اخيرا اتخرجت يا رجالة !! ياترى هلاقي شغل ولا هقعد على القهوة ؟؟

[Ahmod]

السلام عليكم ورحمة الله وبركاته

بعد اكتر من 15 سنة طحن في التعليم

اخيرا الواحد هيقول باي باي للتعليم والمذاكرة وايامها

كانو خمس سنين عذاب في الكلية والحمد لله ان الواحد اتخرج على خير

الواحد مش مصدق انه خلاص مش هيفتح كتاب تاني ولا هيلاقي بعد كام يوم Quiz ,, Midterm !!!

مع ان برضوا ايام الجامعة كانت جميلة وماتتعوضتش

بس برضوا كنا بنطحن طحنة السنين والتنانين في الامتحانات والمواد الغريبة اللى كنا بناخدها والحمد لله ان الواحد اتخرج على خير

الحمد لله اتخرجت من كلية صيدلة التقدير العام جيد وامتياز في مشروع التخرج

انا حاليا شغال في شركة جرافكس - Web Designer & Coder

بس ده طبعا مش هيكون شغلي الاساسي لان لازم اشتغل بالشهادة اللى الواحد اتخرج فيها بجانب الشغل في شركة الجرافكس فده هيساعد ده عشان الواحد يعرف يبني مستقبله كويس

قدامي كذا مجال ممكن اشتغل فيه بجانب شغلي الحالي وحابب اخد رايكم

اما اقف في صيدلة - اشتغل في مصنع ادوية - او مندوب في شركة ادوية

بالنسبة ليا رافض موضوع اني اقف في صيدلية حاسس ان مالهاش مستقبل كذلك المرتب ضعيف

المصنع سمعت انه الشغل فيه متعب وفي نفس الوقت برضوا مرتبه على قده

بفكر جديا اني اشتغل في شركة ادوية مندوب -- خصوصا ان اختي شغالة في المجال ده بقالها كذا سنة وهتساعدني فيه بشكل كبير

الى جانب اني نزلت فيه تدريب وعارف نوعا ما الدنيا هناك ماشية ازاي

والواحد بيستلم عربية والدنيا بتبقى حلوة

بس برضوا فيه ناس خوفتني وقالتلي هتحرق بالمرتب كله وهتلاقي اخر الشهر مش معاك ولا شلن !!

يعني الشغل كمندوب مرتبه عالي لكن بيبقى معاك Target معين المفروض تبيعه ولو مابعتش مرتبك بيتخصم !! فبتضطر انك تبيع للمخازن بسعر اقل من سعر السوق عشان تقدر تحقق ال Target بتاعك

وطبعا بتدفع الفرق من جيبك !! فبتيجي اخر الشهر تلاقي نفسك دافع يمكن اكتر من تلت اربع المرتب !! ؟

فانتو ايه رايكم ؟

وايه نصايحكم بالنسبة للانتقال من حياة الجامعة والمذاكرة للمسئولية والشغل والمستقبل ...

[wallace]

الف مبروك يا أبو حميد

متتصورش أنا فرحتلك أد أيه ,أنا عارفك من زمان جداً من أيام ترايدنت قبل متبقي مشرف وقبل منتداك :)

ما شاء الله عليك مصمم مميز وياما أفدت الناس وأنا منهم

أما بالنسبة لرأيي إنك تاخدلك كدا بريك كويس وتفضل مستمر في مجال الديزاين وأنا عن نفسي بميل لجانب إنك تكون صيدلي ولو حتي علي سبيل الخبرة في الأول وبعد كدا مع الوقت هتقدر تحدد هدفك القادم ..

