عايز اشترى تكييف ....

[myself112]

دلوقتى ان شاء الله انا هشترى تكييف , و عمال الف وادور و حاليا محتار بين 3 انواع , ايس بيرج و ده كباس المانى تقفيل اتحاد اوربى , و ضمان 5 سنين , و السامسونج و ده كورى تقفيل مصرى تقريبا و ضمان 5 سنين و ال جى و ده كورى تقفيل سعودى و برضه ضمان 5 سنين ...
انا بعدت عن الشارب علشان الكل اجمع انه بقى مش كويس و انه بقى كله صينى و تقفيل مصرى و طبغا الله اعلم هيبقى كويس و فرز عالى ولا اى كلام فى اى كلام ( انا عندى شارب من 8 سنين و بسم الله ما شاء الله ) بس ده كان زمان ....
انا محتار جدااا و مش عارف اعمل ايه ولا اختار ايه , يا ريت تقولوا لى رأيكم , و لو فيه اراء تانية يا ريت اسمعها .......

[Ghosts]

نصيحة لكل واحد عايز يشترى تكييف ....
بلااااااااااااااااااااااااااااااش يونيون أير ....

[myself112]

نصيحة لكل واحد عايز يشترى تكييف ....
بلااااااااااااااااااااااااااااااش يونيون أير ....

مش عايزك تقلق :) انا مش بفكر فيه على الاطلاق ....
بس واضح ان حضرتك بتعزه اووووووووووى

[amrelsaqqa]

ال جى نيو بلازما كورى تقفيل سعودى محترم جدا و عن تجربة من السنة اللى فاتت

السنة دى جبت يونيون اير 2 حصان ، اللى خلانى اجيبه انه لا هو حصان ونص و لا 2 و ربع والاوضه عندى 4*4.25 وكان سعره ازيد من الحصان ونص في الماركات التانية حاجة بسيطة جدا

كتبريد انا شايفه كويس خصوصا انه 2 حصان مش 1 ونص فبيبرد الاوضة بسرعة . .

عيوبه بقى مش عارف احدد بالظبط بس الخامات و الشكل تحس انها حاجة لعبة او حاجة تقليد ( التقفيل المصري بقى ) ، و صوت الوحدة الخارجية عالي عن الـ lg

بيتهيألى لو رجع بيا الزمن هجيب ال جى تانى ومش هجيب يونيون اير ، مع انى ما شفتش عيوب جوهرية (لحد دلوقتى) بس ال ال جى تحس انك دافع فلوسك في حاجة نضيفة مش حاجة شعبية ..

[myself112]

ال جى نيو بلازما كورى تقفيل سعودى محترم جدا و عن تجربة من السنة اللى فاتت

السنة دى جبت يونيون اير 2 حصان ، اللى خلانى اجيبه انه لا هو حصان ونص و لا 2 و ربع والاوضه عندى 4*4.25 وكان سعره ازيد من الحصان ونص في الماركات التانية حاجة بسيطة جدا

كتبريد انا شايفه كويس خصوصا انه 2 حصان مش 1 ونص فبيبرد الاوضة بسرعة . .

عيوبه بقى مش عارف احدد بالظبط بس الخامات و الشكل تحس انها حاجة لعبة او حاجة تقليد ( التقفيل المصري بقى ) ، و صوت الوحدة الخارجية عالي عن الـ lg

بيتهيألى لو رجع بيا الزمن هجيب ال جى تانى ومش هجيب يونيون اير ، مع انى ما شفتش عيوب جوهرية (لحد دلوقتى) بس ال ال جى تحس انك دافع فلوسك في حاجة نضيفة مش حاجة شعبية ..

يعنى اتوكل على الله و اجيب ال جى , طب ممكن اعرف حضرتك عملتله صيانة قبل كده و جربت خدمة ما بعد البيع و كده ولا لأ ؟؟

طب حد جرب السامسونج ؟

[myself112]

لسه جى من عند واحد بتاع تكييفات , عنده كل الانواه تقريبا , قالى الشارب و white whale احسن حاجة و كل الى فى السوق صينى و كلام كتير من النوع ده , انا فعلا زهقت و كل لما اروح لواحد يقولى كلام مختلف تماما عن الى قبله :@:@
مش عارف اعمل ايه .................؟؟؟!!!

