عايز اعمل مصنع بلاستيك

[ghost11]

السلام عليكم ورحمه الله وبركاته
انا ناوى اعمل مصنع بلاستيك إن شاء الله فلو حد يعرف حاجه عن المشروع ده يا ريت يفيدنى وتقريبا راس مال المشروع انا عندى المكان ارض مساحتها 130 متر بس مش عارف المكن تكلفته كام دلوقتى انا عايز اتخصص فى الشنط البلاستيك اللى بنستعملها الابيض والالوان وشنط الزباله يا ريت مساعده يا اجدع شباب فى احلى منتدى

[yousef1978]

كام ملاحظة على السريع

1- الأفضل إنك تشتغل في التوزيع الأول وتتفق مع عدة مصانع توزعلهم كمية لغاية ما تضمن قدرتك على توزيع كميات معتبرة قبل ما تفتح مصنع

2- أنصحك ما تشتريش ماكينات او مواد عن طريق البنك بأقساط ولو مريحة وعن تجارب ناس قدام عيني دخلوا بعكوكة البنوك وما طلعوش منها

الواحد فيهم ييجي موعد القسط وما يكونش باع أو مالمش فلوس فالبتك يجدوله القسط بفائدة جديدة وبعد كام مرة يضطر يبيع بسعر أقل ويرجع يلاقي ما فيش مكسب ودواليك والبنك يرفض يديله قرض جديد وما يلاقيش عنده خامات كافية علشان يفرش أرضية في السوق ويلاقي نفسه مقترض من أكثر من بنك ودوامة لا تنتهي

3- ممكن لو إطأننت إنك قادر على توزيع اكثر من الإنتاج بتاعك - تشتري مصنع مستعمل من واحد عاوز يكبر مصنعه وده هيوفر عليك كتير


وربنا يكرمك وييسرلك كل خير




.

[ghost11]

[QUOTE=yousef1978;3874421908]كام ملاحظة على السريع

1- الأفضل إنك تشتغل في التوزيع الأول وتتفق مع عدة مصانع توزعلهم كمية لغاية ما تضمن قدرتك على توزيع كميات معتبرة قبل ما تفتح مصنع

2- أنصحك ما تشتريش ماكينات او مواد عن طريق البنك بأقساط ولو مريحة وعن تجارب ناس قدام عيني دخلوا بعكوكة البنوك وما طلعوش منها

الواحد فيهم ييجي موعد القسط وما يكونش باع أو مالمش فلوس فالبتك يجدوله القسط بفائدة جديدة وبعد كام مرة يضطر يبيع بسعر أقل ويرجع يلاقي ما فيش مكسب ودواليك والبنك يرفض يديله قرض جديد وما يلاقيش عنده خامات كافية علشان يفرش أرضية في السوق ويلاقي نفسه مقترض من أكثر من بنك ودوامة لا تنتهي

3- ممكن لو إطأننت إنك قادر على توزيع اكثر من الإنتاج بتاعك - تشتري مصنع مستعمل من واحد عاوز يكبر مصنعه وده هيوفر عليك كتير


وربنا يكرمك وييسرلك كل خير




.
انا بجد متشكر جدا على النصايح الغالية دى بس كنت عايز اعرف الالات تكلفتها كام لو هاجيبها جديدة ولو مستعمل وايه افضل الانواع

[MaZaGAngeE]

انا اقدر اساعدك في كربونات الكالسيوم المعالجة أو الفيلر
أول ما تبدأ قولي و انا اظبطك

[ghost11]

طب ما ترسينى على الموضوع يا مزاجنجى وايه هو كربونات الكالسيوم المعالجه والفيلر ده انا معنديش خبرة بصراحه يا ريت تفهمنى

[MaZaGAngeE]

طب ما ترسينى على الموضوع يا مزاجنجى وايه هو كربونات الكالسيوم المعالجه والفيلر ده انا معنديش خبرة بصراحه يا ريت تفهمنى

