أكهرب الحرامى - ولا - حرام ؟

[abokoko]

اليومين اللى فاتوا الحراميه انتشروا
والعماره المواجهه لنا - بعد الفجريه -سمعنا صويت وصراخ وناس بتجرى فى الشارع
وبيقولوا حرامى وشباب نزل جرى يساعد وفى الاخر مسكوا الحرامى
واللى دخل البلكونه عليهم وهما نايمين واشتغل يقلب فى الشقه
لحد ما حسوا بيه _من ستر بنا طبعا

وكان قبلها وبعدها حكايات زى دى

جت على بالى فكره كان واحد عاملها ليصطاد بيها الفئران

4 لوح خشب على شكل مربع
بينهم شكتين غير متلامسين
وموصل بالشبكتين فردتين كهرباء بفيشه
ولما الفأر يعدى عليهم بيكمل الدائره ويتكهرب

ايه رايكم
الواحد يعملها ويسيبها فى البلكونه بالليل ويوصل الكهرباء
واللى يدخل البلكونه ويتكهرب يبقي هو اللى جابه لنفسه
-- طبعا انا هقفل البلكونه بقفل من الداخل علشان الاولاد
ومش هفتح القفل الا فى الصباح - بعد ما اشيل الفيشه

المبرر
هو حرامى وقاصد الضرر
وانا بدافع عن نفسي

ايه رايكم


لو الفكره مقبوله
يبقي نفكر مع بعض ازاى نعملها

[ahmad--ezzat]

اتاكد بس ان مفيش عيل صغير ممكن يقرب او كده

وبعدين اتاكد برضه ان مفيش قطط ولا عصافير ولا حمام ممكن يقربوا عشان حرام

بصراحه فكره منيله هههههه

[Elawany13]

ديه عامله زى جهاز صاعق الناموس
بس دى صاعق حرامية
فكرة زى الفل
عاوزين نعمل زيها فى العربيات

[HOSSAM99]

حلال ... حلال ... حلال






لكن المشكله في الأطفال

[abokoko]

هى فعلا زى فكره صاعق الناموس

العيال -- انا هقفل البلكونه من الداخل بقفل
ومش هفتح البلكونه الا لما اشيل الفيشه


المهم
ايه الافكار للتنفيذ العملى

[me_medoo]

واللهِ يا أبو كوكو فكـــــــــــرة ممتازة
أوعه يكون هو ده الجاهز الي اشتريتوا من مول العرب وبعدين رجعتوا ههههههههههه

@@@@@@@@@@@@

انا لمن قريت عنوان الموضوع أفتكرت حاجة تانية خالص
أصل زمان كنا فاتحين مكتب وكان في فار مجننا فلمن مسكناه لفيناه في ورقة وربطناها بدبارة وجينا من عند ديلوا كده حطينا تحت ديلو بالزبط كام صاروخ ... على كام بومبة
ههههههههههههه

فانا افتكرت انكوا لو أصطدتم حرامي تعملوا في كده ولا لأ
انا من رأي لو أصطدتوا حرامي رأي يتكتف وهو قاعد على كرسي وترشو على بنطلوموا شوية مية ساقعه بس متكترش علشان حرام ... وبعدين أي سلك او فيشة ... وأيززززززززززز
هتلاقي الكهربا تنعشو ... ومش هتبان عليه اي اثار ضرب
او تعذيب وساعتها تقدر تسلمو للنيابة وهو فـــــــريش كده ونشيط ومصحصح ويعترف ويقول على كل حاجة هههههههه

وتحياتي

[abokoko]

بعيد عن الموضوع
الفأر بيعذبوه بحقنه زيت موتور
بيتنفخ بيمشي زى البطة
وطبعا شوف العيال حوليه بيعملوا فيه وهو مش قادر يمشي
ههههههههههههههههههههههههههههههههههههههههههههههههه


ونرجع لموضوعنا
لما الحرامى يتكهرب
لو مات فيبقي قدر الله
لو لسه عايش يبقي نكمل عليه وهو لسه واخدج لسعة الكهرباء

[mohammedabdallh]

