موضوع الابراج ... حقيقي و لا اشتغالات ... و ليه ؟

[kameluo]

طيب الحوت ايه نظامه؟؟

[dr.nemo]

حضرتك قريت الكلام اللي انا ناقله وبناءا عليه اتكلمت ...اختلف معاك فالدين له علاقة بكل شيء في حياتنا
وسيدنا على كان بيقول لو كان الدين بالعقل لكان مسح باطن الخف اولى من ظاهره ....... ففيه اشياء
في الدين نقل وليس فيها مجال للعقل لان عقلناالقاصر لن يدركها مهما إجتهد من ذلك أمور الغيبيات

[Screenplays]

حضرتك قريت الكلام اللي انا ناقله وبناءا عليه اتكلمت ...اختلف معاك فالدين له علاقة بكل شيء في حياتنا
وسيدنا على كان بيقول لو كان الدين بالعقل لكان مسح باطن الخف اولى من ظاهره ....... ففيه اشياء
في الدين نقل وليس فيها مجال للعقل لان عقلناالقاصر لن يدركها مهما إجتهد من ذلك أمور الغيبيات

انا قصدي ان موضوع الابراج مبيسئش للدين مثلا او حرام ... موضوع الابراج ده علم علي فكره

[Screenplays]

برج الحوت:
19 شباط (فبراير) إلى 20 آذار (مارس)

يمرّ الحظ أحياناً بقرب الرجل – الحوت فيجده يحلم أو يتأمل نجماً يلمع في أديم السماء . يتركه مُسرعاً في اتجاه أشخاص آخريـن دون أن يدرك صاحب الحلم أنه فوّت على نفسه فرصة نجاح حقيقي . هل يُسمى ذلك ضعفاً أم فشلا ً ؟ لا هذا ولا ذاك , لأن في استطاعة هذا الرجل – لو أراد السعي وراء الرزق – الوصول إلى أعلى قمم النجاح بفضل حدسه الموروث عن الإله نبتون من أبرز مظاهر شخصية رجل برج الحوت الفضول الخالي من سوء النية أو الدهشة أو المقاضاة لسلوك الغير . إنـّه يُـثرثر أحياناً قبل أن يُفكر فيكشف عن بعض الأسرار المتعلقة بغيره دون قصد ولكنه يرفض بالمقابل البوح بشيء مهما تكن الدوافع والظروف إذا طـُلب منه الكتمان . وهو يتكلم بتؤدة ويفكر بهدوء ويحاول عدم التدخل فيما لا يعنيه ولكن مشاكل الغير تلاحقه على الرغم منه . وقد يكون السبب موهبة الإصغاء عنده وقدرته على امتصاص الآلام والأحزان كأنها ملكه الخاص . يجب على أصدقائه وأقاربه أن يُراعوا صحته فلا يُحمّـلوه أكثر مما يستطيع وأن يتـفهمّوا حاجته إلى الراحة والصمت والعزلة لاستعادة ما فقد في سبيلهم من نشاط وحيوية . هذا الرجل إنسان خجول حساس يُجرَح بسرعة ويتطلب من الآخرين الإعجاب والتـشجيع لاعتقاده أنه محدود الكفاءة . ومع ذلك يتمتع بقابلية عظيمة لليوغا والسحر والفلك والتقمص والعلوم الباطنية الأخرى في استطاعته قراءة الأفكار , ومعرفة ما سيحدث , والتـظاهر بعكس ما يضمر في بعض الأحيان . وهو بامتلاكه بعض الأسرار يشعر بالراحة والطمأنينة . يتوقع هذا الرجل من المرأة التي يُحبها الإخلاص والوفاء التامين , وفي الوقت ذاته يرفض التخلــّي عن أصدقائه العديديـن من الجنسين الذيـن يقوم بخدمتهم بجميع الوسائل وفي جميع الأوقات الأمر الذي يُـثير غيرة امرأته ونقمتها على الرغم منها . إنه كثير الإعجاب بالجمال , لا يتردد في ملاحقة النساء بنظراته المعبّرة عن إحساسه وشعوره ولو نتج عن ذلك سوء تفاهم بينه وبين من يحبّ . ويمر رجل برج الحوت في فترة قلق وكآبة لا يعرف مصدرهما فيضطر إلى الانزواء في انتظار أن يأتيه اقتراح من زوجته يُبدّل مزاجه المُتعكر . ثم إنه مُبذر لا يستطيع التوفير إلا مع مرور الوقت وبمساعدة زوجته التي تستطيع أن تكون المثـل الأعلى في هذا المضمار . يجد الأولاد في هذا الرجل أكثر من أب إنه الصديق الذي يُرافق أولاده إلى النزهات والرحلات البحرية ويُعلمهم أصول السباحة والتجديف واليوغا وغيرها , والمربّي الطيب القلب الليـّن العريكة الذي يُصغي إلى المشاكل والمآسي بكل جوارحه . أما التصلب والقسوة فلا يُجيدهما ولا يُريد أن يستعملهما , ويُفضل أن يبقيا من اختصاص زوجته . يقبل هذا الإنسان التخلي عن أي شيء ما عدا أحلامه التي هي بمثابة روحه . فإذا أرادت زوجته أن تحتـفظ بحبه إلى الأبد , وأن تحول دون هدم سعادتهما معاً , عليها ألا تسخر من هذه الأحلام بأي صورة من الصور . في استطاعتها – عوضاً عن ذلك – أن تـُشجعه على تحويلها كلها أو جزءاً منها إلى واقع بناء وإيجابي .

