منين اشترى ملتيميتر ( أفوميتر ) ؟؟؟؟؟

[abdalah_hashem]

السلام عليكم ورحمة الله وبركاتة
يا نايلزاوية عايز اشترى ملتيميتر اللى هو بيقيس فولت وامبير وسعة المكثفات والمقاومات والترانزستور وكدة يعنى بقى وبتاع :d

اية افضل الانواع المجربة ؟؟

اشترية منين فى القاهرة ؟؟

واروح ازاى من ميدان المطرية ؟

وسعرة كام ياريت يكون فى الحنين :d ??

ملحوظة ::: مش عايز العادى زى اللى بيتباع فى كارفور وكدة لان امكانياتة محدودة شوية ...

وربنا يديم المعروف ...

[ahmed_mido1889]

هو اللي شغال بيه الديحتال نوعه اكسل صيني ب35 جنيه

هتنزل باب اللوق تشوف انواع كتير واسعار من اول 35 لغايه 1000 جنيه

هتنزل محطه مترو السادات وتدخل الشارع بتاع باب اللوق

[mohamed_selim]

انزل باب اللوق عند النخيلى او الجمال هتلاقى اللى انت عايزه و هتروح بالمترو
لو مش عايز تروح هناك شوف عند مأمون فى الكوربه

[abdalah_hashem]

يعنى لو عايز اشترى نوع حلو اخد فى حدود كام معايا؟؟؟ وياريت لو ترشحولى انواع معينة بالترتيب الكفاءة كدة

[hany63]

خد معاك في حدود 300 جنيه و شوف النخيلي الاول في جراج البستان و اديها لفه تاخد فكره

[Angel_wolf]

روح عند رام هات من عندة نوع اسمة uni-t ممتاز وفى من اول 85 جنية

[Angel_wolf]

RAM Electronics : Palm Size Digital Multimeter UT33C [UT-33C] - 85.00L.E.
دة اللنك بتاع الافو ابو 85 من عند رام

[yoko]

لو عاوز واحد فيه clamp كمان يبقى في حدود كام؟

[abdalah_hashem]

انا جبت دة ب 23 جنية وبعد ما مشيت من عند الراجل لقيتة عن واحد تانى فى ب 16 جنية بس
المشكلة كان معايا واحد مصربعنى ملحقتش الف براحتى اصلا بس اللى خلانى اوافق ان واحد صاحبى قاللى انة جايبة بالسعر دة فقلت خلاص يللا مش مشكلة
وعلى ما الواحد يتعلم شوية يبقى يجيب حاجة جامدة

[yoko]

انا جبت دة ب 23 جنية وبعد ما مشيت من عند الراجل لقيتة عن واحد تانى فى ب 16 جنية بس
المشكلة كان معايا واحد مصربعنى ملحقتش الف براحتى اصلا بس اللى خلانى اوافق ان واحد صاحبى قاللى انة جايبة بالسعر دة فقلت خلاص يللا مش مشكلة
وعلى ما الواحد يتعلم شوية يبقى يجيب حاجة جامدة

مشكلته الerror فيه كبير خصوصا لو مقاومة بيهرتل هرتله السنين أصله معايا
وعقبال عندك انا المفروض إتخرجت السنة دي ومينفعنيش خالص

[A7MED_PHARMA]

انا جبت دة ب 23 جنية وبعد ما مشيت من عند الراجل لقيتة عن واحد تانى فى ب 16 جنية بس
المشكلة كان معايا واحد مصربعنى ملحقتش الف براحتى اصلا بس اللى خلانى اوافق ان واحد صاحبى قاللى انة جايبة بالسعر دة فقلت خلاص يللا مش مشكلة
وعلى ما الواحد يتعلم شوية يبقى يجيب حاجة جامدة

يااااااااااااااااه

الحج كان عنده واحد زي ده من بتاع 15 سنة فاتو

كان أمريكي أصلي .. نفس الشكل ده بس أكبر منه حاجة صغيرة
كان غالي أيامها أووووووووووووووي

[abdalah_hashem]

مشكلته الerror فيه كبير خصوصا لو مقاومة بيهرتل هرتله السنين أصله معايا
وعقبال عندك انا المفروض إتخرجت السنة دي ومينفعنيش خالص

هنعمل اية بقى على ما افهم شوية فى الحاجات دية وازاى اقيس صح وحبة حاجات تانية هجيب واحد متين انشاء الله