
            وإشتغلت سنتين تلاتة في صيدليات
            الحج ربنا كرمه .. وصرفو فلوس متأخرة ليهم في الشغل
            إداني مبلغ صغير أوي .. أفتح بيه الصيدلية
            المبلغ كان أقل بصراحة إنه يفتح ربع صيدلية

            وفتحت
            كان معايا العربية بتاعت الحج

            .
            كنت في الصيدلية 24 ساعة في اليوم اول مافتحت
            قايم نايم فيها
            طول النهار فيها واقف ... وباليل أقفل الباب القزاز
            وأفرش فيها وأنام
            الصيدلية راس مالها إتضاعف حوالي 3 مرات في سنتن


            إلى أن
            حصل مشكلة مشابه لأحمد(سكرين بلاي)
            المجال دخل فيه الي يفهم وإلي مايفهمش

            البلد الي انا فاتح فيها كنت انا الصيدلية رقم 4
            حلال 4 سنين
            الـــ 4 صيدليات بقوا 9

            الشغل إتنيل بنيلة

            شغل الحكومة مش جايب حتى مصاريفه
            وشغل الصيدلية في النازل بسبب كترة الصيدليات .. والاطباء الي في البلد سابوها ومشيو
            والوضع بقا معكوك
            وخصوصا بعد الثورة
            بيع المخدرات في الصيدليات التانية بقا على ودنه

            حتى اعرف طبيب المفروض انه محترم..فتح لمراته الصيدلانية .. صيدلية
            وبيشفر الروشتات لها .. وبقدرة قادر كانت روشتاته بــ 20-30 ج
            بقت 100-150 ج
            وبيجبر الناس تروح لصيدلية مراته بالاسم

            المهنة بقت من سئ لأسواء
            والحمد لله دلوقتي

            قصة الفشل في الشغل وصلت للنهاية
            وعرضتها للبيع
            ولو لقيت حد ياخدها


            هشتغل في مجال تاني
            قدامي كام فكرة مطروحة ... محل إكسسوار عربيات ضخم (يعني يكون على مستوى جووو كار أو خلافه )
            يكون في الزقازيق أو أي عاصمة لمحافظة... والفكرة فيه اني بحب العربيات .. والحمد لله المنتدى فيه رجالة فيكل محافظات مصر .. ممكن تقف جمبي .. او تشتري مني كمالياتها .. أو تعرف اصحابها بالمحل
            اكسسوار العربيات بيكسب مكاسب خيالية ..
            انا جربت بنفسي وشوفت الاسعار الجملة .. وعارف سعر المستهلك صاحب العربية بياخدها بكام



            .
            وقدامي اكتر من فكرة تانية

            خلاصة المرحلة

            إن المصريين شعب بيقلد
            والي له والي مالوش في أي حاجة ... بيعملها

            اي مشروع ينجح .. تلاقي الكل بشتغل فيه وبغباء
            والناتج ان الكل بيخسر في الأخر

            ده انا حتى فتحت محل اكسسوار .. مكملش شهر واحد وكان مفتوح زيه بنفس الديكور كمان .. 3 محلات


            .
            غباء المصريين مابيديش اي فرصة لاي حد بالتميز


            وادينا بنقضي أيامنا
            [rmade]http://im58.gulfup.com/qswdwL.jpg[/rmade]

            Comment


            • #7
              الحمد لله عندي خبرة شوية في مجال التكييف والتبريد
              ازاى تظبط تكييف سبليت بينقط ميه جوه الشقة من الفانة؟
              معلش حتة استغلال بقى.
              [LEFT]The only alternative to coexistence is codestruction - [I]Nehru[/I]
              [/LEFT]
              [LEFT][COLOR=#000000][LEFT]

              [/LEFT]
              [/COLOR][/LEFT]

              Comment


              • #8
                المشروع مش فكرتي اساسا ... ده فكره شركائي ... انا كنت ماسك خدمه العملاء و الدعايه و الاعلان ... شركائي ليهم ناس في امريكا ... فعرفوا يأجروا سيرفرات باسعار مخفضه ... كده كده انا و هما لينا علاقاتنا العامه و الحمد لله ... حطينا مواقع لينا علي السيرفرات ... حبه بحبه حبايبنا عملوا مواقع عندنا ... كام شهر و شركتنا اتشهرت ... طبعا مع شغل الدعايه و الاعلان بتاعي ... كل ده مكاسبه يدوب مصاريفنا ... المكسب الحقيقي كان في شراء و بيع الدومينات ... عملنا فلوس زي الفل بسبب الحوار ده

                Comment


                • #9
                  المجال دخل فيه الي يفهم وإلي مايفهمش
                  دي المصيبه فعلا