بالتوفيق يا أبو حميد

[SAMEH_FOUAD]

الف الف مبروك يابو حميد وعقبال ان شاء الله لما تشتغل فى شغل مناسب يكون مريحك نفسيا ومديا انت تعبت جدا فى الكلية فان شاء الله هتلاقى تعبك دة

وعموما شغل الجرافيكس مش وحش كمل فية وممكن تبقى تقف فى صيدلية بحيث انك ماتنساش اللى انت درستة , وعموما ياباشا ربنا يوفقك ان شاء الله لما فية الخير بس انت عارف الشغل فى مصر غير الكلية اللى انت اتخرجت منها خالص دة مالوش دعوة بدة

[lanos2004]

افتح محل بقاله للادويه هتكسب دهب-طبعا لو هتبيع ترمادول- وفياجرا طبعا-لو مش هتبيع يبقه اقفلها-
مبرووووووووووووووك يا ابو حميد
اشتغل فى اى شركه ادويه افضل
انته معاك عربيتك-ودى ميزة كويسه

[Ahmod]

الف مبروك يا أبو حميد

متتصورش أنا فرحتلك أد أيه ,أنا عارفك من زمان جداً من أيام ترايدنت قبل متبقي مشرف وقبل منتداك :)

ما شاء الله عليك مصمم مميز وياما أفدت الناس وأنا منهم

أما بالنسبة لرأيي إنك تاخدلك كدا بريك كويس وتفضل مستمر في مجال الديزاين وأنا عن نفسي بميل لجانب إنك تكون صيدلي ولو حتي علي سبيل الخبرة في الأول وبعد كدا مع الوقت هتقدر تحدد هدفك القادم ..

بالتوفيق يا أبو حميد

يااااااااااااااه من ايام ترايدنت

والله زمان يا راجل فكرتني بترايدنت وايامه !!

كانت ايام حلوة اوي بس الكلام ده من زمان ده انا بقالي يمكن تلت اربع سنين مش بدخل ترايدنت خالص !!

ايامها كان المصمم ليه اسمه والتصميم بيتباع بتلت واربع الاف ريال !!!

المجال اضرب خلاص وكل من هب ودب بقى بيصمم واسعار التصاميم وصلت ل 150 ريال !!

الواحد مش عايز يبني حياته او مستقبله اعتمادا على موضوع شركات الجرافكس لاكتر من سبب

مشكلة شركات الويب عموما ان الشغل فيها بيبقى من غير عقد

وطالما الشغل من غير عقد وارد في اي لحظة صاحب الشركة يقولك مع السلامة !!

ودي حصلت كتير مع ناس كتير اعرفه على مدار الخمس سنين اللى اشتغلتهم في مجال الجرافكس وفي 4 شركات مختلفة ودايما يحصل خلافات مع الموظفين مع صاحب الشركة

واحيانا كمان الشركة نفسها هي اللى بتقع وده حصل قبل كدة مع شركة كنت شغال فيها من حوالي تلت سنين !!

فصعب الواحد يكون مثلا رب اسرة وفاتح بيت وفجاءة يطرد من الشغل !! ؟ ويتسوح

فانا في دماغي موضوع شركات الجرافكس ده كحاجة بتساعد الواحد في بداية حياته لكن ماقدرش اعتمد عليها بشكل اساسي

والله يبارك فيك يا باشا ربنا يخليك

الف الف مبروك يابو حميد وعقبال ان شاء الله لما تشتغل فى شغل مناسب يكون مريحك نفسيا ومديا انت تعبت جدا فى الكلية فان شاء الله هتلاقى تعبك دة

وعموما شغل الجرافيكس مش وحش كمل فية وممكن تبقى تقف فى صيدلية بحيث انك ماتنساش اللى انت درستة , وعموما ياباشا ربنا يوفقك ان شاء الله لما فية الخير بس انت عارف الشغل فى مصر غير الكلية اللى انت اتخرجت منها خالص دة مالوش دعوة بدة

الله يبارك فيك يا سامح

هو زي ماقلت كدة بالظبط موضوع شركات الجرافكس مش هقدر اعتمد عليها بشكل رئيسي

فعشان كدة لازم الشغل الرئيسي يكون بالشهادة وبعقد وتامين وغيره

فموضوع اني اقف في صيدلة برضوا مالوش طموح وحاسس انه مالوش مستقبل عشان كدة مستبعده

[lanos2004]