لو مات فى مسؤليه قانونيه عليك
زمان كان فى نفس المشكله
وكنت عاوز اكهرب التكعيبه ((التكعيبه عباره عن قطعه ارف فاضيه امام البيت ومسورة ب عمدان خشب وبوص وعليهم شجرة عنب للظل وفى نفس الوقت للاكل ))
سالت قالولو لى لو مات هتتسال قنونيا
فسال محامى الاول فيها

[abokoko]

ممكن فعلا
لكن
التكعيبه ارض فضاء امام البيت

البلكونه
جزأ من شقتى الخاصه

[bHa2]

ياباشا دا انت تكهربه
وبعد ما يتكرهم و يقع من الدور ال 12 "حتي لو حضرتك ساكن ف التالت ممكن نوقعه اربع مرات xD"
ويتدغغ "مينفعش يموت دلوقتي"
نجيبه
ونحط سلك ف الكهربا
والطرفين التانيين واحد ع لسانه و التاني مش هقول فين
ونقلبه مولد كهربائي
يوم ما النور يقطع ناخد منه كهربا ^^
بغض النظر عن كم العنف اللي تم زكره ف المشاركه فوق ف دا كان علي سبيل المزاح
بس احنا ممكن نخلي فولطيه الجهاز دا مش عاليه عشان منموتوش
ويتمسك ياخد العلقه التمام و يتسلم تسليم اهالي وربنا يخلصنا من الاشكال الضاله دي ويحفظ بيوت الناس من كل شر

[bHa2]

بس بصراحه اول ما قرأت العنوان افتكرت حضرتك ماسك حرامي
ومكتفه ومحتار تعمل فيه ايه بالظبط xD

[totaa]

ايه التصرف الدموي ده؟ حرام عليكم والله

إحنا لازم نشوف ده من وجهة نظر الشرع يكون إيه ..طيب ما أسهل من كدة إنك تأمن بيتك كويس عشان مافى أي حرامي يدخله...زي قفل الباب وتأمين الشبابيك والبلكونات ..لكن كهربا !!
مهما كان دا روح ..حتى لو يستاهل ضرب سبعين شوز ..لكن بالله عليك ما تعمل كدة ...طيب عندي فكرة حلوة وفى الوقت نفسه مش مؤذية ما تيجي نفكر فى حاجة تصدر صوت عالى زي الجرس أول ما يدوس عليها تعمل صوت يصحى كل البيت....وطبعا انت هتخفيها بحيث ما تبان له
ولا إيه رأيكم ..؟ إحنا ليه بقينا بتلذذ فى تعذيب بعض بالشكل ده؟
من سنتين لما نزلت مصر وأول مرة اشوف حرامي فى حياتي صحيت على صوت الشارع كله ماسكين واحد وهات ياضرب فيه لدرجة ان عينه اتفتحت واللى بشومة واللى بحزام واللى على قفاه..
اقسم بالله انا كل لما افتكر المنظر ده بعيط ..كان ممكن يسلموه للشرطة وهى تعمل اللازم معاه لكن بالشكل ده حراااااااااااام .. يمكن انا عشان بنت بفكر بالشكل ده ...
بالله عليك ما تفكر فى الصاعق ده ..وإن شاء الله ربنا يكفيك شر كل حاجة وحشة انت وكل المسلمين

احترامي للجميع

توتااااااااااااا

[MTAK]

لا يا باشا ماتكهربش البلكونه

انت فاكر فيلم home alone
انت تعمل حاجات شبه اللى جت فى الفيلم

يعنى تحط جردل و تربطه بحبل و اول ما يقطع الحبل الجردل يتدلق عليه
بس الجردل مايكونش فيه بويه و الكلام الهجس ده
انت تحط فيه ميه نار

او جردلين يقعوا مع بعض واحد فيه جير حى و التانى ميه
و هاتصحى مش هتلاقى الحرامى اصلا
--------------
طبعا الكلام هزار بس للأسف الواحد بيصعب عليه انه يعمل حاجات زى دى فى بشر حتى لو كان حرامى


ممكن تعمل نفس فكرتك و لكن تخلى الدائره لما تقفل مش تكهربه
و انما تكون متوصله بسرينه او بوق اى حاجه تطلع صوت و ضوء جامدين تنبه اهل المكان او يخاف هو و يجرى

و بعدها تكون حاطط شبكة الكهربا علشان لو هو قلبه ميت و مش خايف من الناس لا تصحى يبقى يروح لقضاه

