واحد صاحبي عربيته اتسرقت ودرس مستفاد برجاء الدخول للجميع و القراءة

[mohammadrashee]

السلام عليكم
واحد معايا في الشغل عربيته اتسرقت الاسبوع اللي فات من شارع الهرم امام مستشفى نور العيون الساعه 4 عصرا
طلع المستشفى ونزل ملقهاش
فضل يبص مكانها ملقهاش
عربيه فيرنا مستلمها مكملتش شهر
طبعا اول ما فاق من الصدمه
وفكر في الاقساط اللي عليها

المهم راح عمل محضر وبلغ الشرطه عادي زي كل الناس وطبعا لقى الاحباط زي كل الناس
مش ده المهم
المهم انه فضل يدورهو على عربيت هوكل واحد يعرفه واخواته قسموا نفسهم مجموعات من الساعه 4 عصرا لغايه لما لقاها الحمد لله الساعه 4 ونص فجرا
لقاها ازاي هو ده المهم
فضل يلف حوالين المكان اللي اتسرقت منه العربيه وفي الشوارع الجانبيه لقاها في شارع جانبي خلف المستشفى مركونه ومتغطيه بالغطاء بتاعها بس مقلوب عشان محدش يعرفه
هو كان بيلف يشيل الغطاء من على كل العربيات يشوف اللون والرقم
وصل لعربيته شال الغطاء من عليها شاف الرقم وغطاها وشاف اللي بعدها - طبعا كان ميت من التعب ومش مركز -
في العربيه اللي بعديها فكر ان اللي فاتت عربيتوا رجعلها تاني
لقى الحرامي كاسر الزجاج الخلفي والامامي شمال
وطبعا فك الجمجمه ودور بالسلوك
انا حبيت انقل التجربه ديه عشان لا قدر الله حد حصل معاه حاجه زي ديه لا ييئس ابدا
وانا من بعد الحكايه ديه قررت اركب جي بي اس تراكر اركبو واعمل تقرير ان شاء الله
ارجو نقل التجربه للإستفاده
مع الشكر للجميع

[alaasaid]

الحمد الله ان ربنا أكرمة و جابها بسرعة

[SAMEH_FOUAD]

الحمد لله ان ربنا كرمة ولاقاها

ربنا يرحمنا من الحرامية اللى خلونا نلف حوالين نفسينا

[amrelsaqqa]

كلبش دركسيون يحل كل ده ، مش عارف لسة الناس بتكسل ليه ، معلش مش هتنقص حاجة لو كلبشت عربيتك حتى لو طالع ونازل بعد 5 دقايق ، لما تفكر انك ممكن يضيع منك شيء ب50 60 70 .. 150 الف .. هتلاقيها تستاهل

اهم حاجة انها رجعت له بالسلامة وشكرا لنقل التجربة ، شعور سرقة العربية ده شعور ربنا ما يكتبه على حد

[احمد المصرى]

الحمد لله انها رجعت بالسلامه

بس السر حاليا هو ليه عمل كدا وركنها بجوار مكان السرقه مش حاجه غريبه جدااااااااااااا برضوا ولا ايه مش دا حرامى غبى ولا كان عايز حاجه تانيه

[mohammadrashee]

كلبش دركسيون يحل كل ده ، مش عارف لسة الناس بتكسل ليه ، معلش مش هتنقص حاجة لو كلبشت عربيتك حتى لو طالع ونازل بعد 5 دقايق ، لما تفكر انك ممكن يضيع منك شيء ب50 60 70 .. 150 الف .. هتلاقيها تستاهل

اهم حاجة انها رجعت له بالسلامة وشكرا لنقل التجربة ، شعور سرقة العربية ده شعور ربنا ما يكتبه على حد

يعني الكلبش هو اللي هيوقفوا مش عارف

الحمد لله انها رجعت بالسلامه

بس السر حاليا هو ليه عمل كدا وركنها بجوار مكان السرقه مش حاجه غريبه جدااااااااااااا برضوا ولا ايه مش دا حرامى غبى ولا كان عايز حاجه تانيه

عشان ميمشيش بيها وهو لسه سارقها ممكن صاحبها يكون بيدور عليها هو واصحابه ويشوفوا ده تقديري الشخصي والتفسير الوحيد

[kar!m]

ي
عشان ميمشيش بيها وهو لسه سارقها ممكن صاحبها يكون بيدور عليها هو واصحابه ويشوفوا ده تقديري الشخصي والتفسير الوحيد

+1

في اوقات كتير الحرامي بيعمل كده .. و لما الموضوع بيهدأ بيروح ياخد العربية و يمشي بيها.