[assaf]

عندنا في الشغل فني تكييف و بيشتغل في محل خاص لما سألته قالي شارب و ال جي احسن نوعين كمكونات بس شارب ضمانه احسن و ال جي يفضل لو الاكهرباء فوق 200 فولت وبعدهم وايت ويل
السامسونج فيه ميزه ان الوحده الخارجيه ليها عزل فأحسن للبلاد الساحليه
شوف انت ايه احتياجاتك لو الكهربا عندك كويسه خليك في ال جي او شارب

[myself112]

عندنا في الشغل فني تكييف و بيشتغل في محل خاص لما سألته قالي شارب و ال جي احسن نوعين كمكونات بس شارب ضمانه احسن و ال جي يفضل لو الاكهرباء فوق 200 فولت وبعدهم وايت ويل
السامسونج فيه ميزه ان الوحده الخارجيه ليها عزل فأحسن للبلاد الساحليه
شوف انت ايه احتياجاتك لو الكهربا عندك كويسه خليك في ال جي او شارب

متشكر لحضرتك , و الله انا محتار فعلا , و مش عارف اقرر .
بالنسبة لنقطة الكهرباء بتاعه ال جى , انا لما كنت فى التوكيل بسأل , المهندس الى هناك قالى ان من اهم مميزاته انه بيشتغل حتى لو الكهرباء وطت اوى لغاية 165 او الكهربا مش منتظمة مش بيتأثر و بيفضل شغال بكل طاقته , ده الكلام الى قالهولى بالحرف .

[lonedoctor]

كارير رائع عن تجربة ومثل ان لم يكن افضل من كل الانواع دى

[myself112]

كارير رائع عن تجربة ومثل ان لم يكن افضل من كل الانواع دى

متشكر جدا لحضرتك , بس انا مش عارف سمعت عنه مشاكل , ممكن اعرف حضرتك جايبه من امتى , وايه نظامه فى الاعطال والصيانة ؟

[hanyemad123]

بما انك معجب اوى ب ال جى فشوف كده الموضوع ده يمكن اعجابك يزداد

http://www.nilemotors.net/Nile/291814-lg.html

[lonedoctor]

متشكر جدا لحضرتك , بس انا مش عارف سمعت عنه مشاكل , ممكن اعرف حضرتك جايبه من امتى , وايه نظامه فى الاعطال والصيانة ؟

انا جبته الصيف ده 3 حصان للصالة و1.5 حصان لغرفتين نوم بتقنية البلازما سبليت هادىء وقوى وريموت كونترول بتحكم كامل وانا كنت مسافر والمدام هى اللى ركبته ولما رجعت بصيت على الوحدات الخارجية وجدت فيه خبطة صغيرة فى الجنب فى احد المكيفات فاتصلت بالشركة وبمتهى الادب اعتذروا عن ذلك وغيروها بوحدة جديدة لنج بالكرتونة بتاعتها فى خلال اربع ايام فقط
بعد دراسة عملية لكل انواع المكيفات كارير هو اقوى مكيف و1.5 حصان فيه يعطيك تبريد 2.25 حصان فى اى ماركة تانية
توكل على الله ولن تندم
تقبل تحياتى

[myself112]

بعد لف كتيييييييييير و سؤال و لف و دوران , المهم ربنا كرمنى و جبت فى الآخر شارب 3 حصان مع انى كنت مستبعده , بس ربنا لما يأذن .......
انا جبت الموديل الى قبل الموديل الاخير , بقاله سنتين تقريبا فى السوق و نزل بعده موديل , و الفرق ما بينهم ان الاخير الريش الداخلية بتتحرك اتوماتيك مش يدوى جبته ب 5500 جنيه و عليه ضمان 5 سنين و سنة زيادة من الموزع يعنى ضمان 6 سنين .... رحته خلصت فيه من يومين و ركبوه على طول .
الى انا ملاحظه لغاية دلوقتى , ان صوته عالى عن الشارب القديم الى عندى .......
متشكر لكل الناس الى رديت و حاولت تفيدنى . ..