[dr.nemo]

انا قصدي ان موضوع الابراج مبيسئش للدين مثلا او حرام ... موضوع الابراج ده علم علي فكره

طيب حضرتك قلت مش حرام بناءاً على ايه .... انا عاوز فتوى لاي شيخ بانها مش حرام
لاني بقالي فترة بدور عن فتوى زي كده ومش لاقي نهائي ولو فتوى واحده
لكن مينفعش نقرر احنا انها حلال او حرام طبقا لرغباتنا وأهوائنا

موضوع انها علم عمر ما كان ده مقياس للحلال او الحرام .... طيب ما فيه علوم كتيره محرمة
زي السحر والشعوذة وعلوم اباحية وكل دول علوم ويمكن لها مؤلفات وابحاث اكثر من علم الابراج

[Screenplays]

هنخش في دوامه الحلال و الحرام ... هات انت بقه الفتوي اللي بتقول ان الابراج حرام ... الابراج علم في ناس شايفاه صح و ناس شايفاه غلط ... ناس شايفاه حلال و ناس شايفاه حرام ... كل واحد حر في وجهه نظره ... مش كل حاجه نعد نقول حلال و حرام

[dr.nemo]

الموضوع مش بالمزاج اي حاجة موجود فيها حكم مينفعش احنا نفتي فيه (لا اجتهاد مع نص) ومين الناس دي اللي شايفه انها حلال .... شيوخ يعني (اهل الاختصاص بالفتوى) ولا ناس من العامة ملهمش انهم يجتهدوا .... اما بالنسبة للفتوى اللي انت عاوزها اللي بتقول بحرمانيتها المفروض تكون قرأتها الاول قبل ما ترد على كلامي اللي كانت فيه.... بس مفيش مانع اجيبها لك تاني بس يارب تقرأها وتجيبلى انت بقى فتوى بجوازها من الناس اللي ذكرتهم

مش مقتنع بالابراج ولا كل ما يتعلق بيها من قراءة الطالع والفنجان والكف وما على شاكلتها
وبيستفزني لما اسمع من يقول برج كذا اللي متجوز برج كذا مينفعوش لبعض أو لازم يطلقوا

وده الحكم الشرعي للموضوع للي حابب يعرفه

حكم معرفة طبائع الناس وصفاتهم من خلال أبراجهم

من ذلك ما رواه أبو داود بإسناد صحيح عن ابن عباس أن النبي صلى الله عليه وسلم قال: "من اقتبس شعبة من النجوم فقد اقتبس شعبة من السحر زاد ما زاد."
وفي سنن النسائي من حديث أبي هريرة: "ومن تعلق بشيء وكل إليه".