حصل معايا موقف مشابه في المسجد .. ملاقيتش الجزمة بتاعتى .. فضلت أدور لقيتها عند الحمامات .. وواحد واقف بيصلي جنبها .. و بيصلي مع نفسه مع ان في جماعة شغالة .. و خدتها و مشيت.

[amrelsaqqa]

يعني الكلبش هو اللي هيوقفوا مش عارف

اااه طبعا !
اصل الحرامى بيحب الحاجة السهلة
هيلاقيك مصعبها عليه هيفكه من عربيتك اكيد ويشوف حاجة اسهل ، الا لو واحد متقصدك بقى ، والمكان والوقت يسمحوله انه يفتح العربية ويقعد ينشر في الكلابش وما حدش يقول له انت بتعمل ايه ، وده مش هيحصل الا لو راكن عربيتك في الصحرا

[mohammadrashee]

اااه طبعا !
اصل الحرامى بيحب الحاجة السهلة
هيلاقيك مصعبها عليه هيفكه من عربيتك اكيد ويشوف حاجة اسهل ، الا لو واحد متقصدك بقى ، والمكان والوقت يسمحوله انه يفتح العربية ويقعد ينشر في الكلابش وما حدش يقول له انت بتعمل ايه ، وده مش هيحصل الا لو راكن عربيتك في الصحرا

يعني الساعه 4 العصر على شارع الهرم الرئيسي حاجه سهله؟؟؟؟؟
نفسي اسأل كل اللي ساكنين في الهرم ازاي ده يحصل

[SYD]

شكرا لنقل التجربة

[amrelsaqqa]

يعني الساعه 4 العصر على شارع الهرم الرئيسي حاجه سهله؟؟؟؟؟
نفسي اسأل كل اللي ساكنين في الهرم ازاي ده يحصل

والله هى حاجة تجنن

بس هنفترض انه كسر الازاز قدام الناس كلها و دخل دورها في ثوانى
لما يكون في كلابش دركسيون هيشوف عربية غيرها ولو دخل عربيتك مش هيقعد نص ساعة ينشر في الكلابش قدام الناس يعنى !
مهما حصل صعب توصل لكدة مع انهم فعلا فجروا اوى انهم يسرقوا العربيات العصر وفي شوارع رئيسية !!

حسبى الله ونعم الوكيل

[ahmedeihab]

الحمد لله انه لقاها بسرعه

انا بفكر ان شاء الله جديا اعمل تقرير عن مجموعه خطوات تعملها فى العربيه

الحرامى لو وقف على ديله مش هيعرف يسرقها

بس هى هتتعبك شويه لما تييجى تدور العربيه

ان شاء الله هعمل الافكار دى فى عربيتى و اعمل بيها تقرير

^_^

[amrelsaqqa]

الحمد لله انه لقاها بسرعه

انا بفكر ان شاء الله جديا اعمل تقرير عن مجموعه خطوات تعملها فى العربيه

الحرامى لو وقف على ديله مش هيعرف يسرقها

بس هى هتتعبك شويه لما تييجى تدور العربيه

ان شاء الله هعمل الافكار دى فى عربيتى و اعمل بيها تقرير

^_^

التقرير يبقى ع الخاص بقى
هتلاقى الحرامية بيدخلوا يتابعوا ايه الجديد :d

على فكرة فعلا الحرامية طوروا نفسهم تكنولوجيا جدا ده بيعرفوا يتعاملوا مع الايموبيليزر والمفاتيح المشفرة

[wael2sh]

الحمد لله إنه لائها بسرعة

[ahmedeihab]

التقرير يبقى ع الخاص بقى
هتلاقى الحرامية بيدخلوا يتابعوا ايه الجديد :d

على فكرة فعلا الحرامية طوروا نفسهم تكنولوجيا جدا ده بيعرفوا يتعاملوا مع الايموبيليزر والمفاتيح المشفرة

يا باشا دى هتبقى حاجات بتتخلع من العربيه و تاخدها معاك و انت طالع + كده مجموعه مفاتيح فى جميع انحاء العربيه محدش يعرفها غيرك انت و دى بتفصل كل كهرباء العربيه و البنزين و الكلام ده

+ كل ده سكينه فصل فى الحوض و تاخدها معاك و انت طالع البيت

كده الحرامى ملوش غير حل واحد انه يشيل العربيه و دى بقا فى ايد ربنا

و الله انا شايف يا جماعه الحل الاسلم من كل ده انك تودى العربيه جراج ب 150 ولا 180 جنيه فى الشهر

و تشترى دماغك تماما و ده ممكن الواحد يعمله لو شال من المرتب اللى هو مش بيكفينى اصلا طول الشهر

هشيل منه 150 ولا 200 جنيه علشان اشترى العربيه و دماغى


^_^