إعـــــــلان

Collapse

.

,
See more
See less

تعمل ايه لو اشتريت تورتة وبعدين ...

Collapse
X
 
  • Filter
  • الوقت
  • Show
Clear All
new posts

  • تعمل ايه لو اشتريت تورتة وبعدين ...

    اشترينا تورتاية من محل اسمه البارون مفروض محترم يعنى ب 95 ج اللى هى اربع اطعمة لقينا الربع الكريمة بين كل طبقة كيك وطبقة كريما عفن اخضر!!!!!!!!!!!!!!

    حقيقى مش مصدقة والمفروض دول يتعمل معاهم ايه ولا لو كنت وخداها هدية لحد كان هيبقى منظرى ايه


    حقيقى مستوى المحلات بتاعة الأكل فى المنصورة بقى اقل من القليل!!


    وهو مفروض عشان تضمن تشترى تورتاية من النوع ده نضيفة يكون فى كذا وحدة قدامك على اهتبار انهم عملوا منها 4 تورت عشان يكونوا الأربع اجزاء !!!!

    انت اخترت محل نضيف ومشهور مفروض نعمل ايه اكتر من كده
    وهم مفروض لما الحاجة تقعد عندهم كتير يتصرفواازاى

  • #2
    يا نهار اسود انتي متأكده انه كان عفن مش جايز عليها فسدق مثلا ؟؟ انا مش بهزر والله بس مش متخيل الموقف طيب وانتي اكتشفتي الحوار ده ازاي يعني اكلتوا منها ولا ايه ؟
    وبعدين المفروض ترجعوا لهم ترموها في وشهم وتعملو لهم فضيحه في المحل البارون المفروض انه كويس بس صراحه انا بشتري من لابوار اي حلويات غربي
    سبحان الله وبحمده سبحان الله العظيم

    Comment


    • #3
      كل تعاملي مع البارون وعمري ما لاحظت حاجة زي دي بس يمكن لأني مكنتش واخد في بالي بس الواحد بعد كدة يدور كويس
      المفروض الواحد بقى يجيب منين الذمة والضمير انعدموا في البلد دي الله يلعن ابو الطمع

      Comment


      • #4
        طب روووووووحى بسرعه اعمللهم مصيبه

        على طول هيخافو وهيدوكى واتنين :)
        م/ احمـد عـزت

        Comment


        • #5
          الفزدق المبشور بيبقى ششكله كدة على فكرة
          مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره

          Comment


          • #6
            عفن ؟ و اخضر كمان ؟ هي وصلت للعفن الاخضر ؟ و الله العظيم لو مكانك هروح للمحل و بالتورته و في وش البصمجي اللي بعهالي

            عمر ما البلد دي هتمشي عدل ابدا

            Comment


            • #7
              لو إتأكدتي إنه عفن
              هتروحي بكل هدوء هاتولي اكبر راس في الطابونة دي (باللفظ كده)
              ليه مش ليه ملكمش دعوة لحد ما يجي توريهوله
              يا هيلم الدور يا هيستعبط هيستهبط وده غالبا مش هيحصل هتقوليلوا حلو هعملكم محضر دلوقتي حالا (ويكون معاكي الفاتورة)
              هيطلعلك بدل التورته بدل واحدة 2
              [img3]http://img21.imageshack.us/img21/3957/28138510150332809507433.jpg[/img3]

              Comment


              • #8
                البارون أنا لسه جايب منه جاتوه فرع توريل .. هو كويس و ماكانش فيه عفن و لكن مش لذيذ و بقى ممل و بحس انه له ريحة كده .. مش عارف سمنة و لا ايه ..
                أنا بفضل ميرينج عنده تشكيلة جاتوه جميلة و غير تقليدية و الدستة ب 67 .. بنكلم على فرع توريل اللي قدام نادي الشرطة لأن هو ده اللي بتعامل معاه
                و لابوار طبعا هو التوب في كل حاجة
                Tyler_durden سابقا
                المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب

                Comment


                • #9
                  يانهار أزرق
                  بس العيب مش عليهم لوحدهم العيب على اللى بيستسهلوا ويشتروا جاهز وخلاص

                  اتعلموا عمايل الكيك والتورتات فى البيت احسن
                  هههههههههههه
                  [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                  [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                  Comment


                  • #10
                    الحكاية دى لسه حاصله معايا فى احدى قرى الساحل الشمالى
                    الفطار كان فيه نفس المشكله و صالحونا بشاى و جاتوه للجروب كله
                    [CENTER]اللهم اغفر لى و ارحمنى برحمتك

                    [/CENTER]

                    Comment


                    • #11
                      يا فندم احنا نعرف ان الكريمة روحها قصيرة او عمرها قصير لكن كونها توصل لمرحلة العفن يبقي عدي عليها كذا يوم
                      ومعني ان يعدي عليها كذا يوم يبقي الكيكة لونها هيغير ووشها هيبوظ وهتنشف

                      هل دة موجود في التورتة ؟؟؟

                      لو موجود يبقي الغلطة غلطتك
                      ولو مش موجود يبقي لازم تتأكدي 100% قبل ما تعملي مشاكل وفي الأخر يتطلع فسدق

                      والله المستعان
                      ،
                      ،
                      [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                      [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                      [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                      [CENTER]
                      [COLOR=DarkRed]صفحة القسم علي الفيس بوك[/COLOR]
                      [/CENTER]
                      [CENTER][URL]http://www.facebook.com/SeatNileMotors[/URL]

                      [COLOR=Navy]صفحتي الشخصية
                      [url]https://www.facebook.com/ITNetworksWay[/url]
                      [/COLOR] [/CENTER]

