تحويل اموال الى رقم حساب خطا برجاء الافادة

[walidzakzok]

عملت تحويل من يومين عن طريق شركة صرافة لرقم حساب شخص فى مصر لكن اكتشفت اني اديتهم رقم حساب خطا (معكوس فيه رقمين) ولكن اسم الشخص المرسل اليه صح.....ياترى ايه الاجراء اللي المفروض اخده

ياريت اللي يعرف يفيدني بسرعة

[dede_dodo88]

هو في الغالب كده كده التحويل هيقف في البنك هنا عشان هيلاقوا في Mismatch بين أسم و رقم الحساب.. فأنت ممكن ترجع للجهة اللي أنت طلعت منها التحويل و شوف أمكانية تعديله, بس لو متاح أعتقد هيكون ليه مصاريف أضافية..

[walidzakzok]

هو في الغالب كده كده التحويل هيقف في البنك هنا عشان هيلاقوا في Mismatch بين أسم و رقم الحساب.. فأنت ممكن ترجع للجهة اللي أنت طلعت منها التحويل و شوف أمكانية تعديله, بس لو متاح أعتقد هيكون ليه مصاريف أضافية..

بس هل هو اكيد بيعملو ال match بين الاسم ورقم الحساب والا ممكن يعتمدوا على رقم الحساب بس؟ وشكرا ليك

[dede_dodo88]

بس هل هو اكيد بيعملو ال match بين الاسم ورقم الحساب والا ممكن يعتمدوا على رقم الحساب بس؟ وشكرا ليك

أنا مش هفتي عشان معرفش الصراحة نظام كل البنوك..
بس المفروض يعني في أي بنك كبير أنه يدخل الفلوس في حالة تطابق رقم الحساب مع الأسم.. و في أحتمال كمان أن تبديل رقمين مكان مع بعض يطلع رقم حساب غير موجود فالفلوس تقف.. و الصح اللي بيحصل في الحالة دي أن البنك بيرجع للجهة اللي بعتاله التحويل ده يطلب الحاجة الناقصة أو يراجع البيانات.. بس المفروض مش دايماً هو اللي بيحصل..
ده في بنوك بره كمان لما بتشك في أسم أو رقم حساب بتوقف التحويل و ترجع تطلب بيانات المستفيد كاملة زي الأسم الرباعي و عنوانه و رقم بطاقته..
أنت ممكن برضه تاخد السويفت بتاع التحويل من هناك و تتابع التحويل مع البنك هنا..
هو بنك ايه طيب ؟ .

[walidzakzok]

المشكلة انى محول لحساب فى بنك تعبان وهو بنك التعمير والاسكان

[Land_Cruiser]

كلم شركه الصرافة و فهمهم الموضوع و اعرف الموقف الحالى لعمليه التحويل و امكانيه وقف التحويل

[walidzakzok]

كلم شركه الصرافة و فهمهم الموضوع و اعرف الموقف الحالى لعمليه التحويل و امكانيه وقف التحويل

مهو دة اللي انا ناوي عليه بكرة ان شاء الله بس خايف البنك الغبي دة يعك الدنيا

وخليت صاحب الحساب يتابع بكرة ان شاء الله

المشكلة لو حولوا على رقم الحساب الغلط وتجاهلوا الاسم تبقى كدة مالهاش حل غير انى اروح ابوس ايد صاحب الحساب وانت عارف الناس بقى زمتها ايه دلوقتي

[alrabeh]

لو لقوا أى بيان مش مظبوط فى التحويل بيوقفوا التحويل ويرتد ما تقلقشى ان شاء الله

[Land_Cruiser]

مهو دة اللي انا ناوي عليه بكرة ان شاء الله بس خايف البنك الغبي دة يعك الدنيا

وخليت صاحب الحساب يتابع بكرة ان شاء الله

المشكلة لو حولوا على رقم الحساب الغلط وتجاهلوا الاسم تبقى كدة مالهاش حل غير انى اروح ابوس ايد صاحب الحساب وانت عارف الناس بقى زمتها ايه دلوقتي

ان شاء الله هتلاقى التحويل لم يتم و العمليه اتوقفت لاختلاف البيانات و علشان كده انا قلت لحضرتك اتأكد من حاله طلب التحويل فاذا كان اتوقف يبقى كده تمام و ان كان لسه ما اتعملش يبقى يوقفوه بس اغلب الظن انه اتوقف زى ما قلت لحضرتك

[medododo]

اطمن العملية مش هتم وهتترد على شركة الصرافة تاني

[MohammedAladel]

لو كاتب فى ورقة التحويل إسم صحيح ورقم حساب خطأ إستحالة يتم التحويل وهيتصلوا بيك لأنه هو بيراجع قبل ما يدخل الفلوس مش بطاطا يعنى متخفش واتصل بيهم فى أسرع وقت

[waelfarid]

+1
لكل اللي فوق بالاضافة الي
لما تيجي تبعت اول مرة فلوس لحد متبعتش مبلغ كبير جرب بمبلغ صغير مية ميتين مش حتخسر غير فلوس التحويل الدوبل ومواصلاتك للتحويل ومكالمة تليفون زيادة ولما ترشق في العنوان مضبوط ابقي حول زي مانت عايز يا نجم وان شاء الله يتدارك الخطأ

[walidzakzok]

في البنك اللي في مصر قاللولي ان المهم هو الاسم مش رقم الحساب ولو رقم الحساب غلط مش مشكلة!!!!!!!!!