طرائف الشارع المصرى

[Opel_Rekord]

السلام عليكم

ازيكوا جميعا .. يارب تكونو بخير



ساعات كتير وانا ماشى سواء على رجلى او بالعربيه بلاحظ موقف معين غريب يلفت انتباهى

عربيه متظبطه حلو مثلا - عربيه جديده - حادثه لا قدر الله كده


انما لما الاقى مواقف زى اللى بشوفها دى بقول انا اكيد .. اكيد فى مصر :)


وللاسف ماقدرتش اصور غير صورتين بس اللى لحقتهم وانا ماشى




1.

ده بوكس شرطه !! فى شارع روكسى .. وكان مكسل يوصل لاول فتحه عند تقاطع شارع الاهرام وفضل انه يلف ويرجع .......... من عالرصيف اللى فى النص !!!

والناس واقفه عالناحيتين يتفرجوا وهما مذهولين لان الظابط كان جنبوا كمان مش هاقول عسكرى وخلاص . وبعدين ماكنش عارف يعدى بسهوله عشان الرصيف عالى فكان بيحفر فى الاسفلت وبيعمل صوت يعنى فضيحه بجلاااااااااااااجل !



2.


ودى تحويلة محور 26 يوليو اللى معموله بسبب ترميمات احد الاتجاهين حاليا بس انتهت يوم الخميس الحمد لله اللى فات . والمنظر اللى قودامكو ده عباره عن واحد كان واقف فى التحويله وهى زحمه وكان عطشان اوى فشرب كوباية حاجه ساقعه البلاستيك دى وملقاش حته يرميها فيها فضطر يحوطها فى القومع بتاع التحويله عشان تبقى علامه مسجله بزيارته لهذه المكان الأثرى :)





المصرى هايفضل مصرى النيل رواه والخير جواه







وانتظروا المزيد من طرائف الشارع المصرى قريبا

[fahd_628]

هههههههههههههه

لأ بجد فضيحة بتاعت الشرطة دية !!!!!!!!! :( :(

[3mr Farrag]

فعلا الموضوع ده بينرفزني جامد
يعني في حته كده في مصر الجديده ....الناس بتكسل تلف من اللفه الصح
و يادوب كام متر يعني مش بعيد خالص....و للفه الغلط معموله بالعكس يعني حوار
لسه من كام يوم كنت هناك يجي 3 بليل...و لقيت تاكسي داخل عكس
قلت طيب والله لاثبتلك اني اخدها اسرع منك
رحت جاري جامد و لفيت من اللفه الصح....و هو لسه مش عارف يلف علشان فيه عربيات جايه من سكتي و مش عارف ياخد يمينه
ناس بتبص بس تحت رجليها

[Islam_galal]

و لا فضيحه و لا حاجة
مصر و الشرطة المصرية عادي
حد شاف حاجة غير كده في البلد دي قبل كده

[tutankhamoun]

ج ع ع

بإقتدار ................................. خربنا بلدنا و عقدنا حياتنا
و ناصحين نقعد نشكي كل يوم من ده و ده و ده
و كأننا الملائكة البريئة

شعب ينقط و يجيب الضغط

[Ashraf A.Kader]

يبقي انت اكيد في مصر

[Karim_Monir]

لو معاك ميل ورزارة الداخلية ابعتلهم الصورة وتاريخ التصوير

[hamedo0]

تحيا مصر تحيا مصر

[محمد المشد]

طيب عايزين نعرف لما لايطبق القانون على هؤلاء المخربين ، واعتقد ان الوزارة اذا ارسل اليها هذا المنظر سوف توقف السائق والمسؤل عنه إلا سوف تصبح الامور فوضى

[solycar]

ج ع ع

بإقتدار ................................. خربنا بلدنا و عقدنا حياتنا
و ناصحين نقعد نشكي كل يوم من ده و ده و ده
و كأننا الملائكة البريئة

شعب ينقط و يجيب الضغط

مفيش كلام بعد كدة

[solycar]

لو معاك ميل ورزارة الداخلية ابعتلهم الصورة وتاريخ التصوير

والله انت طيب جدا

انت متخيل ان المسئول بتاع الداخلية اللى هتبعتلوا الصورة هيهذ طولة ويعاقب الفاعل ولا يعمل اى حاجة يعنى

دة مش بعيد يكون هو نفسه اللى كان راكب فيها

على راى محمد مكى...................كبر ال G و روأ D

[Opel_Rekord]

ابعتها للداخليه ؟؟؟

ههههههههههههههههههه

واما يطلعوا قرار بإيقاف رخصة سواقتى انا ؟




وعلى رأى محمد مكى بردو



كبر ال G وروق ال D



فله يامعلمين على ردودكو الجميله دى


وانتظروا المزيد ان شاء الله

[adelmagdy]

انا برضه من كام يوم الساعة 3 بليل كنت ماشي في الشارع بتاع الحرس الجمهوري عند تقاطع شارع الاهرام وروكسي المفروض حعدي التقاطع علشان هما قافلين التقاطع للي بييجي من نادي هليوبليس لسه بعدي التقاطع الاقي واحد من اليمين جايلي عكس من شارع الاهرام وواحد في شي جايلي عكس من روكسي وقفت استنيت لغاية لما سعادتهم عدوا علشان اعرف اعدي , وبعدين في ظاهرة بقت غريبة اليومين دول في شارع ابراهيم اللقاني انا بقعد علي قهوة اسوان هناك الاقي كل الناس بتحول الشارع ده عكسي باليل

[islambana]

حكايه بوكس الشرطه دي شوفتها من سنه قدام الشبراوي اللي عند المحكمه اللي في الكيت كات بس كان اوتوبيس هشام باص وياسلام علي منظر الركاب جواه كأنهم في ملاهي

[tutankhamoun]

حكايه بوكس الشرطه دي شوفتها من سنه قدام الشبراوي اللي عند المحكمه اللي في الكيت كات بس كان اوتوبيس هشام باص وياسلام علي منظر الركاب جواه كأنهم في ملاهي

كأنهم في ملاهي !!!!

يا سيدي الفاضل شوارع مصر
مدينة ملاهي كبيرة و مفتوحة و مجانية و سموح بتجربة ما تشاء فيها
و تحيا
ج ع ع
هاي هيئ