سوق العبور

[yalahwy2010]

انا عايز أروح سوق العبور يا رجالة
أروحله أزاى؟؟؟
وبصراحة انا عايز أجيب مانجة.........للخبراء بقى
أشترى أنواع ايه؟؟
وكمان انا عايز أخزن......تفتكروا لما المانجة بتبقى نية ......واسيبها تستوى.....بتبقى طعمها حلو برضه؟؟؟؟

[wael2sh]

أول طريق مصر اسماعيلية الصحراوي خليك في يمين الطريق هتلاقي نفق تنزله هيعديك الناحية التانية هتلاقي السوق على شمالك على طول و اليفط هتساعدك أما بالنسبة للمانجة هي أنواع كتيرة و طبعا كل نوع بسعر شوف المناسب ليك تحياتي

[yalahwy2010]

أول طريق مصر اسماعيلية الصحراوي خليك في يمين الطريق هتلاقي نفق تنزله هيعديك الناحية التانية هتلاقي السوق على شمالك على طول و اليفط هتساعدك أما بالنسبة للمانجة هي أنواع كتيرة و طبعا كل نوع بسعر شوف المناسب ليك تحياتي

النفق ده اللى هو نفق العبور....صح؟
لو هو؟.....انا لما بنزله.....بلاقى دخلة يمين.....أو بكمل علطول لكارفور....صح كدة؟؟؟
انا بقى المفروض أدخل يمين......هلاقى السوق على شمالى
هناك بقى أقدر ألاقى أماكن لركن العربية وكدة ......ولا ايه الأخبار

[alrabeh]

الأنواع اللى بتتخزن بتنزل فى نهاية الموسم أوائل شهر تسعة وهى
بيض العجل - كيت دول أحجامهم كبيرة وكلهم لحم وطعمهم لا يعلا عليه

ولا أنصحك بسوق العبور الا لو عارف تاجر هناك
لما تشترى من برة وتنقى من واحد تعرفه أفضل من إنك تشترى القفص ويكون فيه حلو ووحش وممكن تتخم فى الوزن وكمان بتدفع وزن وضريبة على كل قفص

[yalahwy2010]

الأنواع اللى بتتخزن بتنزل فى نهاية الموسم أوائل شهر تسعة وهى
بيض العجل - كيت دول أحجامهم كبيرة وكلهم لحم وطعمهم لا يعلا عليه

ولا أنصحك بسوق العبور الا لو عارف تاجر هناك
لما تشترى من برة وتنقى من واحد تعرفه أفضل من إنك تشترى القفص ويكون فيه حلو ووحش وممكن تتخم فى الوزن وكمان بتدفع وزن وضريبة على كل قفص

اصل التجار سفاحين خالص
وانا سمعت ان سوق العبور بتبقى أسعاره حلوة.....ورخيص
بس هو ما ينفعش اشترى قطاعى من العبور........لازم جملة؟؟؟

[alrabeh]

الأسعار الحلوة بتبقى فى المزادات اللى بتتعمل فى الفجر للتجار غير كده الأسعار مش حتفرق حاجة عن برة لما تفتح القفص وتلاقى القفص مشكل حلو ووحش
بص فيه عندك أسواق أسعارها حلوة زى سوق الخلفاوى فى شبرا وسوق الحى العاشر فى مدينة نصر بس الخلفاوى أفضل
أنا كلامى عن تجربة وأنا من النوع اللى بحب أشترى أحسن حاجة بأحسن سعر
ونوعين المانجة دول حتدعيلى لما تاكلهم