ــــــــــــــــــــــــــــــــــــــــــــــــــ ــــــــــــــــــــــــــ

فقد ثبت في الصحيحين من حديث عائشة أن أُناساً سألوا رسول الله صلى الله عليه وسلم عن الكهان ، فقال لهم رسول
الله صلى الله عليه وسلم : ليسوا بشيء . قالوا : يا رسول الله فإنهم يحدِّثون أحيانا بالشيء يكون حقا ؟ فقال رسول الله
صلى الله عليه وسلم : تلك الكلمة من الحق يخطفها الجني فيقرّها في أذن وليه قـرّ الدجاجة ، فيخلطون فيها أكثر من مائة كذبة .
ــــــــــــــــــــــــــــــــــــــــــــــــــ ــــــــــــــــــــــــــــــــ
قال قتادة رحمه الله تعالى : إن الله تبارك وتعالى خلق هذه النجوم لثلاث خصال : جعلها زينة السماء ، وجعلها يُهتدي بها ،
وجعلها رجوماً للشياطين ، فمن تأوّل فيها غير ذلك فقد قال برأيه ، وأخطأ حظه ، وأضاع نصيبه ، وتكلّف ما لا علم له به ،
وإن ناسا جهلة بأمر الله تعالى قد أحدثوا في هذه النجوم كهانة مَنْ وُلد بنجم كذا وكذا كان كذا وكذا ، ولعمري ما من نجم
إلا يُولد به القصير والطويل والأحمر والأبيض والحسن والدميم ، وما عَلِم هذا النجم وهذه الدابة وهذا الطير شيئا من
الغيب ... ولعمري لو أن أحداً علم الغيب لعلم آدم الذي خلقه الله بيده وأسجد له ملائكته وعلّمه أسماء كل شيء وأسكنه
الجنة يأكل منها رغدا حيث شاء ونُهيَ عن شجرة واحدة فلم يزل به البلاء حتى وقع بما نهي عنه ، ولو كان أحد يعلم
الغيب لعلم الجن حيث مات سليمان بن داود عليهما السلام فلبثتْ تعمل حولاً في أشد العذاب وأشد الهوان لا يشعرون
بموته ، فما دلّهم على موته إلا دابة الأرض تأكل منسأته أي تأكل عصاه ، فلما خرّ تبينت الجن أن لو كانت الجن تعلم
الغيب ما لبثوا في العذاب المهين ، وكانت الجن تقول مثل ذلك : إنها كانت تعلم الغيب ، وتعلم ما في غد ، فابتلاهم الله
عز وجل بذلك وجعل موت نبي الله عليه الصلاة والسلام للجن عظة ، وللناس عبرة .

[Ghosts]

سمعت كتير أن موضوع الأبراج دة حرام لكن أعتقد أن مفيهاش حاجة يعنى لما نعرف السمات الشخصية للأبراج مع أبداء بعض النصائح للأشخاص اللى بينتموا للأبراج دى ....

يعنى مثلآ مولود برج الأسد عصبى شوية و علماء الأبراج بينصحوة أنة يبعد عن الأشخاص اللى بيحبهم وقت ما يكون عصبى عشان ميزعلوش منة ... يبقى أية الغلط أو الحرام فى كدة؟؟!!

[Screenplays]

الموضوع مش بالمزاج اي حاجة موجود فيها حكم مينفعش احنا نفتي فيه (لا اجتهاد مع نص) ومين الناس دي اللي شايفه انها حلال .... شيوخ يعني (اهل الاختصاص بالفتوى) ولا ناس من العامة ملهمش انهم يجتهدوا .... اما بالنسبة للفتوى اللي انت عاوزها اللي بتقول بحرمانيتها المفروض تكون قرأتها الاول قبل ما ترد على كلامي اللي كانت فيه.... بس مفيش مانع اجيبها لك تاني بس يارب تقرأها وتجيبلى انت بقى فتوى بجوازها من الناس اللي ذكرتهم

خلاص يا دكتور نيمو الابراج حرام

[Screenplays]

سمعت كتير أن موضوع الأبراج دة حرام لكن أعتقد أن مفيهاش حاجة يعنى لما نعرف السمات الشخصية للأبراج مع أبداء بعض النصائح للأشخاص اللى بينتموا للأبراج دى ....

يعنى مثلآ مولود برج الأسد عصبى شوية و علماء الأبراج بينصحوة أنة يبعد عن الأشخاص اللى بيحبهم وقت ما يكون عصبى عشان ميزعلوش منة ... يبقى أية الغلط أو الحرام فى كدة؟؟!!

مش عارف و الله ... انا جالي استبحس نفسي خلاص

[me_medoo]

يا أسكـرين يا حبيبي ... وسـع صدرك ... وخليك مرحب بجميع الاراء ...متقفش بسرعه كده يا غالي ... تقبل الرأي والرأي الاخر ... حبيبي يا أسكرين .
و
dr.nemo

عزيزي يا دكتور نيمو... انا قريت الاحاديث الي نقلتها حضرتك ... بس جميعها بيتكلم عن شيء أخر بعيد عن موضوعنا هنا الي أحنا بنتكلم بيه ..