اوعه تقف فى صيدليه يا ابو حميد هزعل منك والله

[GMC]

حديك الخلاصه ,,, سافر بره مره لو تقدر

[MASERATI]

السلام عليكم و رحمة الله و بركاته

هو أنت ليه مابتفكرش فى السفر بره مصر ؟؟؟؟

أنا مش صيدلى, بس متهيألى, أنه مرتبه يبقى أفضل من الشغلانتين اللى أنت اتكلمت عليهم.

[wallace]

يااااااااااااااه من ايام ترايدنت

والله زمان يا راجل فكرتني بترايدنت وايامه !!

كانت ايام حلوة اوي بس الكلام ده من زمان ده انا بقالي يمكن تلت اربع سنين مش بدخل ترايدنت خالص !!

ايامها كان المصمم ليه اسمه والتصميم بيتباع بتلت واربع الاف ريال !!!

المجال اضرب خلاص وكل من هب ودب بقى بيصمم واسعار التصاميم وصلت ل 150 ريال !!

الواحد مش عايز يبني حياته او مستقبله اعتمادا على موضوع شركات الجرافكس لاكتر من سبب

مشكلة شركات الويب عموما ان الشغل فيها بيبقى من غير عقد

وطالما الشغل من غير عقد وارد في اي لحظة صاحب الشركة يقولك مع السلامة !!

ودي حصلت كتير مع ناس كتير اعرفه على مدار الخمس سنين اللى اشتغلتهم في مجال الجرافكس وفي 4 شركات مختلفة ودايما يحصل خلافات مع الموظفين مع صاحب الشركة

واحيانا كمان الشركة نفسها هي اللى بتقع وده حصل قبل كدة مع شركة كنت شغال فيها من حوالي تلت سنين !!

فصعب الواحد يكون مثلا رب اسرة وفاتح بيت وفجاءة يطرد من الشغل !! ؟ ويتسوح

فانا في دماغي موضوع شركات الجرافكس ده كحاجة بتساعد الواحد في بداية حياته لكن ماقدرش اعتمد عليها بشكل اساسي

والله يبارك فيك يا باشا ربنا يخليك

بالظبط كدا ,انا كمان كنت شغال في المجال من 2006 تقريباً زي شباب كتير بدأوا علي دروس تركي وشباب ترايدنت والويب العربي و total training ,والحمد لله الشغل كان كويس بس لمدة سنتين وبعد كدا المجال زي منتا قولت الكل دخل فيه والتصميم بقا بيتباع مقابل دومين ولا حاجة :)

أنا مش ناسي زمان يمكن 2007 كنت بواجة مشكلة في توزيع تصميم وكلمتك علي تليفونك الأرضي وساعدتني كتير وقتها ومازلت شايلك الموقف دا وبشكرك عليه مرة تانية (متأكد إنك مش فاكر أي حاجة)

يالا هيا أيام ..

بص يا أحمد شغل التصميم دا مجال تتسند عليه ويعتبر شغل إضافي وإحتياطي واتجاه إنك تزود دخلك لكن مش أساس بالتأكيد

ولما قولتلك تشتغل في الصيدلية عشان بس تاخد خبرة وبعد كدا تحدد اتجاهك

أنا لما بدأت في مجال تكنولوجيا المعلومات أشتغلت حاجات كتير مختلفة لحد محددت أتجاهي ..

ربنا يوفقك يا جميل

[SYD]

الف مبروك يا احمد

الأول بس ريح كدة وخد نفسك
ماتقلقش
الحياة العملية هتطحنك اكتر من الكلية

فريح شوية واستعد للحياة

مبروك مرة تانية

[Egyzizo]

أحسن خيارين هما فتح صيدلية خاصة أو مندوب فى شركة أدوية.