انا مفهمش في البلاستيك
لكن من الاضافات اللي بتدخل في صناعة المواسير البلاستيك الفيلر او كربونات الكالسيوم المعالجة و انا بعملها بجودة عالية و اسعار كويسة جدا بالمقارنة بالمصانع المنافسة اللي بتشتغل بالمواصفات القياسية

و الكربونات بتضاف للمواسير لزيادة الصلابة و النعومة و البياض و تقليل تكاليف الانتاج

[MaZaGAngeE]

شوف الموقع ده هيفيدك :
بلاستيك العرب - الصفحة الرئيسية
[url=http://plastics4arab.com/forum/index.php]

[yousef1978]

والله يا أخي الكريم انا ما عنديش خبرة في الموضوع ده - أنا كنت سألت زمااااان علشان أعمل مصنع لكن ما كملتش في الموضوع

وخصوصا لما لقيت ناس كتيرة للأسف متورطه وعايشه في دوامة البنوك وقبل جلسات المحكمة يتهربوا لغاية ما يتم نقض الحكم وحالتهم بهدلة

علشان كده بأتمنى إنك لو معاك عشرة جنيه تشتري الأجهزة بإتنين جنيه والمواد بخمسة جنيه وتخلي ثلاثة جنيهات للرواتب وباقي المصارييف اللي ممكن تطرأ علشان لا قدر الله لو السوق مش مساعد يبقى عندك مواد كافية تمشيك وتخليك تفرش أرضية في السوق براحتك

المشروع ده بالذات مبني على فرش أرضية وإنتظار مدد طويلة نسبيا لجمع مستحقاتك وكمان هتضطر تشوف ناس في الأقاليم شغالين في التوزيع وتضطر تديهم كميات كبيرة بالآجل وبشيكات علشان يشغلوك


طبعا معلوماتي مش أكيدة ومش حاسمة وإن شاء الله تلاقي حد عنده خبرة عملية يفيدك أكتر مني

تحياتي

[MohammedAladel]

إوعى تبدأ أى مشروع لمجرد إن الفكرة عاجباك وإن مثلا مكسبه كويس أهم حاجة التعامل والخبرة لازم يكون عندك خلفية عن المشروع بالكامل وتكلفته وزى ما قال العضو الكريم أهم حاجة هتواجهك إزاى تسوق وأصعب حاجة لو عرفت تاخد مكان فى السوق هتشتغل تمام بس أنا نفسى أعرف إيه فكرة صناعة الأكياس البلاستيك ؟

[ghost11]

إوعى تبدأ أى مشروع لمجرد إن الفكرة عاجباك وإن مثلا مكسبه كويس أهم حاجة التعامل والخبرة لازم يكون عندك خلفية عن المشروع بالكامل وتكلفته وزى ما قال العضو الكريم أهم حاجة هتواجهك إزاى تسوق وأصعب حاجة لو عرفت تاخد مكان فى السوق هتشتغل تمام بس أنا نفسى أعرف إيه فكرة صناعة الأكياس البلاستيك ؟

انا بصراحه معنديش خبرة فى موضوع البلاستيك بس باحاول اجمع بيانات على قد ما اقدر وده لانى مقيم بره مصر وفكره صناعه الاكياس هى من خلال استخدام مادة البولى ايثيلين فى عمليات البثق واستخادم 3 مكائن متخصصه لصناعة الشنط اولهما ماكينة البثق وثانيهما ماكينة التقطيع والثالثة المقص يا ريت لو حد عمل المشروع ده يصحح لى كلامى ويحاولى يفيدنا كلنا

[yousef1978]

انا بصراحه معنديش خبرة فى موضوع البلاستيك بس باحاول اجمع بيانات على قد ما اقدر وده لانى مقيم بره مصر وفكره صناعه الاكياس هى من خلال استخدام مادة البولى ايثيلين فى عمليات البثق واستخادم 3 مكائن متخصصه لصناعة الشنط اولهما ماكينة البثق وثانيهما ماكينة التقطيع والثالثة المقص يا ريت لو حد عمل المشروع ده يصحح لى كلامى ويحاولى يفيدنا كلنا