[ameerahmad]

الحرامي مش هيتكهرب لأنه أكيد هيبقى لابس حاجه في رجله
بالتالي الدايره الكهربيه مش هتقفل كأنك دوست على سلك مكشوف لو حافي تتكهرب لو لابس شوز متتكهربش

[abokoko]

ايه التصرف الدموي ده؟ حرام عليكم والله

إحنا لازم نشوف ده من وجهة نظر الشرع يكون إيه ..طيب ما أسهل من كدة إنك تأمن بيتك كويس عشان مافى أي حرامي يدخله...زي قفل الباب وتأمين الشبابيك والبلكونات ..لكن كهربا !!
مهما كان دا روح ..حتى لو يستاهل ضرب سبعين شوز ..لكن بالله عليك ما تعمل كدة ...طيب عندي فكرة حلوة وفى الوقت نفسه مش مؤذية ما تيجي نفكر فى حاجة تصدر صوت عالى زي الجرس أول ما يدوس عليها تعمل صوت يصحى كل البيت....وطبعا انت هتخفيها بحيث ما تبان له
ولا إيه رأيكم ..؟ إحنا ليه بقينا بتلذذ فى تعذيب بعض بالشكل ده؟
من سنتين لما نزلت مصر وأول مرة اشوف حرامي فى حياتي صحيت على صوت الشارع كله ماسكين واحد وهات ياضرب فيه لدرجة ان عينه اتفتحت واللى بشومة واللى بحزام واللى على قفاه..
اقسم بالله انا كل لما افتكر المنظر ده بعيط ..كان ممكن يسلموه للشرطة وهى تعمل اللازم معاه لكن بالشكل ده حراااااااااااام .. يمكن انا عشان بنت بفكر بالشكل ده ...
بالله عليك ما تفكر فى الصاعق ده ..وإن شاء الله ربنا يكفيك شر كل حاجة وحشة انت وكل المسلمين

احترامي للجميع

توتااااااااااااا

فعلا زى ما حضرتك بتقولى - هو تصرف ممكن يحتسب بربري او وحشي
لكن
تخيلي حضرتك نفسك مكان الناس اللى كانوا فى العماره الاماميه لنا
اسره وفى الصيف وفيها ستات والدنيا و
وفجاة واحد غريب وسطيهم بيدور على الدهب والموبيلات
تخيلي حضرتك سيناريو اكبر من كده تخيلي انه ممكن يقتل اى واحد يحس بيه
يعنى الحكاية مش ضياع ممتكات
الحكاية ممكن تكون اكبر
ممكن تكون ضياع كرامة

يا ترى رأى حضرتك زى ما هو ؟؟؟؟؟؟؟؟؟؟؟
احب اسمع الرد من حضرتك

لا يا باشا ماتكهربش البلكونه

انت فاكر فيلم home alone
انت تعمل حاجات شبه اللى جت فى الفيلم

يعنى تحط جردل و تربطه بحبل و اول ما يقطع الحبل الجردل يتدلق عليه
بس الجردل مايكونش فيه بويه و الكلام الهجس ده
انت تحط فيه ميه نار

او جردلين يقعوا مع بعض واحد فيه جير حى و التانى ميه
و هاتصحى مش هتلاقى الحرامى اصلا
--------------
طبعا الكلام هزار بس للأسف الواحد بيصعب عليه انه يعمل حاجات زى دى فى بشر حتى لو كان حرامى


ممكن تعمل نفس فكرتك و لكن تخلى الدائره لما تقفل مش تكهربه
و انما تكون متوصله بسرينه او بوق اى حاجه تطلع صوت و ضوء جامدين تنبه اهل المكان او يخاف هو و يجرى

و بعدها تكون حاطط شبكة الكهربا علشان لو هو قلبه ميت و مش خايف من الناس لا تصحى يبقى يروح لقضاه

لا يعم انا مش دموى ولا حاجة
دا انا غلبااااااان - زى ما بيقول عادل امام


هى فكرة جت على بالي بسبب الاحداث الماضيه عندنا فى المنطقة
وممكن اتهور واعملها بجد
وممكن تنهتى كانها حلم فى ليله صيف
ههههههههههههههههههههههه