                  لو دوست في موضوع اكسسوارات العربيات ده قولي

                  Comment


                  • #10
                    بلاش احكى اصل الموضوع طويييل اوى
                    اقوى واغلى 10 اسلحه بالعالم
                    http://technology-mmm.blogspot.com/
                    http://imageshack.com/a/img850/6764/4fdl.jpg

                    Comment


                    • #11
                      المشاركة الأصلية كتبت بواسطة egyzizo مشاهدة المشاركة
                      ازاى تظبط تكييف سبليت بينقط ميه جوه الشقة من الفانة؟
                      معلش حتة استغلال بقى.
                      بعيدا عن قصه نجاح ..لأنها خربانه لحد دلوقتي معايا بصراحه
                      التكيف بينقط علشان تلاقي اللي مركبه ممايله ناحيه الفانه...المرفوض زاويه الميل تكون ناحيه
                      مجري المايه بتاعت التكيف....
                      لو تعرف حضرتك تظبط الميل عن طريق مسامير ربط التكيف يبقي تمام..
                      معرفتش هات واحد يعملهالك...و خليه يقيسها بالميزان
                      [SIGPIC][/SIGPIC]

                      [CENTER]خلوها تصـــــــــــــدي و موديلها يعـــــــــــــــدي[/CENTER]

                      Comment


                      • #12
                        المشاركة الأصلية كتبت بواسطة 3mr Farrag مشاهدة المشاركة
                        بعيدا عن قصه نجاح ..لأنها خربانه لحد دلوقتي معايا بصراحه
                        التكيف بينقط علشان تلاقي اللي مركبه ممايله ناحيه الفانه...المرفوض زاويه الميل تكون ناحيه
                        مجري المايه بتاعت التكيف....
                        لو تعرف حضرتك تظبط الميل عن طريق مسامير ربط التكيف يبقي تمام..
                        معرفتش هات واحد يعملهالك...و خليه يقيسها بالميزان
                        خبرة
                        [rmade]http://im58.gulfup.com/qswdwL.jpg[/rmade]

                        Comment


                        • #13
                          صباح الفل
                          [SIGPIC][/SIGPIC]

                          [CENTER]خلوها تصـــــــــــــدي و موديلها يعـــــــــــــــدي[/CENTER]

                          Comment


                          • #14
                            ازايا وصلت للمنصب اللي انا فيه ياه ه ه ه ه ديه قصه يطول شرحها

                            هو انا بس اوصل للمنصب وهاحكي علي طول مش هاتاخر

                            باختصار انا شغال في شركه للأتصالات هنا في مصر بدون ذكر اسماء وتخصصي في تكنولوجيا المعلومات بدات كمهندس والحمد لله ربنا اكرمني وبقيت ادير تيم او فريق كامل من المهندسين


                            وزي ما كل الاخوه هنا بيقولوا كل واحد بقي يشتغل اي حاجه في اي حاجه لكن الميزه عندنا في الشركه اننا لسه محتفظين بالتخصص يعني مش بنجيب غير مهندسين عشان شغلنا.


                            مجالي كويس بس عيبه الضغظ الرهيييييييييييييب اللي بتحس بيه تحس انك شغال في كتيبه جيش في حاله حرب
                            لما حد بيحصل له مشكله دقايق ديه بتتحول لخساره بالالاف

                            فتحت موقع علي الانترنت لبيع وتدوال الكتب القديمه كبديل للكتب الغاليه وكنت نفسي يكون للطلبه

                            لكن للأسف قله الوقت والمجهود اللي كنت ببذله مقدرتش استحمله وكان مصير الموقع اني وقفته ولظروف الثوره وغيرها والحمد لله. بس هي ديه الحكايه

                            Comment


                            • #15
                              المشاركة الأصلية كتبت بواسطة 3mr farrag مشاهدة المشاركة
                              بعيدا عن قصه نجاح ..لأنها خربانه لحد دلوقتي معايا بصراحه
                              التكيف بينقط علشان تلاقي اللي مركبه ممايله ناحيه الفانه...المرفوض زاويه الميل تكون ناحيه
                              مجري المايه بتاعت التكيف....
                              لو تعرف حضرتك تظبط الميل عن طريق مسامير ربط التكيف يبقي تمام..
                              معرفتش هات واحد يعملهالك...و خليه يقيسها بالميزان
                              شكراً يا باشا
                              هاحاول أغير الزاوية
                              [LEFT]The only alternative to coexistence is codestruction - [I]Nehru[/I]
                              [/LEFT]
                              [LEFT][COLOR=#000000][LEFT]

                              [/LEFT]
                              [/COLOR][/LEFT]

                              Comment

                              Working...
                              X