[semi]

الف مبروك يافندم ومستغرب الجرافيكس شئ والصيدلة شئ تاني :)
نصيحة ركز في احد المجالين والاتنين راي انهم كويسين ما شاء الله
الديزاين تحفة ولو شغلت فيه دماغك هتاخد مرتبات محترمة
ولو انت ديزاينر محترف ممكن يكون بينا شغل :)
وفي مجال شهادتك انت ليه مش بتفكر تفتح صيدلية
ليه مش يكون ده طموحك ان شاء الله حتى عندكم بالمنطقة وحاجه صغيرة مش كبيرة
اشتغل دلوقت بصيدلية واتعلم وبعدين افتح صيدلية
كمشروع مربح لان افضل ما في مهنة الطب والصيدلة ان الناس مش بتبطل تعيا :)

[Mostafa.Ismail]

انا مش فاهم منين كل من هب ودب دخا مجال الديزاين وانت حضرتك اصلا صيدلى؟!!!

[Ahmod]

افتح محل بقاله للادويه هتكسب دهب-طبعا لو هتبيع ترمادول- وفياجرا طبعا-لو مش هتبيع يبقه اقفلها-
مبرووووووووووووووك يا ابو حميد
اشتغل فى اى شركه ادويه افضل
انته معاك عربيتك-ودى ميزة كويسه

يابوحميد الترامودل والتامول والابترل واخوتهم موجودين من غير حاجة يا معلم

انت بس شاور

اوعه تقف فى صيدليه يا ابو حميد هزعل منك والله

ماتقلقش شايل الموضوع ده من دماغي خالص

حديك الخلاصه ,,, سافر بره مره لو تقدر

السلام عليكم و رحمة الله و بركاته

هو أنت ليه مابتفكرش فى السفر بره مصر ؟؟؟؟

أنا مش صيدلى, بس متهيألى, أنه مرتبه يبقى أفضل من الشغلانتين اللى أنت اتكلمت عليهم.

شوف انا قبل ماتخرج كنت بفكر جديا في اني اسافر

بس رفضت الفكرة او شلتها من دماغي لاكتر من سبب

انا والدي استشاري امراض باطنة وطول حياته مسافر بيشتغل برة في الخليج

واللى انا اكتشفته ان للاسف اللى بيسافر برة بيرجع بيبدا من الصفر !! هترجع مش هيعجبك حال البلد وهتسافر تاني وهتفضل مقضي حياتك كلها في الغربة

وسعتها سنك هيكون كبر والمجالات قدامك هتبقى اقل بالذات كصيدلي كل ماسنك مابيكبر كل مابتبقى فرصتك في المصانع وشركات الادوية اقل

وغير كدة الصيادلة برضوا برة مرتباهم مش زي الدكاترة

والمرتبات بتاعتهم بتبقى محدودة نوعا ما

ومقارنة بمرتبات شركات الادوية هنا هتلاقي ان مرتبات شركات الادوية هنا كويسة اوي

ومستقبلها كويس بحيث انك ممكن تترقى مع الوقت ومرتبك يزيد ويعلى

فالواحد شايف انه يبدا من هنا حتى ولو براتب قليل ومع الوقت ربنا يكرمه ويفتحها عليه

احسن مايسافر ويتغرب ولما يرجع يلاقي نفسه بدا من الاول تاني

[Ahmod]

بالظبط كدا ,انا كمان كنت شغال في المجال من 2006 تقريباً زي شباب كتير بدأوا علي دروس تركي وشباب ترايدنت والويب العربي و total training ,والحمد لله الشغل كان كويس بس لمدة سنتين وبعد كدا المجال زي منتا قولت الكل دخل فيه والتصميم بقا بيتباع مقابل دومين ولا حاجة :)

أنا مش ناسي زمان يمكن 2007 كنت بواجة مشكلة في توزيع تصميم وكلمتك علي تليفونك الأرضي وساعدتني كتير وقتها ومازلت شايلك الموقف دا وبشكرك عليه مرة تانية (متأكد إنك مش فاكر أي حاجة)

يالا هيا أيام ..

