تنصحوني بمين : Galaxy S2 \ iPhone 4s \ htc One X

[bmw3m007]

ممكن برضه تستنى شوية لان ايفون 5 خلاص قرب ينزل وشوف برضه امكانياته وقارن
اللى بسمعه انه هينزل فى شهر 9 او 10 بس مش متاكد واللى يعرف معاد نزول ايفون 5 ياريت يقولنا (جالاكسى نوت 2 برضه هينزل فى 9 فالافضل انك تستنى الشهرين او التلاتة دول عشان يبقى قدامك كل الاختيارات اللى نزلت ومش هينزل بعدها حاجة لمدة سنة على الاقل)

انا بس خايف من الاسعار الحجات دي هتنزل غاليه و انا حابب ال اس تو علشان نزل جامد بصراحه فيعتبر صفقه 100 100 من مميزاته الجامده سعره
و لسه يمكن ينزل كمان

[bmw3m007]

شوف انت احتياجاتك اية من التليفون ,وهات اللى بيغطى كل احتياجاتك هو طبعا ال s2 افضلهم من ناحية الاوبشن بس طبعا شيل ال onex لانة اقوى من ال s2 اوبشن وسعرا وال iphone افضلهم من ناحية الشاشة كوضوح وافضلهم خامات وشكلا
يعنى اللى هتلاقية هنا مش هتلاقية هنا

بس معلش انا مادفعش فى ال iphone مبلغ 4400 جنية وهو الاوبشن بتاعة اقل من ال s2 اللى ب2650 جنية وعلى فكرة دة السعر من غير ضمان , لكن بضمان النسخة ال g ودية مانصحكش بيها نهائى تمنة 3000 جنية بالضمان , والنسخة ال i تمنها 3500 جنية بس قليلة جدا ودة اللى انا انصحك بيها

واخر نصيحة ليك اشترى الهاتف بضمان بلاش بدون ضمان بيبقى انت وحظك

انا بصراحه معايا نوكيا n86 و نفسي اجرب التاتش فعايز اجيب حاجه حلوه
و انا مش مزعلني من الاي فون غير سعره
بس انا يا باشا اقدر اجيبه بـ 3500 من بره و بصراحه برده شايفه غالي
و على العكس الي بيشدني في الجالاكسي سعره
و الاتش تي جميل بس مش عارف سعره
و ال 3 موفرين الي انا محتاجه
هشوف بس مين بطاريته افضل لان دي نقطه مهمه عندي

[bmw3m007]

htc one x بدون تفكير انا الايفون عشره عمر معاي من اول ال 2g لغايه ال4s ولما شفت ال htc قلبت الايفون علي طول واشتريت ال htc ومرتاح ومبسوط بيه جدا

يعني متفوق على 4s بشكل ملحوظ ؟ و حضرتك جبته بكام

[bmw3m007]

لو مكانك htc onex خامته اعلى من الs2 بكتير

احمد باشا نورتنا و الله
معندكش فكره سعره كام يا استاذ احمد

[naser_56]

يعني متفوق على 4s بشكل ملحوظ ؟ و حضرتك جبته بكام

هو متفوق بمراحل عن ال 4s ويكفي ان الجهاز تقدر تشكله حسب احتياجاتك من ويدجت وخلافه ولكن بصراحه مشكلته في البطاريه والسعر انا اشتريته في الكويت بسعر ١٨٠ دينار

[bmw3m007]

هو متفوق بمراحل عن ال 4s ويكفي ان الجهاز تقدر تشكله حسب احتياجاتك من ويدجت وخلافه ولكن بصراحه مشكلته في البطاريه والسعر انا اشتريته في الكويت بسعر ١٨٠ دينار

متشكر جدا يافندم لاهتمامك :)

[Ahmedhussein007]

htc one x

[Salamonti]

الاتش تي سي one x بلا منازع طبعا
انا معايا واحد ومش قادر اقولك قد ايه جهاز ممتاز

عموما لو انت قريب من الدقي والمهندسين ممكن نتقابل تجربه وتمسكه وتشوف

[ashouhdy]

من اول ما ال S2 نزل وانا قلت ان عهد الاندرويد والاجهزة خلاص وقف واى حاجة جديدة حتكون بس لعب فى السوقت وير و زيادة غير مطلوبة فى قدرات الجهاز عشان البيع و بس

لأن 90% من برامج و العاب الاندرويد مصممة لاجهزة الجيل الاول اللى بمعالج واحد فما بالك بقى بال S2 الثنائى المعالج !

ال s2 جهاز ولا اروع فى السرعة والتصفح ورأيى الشخصى كان اكبر غلطة عملها سامسونج فى حياتها انها نزلت الجهاز دة وبالقوة دى


كل الجديد الرباعى النواة والافلام الفكسانة دى شغل بياعين مش اكتر وكلة فاهم كدة

والا السنة اللى جاية حتلاقى موبايل ب 6 معالج !! لية مش فاهم ! عشان تلعب need for speed اللى هى اصلا شغالة على النوكيا ذى الفل

التكنولوجى فى الموبايل وصلت لمرحلة التشبع وانتهى خلاص

ال S2 ملك الموبيلات بلا منازع !

[CryptonX]

One x او s3 :)

[bmw3m007]

متشكر جدا يا جماعه :)

[bmw3m007]

الاتش تي سي one x بلا منازع طبعا
انا معايا واحد ومش قادر اقولك قد ايه جهاز ممتاز

عموما لو انت قريب من الدقي والمهندسين ممكن نتقابل تجربه وتمسكه وتشوف

يا باشا ربنا يكرمك و يبارك فيك كلك ذوق والله

[bmw3m007]

من اول ما ال s2 نزل وانا قلت ان عهد الاندرويد والاجهزة خلاص وقف واى حاجة جديدة حتكون بس لعب فى السوقت وير و زيادة غير مطلوبة فى قدرات الجهاز عشان البيع و بس

لأن 90% من برامج و العاب الاندرويد مصممة لاجهزة الجيل الاول اللى بمعالج واحد فما بالك بقى بال s2 الثنائى المعالج !

ال s2 جهاز ولا اروع فى السرعة والتصفح ورأيى الشخصى كان اكبر غلطة عملها سامسونج فى حياتها انها نزلت الجهاز دة وبالقوة دى


كل الجديد الرباعى النواة والافلام الفكسانة دى شغل بياعين مش اكتر وكلة فاهم كدة

والا السنة اللى جاية حتلاقى موبايل ب 6 معالج !! لية مش فاهم ! عشان تلعب need for speed اللى هى اصلا شغالة على النوكيا ذى الفل

التكنولوجى فى الموبايل وصلت لمرحلة التشبع وانتهى خلاص

ال s2 ملك الموبيلات بلا منازع !

و سعره مغري دلوقتي بصراحه

[mohaismail]

htc one x ب 4888

[ramy01011]

نصيحة مجرب اس1 و اس2 و جلاكسي نوت و اتش تي سي ون اكس و حاليا اس 3 و اي باد2

خد لك الاس2 و انت مغمض الاي فون الاس2 سحقة في كل المقارنات غير ان النظام اسهل و مفتوح موش مقيد زي الاي فون

الون اكس حلو جدا بس اولا اغلي بكثير عن الاس2 ثانيا نتقدرش تركب له كارت ميموري ولا تغير البطارية غير ان بطاريته سيئة بدرجة لاتتخيلها