فتتلخص وتتحدث هذه الاحاديث عن ( الكهنة والعرافين وَ النجوم والسحـر وَ علم الغيب ) ، وكلنا نعرف أن الله هو وحده عالم الغيب عز وجـل ... ومقتنعون بهذا الكلام 100%

@@@@@@@@@

أحنا هنا يا عزيز بنتكلم عن صفات مشـتركة في بعض الناس وليس حظهم اليوم ... أومال في الطريق أليك ...

@@@@@@@@

بمعنــى : أنه هذا علم مبني على الملاحـظة ... ملاحظة صفات الناس الي بيتولدوا من كذا لكذا بتبقى فيهم صفات مشتركة كذا وهكذا ... بمعنى انا لو قلتلك ان الناس الي بيتولدو في شمال جمهورية مصر العربية الي هما الاسكندرنية ... بيتميزو انهم بيمطوو الكلام ويقلك (ئيووووووه ياجدعان ) فهل هذا سحر او قرائة للكف أو قرائة النجوم والفلك .

لو قلتك الناس الي بيتولدو في جنوب الجمهورية بيتميزوا بالبشرة الغامقة ... والعصبية والتار ومالتار ... ومسلحين ... وليهم لغوة معينة فهل هذا دخول في علم الغيب ...في علم الاجتماع حتى بيقلك (المكان والزمان ) لهم تأثير على الانسان .


@@@@@@@@@@@@@@@@@@

فلو قلت لحضرتك مثلاً الناس ألي أتولدوو في سنة كذا زمان كانو بيلبسوا طرابيش وكانت الستات في منهم بيلبسوا ملاية لف وكان بيركبوا عربيات حنطور (كريته ) ... فهل هذا دجل أو شعوذة .. ؟

طيب لو قلت لحضرتك أن الناس الي بيتولدو في شهر كذا بيتميزوا انهم ناس بيلبسو كذا ... وبيحبو كزا ... وبيبقى شداد في حاجة ومرنين في حاجة تانية ... وبيتمتعوا بصفات معينة فليه هنا بقى نقول عليها شعوذة ودجل ؟

@@@@@@@@@@@@@@@@@@@

فهنا الموضوع بعيد خالص عن الحظ ... او التنجيم ... ولكن هو علم مبني على الصفات المرأية والتي يلاحظها اي انسان في اي انسان ...

@@@@@@@@@@@@@@@@@@@


نقطـة أخـــــرى

بالنسبة لتوافق الناس مع بعضها أو ما يسمى (توافق الابراج)
في ناس كتير متجوزة وتلاقي ده من برج ودي من برج .. والي احنا بنسميها بالعامية او بالبلدي كده هو في وادي ومراتو في وادي أخــــــر ... مفيش تفاهم لأن طبيعتهم مختلفه وافكارهم مختلفه جداً ومش قادرين يتفهموا بعض ... مش قادرين يتعايـشو مع بعض وبينتج عنها الطلاق في النهاية ان مقدروش يصبروا علشان العيال ... مش بنقول لأ لازم يطلقوا لالالالالالا أطلاقاً ... بس تقدر تقلي كام زوج بينام في غرفة وبيخلي مراتوا تنام في غرفة تانية ومش طايقهاااا بتاتاً ... مع انها معملتهوش حاجة وبتتمتع بقدر كبير من الجمال ... بس هو مش طايقها ولا هيا طايقاه بالذات بعد ماعرف طبيعتها وهيا عرفت طبيعتوا ... لذلك بنقول يا جماعه في فترة الخطوبة أعرف الطرف الاخر جيداً أعرف صفاتوا اعرف طبيعتوا ومتتجوزوش كده وخلاص ... لمجرد انها جميلة ومن اسرة كريمة وطيبة ... واهل البنت يقولوك اصلوا شغال مش عارف فين وعندو شقة وعربية مش عارف اخر موديل ... في حين أن عقل ده لايمكن يركب على عقل دي بتاتاً ، مثلاً واحدة متسلطة وقوية الشخصية (برج الاسد) ومتحكمة بكل شيء (طبيعتها كده ) وواحد بيعشق الحرية وميحبش التسلط أي برج تاني مثلاً هوائي ... تقدر تقول هيستمر جوازهم ازاي مع كم الخلافات الي بينهم !!!!!