بص يا أحمد شغل التصميم دا مجال تتسند عليه ويعتبر شغل إضافي وإحتياطي واتجاه إنك تزود دخلك لكن مش أساس بالتأكيد

ولما قولتلك تشتغل في الصيدلية عشان بس تاخد خبرة وبعد كدا تحدد اتجاهك

أنا لما بدأت في مجال تكنولوجيا المعلومات أشتغلت حاجات كتير مختلفة لحد محددت أتجاهي ..

ربنا يوفقك يا جميل

ياه ده احنا على كدة معرفة من زمان بقى وانا مش واخد بالي

هو انا فعلا مش متذكر اني اتكلمت معاك قبل كدة لان كان فيه ناس كتير بتتصل بيا

وانت دلوقتي سبت مجال الويب ولا شغال فيه ؟؟ ولو شغال شغال في شركة ايه ؟؟

اانا شغال حاليا في توب لاين اكيد عارفها

الف مبروك يا احمد

الأول بس ريح كدة وخد نفسك
ماتقلقش
الحياة العملية هتطحنك اكتر من الكلية

فريح شوية واستعد للحياة

مبروك مرة تانية

الله يبارك فيك

هو انا مش مستعجل ولا حاجة بس هو الواحد عموما اتعود على الشغل من صغره فمش بحب قعدة البيت

بحس بالملل والزهق فانا ان شاء الله مسافر اصيف كمان كام يوم كدة اسبوع ولا حاجة

ولما ارجع بإذن الله الواحد يبدا يشتغل وربنا يسهل ان شاء الله

أحسن خيارين هما فتح صيدلية خاصة أو مندوب فى شركة أدوية.

فتح صيدلة في الوقت الحالي مش هقدر للاسف لان مافيش ماديات

الا لو هطلب من الوالد وبصراحة حابب اني اعتمد على نفسي وكفايا على والدي انه علمني وصرف عليا لحد ماتخرجت !! مش هاجي كمان بعد ماتخرج اقوله يعملي صيدلية !!

فالاخيار الانسب اللى انا شايفه دلوقتي اني اشتغل مندوب في شركة ادوية

الف مبروك يافندم ومستغرب الجرافيكس شئ والصيدلة شئ تاني :)
نصيحة ركز في احد المجالين والاتنين راي انهم كويسين ما شاء الله
الديزاين تحفة ولو شغلت فيه دماغك هتاخد مرتبات محترمة
ولو انت ديزاينر محترف ممكن يكون بينا شغل :)
وفي مجال شهادتك انت ليه مش بتفكر تفتح صيدلية
ليه مش يكون ده طموحك ان شاء الله حتى عندكم بالمنطقة وحاجه صغيرة مش كبيرة
اشتغل دلوقت بصيدلية واتعلم وبعدين افتح صيدلية
كمشروع مربح لان افضل ما في مهنة الطب والصيدلة ان الناس مش بتبطل تعيا :)

الله يبارك في حضرتك

هو بالفعل فيه ناس كتير بتستغرب لكن موضوع الجرافكس ده بدا كهواية ايام ماكنت في اولى ثانوي

بعدها خدت كورس HTML تبع المدرسة بعد كدة بدات ادخل على الانترنت واحمل ال Tutorials وحبة في حبة الواحد بدا يتعلم وياخد خبرة

لحد ماربنا كرمني بشغلانة في شركة مجموعة القطري من حوالي خمس ست سنين تقريبا

ودي خدت فيها خبرة جامدة اوي لان كان فيها ناس محترفة جدا وكانت تقريبا من اقوى شركات الويب على مستوى الوطن العربي

بعد كدة من شركة للتانية للتالتة والواحد الحمد لله بقى معروف في المجال

وانا طبعا يشرفني اني اشتغل مع حضرتك لكن انا Coder محترف اكتر مانا Designer محترف !! التصميم عموما ماقدرش اقول على نفسي محترف فيه قد مانا محترف في ال Coding بكافة انواع وطرقه "Java...... - Jquery - Css"