                      Comment


                      • #12
                        المشاركة الأصلية كتبت بواسطة syd مشاهدة المشاركة
                        يا فندم احنا نعرف ان الكريمة روحها قصيرة او عمرها قصير لكن كونها توصل لمرحلة العفن يبقي عدي عليها كذا يوم
                        ومعني ان يعدي عليها كذا يوم يبقي الكيكة لونها هيغير ووشها هيبوظ وهتنشف

                        هل دة موجود في التورتة ؟؟؟

                        لو موجود يبقي الغلطة غلطتك
                        ولو مش موجود يبقي لازم تتأكدي 100% قبل ما تعملي مشاكل وفي الأخر يتطلع فسدق

                        والله المستعان
                        ،
                        ،
                        حضرتك حاولي تتأكدي انها مش فستق مطحون لأن فعلا لو التورتة وصلت لهذه الدرجة من التعفن الداخلي فأكيد كان هايظهر على شكلها الخارجي بوضوح .. غير ان لو حاجة بهذه الدرجة من التعفن هاتملا المحل بالريحة المنفرة
                        Tyler_durden سابقا
                        المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب

                        Comment


                        • #13
                          المشاركة الأصلية كتبت بواسطة abo_lina مشاهدة المشاركة
                          حضرتك حاولي تتأكدي انها مش فستق مطحون لأن فعلا لو التورتة وصلت لهذه الدرجة من التعفن الداخلي فأكيد كان هايظهر على شكلها الخارجي بوضوح .. غير ان لو حاجة بهذه الدرجة من التعفن هاتملا المحل بالريحة المنفرة
                          في مجال الحلوانيه فيه مهمه اسمها فني تقشير
                          دا بيقشر التورته او الجاتوه البايت علشان ياخد طبقه زواق جديده
                          [CENTER]

                          [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
                          [/CENTER]

                          [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
                          ---------------------------------
                          [/SIZE][/B][CENTER]
                          [/CENTER]

                          Comment


                          • #14
                            المشاركة الأصلية كتبت بواسطة azmeralda مشاهدة المشاركة
                            اشترينا تورتاية من محل اسمه البارون مفروض محترم يعنى ب 95 ج اللى هى اربع اطعمة لقينا الربع الكريمة بين كل طبقة كيك وطبقة كريما عفن اخضر!!!!!!!!!!!!!!

                            حقيقى مش مصدقة والمفروض دول يتعمل معاهم ايه ولا لو كنت وخداها هدية لحد كان هيبقى منظرى ايه


                            حقيقى مستوى المحلات بتاعة الأكل فى المنصورة بقى اقل من القليل!!


                            وهو مفروض عشان تضمن تشترى تورتاية من النوع ده نضيفة يكون فى كذا وحدة قدامك على اهتبار انهم عملوا منها 4 تورت عشان يكونوا الأربع اجزاء !!!!

                            انت اخترت محل نضيف ومشهور مفروض نعمل ايه اكتر من كده
                            وهم مفروض لما الحاجة تقعد عندهم كتير يتصرفواازاى

                            معلهش هو انا مش بكدب حضرتك ولا حاجه بس هو الكريما صعب اوووووووووووي تعفن عموما السكريات من اصعب الاطعمه عشان يحصل فيها العفن

                            الكيك ممكن لكن الكريما. هل ممكن حضرتك تتاكد انه عفن فعلا يعني هل رائحته كريهه ولا عاديه

                            Comment


                            • #15
                              إممممممممم صعب جدا الموضوع ده لكن إنتِ كنتِ اتصرفتي بسرعة
                              روحتي المحل وورتيهم التورتاية يا كنتِ هتاخدي فلوسك يا اما هتاخدي واحدة غيرها كويسة يا اما هيعمل زي ماعمل معايا ويقولك دا نحل يا آنسة مش حشرات يعني.. هههههههههه
                              هحكيلك على القصة دي (على فكرة انا بعمل معظم الحلويات بنفسي هواية بقى وكل اللى حواليا ويعرفوني يعرفوا ده كويس جدا عني ..المهم بقى إنى فى رمضان كنت بمصر وبتمشى أنا واختي فلفت نظري شكل بلح الشام قولتلها ادخلي هاتي 2 كيلو ..انا استنيتها بعيد وهى دخلت اشترت
                              روحنا بقى ع البيت واحنا كلنا أمل إننا هناكل بلح الشام اللى لونه ذهبي ويجنن ده..
                              فتحت العلبة لقيت تحت أول واحدة نحلة (صرخت فيها ايه ده؟ ) قالتلى والله ما اعرف
                              قولتلها رجعيه حالا..فقالتلى :ـ انا مكسلة انا هرمي دي ونشوف اللى تحتها وكل لما تشيل واحدة تلاقي نحلة ...طبعا انا مش هوصف حالتي كانت ايه ..ربنا وحده اللى سترها معايا
                              قامت لبست ونزلت تانى وراحت للراجل وقالتله :ـ ممكن تفهمنى ايه ده؟ فتح العلبة وقالها بدهشة
                              ايه فى ايه؟ قالتله يعني مش شايف؟ قالها ايه يا انسة دا نحل فى العسل مش حشرات يعني
                              قالتلى صوتى سمع آخر الميدان لما استهبل كدة فأخده ورجع الفلوس...
                              ودي كانت آخر مرة اشوف فيها بلح الشام وان شاء الله الاخيرة برضه هههههههه

                              فكرتيييييييييييييييييييني ليه؟؟؟؟؟؟؟؟؟؟؟؟؟؟؟؟

                              [CENTER][FONT=Comic Sans MS][SIZE=5][/SIZE][/FONT] [/CENTER]

                              [CENTER]hamasateleel.blogspot.com[/CENTER]

                              Comment

                              Working...
                              X