@@@@@@@@@@@@

ياسيدي الفاضل الناس أنواع
في منهم الهوائي بيعشق الهوى بيعشق الحرية
وفي منهم الترابي

هوى + تراب = (حياة كلها عفار )
هوى + ماء = (حياة كلها بقاليل )
هوى +نار = (زيادة في أشتعال النار وحرق الهوى )

هوى + هوى = (قوة الهوى ونسمة عليلة )

@@@@@@@@

ده على مستوى لو ركبت حد جمبك العربية وانتا هاوائي بتحب الهوى وهو عقرب مثلاً مبيحبش الهوى .. تلاقيه يقلك ارجوك اقفل الهوى بيتعبني ... وانتا تقولوا ارجوك انا بتخنق من الاماكن المغلقة ... وهكذا ..

@@@@@@@@@@

وتحياتي
وأسف على الاطالة .

[hazemhassan]

المرأة الاسد صعبة الترويض جدااااااااااااااااااااا غير انها من برة هلا هلا (قوية و ناشفة و مستغنية) و من جوة يعلم الله (انثى ضعيفة محتاجة الراجل) .....


بس من الاخر لازم تكسرها ........ ماعرفتش تكسرها هتعيش ايام سودة ......

نكسر ياشا للاحتياط
انا مجنون اصلا

هي مش صعبه الترويض للدرجه دي علي فكره و بعدين مش موضوع كسر ... الموضوع اهتمام و تفهم لاحتياجتها ... الموضوع مش صعب و لا حاجه

دول اكتر حاجة بنفضلهم بنفضل فى مشاكل
بهتم بيهم يتبقى مسالمه جدا

[me_medoo]

تكسر مين ياباشا ... دي اسمها المرأة الاسد هو في أسد يتكسررررر نهائي حل المرأة الاسد انك تقلها حاضر وتحت امرك وياجللتك وياعظمتك وتحسسها انها اسد وملكة البيت ... مع الاسف ملهاش حل تاني غير كده ربنا يكون في عونك يا حازم باشا بس اوعه اوعه ثم اوعه تستسلم لها وتكتب الشقه باسمها مهما كانت الاسباب وبرضو النصيحة دي موجهة لجميع الازواج حتى لو كنت بتبحها وبتموت فيها وهيا بتحبك ساعت غضب او لحظت طيش هتقولك دي شقتي وانا حررررررة

وايضاً من ضمن. حلول الحلوة للمرأة الاسد اذا شفتها بتزئر وبتزعق ئزئر معها وعلي صوتك اكتر منها وبطبقة اقوى منها .... ونصيحة اخرى خليك ماشي معاه ودور على اي واحد اضعف منك واتخانق معاه واضربواااا ورنو حتت دين علقه علشان تعجب بيك اكتر او لاغي اي شب كده ب ١٠٠ جنية وقلوا عاوزك تعاكسها وانا هضربك وليك ياعم ١٠٠ جنية تانية بعد ما تضرب وتعرف تمثل كويس دور المضروب ساعتها هتعجب بيك قوي مرئة الاسد هههههههههههه مش بقلوكم مفيش احسن من المرئة الميزان هههههههه

[ahmad--ezzat]

الابراج ماهي الا فكاهه معلومات يقال انها بتمثل شخصيتك منها بتكون صح ومنها بتكون غلط

يعني لاعلم ولانيله

كله هجس في هجس بدليل ان فيه مواصفات في ابراج تانيه منطبقه عليا كشخص

يعني مثلا عشان اعرف شخصيه النبي صلي الله عليه وسلم او الصحابه افتح ابراج وافراها

لا طبعا

وفي الاول والاخر تسليه لا اكتر ولا اقل

واللي بيفتح حظك اليوم والكلام ده

طبعا دجل في دجل

والله اعلم

[mody3on]

اعتقد والله اعلم ان الحرام هو التنجيم , بمعنى يقولك انت عذراء يبقى هيحصلك كذا وكذا
انما الصفات دي معرفش الله اعلم بقى بس اعتقد انها بتبقى صحيحة في اغلب الاحيان ( بعيداً عن شرعيتها من اصله )
ورجاء اللي مش مسلم ميفتيش كمان ويقول انها مش حرام , حضرتك مع احترامي ليك اتكلم في دينك :)