الصيدلية انا فكرت فيها طبعا لكنها مكلفة وانا كواحد لسه متخرج هيبقى برضوا صعب اني اكون قادر على فتح صيدلية

تاني حاجة الصدلية عايزة تتفتح في مكان فيه رجل كتير عشان تكسب فبرضوا عشان تلاقي منطقة حيوية ومافيش فيها صيدليات هتتعب وهتدور كتير

انا بفكر في الموضوع طبعا لكن مستقبلا ان شاء الله

انا مش فاهم منين كل من هب ودب دخا مجال الديزاين وانت حضرتك اصلا صيدلى؟!!!

اقول لحضرتك

مجال الويب ديزاين عموما بيعتمد على الخبرة والممارسة اكتر مابيعتمد على الشهادة

انا لما كنت شغال في مجموعة القطري قدام عيني واحد مهندس كومبيوتر جيه وعمل Interview وماقبلهوش !!

واكتر من 90% من موظفين الشركة كانو كلهم شهادتهم ليس لها اي علاقة بالكومبيوتر او الديزاين

وكتير بقعد مع ناس خريجين حاسبات ومعلومات وهندسة كومبيوتر وفنون جميلة

وكلهم مستواهم اقل بكتيير اوي من مستوى اي واحد اشتغل في شركات رسمية وعنده خبرة

لكن انا لما قلت كل من هب ودب دخل المجال انا كنت اقصد ان من حوالي ست او سبع سنين تقريبا

كان المصممين عددهم قليل والشركات عددها قليل واللى بيفهمو في المجال وبيشتغلو فيه قليلن

بالتالي الاسعار كانت غالية والتصميم كان بيوصل سعره ل 4 الاف ريال في بعض الشركات الرسمية الكبيرة زي ترايدنت !!

مع الوقت ومع رخص اسعار الدومينات والسيرفرات بدات الشركات تكتر

بقى سهل جدا لاي واحد انه يحجز دومين واستضافة ويفتح شركة !! يبقى الواحد لسه يدوب متعلم الفوتوشوب من شهرين ويعمل شركة ويقولك انا مصمم وبعمل وبسوي

وبدات عمليات النصب تكتر خاصا لان التعامل اغلبه من الويب فمافيش ضمان لحق المستخدم

ومن هنا الاسعار بدات تنزل تنزل تدريجي وبدات الناس تتجه للشركات ال local اللى لسه فاتحة نظرا لرخص اسعارها

ومابقاش ينفع التصميم يتباع ب 4 الاف ريال وفيه شركات بتبيعه باقل من 200 و 300 ريال !! ؟

هتقولي فرق الجودة وفرق التصميم والاخراج هقولك ماشي بس برضوا مش كل الناس بتفكر كدة

والشركات الرسمية برضوا كترت والمجال عموما بقى فيه ناس كتير ومابقاش زي الاول

منهم المحترف ومنهم المتوسط ومنهم اللى على قده

واللى متابع المجال ده من زمان هيعرف انا اقصد ايه بكلمة كل من هب ودب دخل التصميم وفتح شركة لان فعلا جيه وقت من الاوقات كنت بشوف العجب !!

بيبقو اصحاب شركات وفاتحين شركات وتلاقيهم جايين في اركان المشاكل والحلول بتاعة ترايدنت بعضويات تانية ويقولو عندنا مشاكل في الاستايل ومش عارفين نحلها !! ؟

من هنا حتى لو انت كنت متابع ترايدنت عملت قانون يمكن من حوالي اربع سنين بمنع كل العضويات التابعة للشركات بالمشاركة في اركان المشاكل

وقالت مش معقول يكون صاحب شركة بيضحك على الخلق وجاي يهايط في اركان المشاكل

فمجال الويب ديزاين عموما مابقاش زي الاول نهائيا