أتمنى كلامي ما يوقفش طموحك وحماسك

أنا بردو عايش بره مصر

لكن المقاييس في مصر مختلفة تمااااااااااااااااااما - ممكن حضرتك تفتح مشروع بره وتلاقيه ماشي بسلاسة جدا لكن في مصر تلاقي نفسك في مقاييس غريبة وعقبات غير متخيلة

وحسب علمي واللي شفته عمري ما لقيت حد نجح بمجرد فكرة - كل اللي نجحوا نجحوا بالنحت في الصخر وبدأوا من تحت الصفر وبعد ما ثبتوا أرجلهم في السوق نجحوا


لكن اللي بيعمل فكرة جامدة وتكنولوجيا وكده وفاكر إنه هيكتسح - بيلاقي نفسه صرف اللي معاه وزيادة على التكلفة الإنشائية والثابته وقاعد مش قادر يتعامل مع السوق


خلي بالك كل مدينة في مصر فيها عدد من مصانع الأكياس وكل واحد صاحب مصنع وشغال كويس عنده القدرة المادية إنه يزود عدد الماكينات والعمال وده هيقلل من تكلفة المنتج النهائية - لكن مش قادر يعمل كده لأنه ما عندوش القدرة على التسويق بأكثر من كده

أنا وأنا شاب صغير اشتغلت في تسويق الأكياس وكنت بآخد كميات من تاجر بياخد من مصانع وشوفت الكلام دع عملي

أتمنى لك كل خير وربنا يوفقك للقرار الأصوب

[MaZaGAngeE]

اللي عايش بره مصر :::::::::::::::::::::::::::::::: اياك تعمل او تفكر او حتى تحلم بمشروع في مصر الا لما تنزل نهائي و تستقر في البلد
غير كده يبقى انت اللي معاك فلوس و عايز تطيرها في الهوا

[amrelsha3er]

اول ماتطلع انتاج قولى انا شغال فى مجال التوريدات وبعوز شغل بلاستيك بكميات

[ghost11]

انا طبعا مش هابدا المشروع الا لما استقر فى مصر
وعلشان كده عايز اعرف تكلفته فى حدود كام وهل اجيب معدات جديدة ولا مستعمله تفاديا لاى خسائر وحبيت ابيع المكن ما اخسرش
الواحد مش عايز يفضل طول عمره متغرب عايز يكون لى شغلى الخاص انا عجبنى كلام يوسف لما قالى ابدا فى شغل التوزيع الاول ودى فكره ممتازه لان اللى اهم من التصنيع هو تسويق المنتج وهى من اصعب ما يكون

[MaZaGAngeE]

لو ناوي تنزل مصر خلال سنتين يبقى لازم تبدأ من دلوقتي في بعض الاجراءات :

- اعداد دراسة جدوى
- التقديم على طلب ارض في منطقة صناعية
- استخراج التصاريح و الاوراق و التراخيص و اللذي منه

طبعا كل دي حاجات محتاجة وقت طووووووووووووووووووووووووووويل و محامي هيعملها مش انت فممكن تستفيد بالوقت في اجراء الورق ده كله .
بس خلي بالك انت لازم تبني خلال 3 سنوات بالكتير

انت ممكن في اي وقت تغير نشاط المصنع زي ما انت عايز و الموضوع مش مشكلة كبيرة يعني .
اهم حاجة ان الشغل بتاع المباني و المعدات و تشغيل المصنع تكون انت بنفسك موجود مش اي حد تاني
و لو كنت محتاج 300 الف للبداية اعمل حسابك على 600 الف عشان هتلاقي عفاريت بالهبل طالعة من تحت رجليك مش معمول حسابها ...